أخوي الكبير كرهته زوجته فينا

[طالبة رضا ربها]

أخوي الكبير كرهته زوجته فينا تسب أمي وتغلط عليها وشويه وتضربها بس أخوي يمسكها شردت أمي من بيتنا أخوي ما عنده وظيفة عايش على الضمان بس كل شي موفرله حتى أمي عندها خدامة بس زوجة أخوي مسؤؤلة عن غرفتها وغسيلها والباقي على الشغالة المشكلة إنها دايما تتصل على أهلها وتقول كلاااام كذذذب يشيب له الراس :8: وتطلبهم فلوس على أساس إنها ماتت من الجوع هي وأولادها وتنزل تقضي مكياج وعطور وملابس لها وحدها وأولادها آخر شي تفكر فيه لما يوصل لنا هذا الخبر ونقول لاخوي تحلف أيمااان إنها ما طلبت ولا اتصلت وإنهم أرسلوها كذا وأخوي يقول إنتم ما تبغونها وأدنى مشكلة تقول بانتحر حسبي الله فيها وفي أهلها ونعم الوكيل والله العظيم يا بنات إنها تألف قصص عنا مدري كيف تجيبها أخوي الحين مهو طايقنا ولا طايق أمي ولافكر يراضيها مع إنها دايم تدعيله وفي وحدة مقربة منها مرة تقول لأخواتي أخوكم مسحوور وأأأوه لو تدرون عن مرت أخوكم وهي عندها مبدأ ( خذوهم بالصوت لا يغلبوكم ) ما عندها استعداد للمواجهة أو التفاهم وتعمل أي شي يرفع سكر وضغط أمي ولما تروح لأهلها كأنها النسمة أخلاق وتعامل مع زوجات إخوانها وأهلها وقمة الذوق ولاتسمح لأحد بازعاج راحة أبوها لأن عنده السكر الله يرينا فيهم عجائب قدرته لأن عمرهم ما قالوا احترمي عمتك وأخوات زوجك حتى في رمضان يجون خواتي وتفطر هي وأخوي في الغرفة ولما يكلمونها أخواتي تقول كله من أخوكم ومشاااكل من يوم تزوجت أخوي إلى الآن مع إنه كان عسكري وفصل لظروف حتى إن أبوها في البداية كان يقول أعط أمك 500زي الشغالة والباقي ل... أريد أن يرجع أخوي زي ماكان وخاصة مع أمي مع إنه ما يصدق فيها ورافض يروح لشيخ وأهلها يعنونها على الخطأ ولافيهم واحد حقاني .لاتحرموني ردودكم وآراكم يا حكيمات وقارئات المنتدى ( حسبنا الله ونعم الوكيل فيك يا ... وفي جميع أهلك وخاصة أمك وأبوك ):sad_1:

 

[ذهبيةة]

هذه و حدة مريضة نفسيا و زوجها هو الوحيد اللي لازم يوقفها عند حدها شكل أخوك شخصيته ضعيفة أمام زوجته و أهلها يعني شلون ما يراضي امه، دعوة الخير ياخذها من امه مو من زوجته هذا ما يخاف من الله، الغالية احسن حل انكم تتجاهلونها و كأنها مو موجودة، شوفو واحد من خوالك او الأهل يكون عقله كبير و خليه يحكي مع أخوك، اهم شيء خلي بالك من صحة أمك و الله يهدي اخوك للطريق الصواب

 

[ام المختار]

حسبي الله ونعم الوكيل ماتخاف من الله المشكلة في أخوكي لازم مايصدق كلامها ويظلمكم ويظلم أمه لان رضاها من رضا الله صدقيني كلامك أثر فيني الله المستعان فيه ناس غارتها الدنيا وما تحسب للموت حساب أخوكي هو الي مقويها عليكم لو كلنت شايفه أحترامه لامه كانت بتحسبلها ألف حساب والله يفرج عليكم

 

[quen]

