dody fayed
New member
- إنضم
- 2011/07/27
- المشاركات
- 161
أهلا بالأميرات وبالملكات حبايبى وأصدقائى
اليوم جايبلكم فكرة وحابه أننا كلنا نعملها مع بعض
كل يوم فى رمضان نقول هنفطر ايه النهاردة أو فطرنا أيه النهاردة و نقول كمان وصفات كل صنف من الأكلات الى عملناها بالتفصيل علشان كلنا نستفاد من بعض ونسأل بعض على الى مش عارفينه وبالفكرة دى هتلاقى عندنا تنويع وأفكار لأن ساعات فى كتير مننا يحتار هطبخ أيه النهاردة؟
وخصوصا لو عندكم زوج مثل زوجى سايب أختيار الأكل كل يوم عليا ويقولى أتصرفى أنتى كأنى مخلفاه ونسياه ههههههههههههههه بس أعمل أيه بحبه وبموت فيه ربنا يخليهولى ويخليلكوا أزواجكم المهم يلا نبدأ من النهاردة وانا هبدأ بنفسى أحب بس أعرفكم حاجة قبل ما أبدأ إنى مصرية وهعمل كل أكلى مصرى وألى مثلا ممكن مع اختلاف اللهجات متفهمش بعض الكلام أسألونى وأنا أقولكم فى أى حاجة أنا تحت أمركم
يلا معايا بسم الله
(أمس انا سويت طاجن أرز معمر بالدجاج وصينية بطاطس بالدجاج)
أولا طاجن الرز المعمر بالدجاج
المقادير:-
دجاج على حسب الأفراد بس يكون مقطع أربع
رز مصرى مغسول جيدا ومصفى
5 ملاعق سمن
ملح + فلفل
حليب
الطريقة:-
نحضر الطاجن وندهنه سمن من القاع وبعدين نحط كمية رز بكبشة اليد وبعدين نحط قطة أو قطعتين دجاج على حسب حجم الطاجن لو كان كبير نحط قطعتين يعنى نصف دجاجة ولو كان صغير نحط ربع دجاجة وبعدين نرش ملح وفلفل على وجه الدجاج وبعدين نحط الطبقة الثالثة رز بحيث يغطى الدجاج فقط مش لأخر الطاجن علشان نسيب مكان للبن ميبقاش مليان للأخر علشان الرز والدجاج ينضجوا جيدا وبعدين نجيب الحليب ونحطه فى طبق غويط ونحط عليه شوية مياه ونحط ملح وفلفل ونقلب وبعدين نضيف الحليب على الطاجن الى فيه الرز والدجاج ونكون مسخنين الفرن قبلها ونضع الطاجن فى الفرن بس تكون النار عالية من تحت وواطية من فوق شمعة علشان متحرقش الوجه ولما الطاجن يشرب الحليب كله ويحمر من الوجه نوطى النار من تحت ونطلع الطاجن من الفرن نشوف الرز لو نضج نسقيه بالسمن ونغرزة بالملعقة بحيث الثمن يوصل للقاع ولو لسه منضجش نحط عليه شوية مياه بسيطة ونسقيه بالسمن بردة وندخله الفرن تانى ونغطية ونستنى كمان ساعة ونفتح عليه هنلاقية طايب هو والدجاج وكمان الرز هيبقا مفرفر وجميل وطعمه رائع
نيجى بقا لصينية البطاطس
المقادير:-
نصف دجاجة مقطعة ربعين
3 حبة بطاطس ألى هى البطاطا بلهجتكم متقشرة ومتقطعة حلقات
2 حبة بصل كبيرة متقطعة شرايح
4 فص ثوم متقطع شرايح
ملح + فلفل
عصير طماطم
الطريقة:-
أولا نجيب صينية ونحط فيها البصل والثوم المقطع شرايح وبعدين نحط عليهم الملح والفلفل وندعكهم ة ببعض كويس بأيدينا وبعدين نرص قطع البطاطس الدواير عليهم وبعدين نحط الدجاج على الوجه وبعدين نضيف عصير الطماطم فى الأخر بحيث يغطى وجه الصينية بأكملها علشان الدجاج والبطاطس ينضجوا جيدا وطبعا نكون مسخنين الفرن ونحط الصينية فيه وأيضا نعلى من تحت ونوطى النار من فوق ولما تغلى الصينية نوطى عليها من تحت لغاية ماتنضج بأكملها وبعدين نعلى الفرن من فوق ومن تحت لغاية مايتحمر الدجاج والبطاطس كمان تكون وجهها أحمر وطبعا تشرب الطماطم كلها انا أحبها ناشفة
وبالهنا والشفا يارب يكون عجبكم طبختى
وأكلنا جمبها جرجير ومخلل وعصير مانجو وعملت صينية كنافة بالقشطة والعسل تستاهل بقكوا هبقا أكتبهالكم فى قسم الحلويات
