أخوي .. بيهدم بيته

[أمل أمه]

السلام عليكم ورحمة الله وبركاته

يااخوات عندي مشكله اخوي ابيك تشورون شلون احلها .................

بدأت لما اختي اللي اصغر مني اخذت لاب توب اخوي وراحت تتعبث ولقت محادثات المسانجر مخزنه

ويوم قرتها لقت ايميل اخوي ورقم جواله حاطه عنوان الايميل !!!!!!!!!

المهم اقرت انه يكلم وحده وقاعد يتصلها ولاترد ويكلم صديقتها ويسالها عنها وبعدين يكلم صديقه ويساله عن مكان

مغلق لانه عازم على قولته ( الحب ) ..

المشكله ان اخوي متزوج وعنده طفلين وزوجته للحين ماعرفت شي بس( انا واختي ).. ابي احل الموضوع بدون زوجته

لاتدري لانها جدا طيبه وحساسه والله ماابالغ الكل يحبها وعلى قولتهم بنت حلال وسيده .. وتعرفون عاد جرح

الخيانه شلون يذبح .. المشكله ان اخوي هذا ملتزم وقبل الزواج ماكان له علاقات بس الحين الله يهديه حتى اغاني صار يسمع ..

بنات شسوي ..

اكلمه واشرح له انه عيب وحرام وكما تدين تدان ..!!:thumbdown:

والا ابلغ الوالده لانها تحب مرته واايد وماراح ترضى باللي يصير وبتخيره بين رضاها عليه والعلاقه !!!:no:

والا اخذ ايميل البنت واكلمها ماسنجر واعلمها انه ماتزوج واقولها تبعد ؟؟:sly:

 

[نسائيات]

مرحبا بك اختي الغاليه
اسعدني حرصك على مشاعر زوجة اخيرك بارك الله لك في هذه المشاعر الطيبة
اختي نصيحتي لك ان تصارحي امك وبشكل مباشر وتجلسون معه جلسة مصارحه ليبتعد عن هذه الفتاه
اخيك حاله حال الكثيرين هذه الايام صارت النساء العابثات في الانترنيت مثل الذباب على قطعة حلوى فهن كثيرات ولن تحفل هذه الفتاه ان كان اخوك متزوج او غيره
هناك نساء عابثات متزوجات
فعليكم بعدم اخبار زوجته في الوقت الحالي فقط ان تكلموه بينكم انتم فقط
واخبروه بانكم سمعتم ومتاكدين لا تخبروه ان شقيقتكم رات المحادثات لانه سينالها الضرب منه

 

[البسمه]

والله صراحه انتي ونعم الاخت واقفه مع الحق ومارضيتي بالغلط, الله يجزيج كل خير صراحه الوحده نادر تلاقي اخت زوجها توقف مع الحق.

 

[أمل أمه]

والله يااخوات انا من دريت مااقدرت حتى انام احس بقهر

كانه موضوع الخيانه يخصني مايخصها ..

المشكله انه توه صارلهم سنتين ونص زواج مايمدي خيانات وقصص حب جديده

وهم متزوجين قبلي بشهرين مااتخيل لو اشوف زوجي مسويها صج بانهار ..

عموما اخذت بمشورة حكاوينا جزاها الله خير .. وكلمت الوالده انصدمت

وقالت بواجهه انا واياها .. والله يستر اخاف يزعل ويعاند ويصر على العلاقه

او يحط حرته بالمره وهي ماتدري شسالفه !!!!

اختي البسمه مشكورة على الاطراء اسعدني جدا

انا قريب بشتغل بمجال الدعوه الى الله والواحد اولا يصلح بيته عقب يسعى باصلاح الناس

وزوجي كان يهدد يبي يزوج علي قلت لاخته ساعدتني بالموضوع والحين شايله لها الجميل

اغلب الرجال يقتنع من كلام خواته واهله ..

