أختي وسلفتها...لو انكم مكانها ايش تسوون

  • بادئ الموضوع بادئ الموضوع برده
  • تاريخ البدء تاريخ البدء
برده

برده

New member
إنضم
2008/05/26
المشاركات
1,145
السلام عليكم ورحمة الله
مساؤكم انوار

في حركة قهرتني بشكل فظيع صدرت من سلفة أختي بقول السالفة وقولوا رايكم لو انكم مكان اختي اش بتسوون:33:
اختي ربي رزقها بنت زي القمر الله يحفظها واختي من النوع الطيب والحنون مستحيل تجرح احد والكل يشهد لها بالطيبة والاخلاق الحسنة ومحبوبة من الكل
سلفتها وبنتها جوها يسلموا عليها
ويوم راحو فتحت اختي الهديه اللي من بنت سلفتها والله يابنات انصدمت ماكانت تتوقع انها تافهة لهذي الدرجه تخيلوا جابت لاختي جلابيه ملبوسه ومعفنه والله العظيم يوم شفتها انقهرت حتى العرق الله يقرفها لازال فيها والخرز مقطع وفيها اثر اكل ودهن والادهى من ذلك انها ماخذه استكر جديد مدري من فين وحاطته بمشبك على الصدر على اساس انها جديده يعني قمة الاستهبال تفكر الناس اغبياء.......
انا ارتفع ضغطي وسبحان الله قدر الله واقابل سلفة اختي عند اختي بالبيت
والله يابنات انها تسولف وما اطالع فيها من القهر قامت سألتني ايش فيك مو العاده ؟مارديت عليها
سألتها بأسلوب فيه شي من الاستهبال قلت لها
الجلابية الي جابتها بنتك لاختي روعه صراحة دليل على ذوقها من فين جابتها ؟؟؟؟؟؟؟؟؟؟؟
والله يابنات كأنك لطمتيها على وجهها انحرجت بشكل والمشكله لازالت تكذب قالت انا الي جبتها لها من السوق الفلاني وقالت سوق مشهور عندنا بالفخامه ......يا كبرها من كذبه


وعلى طول بعدها استئذنت ومشت من عند اختي


انا قلت لأختي خذيها وارميها في وجهها بس اختي رفضت

بالله لو وحده منكم صار لها كذا اش تسوي مع العلم ان اختي قمة الاحترام والذوق معها
 
حبيبتي لا تكبروووون السالفه وخير ياطير واذا كذا هديتها طنشوها ولا كانها سوت شي واستقبلوها عادي وهي اذا كانت قاصده شر فهي بتموت قهر لانها ما حققت اللي تبي وبتحس ان اللي سوته ماله داعي انا اقول خلي الاموووووور عاديه وكلن على طيبه وبصراحه اهني اختك على اخلاقها والله يخليلها بنتها
 
ههههههه يكفي اللي انتي سويتيه مايحتاي تزيدين

وصحيح كلام اختي مالك غير الصبر

ياااختي تعاملي مع الموووقف ببرود عشان ماتحقق اللي تباااه وخلاص

وتحلي بمكارم الاخلاص احسن شي ربج فوووووق
 
خل تولي .... انا احس ان هالهديه تنقص من قدر سلفت اختج ما تنقص من قدر اختج ...
ويا ستي واااااااااااايد بتلاقين فهالدنيا ناس بها الطريقه ... طنشي وامشي ...
تعليقج كان كاااااااافي ... وصلتها الرساله

وصدقيني والله ان الهديه عيب فحقهم هم .... انتي المفروض ما تزعلون انتي واختج لانه ما يمسكم بالعكس

ولوووووووو ربت سلفتها او بنت سلفتها خل اختج تجيب لهم هديه راقيه لان الهديه تعبر عن صاحبها ما تعبر عن الشخص المهدى له
 
لايرتفع ضغطك ولا شي خذيها وحطيها في الزباله وهذا يدل علي غاريتها من اختك وتبي تبين قدر اختك عندها بس ماشاء الله عليك ماقصرتي عليها خلي اختك رسميه معها ولاتعطيها وجه
 
طنشي اقرب زباله حبيبتي حطيها فيها
ويكفي انك دقيتيها بالكلام
 
عادي جدا يمكن ماقدرت على الهديه وجابت لها شي من دولابها ولوانها بغيتها نجاسه كان ماحطت استكر عليها وكملت الناقص
 