سبحان الله يااهل الزوج امه وخواته مضلومات
ولا الزوجه تكون مضلومه
اختي انا من وجهه نضري لاتجادلوها الا اذا تعدت عليكم احقروها عشان تكسبون احترامكم وعشان ماتخسروا اخوكم
اما اخوك المفروض واي رجل يكون عادل الاهل لهم حق والزوجه لها حق اذا عندكم احد كبير وياثر فيه ليه مايكلمه
على الاقل خاطر الام
الله يهديه يارب واذا انتم كلمتوه مافي مشكله بس اهم شي اذا كان من النوع اللي يحقد او يقول لزوجته قالوا اهلي
لان مبين ان زوجته مسيطره نهائيا عليه فالافضل احد حكيم كانه طرف ناصح

 

[حلااميرة الزوق]

سجلى لها وبعد ان تسجلى لها الفاظها مع امك وطلب الفلوس من اخوتك واجهى اخوك وعلمى لوالدها حتى حديثها لاخيك بانها لم تطلب شى سجلية لااهلها هى عديمة الرباية واخيك عاق وضعيف الرجل الزى لايحن على والدتة حتى لو كانت شرسة لايستحق الاحترام او المحبة

 

[طالبة رضا ربها]

الله يجزاكم الفردوس كل من رد المشكلة كل من دق عليه ويعرف إنه بكلمه مايرد وأمي تبكي بحرررقة لأنها أول مرة تعيد برا بيتها تحب حوشها وأغراضها وغرفتها وأهلها أنكروا لما واجتهم أختي ووقفوا مع بنتهم وحلفوا زيها ناس ما تخااف الله والله إني كل ما أشوف أمي أتعب نفسيا مع إنها تصرف عليهم ومصروف الأولاد حق المدرسة عليها لكن لا حمدا ولا شكورا وهو رافض يخرج من البيت وحرمتنا من بيتنا حسبي الله ونعم الوكيل عندها تمثيل ودمووع تخليك تتبلكمين وما تصنفينها من البشر والله العظيم يا مواقف صارت إنها مارحمت عيالها وهم يبكون عندها والحيوانات المتوحشة أحن منها حاولنا معها بالطيب وبالنصح لكن ترد تبكي وترفع صوتها وتتحسب وتصيح وإحنا ما نعرف نمثل زيها ونرجع نسكت حتى أمي ماتقول لها ياعمة إذا بغت شئ قالته على طول حسبي الله فيها ونع الوكيييل هو حسبنا .

 

[البلوية]

حسبي الله ونعم الوكيل
لها في الحى شبية
هذ زي زوجة اخوي الكبير

 

[غرام انسانه]

حسبي الله عليها يارب تشوفون فيها يوم
الا الاممممممممممم عاااااااااااااااااااااااد
الزوجه بدالها مليون زوجه بس الاوم وش بدالها..؟؟

الله ينتقم منها يارب,,,

 

[رندا كووول]

ليش امك تخرج من بيتها
اخوك يستاجر لزوجته شقه او ملحق ويستقلوا عنكم او يقسم جزء من البيت يكون خاص فيهم..
وعااادي اذا اهلها ساعدوها ف المصروف هم عارفين ظروف زوجها مالكم حق تحرموها من مساعدة اهلها .
وامك الله يكون ف عونها تطنشها ولا تسمعلها .
الله يصفي النفوس

 

[دانة الشام]

وأنا أيضا مع رندا .. الحل أن يأخذ أخوك زوجته وأولاده وينتقلوا لسكن مستقل لو كان غرفتين ومطبخ وحمام... ازدد غبا تزدد حبّا >> تزاوروا ولاتجاوروا .. اطلبوا من شخص كبير في عائلتكم مثل خال لكم أو عم أن يجلس معه ويحدثه عن عقاب عقوق الوالدين ومكانة الأم والاخوات .. يجب أن يعود لأمك والبر بها مهما بذلتم من جهووود أما زوجته اتركوها منها لربها يحاسبها لاتأتوا على ذكرها أمامه مهما سمعتم منها .. وليأتي لزيارتكم لوحده مع أولاده أما زوجته لااااتدخل بيتكم ليقضي الله أمرا كان مفعولا وحتى تصفى القلوب .. علاقتكم بأخيكم وبسسسسسسسسسسس .. وربك شايف وعارف .. وتذكري هي تبقى زوجته أم أولاده لذلك قد لايرضى عنها السوء لذلك الافضل أن يغلق الانسان باب المشاكل بالتزام الصمت من جمييييع الاطراف .. المهم : أن يعود لأمك ويستسمح منها ويبرها .. ربي يصلح الحال.