ولا تنسونى بدعواتكم اللهم أرزقنى انا وزوجى بالذرية الصالحة انا والمحرومين جميعا
اليوم جايبلكم فكرة وحابه أننا كلنا نعملها مع بعض
كل يوم فى رمضان نقول هنفطر ايه النهاردة أو فطرنا أيه النهاردة و نقول كمان وصفات كل صنف من الأكلات الى عملناها بالتفصيل علشان كلنا نستفاد من بعض ونسأل بعض على الى مش عارفينه وبالفكرة دى هتلاقى عندنا تنويع وأفكار لأن ساعات فى كتير مننا يحتار هطبخ أيه النهاردة؟
وخصوصا لو عندكم زوج مثل زوجى سايب أختيار الأكل كل يوم عليا ويقولى أتصرفى أنتى كأنى مخلفاه ونسياه ههههههههههههههه بس أعمل أيه بحبه وبموت فيه ربنا يخليهولى ويخليلكوا أزواجكم المهم يلا نبدأ من النهاردة وانا هبدأ بنفسى أحب بس أعرفكم حاجة قبل ما أبدأ إنى مصرية وهعمل كل أكلى مصرى وألى مثلا ممكن مع اختلاف اللهجات متفهمش بعض الكلام أسألونى وأنا أقولكم فى أى حاجة أنا تحت أمركم
يلا معايا بسم الله
(أمس انا سويت طاجن أرز معمر بالدجاج وصينية بطاطس بالدجاج)
أولا طاجن الرز المعمر بالدجاج
المقادير:-
دجاج على حسب الأفراد بس يكون مقطع أربع
رز مصرى مغسول جيدا ومصفى
5 ملاعق سمن
ملح + فلفل
حليب
الطريقة:-
نحضر الطاجن وندهنه سمن من القاع وبعدين نحط كمية رز بكبشة اليد وبعدين نحط قطة أو قطعتين دجاج على حسب حجم الطاجن لو كان كبير نحط قطعتين يعنى نصف دجاجة ولو كان صغير نحط ربع دجاجة وبعدين نرش ملح وفلفل على وجه الدجاج وبعدين نحط الطبقة الثالثة رز بحيث يغطى الدجاج فقط مش لأخر الطاجن علشان نسيب مكان للبن ميبقاش مليان للأخر علشان الرز والدجاج ينضجوا جيدا وبعدين نجيب الحليب ونحطه فى طبق غويط ونحط عليه شوية مياه ونحط ملح وفلفل ونقلب وبعدين نضيف الحليب على الطاجن الى فيه الرز والدجاج ونكون مسخنين الفرن قبلها ونضع الطاجن فى الفرن بس تكون النار عالية من تحت وواطية من فوق شمعة علشان متحرقش الوجه ولما الطاجن يشرب الحليب كله ويحمر من الوجه نوطى النار من تحت ونطلع الطاجن من الفرن نشوف الرز لو نضج نسقيه بالسمن ونغرزة بالملعقة بحيث الثمن يوصل للقاع ولو لسه منضجش نحط عليه شوية مياه بسيطة ونسقيه بالسمن بردة وندخله الفرن تانى ونغطية ونستنى كمان ساعة ونفتح عليه هنلاقية طايب هو والدجاج وكمان الرز هيبقا مفرفر وجميل وطعمه رائع
نيجى بقا لصينية البطاطس
المقادير:-
نصف دجاجة مقطعة ربعين
3 حبة بطاطس ألى هى البطاطا بلهجتكم متقشرة ومتقطعة حلقات
2 حبة بصل كبيرة متقطعة شرايح
4 فص ثوم متقطع شرايح
ملح + فلفل
عصير طماطم
الطريقة:-
أولا نجيب صينية ونحط فيها البصل والثوم المقطع شرايح وبعدين نحط عليهم الملح والفلفل وندعكهم ة ببعض كويس بأيدينا وبعدين نرص قطع البطاطس الدواير عليهم وبعدين نحط الدجاج على الوجه وبعدين نضيف عصير الطماطم فى الأخر بحيث يغطى وجه الصينية بأكملها علشان الدجاج والبطاطس ينضجوا جيدا وطبعا نكون مسخنين الفرن ونحط الصينية فيه وأيضا نعلى من تحت ونوطى النار من فوق ولما تغلى الصينية نوطى عليها من تحت لغاية ماتنضج بأكملها وبعدين نعلى الفرن من فوق ومن تحت لغاية مايتحمر الدجاج والبطاطس كمان تكون وجهها أحمر وطبعا تشرب الطماطم كلها انا أحبها ناشفة
وبالهنا والشفا يارب يكون عجبكم طبختى
وأكلنا جمبها جرجير ومخلل وعصير مانجو وعملت صينية كنافة بالقشطة والعسل تستاهل بقكوا هبقا أكتبهالكم فى قسم الحلويات
ولا تنسونى بدعواتكم اللهم أرزقنى انا وزوجى بالذرية الصالحة انا والمحرومين جميعا