بالبدايه اسمحيلي اهنيك باخلاق اختك العاليه وسمو تسامحها
صراحه اكيد لو انا بنفس الموقف على طول برجع الهديه اويمكن اتهور واكلمها
او يمكن احسها مقلب واعديها
انتي اخذتك العاطفه لأختك وتمنيتي اختك ترمي الهديه عليها
لكن اختك عقلها كبير وتدري انها باسلوبها تحرج سلفتها
وتخليها تعض على اصابعها ندم وتحتقر نفسها قدام رقي اختك
انا اتمنى لوقبل مانتصرف اي تصرف نفكر ونعطي نفسنا فرصه نستنتج بعدها الوضع كيف بيكون
اقولك تصرف اختك راااااااااااااااااقي
وسلميلي عليها
 
انتي كفيتي ووفيتي اخذت حق اختك وزياده زين سويتي فيها تستاهل
 
طبعا نفس كلام الاخوات ارميها ولكنها سوت شي... بتنقهر لو ماعندها شي كان جت زيارة وبس بدون ماتفشل نفسها
يازيين تصرف اختك لييتني اتصرف بحكمة بس دايم مستعجلة
 
الله يسعدكم ويرفع قدركم زي ما اسعدتوني بكلامكم والله اني ارتحت لما قريت ردودكم لأن في بالي شي كنت بسويه بس الحين هونت
ربي يجزاكم الجنه

الاخت سماهر
سلامك يوصل ان شاء الله
 
الرسول صلى الله عليه وسلم قال ---تهادواتحابوا---- والهديه احدى الطرق لكسب القلوب--- ولكن بالنسبه

لهدية اختك اولا يجب ان نحسن الظن قبل كل شئ ونخلق لها الف عذر --- حتى تهون على نفس اختك

وانتي اشعرتي سلفتها ووصلتي لها رساله باسلوبك وبطريقتك فحواها التعجب والانكار 000

وهذا يكفي ----- واذا ولدت صاحبة الهديه تشتري لها اختك هديه وتغلفها بطريقه مرتبه ورائعه وتقدمها لها
وتحتسب الاجر لله فيها 000صدقيني راح تنحرج وبذلك تعرف ان اختك ذوق وردت عليها بطريقه عقلانيه000
 
اقوول انتبهوا اخاف الجلابيه فيها سحر ولاشئ ولاليه كل هالعفن فيها والله من كثر مانسمع عن السحر وهالخرابيط صار الواحد يشك باقرب الناس انتبهو امنها



اقررب زباله والله يكفيكم شرها
 
المفروض تروح لها تقول مشكوره هالهديه بس اعتقد احنا ماجالسين نشحت
وترا كل شخص يقدم هديه من مستوااااااااااااااااه

تقهررررررر
 
بصراحه اختك رد فعلها هو الصح الاول الله اعلم بظروفها مش جايز فقيره وحبت تعمل واجب مش جايز جوزها مش رضي يعطيها فلوس تشتري وحاجات كتير البيوت اسرار والله اعلم
 
يا ستي تعرفين حلاوة التوفي الصفرا والحمرا اللي ما يكمل سعر الثنين على بعض 12 ريال

جتني على حناي والهالعظيم من مره مبسووووطه واولادها مو مخلين عليها قاصر

حبيبتي انتي قلتي لها باستهبال عن الجلابيه هي ردت عليك باستهبال كمان يوم تقول لك انها من السوق الفلاني

طنشي ولا تعبري عادي عديها فيه ناس عندهم برادة وجه والوجه مرتفع لفوق عادي هذا مستواهم وهذا تفكيرهم

الرسول قال عليه الصلاة والسلام عامل الناس على قدر عقولهم بما معنى الحديث واقولك ترا عامليها على قد عقلها انتي واختك
وسلام ياحلوه
 
خلاص كأن شيئ لم يكن وعتبروها ماأهدت شي
ويكفي انكم عرفتم قيمتهم من هديتهم
 
انا لو مكان اختك كل الي اسوووووويه راح أخذ اغراضها الي جابتها وأقطها بالزباله .......

وكلن يسووووي بأصله ماعليك منهااااااا ماهي بحاجة هديتها بس خليها تنتبه منهااااااا ..... وتدعي ربي يكفيها شرهااااااااا
 
حبيبتي يكفي الكلام الي قلتيه لها
والجلابيه وش تبين فيها ارميها بالزباله
اوا اذا صار عندها مناسبه ردي لها نفس الجلابيه بس غيري الاستكر وحطي عليه سعر غالي
وبعدها شوفو ردة فعلها
واذا تكلمت لاتسكتون وقولي انتي بديتي والبادي اظلم​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل