أخووي .. وحش كاسر .. وش اسوي معه

  • بادئ الموضوع بادئ الموضوع !.روح.!
  • تاريخ البدء تاريخ البدء
!.روح.!

!.روح.!

New member
إنضم
2009/09/16
المشاركات
144
أغلبكم زوجي زوجي .. لكن مشكلتي أخوي ..!

والله يابنات بتطلع روحي من رجعيته .. وأفكارة الغربية ..!

وأكبرر شيء تسلطة متسلط متسلط متسلط لأقصى حد..

اللي يبغاه ياخذة .. رضى غصب .. يشوف نفسه له الحق في كل شيء

حتى لابتوبي أخذه مني صار كانه له وانا اتشحده يسمحلي استخدمه..!!..

ولوا بعارضة و أمنعه بالقوة.. والله يتكسر على راسي ..

عيب البنت تدخل النت والا يكون عندها جوال أولابتوب ..

بتقولون كيف صار عندي جوال ولاب ونت .. كل هذي حطيتها بحجة الدراسة وانا فعلا احتاجها

وكل بنت جامعية تعرف انها من أهم الاشياء .. ويقول اذا خلصتي دراسه خلاص منتي بحاجتها

والقهر انه راح وفرمت الجهاز بحجة الفيروسات رغم انه جديد وانمسحت بحوثي اللي لي اشهر اشتغل فيها

تأخر تسليم البحث بسبته.. ضاع شغلي وتعبي والاشياء اللي جامعتها بالجهاز وربي من القهر جلست طول الليل نياح واضربت عن الكلام ..

كلمته امي بس مو معطي مجال لاحد عنده حجج ماتنتهي

بعدها بيومين خرب الجهز وتدمر .. قلتله احسن ذنوبك ..

راح بيسويه وقال تبين شيء معين قلت فوتوشوب وفيستا

عصب: وشو له الفوتوشوب هذا حق بنات المنتديات وقلة حياء ويقول لأمي شوفيها تبغى البرنامج اللي يسوون به الصور (....) !! يعني اللي يركبون صور عارية ..!!!! ..

والفيستا أخس نظام وماني حاطة << بس يبغى يعاند وهو دجة مايفهم به الا الايميلات والدردشة ..

وعلى فكرة لو يدري ان عندي ايميل صارت نهايتي على ايده ..! قلتله ابغاه عشان اتواصل مع البنات قال لا .. قلت طيب اسلم تكاليفي لدكتورات عن طريقة قال ارسلي بايميلي .. مقفلها .. ومكرهني بكل شيء..

الخواطر ممنوع اكتبها عيببب .. والروايات أشتريها بالدس من البازارات .. كل شيء ممنوع

كرهت كل هواياتي بسبب الضغط والممنوعات .. والخوف من انه يدري عنها ويطين عيشتي
المولات والملاهي مانروح لها بحجة انها كلها مغازل وقلة حياء ..

مرة رحت انا وختي معاه لاحدى المولات.. شوية وعصب وأستعجلنا بسرعة يالله وطلعنا واحنا ماخلصنا
<< عادته دايما باي مكان ..

بس المصيبة بالسيارة .. لما قلت برجع لذاك المحل بخذ منه ..... عصب وقلب والله لو بس فكرتوا تروحون
لاحش رجولكم ومدري ايش .. << يهدد

طيب ليش وش فيه وش صار ؟؟

قال ماتشوفون قلة الحياء واللي يغازلوا واللي ووو..

طيب ماشفت وانا وش دخلني مالنا شغل بالناس وو

وربي ياهو قلب عليآ.. تمنيت بس أوصل البيت بسلامتي

ومن بعدها حرمت أروح معه بس مع ابوي رغم انو رجال كبير ويتعب بسرعة .. وكمان مانقولة وين رحنا..

