أدخلي بسرعه وشوفي المشروع الجديد

[أم القسام]

مراااااااااااااااحب
عندي فكره وحبيت أنكم تفيدوني يا خبيرات

عندي مشروع مخبز و أريد منكن عمل دراسة جدوى للمشروع

و ماهي الادوات اللي لازم أشتريها للمشروع

و ماهي أنواع الخبز و الحلويات اللي ينتجها المشروع

و أأأأأأأأأأأأأأأأأأأأأأأأأأأأأأأأأارجوكن لا تخيبن أملي فيكن:10:

 

[أم القسام]

الله يسامحكن 9 زيارات ولا وحده ردت على الموضوع لهذه الدرجه موضوعي تافه أنا اريد أحسن دخلي ضروفي صعبه للغايه وعندي أيتام أربيهم

 

[سوسو ناصر]

موفقه اختي

 

[نظرة الطفلة]

والله مافهمت عليك تبين أنتي بالبيت أو تفتحين محل مخبز

 

[ازابيلا]

تبغي تفتحيه في البيت ولا محل برا <<<مافهمت وضحي الله يسعدك

 

[أم القسام]

تبغي تفتحيه في البيت ولا محل برا <<<مافهمت وضحي الله يسعدك

أقصد أريد أفتح محل في السوق
أرجوكم ساعدوني

 

[sp!cey g!rl]

أولا حددي شو تبين ينتج المخبز لان في وايد اشياء
مثلا ..
الخبز:
-خبز عربي (اسمر-ابيض)
-خبز افرنجي
-صمون (صغير-كبير-عادي-بالحليب)

الحلويات:
-بيتي فور
-كيك
-بقلاوة
-بسبوسة

مخبوزات ساخنة:
-مناقيش
-صاج
(بتحتاجين افرران خاصه)

حددي انتاج المخبز لان هالشي مهم عشان تعرفين شو المعدات الي تحتاجينها

بس بشكل عام بتحتاجين الى:

مكاين للخبز (في نص اتوماتيك وفي فل اوتوماتيك )

مكاين للعجن (للصمون أو الكيك والبيتي فور)

قوالب للكيك والبسكوت

أفران

صواني للأفران

أهم شي الغالية انج توفرين ايدي عامله خبيرة ومتقنه لشغلها وبعد توفرين مواد للخبز ممتازة
يعني اعتمدي على النخب الاول في شراء الطحين والسمن وغيرة لان يأثر ع الطعم بشكل كبير
وطريقة العرض والتغليف بعد مهمه وتاثر في النفسية وتعطي للناس انطباع عن الاكل بشكل سريع


ان شا الله اكون افدتج..واي سؤال انا حاظرة

 

[هتون]

حبيبتي اذا انت من ابوظبي روحي مؤسسة خليفة لدعم المشاريع وهناك بيساعدونج وايد .