أخيرا فرجت ولله الحمد

[مهاجرةبإحساس]

بسم الله الرحمن الرحيييم​

السلام عليكم ورحمة الله..
اللهم لك الحمد حتى ترضى ولك إذا رضييت ولك الحمد بعد الرضا..

ماراح اطول عليكم...
انا متزوجه من ثلاث سنوات ونص.. ولسى ماحملت الى الحيين
المشكله عند زوجي..
بس مو راضي يستمر على اي علاج فتره طويله.. يمل بسرعه ويتركه
ويااائس مره
رغم ان الدكاتره طمنوووه انو في زي حالته كثيير وتعالجوا ..
المهم كنا مقررين نسوي عملية انااابيييب بشهر 11 قلنا بناخذ قرض ونسويها..
المهم احنا من فتره طويله رحنا المستشفى العسكري وأدونا تحويييل ع الرياااض بس تعرفوون المستشفيات الحكوميه يومهم سنه..
كنت غاسله يدي منهم..
لكن الحمد لله امس الظهر دقوا علينا وقالوا عندنا موعد ف الرياض بعد 10 اياااام 14-9

اللي عندها خبره الله يسعدها ترد علي..كيف طريقتهم في المستشفيات الحكوميه..
-هل يسووونها ليا ع طووول
او
-يقولون لي اجيهم بعد يومين من دورتي الجايه
ولا- - كمان يدوني موااعيييد ويسحبووون فينا

احاسيسي غريبه ومشاعري متناقضه ... مرااات احس اني بطيير من الفرح
ومرااات اقووول ياليتهم ماتصلوا الحين
اخاف ما تنجح.. اخاف يسحبون فينا بالمواعيد وتحترق اعصابي
واحياانا احس اني ما ابغى اخلف من زوجي..استغفر الله العظييم
عشان حياتنا مو مستقره.. احيان ودي بطفل يملا علي حياتي واخاف يزيد همي هم ويكون سبب لنكدي..

اللهم لك الحمد كما ينبغي لجلااال وجهك وعظييم سلطاانك

​

 

[ABOOORH]

والله ما عندي خلفية عن المستشفيات الحكومية

ليش تفكري كذا حبيبتي يمكن سبب عدم الاستقرار في حياتكم هو الطفل انتي تريدي وهو يريد بس محد يصارح الثاني

الله يرزقك بالاطفال انشالله وتعيس في راحة وسعادة مع زوجك التزمي الاستغفار وسيرزقك الله من حيث لا تحتسبي

 

[الزوجة العفيفة]

حبيبتي الله يسعدكم ويرزقكم الذرية الصالحة المعافاه ..

 

[ِضيــآءْ]

لأ طبعا يااختي مايسووها ع طول
لزوم يعطوك مواعيد جلسات تنشيط ومتابعة التبويض مع بداية الدوره

ربي يكتب لك اللي به الخير دنيا وآخره
ويرزقك من وآسع فضله بهذا الشهر الكريم​

 

[مَلآمِحْ حُلمْ]

و الله ماعندي معرفه
بس الله يكتب لك الخير و يرزقك ما تتمني
دعواتك,,​

 

[مَلآمِحْ حُلمْ]

ايوا نسيت
في موضوع مثبت بهذا القسم
عن تجربه الاطفال الانابيب
يمكن يفيدك بإذن الله​

 

[مهاجرةبإحساس]

عبوره ... الزوجه العفيفه... ضيااء ... بنت المريخ
جزاكن الله الجنه .. ورزقكن اكثرررر مماتمنون

 

[مريوم الحلوه]

انا حماي عملوها في العسكري بالرياض وماطولوا مجرد ماعطاهم تحويله راحوا بس اللي خلوهم يتأخرون ان التحليل كانت ناقصه لازم تكون عندج كل التحاليل لج ولزوجج عاد ماادري كيف الطريقه والمهم هو اشعه الصبغه لان مايسوون اطفال الانابيب الا بالصبغه

وبس وعلاجهم حلو ويهتمون حيل والحمد لله الحين عندها توائم
ويمكن بعد يجمدون لكم اجنه وبعد كم سنه يدقون عليكم ويقلون لكم عندنا لكم اجنه مثل حماي
اذا حبيتوا طبعا
الله يرزقج ويرزق كل محرومه يارب ياكريم

 

[مهاجرةبإحساس]

مشكوره مريوم .. الله يسعدك يارب..
بس كيف يعني تجميد الأجنه

 

[dody fayed]

اللهم يرزقك ويوفقك انتى وزوجك وتبقى حامل عن قريب انشاءالله ويفرح قلبك أنا بس دخلت علشان أدعيلك

 

[يفداني بقلبه]

الف الف الف الف مبرووووك
الحمدلله
الله يوفقك ويرزقك الحمل السليم بتوام حلوين ياااااااااااارب
كم صار لك من سويتي التحويل لهم لان افكر اسوي بالحكومه
طولوا والا فتره معقوله
​

 

[قطرة ندى**]

الله يوفقك يااااااارب ويسوي الي فيه الخير لك وله بحق هذا الشهر الفضيل عند رب العالمين

 

[مهاجرةبإحساس]

قطرة ندى .. جزاك الله الجنه.. وحقق لك ماتتمني..

يفداني .... من اول ما طلبنا التحويل لنا ثلاث شهووور..

اللهم فرج همي وفرج هم المهمووووومييييين..

 

[اطراف البدايه]

ياربي يفرح قلبك وقلب زوجك بالحمل
الله يرزف جميع المنتظرات

 

[اميرة مميزه]

الله يرزقك يارب ويتمم عليك وليش ماطلبتي حقن مجهري اضمن واكثر نسبة نجاح من الانابيب
لكن ماعليك سويها وان شاءالله تحملين بس اهم شي سويتي الاشعه الصبغيه عشان تعرفين شو سبب عدم حملك وهل رجلك عنده ضعف والله يكتبلك الحمل ويرزقني انا وانتي وكل المسلمات انا مثلك لي 3 سنوات ماحملت

 

[كتكوتة 2009]

الله يجبر خاطرنا وخاطرك

 

[شظـايا شوق]

الله يرزقك ياااااااااارب ويفرح قلبك وقلب زوجك وكل محرومه بالذريه المعافاه

 

[يفداني بقلبه]

ثلاث شهور لا باس بها

 

[عآنيت بسكآت]

سبحان الله معقوله في حاجه اسمها تجميد الاجنه
ربي يتتمهآ على خير ويرزقك ماتتمنين وكل محرومه يارحيم​

 

[بشرى السعد]

الله يسهل امرك