 

[نعوومي]

اتصدقيـــــــــــن انا مرت على نفس حالتج

وحرمتة مسكييييييييييييينة

ف حااااااااااااااااااالها لا تهش ولا تنش واخووووووووووي الله يهديه

ف يووووووووم كنت بالبيت وسمعت صوووووت داخل غرفة ااخوي القديمة وانصدمت انه يالس يكلم وحدة

ويلست افكر احنا فيها المسكينة وف بنته المهم ما خبرت حد


ف مرة نسى تلفوونة ف البيت او بالاحرى ينسااااة عندنا عشان لا اتجكه حرمتة ما يعرف ان عندة رااادار

اكبر من الرادار الي بالبيت خذت التلفووووووووون وشفـــــــــــت بلاوي سودة المهم خذت الرقم كان محطي الاسم حرف بس


تتوقعون شو سويت ؟؟؟؟ كان ايام ما كنت بالكلية اشترت بطاقة مال التلفون العمووومي ودقيييييييييييت

من التلفون العمومي وردت يوووووووم ردت مسحت بكراااااااااااامتها الارض نظفتها عدل بس قوووووواة ويه فيها كانت اترد على بوقاااااحة


وقلت انا حرمتة لو ما ابتعدتي عنه بفضحج قالت وبوقاحة اعلى ما بخيلج اركبية وبحكم اني شفت صورها بتلفوون اخوووي

فقلت لوو ما صكيت عن ريلي بنشر صووووووورج عند الي يسوى وللي ما يسوى ووصفت لها صورتها صكت التلفون بويهي حسبي االله عليها وما عرفت عنها شي بس بعدةاخووي على حااااااااااله ما تغير إذا مش هي فيه غيرة

المهم انتي المفرووووووض اتخبرين امج وهي تحل المساله واتحملي حرمة اخووج تدري .؟؟؟ مسكينة

 

[أمل أمه]

والله بنات الحرام استغفر الله كثرو هاالايام


الوحده مايهمها شنو نهاية العلاقه اهم شي تستانس وطلعات وعزايم وهدايا وجنس


وتشبع عقب تقوله خلاص في غيرك يدفع اكثر ..



ماشاء الله عليج نعوومي كلمتيها ..انا حدي ماسنجر ..


اول شي قلت يمكن بنت تكون اول تجربه لها بنات ناس وبدخل لها من باب النصيحه


بس يوم شفت ان صديقاتها تدري والسالفه فيها


عزايم قلت هذي من النوع الثاني ..


ما انزل نفسي لمستواهم يااختي نفسي اعزها عن هالاشكال ..


اما اخوي على نياته مايدري وين الله حاطه اخبره ..


شكله طاح على وحده مب هينه

 

[شـغـف]

ما أشد غباء الرجال!

 

[بىبى]

عزيزتى أمل امة ...مثل ماالاخوات قالولك فعلا مش لازم زوجة اخوك تعرف السالفة ممكن الموضوع يتفاقم ..وإقتراحى انك تهددينها على الماسنجر (ما ادرى ليش عندى احساس انها تشتغل مضيفة) وقوليلها انج زوجته وتدرين كل شى ،اذا اما بعدت سيكون لك تصرف اخر ...والله الموفق .

 

[النورس الأبيض]

ماشاء الله عليك اختي
صراحه كبرتي في عيني وايد الناس الي مثلك صارو نادرين ......الله يجزيك خير الجزاء

 

[أمل أمه]

(بىبى ليش مضيفه )

هالاشكال ليش اتشتغل وعندها ناس تصرف عليها؟؟



النورس الابيض رفعتي معنوياتي .. يااختي انا حساسه جدا وموظفه هالطبع فيني باتجاه الخير


انزين شرايج اني مره كنت بمستشفى وناسيه البلوتوث مفتوح لاني كنت بالطواري مع بنتي تعبانه


واسمي بالبلوتوث ( مغرورة بس معذورة ) اخذته من المنتدى عشان اقهر زوجي ... وانا بالمستشفى جاني بلوتوث


يوم طلعت الممر انادي النيرس ..المرسل كان واحد متزوج وولده ماسكه مع يده مريض لقيته يتلفت والله بغيت اهد عليه


وامسح به البلاط متزوج وولدك مريض وترقم

 

[عنقود عنب]

اذا التزووجين يتصرفون بهذه الطريقة الصبيانية والوقحة

اجل ما نلوم الاولاد الصغار لما يسون علاقات !!!

 

[غاليه]

ماشا الله عليك اختي باين عليك قمه في الاخلاق واللي سويتيه هو الصح

الله يعطيك على قد نيتك

 

[نبراس الخير]

allah yiwafikkom lima fih alkhir
ana moch 3arfa lih arrajil yitjawaz madam nawi yokim 3alakat