أدخلي من فضلك ..

[أم الوجيه]

أهلين و سهلين ..
خطيب بنتي جانا و قال إن أخوه مسافر و يبغى يسوي العقد قبل سفر أخوه عشان يحضر .. و قال إذا بتسون شبكه بعدين سووا اللي يريحكم لكن هذا العشاء عقد قران ( عند الرجال ) و تعارف للنساء ماراح يجي إلا أمي و أخواتي و زوجات أخواني و خلي خطيبتي و أمها و خالاتها يجون عادي و بملابس العيد ..
اشتريت لبنتي فستان ناعم ..

لكن الحقيقة إن هذا شئ غريب و مو متعارف عندنا فما أعرف كيف أتصرف نجي مع بعض أنا و بنتي العروسة و لا أخليها تجي بعدنا عشان تكون لها طلة خاصة ( علما ً أن لقاءنا هذا في فندق بسيط ) .. أجيب معاي شئ و لا لا ...
علما ً بأنه كان المفروض إننا نسوي شبكه لكني ما استعديت لضيق الوقت من جهة و لأني ما عندي فكره عن ظرف أخوه فكان على بالي أسويها في آخر الشهر ..

السؤال الثاني ألبس بلوزة و تنورة زي ما قال من ملابس العيد و لا تتوقعون يكونون مستعدين أكثر و جايبين مسجل مثلا ً و الله إني محتارة ..أفيدوني اللي عندها فكرة أو اللي عندها اقتراح لي و لبنتي :33:

 

[أم الوجيه]

وين الردوووووووووووووووووووووووووود ؟ !!!!!

 

[أثير الهداية]

من وجهة نظري فرحة بنتك مرة وحدة \ وهي عروسة وأكيد عريسها بيشوفها ذاك اليوم .,
عشان كدة أعمليلها كل شي من اثقله ., خليها تعيش فرحتها ..
وانتي نفس الشي .. البسي من اغلى شي تقدري عليه .,

ماتعرفي كيف يكون وضعهم هناك

لو هم كانوا عاملين فوق اللي انتي متوقعته > تكوني مجهزة نفسك
ولو كانوا عاملين زي ماقالوا مافي شي كثير > تكوني فرحتي ببنتك وفرحتيها .,


ربي يوفقها وعواتك ربي يتمم لي على خير​

 

[honey heart]

بالتوفيق لبنتك العروسه وانة شالله البنات يفيدونك

 

[شذا الأزهار]

من رأيي لأن هذا الشيء شفته كثييييير عند عوائلنا..
إنها حفلة خطوبة صغيرة بس صح؟
إذا كنتي تقصدين كذا فأنا أشوف إنك وبنتك كلكم تلبسون فساتين ناعمة زي اللي في مانغو
أو زارا....وأخوات العروسة فساتين قصيرة ( من رأيي ان الفساتين الناعمة صارت تنلبس حتى في العزايم والسهرات العادية والاعياد)
حتى شعوركم لا تتكلفوا فيها وبنتك خلي الكوفيرة تسوي لها استشوار ورفعة بسيطة وميك اب ناعم..
وطبعا تكاليف الضيافة عليك ياام العروسة تخلي الفندق يجهزون لك الضيافة وانتي خذي معاك صحون تشوكيلت وزعوها عليهم... والعشاء عليكم ايضا أتوقع لأنهم ( ضيوفك).. وعادي افتحوا مسجل اي شي يعبر عن فرحة عقد القران وغطرفوا إذا دخلت بنتك، والعروسة تقابل العريس دقايق بس للتعارف..


وبعدها راح تصير الشبكة الحفلة الكبيرة (زي ماقلتي) في ذاك الوقت ياعسل تكبريها شوي ،وخلي بنتك تعزم صديقاتها واعزموا الحبايب كلهم وتكلفوا في الفساتين والتسريحة والميك اب وزفة ومسكة ومصورة وكيكة الخطوبة وووو... ويلبسووون الدبل وهكذا..
في الشبكة الكبيرة اتوقع ان اهل العريس لهم ايضا دور بس يمكن في العشاء بس الضيافة طبعا عليكي.
طبعا هذا متعارف عندنا في المنطقة الغربية ماأدري عنكم ياعسل..
وبالتوفيق والله يسعدكم.