أخيرا قدرت اتأقلم مع وضع زوجي .. لكن أحتاج نصائح الخبيرات في الحياة الزوجية ..

[زهوووور الريف]

الله يجزاك خير اختي غاية على المداخلة المهمة وهو الحمد لله من ناحية الاشياء الاساسية يوفرها لنا لكن المشكلة انه يبي كل شي يشتريه لنا هو على حسب اللي يناسبه هو .

 

[زهوووور الريف]

وااااو
ايش هذا يابنات
قريت الموضوع اللي في الرابط شي عجييييب
كانهم يتكلمون عن زوجي ... يمه شي يخوف ! اختلافات بسيطة بس!!!!! .
من امس للحين قاعدة اقرا في الموضوع وما خلصت طايرة عيوني
بس فيه سؤال : هذي المعلومات من وين جابوها ؟
والاخت دانة الخليج شلون عرفت هذي الاشياء وهي ما تزوجت بعد خاصة الامور الخاصة بين الزوجين
ووينها الحين دانة الخليج ليش موقوفة حسافة عندها علم ومعلومات مفيد. ودنا نستفيد منها
وطبعا ما انسى اشكركم خواتي على نصايحكم الثمينة جدا
وخاصة اختي اللي دلتني على الرابط فقد كانت حياتي الزوجية على حاااافة الانهيار وعلى ما كثر قرات لكن مثل المعلومات اللي هنا ما شفت ماشاء الله تبارك الله ويا حسافة سنين عمري اللي راحت بالحزن والبكي من ورى هالزوج الشمالي بسبب جهلي بصفاته ... صج العلم نور والجهل ظلام

ياربي توفق كل وحدة ساعدتني ونصحتني وبارك لها في عمدها وعملها واجعلها قرة عين لزوجها واجعل زوجها قرة عين لها يارب .
والحين بروح اكمل الموضوع بشوف هالشمالي شعنده بعد

 

[للحياة معنى]

مثل زوجي بالضبط؟؟؟؟؟؟؟؟؟؟؟بس دايم قوليله انه الان فرصه نطلع ونسافر سواء

 

[رافعةراس ابوها]

تنازلتي عن حقوقك بدايةالزواج لاتتنازلي عن واجباتك نصيحةتري بتسيرين زي اي قطعةاثاث بالبيت

 

[زهوووور الريف]

اختي للحياة معنى :
الله يعينا ويصبرنا يارب .
والله نصيحتك عجبتني بس يبغالها جرأة شوي لان العلاقة بيننا متوترة جدا هالايام ونفسي طاااايبة منه . لكن ان شاء الله بستعين بالله وباعمل بنصايحكم انتي والاخوات جميعا وان شاء الله ابشركم بالأخبار الزينة يارب .

 

[زهوووور الريف]

اختي رافعة راس ابوها :
كلامك خوفني بس مافهمت ياليت توضحين اكثر الله يجزاك خير يارب .

 

[زهوووور الريف]

ولازلت أقرأ في موضوعات الشمالي

 

[زهوووور الريف]

طيب خواتي انا اقتنعت بنصائحكم وطلبت منه فلوس حق أغراض مهمة جدا للبيت صار لي أكثر من سنة وأنا أطلبها منه وهو يبي يشتريها من مكان رديء و كنت استسلمت وبغيت أبطل لكن لما نصحتوني غيرت خطتي ورجعت أطلب منه وأخيرا اقتنع بعد نقاشات طويلة ومملة ومتعبة وأعطاني الفلوس .... لكن ... زعلان ومعصب و لا يطالع في وجهي ولا يطلب مني شيء صرت كأني أنا الظالمة اللي ماكلة حقه بالغصب وهو المسكين ... أمس بكيت لحالي بكيت بكيت وقعدت أشاهق بدون شعور ... يارب شسوي الحين حتى الأغراض اللي كنت أبغاها للبيت غيرت المواصفات اللي كنت أبيها عشان خاطره ع أساس أراضيه وللحين زعلان مع اني أحاول أكون طبيعية معاه وأسولف وأنكت لكن موراضي يرضى .... يارب رحمتك ..معليش خواتي سامحوني على كثرة الحكي لكني لو ما فضفضت لكم بنفجر وبيصير فيني شيء ...