أختي دمرتني

اختي بسالك كم لك متزوجه..
اذا اقل من سنه اصبري وحاولي تفهمينه كل موقف خوذي ردة فعله اذا شوي استجاب اتبعي هالطريقه
واذا مااستجاب حاولي بطريقه ثانيه لين تشوفين النتيجه الحلووه...
قلبي ...الانسان اذا تعب في اول حياته مع ابيه او امه او اي احد لايكون مثل الرجل اللذي تربى تربيه هادئه وحلووه...
فعليك الصبر..
وفقك الله...
 
فعلا قلبي انتي دكتورته لازم تتواصلي مع اخصائي نفسي عن طريق النت وهو راح يساعدك بالخطوات اللي راح تستخدميها مع زوجك لانه ياحرام من اللي عاناه وهو صغير اثر عليه
الله يشفيه ويخليكم لبعض
 
لازم يتعالج عند طبيب نفسي
انتي قلتيها ان طفولته جدا قاااسيه
اكييييييييييييد اثرت عليه
اصبري عليه واقنعيه بكل حب بطبيب نفسي
علشااان ترتاحون
وتعيشون في سبات ونبات
 
ياأختي

لا تلتفتين لوسواس الشيطان

وبالنسبه لعدم صدقه كثير كذا يكذب حتى على اتفه الاسباب مو معنى وراه شي بس ذا طبع ماأقولك عادي بس لا توسوسين يعني لا تربطين عدم صدقه بماضيه او أنه لسى على حاله

انتي حطيها براسك لو كان لسى بتلاحظين ويبان على علاقتك فيه

فوضي امرك لربك وأحسني الظن ,,لو حسيتي الموضوع مره متعبك استشيري أخصائيين نفسين

انتي مشكلتك ماضيه وكيف أنك مو قادره تنسينه مافي انسان مايغلط ورب العباد يقبل التوبه لا تنكدين على نفسك حاولي تتخلصين من افكارك

تذكري دايم أنك استخرتي ورب العباد ييسر لك هالزواج فبأذن الله مافيه شي من اللي ببالك
 
ترى فيه ناس كثير كذا يستسهلو الكذب أدعي ان الله يهدي وشغلي أشرطة عن فضيلة الصدق والصادقين في السيارة إن شاء الله ربي يهديه على يدك
أما بالنسبة للموجود في جواله لو كان حقيقة إن شاء الله يكون ماضي وأنتهي لكن الأفضل ما يكون في جواله عشان ممكن يكون الآن تاب لكن وجود الأرقام عنده للآن ممكن يسهل عليه لو مر عليه وقت ضعف يتصل فيهم لو تقدري تسوي حركة تخربي فيها الجوال والشريحة وكأنك موقاصدة عشان كل هالاشيا تنمحي وما تأثر فيه وتبدي صفحة جديدة
ممكن لما تكونوا في بيت أهله ويكون في أطفال كثير خذي الجوال وغرقيه مويه ولما يشوفوا راح يعتقد أنه أحد الأطفال لعب فيه أو أي فكره ثانية
 
ياقلبي انا بعد سمعت نفس الكلام وشفت نفس اللي شفتيه صور ووو عند ابو عيالي وكنت وقتها زعلانه ببيت اهلي
بس هالكلام ما اثر فيني ولما انحلت المشكله رجعت بيتي
يعني ما خليت ابليس يعشش بمخي ويذكرني دايما بهالسالفه
اكيد ما انسى من صج بس ما اخلي هالشي ياثر على علاقتنا
وانا مقتنعه اني ما انبش بالماضي ولا افكر فيه عشان المشاكل اليديده كفيله انها تنسيني وزوجي كان مضطهد ببيت اهله بالعكس لما يتضايق او احسه يتذكر اشفق عليه واحاول انسيه
لان ما في واحد يعيش بالحاله ويكون مرتاح يعني انتي لازم تحتوينه بحنانج وحبج تحسسينه انج امه واهو ولدج البيبي
والله يوفقكم ويحل مشكلتج
 
عززي ثقته في نفسه مثلا
ما شاء الله أجب صدقك
أو أنا أحبك لأنك مخلص لي
أو .....
 
فعلا زوجج يعااااااااااااااااااااااااااااااني من تراكمات الماضي الاليم وفقدان الاستقرار الاسري اثر عليه في سنوات مراهقته ... وجا دورج في تعويضه .. ولا تذكريه بالماضي الاليم وتعاتبيه علشان ما ينحرج زيادة وعليج بالدعاء والقران والاستغفار.
 
الله يعينج حبيبتي ...بس والله حرااااااام لا تظلمينه هو تاب وما يبيج تعرفين بماضيه...
واذا على الرسالة يمكن حد مطرشها له
والله تخربطت ما اعرف شو اقولج..
 
في عيون البشر قال:
مستحيل اعرضه لدكتور ما اريده يحس بشي

راح اكون دكتورته بس كيف
ما راح ينفعه الدكتور كثر ما بنفعه انا باذن الله
هو محتاجني اكثر من الدكتور النفسي
الدكتور يلزمني انا لان نفسيتي انا اللي تأثرت من تشتتيه لي بتصرفاته
كيف احتويه يا ناس كل الناس افهمهم و اعرف اتصرف معاهم الا زوجي​

لاني مب عارفه كيف احسسه بالامان ما يعطيني فرصه​

اي موضوع افتحه معاه يتم ساكت لين ما اخلص يغير الموضوع و كأني ما اتكلمت​

حتى مشاكلنا العاديه يتهرب منها​

على فكره مره بالغلط قالي انه راح لدكتور نفسي طلع من عنده و هو يكلم نفسه​

شو رايكم؟​

يعني الدكتور ما افلح ان ياخذ منه حق او باطل فما بالكم أنا​
أنقر للتوسيع...


حبيبتي مو القصد كذا لا
انتي اعرضي الحاله كامله حالك وحاله على الدكتور بشكل سري
يعني هو لايدري
والدكتور بيقولك وش بتسوين وكيف تتعاملين معه
وان شاءالله يارب نشوف موضوعك اللي تبشرينا فيه بحياتك المستقره السعيده
شكله طيب ومايبي زعلك لذلك احرصي عليه ​
 
عورتي قلبي !!

حاولي تحتوينة ،، ظروفه الصعبة اللي مر فيها لازم بتأثر فيه .. والماضي انتهى خلاص ..

مافيها شي لو استشرتي طبيب نفسي ... والامور كلها بتتيسر .. بس لا تحسسينه بشكج تراه يدمره ويدفعه للكذب والمراوغة ..

أكثر شي هو بحاجته في هالوقت ... الحب والثقة ...


الله يسر أموركم ويآلف بين قلوبكم​
 
نسيت أقول شي ... :7:


الثقة لازم تكون من الطرفين ... يعني انتي تحسسينة انج واثقة فيه وفي تصرفاته .. وفي نفس الوقت لازم يثق فيج وإنه بيلاقي الأمان عندج ... عشان يقدر ياخذ ويعطي معاج وهذا الشي بيتحقق لما تشبعينه عاطفيا وتعوضين النقص اللي لا قاه في طفولته

​
 
حرااام عليك يااختي اللي تسوينه في نفسك وفي زوجك .... من كلامك انه يحبك ومتعلق فيك ... ليش تخسرينه وانت ادرى بحالته وطفولته ... واذا على الجوال كل الرجال جوالاتهم كذا رسايل وصور ماسخه.. واسالي مجرب ..
احتويه عندك الانترنت تقدرين تقرين عن حالته ... بعدين اصلا لو هو شاذ وله علاقة مع شباب بيكون صعب عليه يسوي علاقة معك .. اتوقع انه المسكين تعقد من ابوه ومرة ابوه يمكن كانوا يقسون علية وكان يضطر انه يكذب ... وتعود ..
نصيحة انسي جواله ولاتتعبين نفسك تفتشين فيه ... اهم شي لاتخسرينه .... وبعدين زوجك اهون من غيره ويكون في علمك حتى زوجي دايم يلف ويدور ولايقول لاهله احيانا وين حنا فيه ... ويغير بالاسعار ,, وكله شي عااادي
لاتتوهمين المشكلة وييعب بعقلك الشيطان وتخربين بيتك بايدينك ... يمكن توك متزوجه وقدامك كثير لتتعلمي
وساااامحيني بس لانك اختي في الله حبيت انصحك بعد ماطلبتي النصيحة
 
نصيحة الوجهة اللة انتي بكذا تهدمين حياتك وتسمحين للشيطان بالاستوطان بينكم واختك اللة يسامحها فتنت والفتنة اشد من القتل ولااستفادت الى الاثم ومن ستر على مسلم ستر اللة علية وانسي الماضي بكل حذاريفة وحافظي على زوجك ولاتقعدين لة على الوحدة وهو باين انة طيب وهاذا يكفي وادعي لة ترى مايرد القضاء الى الدعاء والصبر ياختي هو احسن شئ وانفع دواء لمشكلتك والعيال راح ينسونك ويعقلونة وانشاء اللة ربي يهديك ويهدية ااااااااااامين
 
في عيون البشر قال:
بسم لله الرحمن الرحيم​




راح ابدا من البدايه في يوم من الايام يتني امي و قالتلي اليوم كلمتني جارتنا و تريد تخطبج لولدها شرايج يا بنتي قلتلها انا رايي من راي ابوي لاني عارفه ان ابوي ما راح يزوجني الا من خيره الرجال قالتي على بركه لله انا كلمت ابوج و سأل عن الريال و طلب مني آخذ رايج و راي خواتج بالموضوع خواتي كلهم فرحولي و رحبوا بالموضوع لان متربي مع اخواني و الكل يشهد انه على صلاه من صغره و بعد ما تمت الخطوبه ​

اختي فجأه قامت تقول ألغاز ما أفهمها و بيوم من الايام كنت فبيتها و كانت تلمح لشغلات غريبه ساعه تقول ​

اجلي العرس بعد سنتين و مره تقول لو منج مستحيل اوافق على هالشخص ​

قلتها شو اللي مو عاجبنج فالريال بالضبط قولي كلام منطقي و يقنعني شو الموضوع بالضبط​

هل هو يسكر و لا راعي بنات و لا شو و بالضبط​

أختي: اكبر من هذا كله قلت نوريني قالتلي تعالي معاي الغرفه سرت معاها ​

انا: شو عندج ​

اختي: راح اخبرج و انا حالفه اني ما اقولج بس غصبا عني​

انا: قولي و خلصيني​

اختي: زوجي محلفني اني ما اقولج​

انا: استغربت من الموضوع زوجج شو دخله بالموضوع ​

اختي: زوجي قالي ان اللي خاطبج كان له علاقات بشباب!!!​

و اللي كان معاهم تابوا و متزوجين و عندهم اولاد و هالشي صار و انتهى من جي ما يباني اخبرج​

انصدمت و حالتي كانت غريبه و صرت اخربط بالكلام ​

أنا: و الحل ​

اختي: قالت لازم ابوي يدري بس منو اللي راح يقوله ​

انا: لا اذا قلناله راح يقول شو الدليل و من قالكم هالكلام و الموضوع حساس و فيها فضيحه لريال اذا على قولتج شي صار و انتهى​

اختي: صح و زوجي اكدلي انها سالفه قديمه و غير نظرته يوم شاف الريال فالخطبه و حلفني ما اقولج عشان ما تكون نقطه سوده بحياتكم و يبدا الشك بعد الزواج ​

آآآآآآآه يا اختي آآآآآآآه ​

رحت للغرفه و حطيت راسي على الوساده في حاله انهيار كيف و ليش يا ربي نمت من التعب و صحيت ثاني يوم​

و كأن شي لم يحدث سبحانك اللهم يا مسخر العباد سخرت لي والدي في هذه الخطبه و افلح من استخار نعم​

كنت استخير بشكل يومي و في كل ليله من كلمتني امي ليوم الزواج و لم امل و لم اتعب ​

و قلت في داخلي لا تكدري نفسج ان تمت الخطوبه فهذا توفيق من رب العالمين و خيره انشاءالله و ان لم يكن فلك الحمد و الشكر يا رب​

و وكلت امري لرب العالمين و من ثم والدي الليه يحفظه مرت الايام بسرعه و نفسيتي هدت و الغريب فالموضوع ان اختي ما اتكلمت فالموضوع من بعدها ابدا و كأنها ما قالت شي و لا سألتني عن شي​

و جاء الزواج و تزوجت هالشخص ​

و لاحظت انجذابه لي بطريقه مب طبيعيه و تعلقه فيني من اول يوم

زوجي ( شمال شرقي) يعشقني و حنون و الحمدلله على فكره

زوجي عاش طفوله قاسيه ظلم من ابوه و زوجت ابوه و فوق كل هذا يقدرهم و يحترهم ماشاء الله تبارك الرحمن ابوه الله يسامحه كان تضربه ضرب البهايم كان قاااااسي بمعنى الكلمه

المهم بعد الزواج و هنا بدأت معاناتي اللي مب قادره اتخلص منها

راح اكمل لكم بعد دقايق حاسه بضيقه:8:
أنقر للتوسيع...

عااالجي نفسك واصلحي نواياك قبل لا تصلحين زوجك

اختك كانت نعم الناصحه المحبه لك

هي وزوجها وانتى لم تقدرينها

ادفعي ثمن خطاك هي ليس لها سيبل عليك سوى النصيحه التى فرضتي بها

ابدا بنفسك اولا

انتى من دمر نفسك وليس اختك

واجدك ظلمتيها هنا اشد الظلم

الله يعينك على نفسك وعلى زوجك
 
الله يسامح اختج فعلا .. ما كان له داعي تقولج اصلا شي مب مؤكد وانتي ماشاء الله عليج كبرتي السالفه وسويتيها صج واي حركة منه واي نفس بيكون تاكيد للشكوك اللي براسج .. اتقي الله في زوجج واختج ماراح تنفعج لو دمرتي نفسيتج وحياتج ولو هي اخت زي الاوادم ما قالت لج اصلا .. كلام ريلج صحيح الصورة اللي شفتيها فعلا طيش شباب ويسوونها كثير بينهم .. كافي الزمن كان على ريلج وشاف المعاناة لا تكونين انتي بعد عليه .. انسي الي سمعتيه ولا تدورين وراه وعيشي حياتج مع انسان يحبج ويحترمج ..
 
يا بنات افهموووووني كل ما انسى الماضي و كلام اختي اللي ماله دليل

هو بنفسه ما يوضح لي شي ما يتكلم حتى لو يكون مظلوم ما يدافع عن نفسه ما يفهمني عشان نوصل لنتيجه ايجابيه

لمستقبل احسن

انا متشتته ساعات اقول يمكن اللي تقوله اختي كلام فاضي

كيف اخواني ما عرفوا هالشي و اهما متربين سوى و اهما ادرى

و اخواني اول من شهدلي باخلاقه

و ساعات كلامه يأكدلي هالشي مثلا مره قالي فالمنطقه اللي كنا عايشين فيها كانوا 75% تصرفاتهم ....... اكيد فهمتوني

يعني و كأن هالشي كان عادي بوقتها و يوم اقوله ما يعرفون ان هالشي يهز عرش الرحمن

يقولي اتعلمين مين و لا مين اذا 75% يسوونها

دايما اتعوذ من الشيطان و افتح صفحه جديده بس للأسف اللي ما يساعدني

ساكت و ان اتكلم يتكلم بألغاز

على فكره لي سنتين متزوجه و هو انسان طبيعي الحمدلله معاي بالفراش

بعمره ما طلب مني شي يغضب رب العالمين​
 
لا تلوموووني على شي

علموووني كيف احسسه بالامان كيف اخليه يفتح لي قلبه و يرتاح و يفهم اني زوجته

ما اريد اعرف شي عن ماضيه و لا يثبت لي شي بس ابيه يترك هالغموض عشان ما يفتح لي ابواب الشك

على فكره كم مره عطيته الثقه في امور ثانيه و لاكن ما يكون قدها للأسف​
 
اقوول ياحبيبتي تعوذي من ابليس وجددي الثقة بزوجك ...
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل