أخواتي الشاميات أرجو المساعده..

[النواعم]

السلام عليكم ورحمة الله وبركاته ..
كيفك حالكن ..
يا غالياتي الشاميات أو من تعرف في الزفات الشامية ..
أبغى منكن زفة شامية ..وطريقة لزفة ..رجيتكم اختي ما بقالها على زواجها إلا قليل أيام ..
ومشكورين..:icon26::icon26:

 

[عاشقة تعبانة]

نشالله الف الف مبروك
عيوني انا من الشام وبخدمك نشالله
بس خبريني العريس من وين من الشام لانه بيختلف شوي واهله كيف او اذا انتي من الشام مشان ساعدك
والعرس وين رح يكون بشام ولا وين؟

 

[النواعم]

تسلمي يا عمري أنا يمنية ومن سكان الرياض بس كنوع من التغير نبغى زفة شامية ..وياليت اعرف الطريقة مع العلم بأن العريس مايدخل مكان النساء

 

[عاشقة تعبانة]

اهلين وسهلين عيوني تشرفنا
الزفة الشامية الرجال بيجيبو العريس بعراضة يعني بتجي فرقة عراضة ومع سيوف وهلا رج اكتبلك نصالعراضة مثلا او الزفة بيوصلو لباب البيت او الصالة محل مو موجودة العروس والنسوان بيفوت معو الاب او الاخ الاكبر حسب وبيسلم العريس للعروس
العروس بقا كمان ئلا زفة النسوان بيقولو مثلا الزغاريط

أويها خطوة خطوة وع مهلك
أويها يقبروني محلا هالعينين
أويها قومي تنقلي ع الدرب
أويها وطقت قلوب العدوين
أويها تنقلي يا نور العين
أويها خطوة خطوة وخطوتين
وبعدين الزلغوطة لي لي ليششش
_________

أويها يا عروس قيمي هالغطا وارميه
أويها يسعد يلي حبوك ويلي سعا فيه
أويها هالوجه دورة قمر والعين تغزل فيه
أويها والخصر شلة حرير والعريس داب فيها لي لي ليششش
-------------------------------



أويها يا عروس بيضا عم تقطف حب الرمان
أويها والمسك بجيابها عم يفوح ريحان
أويها ما قلتلك يا عريس عروستك ما لها تاني
أويها أنت ثريا بالسما وهي الكوكب التاني
لي لي لي ليشششششششش
___________
رح جبلك غيرهن كمان نشالله
اما بنسبة الرجال شو بيقولو العراضة الشامية هيك مثلا


صلوا على محمد مكحول العين
نير وغضير وعادلا وهيييييييي

أول مانبدا منقول
صلوا على طه الرسول

أول ما بدينا
على النبي صلينا

يا صلاتك يا محمد
والصلاة بالصوت صلوا

والصلاة والصوم صلوا
وبالصلاة صلوا عليه

وعلينا وعليه
وعلى من زار قبره

وعلى من حج إليه
حجيت الحجاج لاجله

انشق القمر بنص الليل
من هيبة رسول الله

 

[النواعم]

الله يجزاك الجنة لو تكرمتي تعطيني رابط أو اسم شريط حلو

 

[عاشقة تعبانة]

اشفلك عراضة شامية بصوت انتظريني بكرة اكيد ولا يهمك

 

[النواعم]

الله يسعدك بانتظارك

 

[أميرة الالماس]

الله يسعدك في حياااتك والاخوات الشاميات راح يساعدووك

 

[النواعم]

,وينكم يا خواتي أنا منتظرة فزعتكم..

 

[عاشقة تعبانة]

انا اسفة منك كتير اختي بس وقتها مافتت علمنتدى كم يوم نشغلت عشان الاختبارات وبعدها نسيت الموضوع وين
بدك لسا عراضات ولا خلاص؟ خبريني واجبلك ياهم اليوم