لا وكمان اذا قلت ابغى الصيدلة او المكتبة.. بسم الله علينا يقلب وحش كاسر له شهر ما أفترس ضحية

بحجة عيب هذي اماكن رجال وش تبغين فيه ويجلس يطالع بشك .. ياربي وش ذنبي !!(أعشق المكتبات والكتب)

طيب فيه اشياء خاصة وشلون اقولة يجيبها.. والمكتبة لو أقولة جيب الغرب يجيب الشرق ..!

واذا مضطرة .. أكتب لسته طلباتي وتطلع روحي لما يجيبها .. واذا جابها تطلع نصها مو اللي في بالي

وأخر نكته من يومين رحنا السوق مع ابوي واخوي الصغير .. المهم اخوي اشترى معقم اليدين

ولما شافة معة عصب وقال تبون الولد يطلع خكري ..<< يعني الولد اللي يسوي نفسه بنت !!!!!!

وكل اللي في الصالة يعطونه ذيك النظرة اللي تبرد القلب << يعني وش هالتخلف ههههههههههه

هو الرجال وأحنا حريم وكل شيء عيب ..!
هو الوحيد اللي كذا بعايلتنا .. الله يخليلي أمي وأبوي وإلا كنا في خبر كان ..!


المهم كله كوم وانه ياخذ الابتوب حقي ويمسح بحوثي وشغلي كووم ثاني
والله ياهووو قهر مقطعني .. ولا انساه والى الان بحث التخرج معلق وكارهته وكارهه اني ارجع اشتغل فيه
رغم الاستاذه اعطتني مهله لكن كرهته .. وهمه ذابحني ودي اخلصه ..

^
^

كل ما سبق فضفضة

الفكرة انه عندي فكرة لتخلص من سطوته على الاب.. وكمان احرق دمه :30:

وهي اني قلتله أبغى ابيع لابتوبي محتاجه مبلغ كبير ابدخل دورة ..

عصب وهدد وياويلك

لكن مصرة وامي واقفه معي ( ماتدري عن الطبخة) .. عشان كذا طخ غصب عنه وسكت

وقال اصلا مافي وحده بتشتريه بقيمته هذي << انا قايله ع سعر خيالي عشان مايقول انا اشتريه ..!

قلت صاحبتي وافقت وش دخلك انت .. هي اللي بتدفع وماعندها مشكله

والطبخة اني بعطيها الاب فترة عندها لحد مايروح يشتري لاب او ينساه او اتزوج واحطة مع جهازي

المهم انه يشوفله صرفه بعيد عني .. وصاحبتي متفقه معي انها ترسل رسائل ع الجوال انها تبغاه وكذا ..

وش رايكم يابنات بالفكرة وااللي عندها فكره احسن تقول


 
ودي اسألك كم عمره ؟؟؟

انا اتوقع في الطعش او بدايات العشريناات عادي حبيبتي اخوي اللي عمره 19 كذا مع اخواتي

لاب توب مافيه وجواال بعد وصدقيني انا مستانسه لاني اخااف عليهم ويعجبني خوفه عليهم

حتى الاسوااق مو كل شوي يوديهم الا للضروره وهذا افضل وش مصلحة البنات من السوق كل شوي

لاتقولين اني رجعيه لكن انا عاقله واخوك بالذات اذا صار مرااهق يخاف عليك بس مايعرف يعبر ولايتصرف

الا بهاالاسلوب انتي انزلي لمستواااااااااااه ولاتعاندينه تلقينه يعطيك الشي بسهوله وحسسيه انك عاقله وانصحيه

من الدردشه قولي انت تغازل وتلعب وعيب تشك فيني او حتى يطري لك شي ثااني وبس الحلم ياعزيزتي الحلم والصبر
 
ياويلي الله يعينك !!

لاتسكتي له والله ماله حق عليك ولسى ابوك عايش .. يارب تتزوجي وتبعدي وتفتكي من الحبسه هذي والله انقهرت وااااااااااااااااااااو ..
 
معلش اكيد خايف عليكم من الى بيشوفة ويسمعه
 
شكل اخوك مراهق
ومسوي بلاوي الدنيا وخايف انها تجي في اخواته
افضل حل زوجوه وافتكو منه

الله يعينك
 
يوووه هذي مرحله يمرون فيها العيال مو كلمهم جزء منهم

لازم واحد بالعايله يصير متشدد كذا بكرا يتغير صدقيني

ويمكن مايصير عسل إلا مع زوجته ههههههههههههه

الله يسخره لكم ويهديه انتِ حاولي تتحببين له يعني لاتوقفين بوجه بالعكس توددي له

وعيشيه جوه اذا قال شي قولي طيب يعني عشان يكف شره صدقيني والله فتره وتروح ويتغير

الله يصلح يارب ويهديه ادعي له بالهادايه والصلاح
 
الله يزوجج ويفكج منه......ترا في كل عيلة لازم يكون فيه واحد معنتر ومتخلف وبايخ نفس اخوي خخخخ........
 
يالله والله حاااسة فيج لانه في كل بيت وخصوصا عندنا
كرهت الاولاد بسب اخواني وكرهت الرجال كلهم بسبت اخواني
ياربي شو هالتخلف
 
الله يعينك والله كنه واحد من اخواني شكاك ونفسية دمار مجنن اختي بقوة وواقف لها بالبلعوم ههههه
 
بسمة أمـل قال:
شكل اخوك مراهق
ومسوي بلاوي الدنيا وخايف انها تجي في اخواته
افضل حل زوجوه وافتكو منه

الله يعينك
أنقر للتوسيع...



مع احترامي لك عزيزتي هذا اللي قاهرني ليش الحل بالزواج وبنت الناس ؟؟؟؟؟ .....
الزواج مسؤليه .. وميثاق عظيم ..لاأحد يزوج عياله او اخوانه الاوهم قد الزواج
 
كم عمرك وكم عمر أخوك؟؟؟ يقول المثل كلا يرى الناس بعين طبعه..... يمكن لانه يسوي ويسوي في بنات خلق الله يخاف عليكم أو يمكن يسمع من الشباب ويخاف عليكم ... معليش يا الغالية تحملي معظم الاخوان كذا ...... بالنسبة الى قصة الاب توب أخاف انه يعرف بالخطة وتطيح على رأسك
 
مرحلة عادية اقدر اقولك كل الشباب يمرون فيها

لكن ابحثي عن شخصيته لان التصنيفات مو لزوج فقط حتى لتعامل مع الاخو والابو وووووووو..............

يظل رجل طينه سهل تشكيلها لمن لديها ارادة بعد الله
الا مايكون له مدخل يخليه سمعا وطاعة لك
وترى كلامي هذا من تجربه يعني مو خيال
واحد من اخواني حاليا لو اقوله ابغى شي من اقصى الدنيا ماشاء الله تبارك الرحمن مايقول لا..
ومدخله كان جدا سهل رسايل المدح وكلمات الشكر حتى على اتفه الاشياء اللي يسويها
ااكد لك يظل رجل لا تعاندينه وامدحيه واعطي رجولته حق يجيك كله بالاب والجوال وحتى السيارة..
 
؟؟؟؟؟؟؟؟
اخ
عجيب

اتمنى لك التوفيق بدراستك
اكملي بحثك ولا تهمليه حتى لا يتراكم وتتمني وقت ترتاحي ولا تجدي (نصيحه مجربه)

اما الباقي فلا ابدي لك رائي معين
انتي الاعرف بالاصلح ان شاء الله
 
الله يكون بعونج اختي سبحان الله لاااااازم يطلع واحد من العيله معقد ومعقد الدنيا وياه..ما اقول الا الله يصلحه ويهديه يا رب.
 
ههههههههه
رديت

لاني قعدت افكر فيج

شوفي اختي

ابحثي هنا عن نمط شخصيته
ممكن تقدري تتفاهي معه
او تفهمي ليه هو كذا

والله يهديه ويهديك
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل