أختي دايما تضايق أمي!!!! ساعدوني ايش اسوي

[سندريلا زوجي]

هلا بخواتي
الموضوع يخص أختي وأنا محتارة وتعبت حاولت معها كل الطرق ما أعرف هالإنسانة متى بتتعدل!!!! مليييت وأمي ملت منها

أمي كل يوم تدعي أن الله يرزقها بزوج وتفتك بس لو هي ظلت كذا أخاف حتى الزواج ما تنجح فيه

المهم أختي معذبة أمي بأسلوبه الزفت معها

أمي ضحت بعمرها وشبابها وبعد انفصالها بأبوي ما تزوجت لين ما أختي صارت 17 سنة كله بس خوف لا أبوي ياخذها منها وتعيش معاه.........وهي الله يهديها لسانها مترين على أمي
عمرها تراه 24 مو صغيرة بس والله تعبت من كثر ما كلمتها لما اعاتبها تقول ايوة تسوي نفس الخلوقة المحترمة اللي ما تغلطي!!!
لسانها مع امي ومع الكل زفت...........ما تتقبل نقد ابدا....مزاجها كله معكر لو امي بغت تشتكيلها من اختي الصغيرة انها ما تاكل والا الشغالة ما تسوي شغلها زين بكل جرأة تقول لامي ما اريد اسمع كل يوم نفس السالفة ...قلت لها جاملي ماما لا تكسري بخاطرها تقول ما فيني بارض ارجع من الدوام تعبانه ما اريد اسمع شيء وتسكت امي دايما وباسلوب جاف!!!
امي شخصيتها حلوة وما هي ضعيفة بس اختي هذي الله يهديها نار مولعة ما حد يروم يقولها شيء، غير ان لو امي طلبت منها تروح او تودي شيء بطلوع الروح يعني ما تسوي الشي برحابة صدر حتى امي تكره تتطلب منها شي...تشتغل وراتبها زين وما عليها التزامات بس لو امي طلبت منها تجيب خبز او شيء يالله بمذلة!!!

الله يهديها بس

نصحتها وما عارفة ايش اسوي معها لما اكلمها تسوي نفسها المظلومة والمخنوقة واللي ما حد يراعيها....كل اسوبع لاااازم تطلع مطاعم مع صديقاتها وكم مرة تتأخر بالليل وزوج امي ما يحب البنت تتأخر ولا أحد في العالم يحب هالشيء 1000 مرة كلمتها وامي تعصب عليها المصيبة ما تعترف بغلطها


الله يهديها احسها مضايقة امي كثيررررررررر....بالله دلوني ايش اسوي فيها هالبنت!!! خلاص ما هي بمراهقة الحين!

 

[سندريلا زوجي]

وبعد صديقتها اللي دايما معاها في الاسواق مسيحية وتلبس المفصخ والمفتوح وامي متضايقة جدا تقول ان الناس بتحكم على اختك على حسب رفقتها

لما اكلمها ما تسمع ما تعتبر بالعكس احنا نصير الغلطانين

ولا تحترم مواعيدها مع امي ابدا يعني مثلا قبل يومين متفقين بعد المغرب نروح مشوار وهي اللي طلب انها تجي معانا تأخرت واضطرينا ننتظرها لان حضرتها راحت تسوي اظافرها!!! زين ما قلنا شيء بس احترمي اللي متفقة معاهم!!!

الأدهى انها لما رجعت مبوزة وزعلانه كله لا احد يلومها انا وماما سوينا روحنا ولا على بالنا بس ماما قبل ما توصل اختي جلست تشتكيلي وما اول مرة تشتكيلي منها وانا تعبت ما عارفة ايش اسوي اكملها ما تسمع!!!


شورا علي

 

[سندريلا زوجي]

اه لو باجلس اضيف كل مرة رد ما بخلص ترد على امي باسلوب دفش يعني دفش...وانا لو اكلمها تفتكر اني امدح روحي ماما هي دائما تقول ان انا فيني الخير وان عمري ما طولت لساني عليها واني احترمها وهي تعصب ما تعتبر !!!!!!

متضايقة مو عشانها عشان امي اللي ضحت لو فيها خير بس عليها


حتى زوجي يقول لو تحملها زوجها في المستقبل نعمه!!!

 

[بـانـا]

ادعيلها

 

[البحر جنوني]

ادعيلها بالهدايه يااختي تعرف قيمت امج ذا تزوجت وجابت العيال والله بتندم ع قد شعر راسها بس ذا عرسة ذكريها بلي تسوي لي امج والله يهديها ويصلحها يارب

 

[مسك المدينه]

دعيها تلزم الاستغفار فقد ابلج وافلج اكثر من محنة وهي عصيبة
والله عزوجل ماراح يردها خايبة اه من هالبنات اللي مايعرفون خير
امهاتهم...​

 

[عٌطسة نملهِ]

آول شئ اسمحي لي امك غلطآنه معهآِ معطيهآِ فيس اقوى شئ

مثلآ الطلعآت مع صحباتهاِ المفروض ماتطلعَ كل يوم واذا طلعت ماتتأخر ساعه بالكثير وترجع

لازم امك تحط حد لـ هذا الموضوع ورجل امك المفروض يتدخل بالموضوع يوقفها عند حدهآ بخصوص الطلعآت

لاًن والله هالزمن معد ينضمن الله يكفينآ شر هالدنيآَ

صدقيني لو امك كآنت معها شووي قاسيه كان ماتمادت اكثر بس هي شايفه انو انتوا راضين وتدورون راضاها فـ هذا اللي قواهآ عليكم

نصيحه خلي امك تروح تتكلم معهآِ وتكون قاسيه معهِآ وتحط حد لـ هالمووضوع صدقيني راح تخآف وتعقل

الله يهديها يارب وذكريهآ (ترى الدنيآ دين وسلف)) لاتزوجت يجونهآ عيال يسون فيها زي ماتسوي بآ أمهآ ِآلحينَ​

 

[سندريلا زوجي]

امس طلعنا انا وامي واختي مشي مشي رياضة يعني وطول الطلعة انا وامي سوالف وهي ما تتكلم ابدا وانا كل شوي اسألها ايش فيك!!! ما أعرف ايش فيها ولما ردينا من المشيء جلست انا مع الاهل اشرب شاي ونسولف وما شفتها رحت غرفتها بس ما ردت وبعدين رسلتلي انها بتنام لانها تعبانة من الدوام!!!

ما أعرف ايش فيها قلقت عليها

والله ادعيلها الله يهديها ويهدينا جميعا

 

[سندريلا زوجي]

آول شئ اسمحي لي امك غلطآنه معهآِ معطيهآِ فيس اقوى شئ​

مثلآ الطلعآت مع صحباتهاِ المفروض ماتطلعَ كل يوم واذا طلعت ماتتأخر ساعه بالكثير وترجع ​

لازم امك تحط حد لـ هذا الموضوع ورجل امك المفروض يتدخل بالموضوع يوقفها عند حدهآ بخصوص الطلعآت​

لاًن والله هالزمن معد ينضمن الله يكفينآ شر هالدنيآَ ​

صدقيني لو امك كآنت معها شووي قاسيه كان ماتمادت اكثر بس هي شايفه انو انتوا راضين وتدورون راضاها فـ هذا اللي قواهآ عليكم ​

نصيحه خلي امك تروح تتكلم معهآِ وتكون قاسيه معهِآ وتحط حد لـ هالمووضوع صدقيني راح تخآف وتعقل ​

الله يهديها يارب وذكريهآ (ترى الدنيآ دين وسلف)) لاتزوجت يجونهآ عيال يسون فيها زي ماتسوي بآ أمهآ ِآلحينَ​

معك في اللي قلتيه كله والله خبرت ماما الف مرة ان هي تقدر بكلمة وحدة بس بس ماما حنونة الله يهديها واذا عصبت على اختي ما بتنام ايام وليالي....وعمي طيب بس مشغوووووووووووووول ومو بفاضي لتفاهات اختي.............وله ارتباطاته غير انه بطبعه ذكر لامي كثير ولمح بس ترى اختي لسانها حتى عل عمي يطول لو انتقدها :33:

 

[reeem.alflaa]

حبيبتي أنا أختي نفس الحكاية
لسانها سليط .. وأبدا ما تتحمل النقد
ومستحيل حد ينصحها أو يقولها كلمة
تثوووووووور
خاصة على أمي
الله يهديهم ويصلح من حالهم

 

[صفا الليل]

ثبت في الصحيح عن أبي هريرة - رضي الله عنه - أن رجلاً قال :
(( يا رسول الله ، من أحق الناس بحسن صحابتي ؟ ، قال : أمك ، قال : ثم
من ؟ ، قال : أمك ، قال ثم من ؟ ، قال : أمك ، قال : ثم من ؟ ، قال : أبوك . ))
و في رواية قال : (( .. أمك ثم أمك ثم أمك ثم أبوك ثم أدناك أدناك .. ))
ذكريها بهذا الحديث وان الجنه تحت اقدام الامهات

وان الانسان ما يلقي خير في الاخره والدنيا اذا امه او ابوه موجودين ومو راضين عنه

وان عقوبه العقوق بالدنيا قبل الاخره
وان رضى الله من رضى الولدين ......وادعي لها بالهديه ​

 

[عٌطسة نملهِ]

مِآعليهِ تضغط عِ نفسهآِآ شوي امكًـ وتتحملُ انوِ تكِـون قآِآسيه معهآِآ

كلٌ الامهآِآت كذا لا هاوشواِ عيالهم معد ينآمون زينً ويجلسون يفكرون ياليتنا ماهوشنا وهذي امي وحدهـِ منهم

حبيبتي لاتقولين تفاهاآِت اختكِـ الله يستر عليهآِآ طلعآتها مو حلوهـِ ابد انو تطلع بدري ولا ترجع الا اخر الليل وغير كذا مع صحباتِ انتي تقولين انو مو كويسينً ؟؟

حبيبتي انتبهوا لـ اختكم قبل فوات الاوان انتي اطلعي معهآِ مرهِـ شوِفي ُوينً تروح لهِ شوفي وش ً يتكلمون عنهِ لاتخلونهِآ كذا والله موَ مصآآِلحكمُ

انآِ مااقول انو لا تطلع ابد لاا انا اقول تطلع بس ساعه وترجعً ولا هو كل يووووووووووم تلبس عبايتها وتطلع لا

طيب انتي مالك اخوان ..؟

عشآن تتكلمينُ معهمِ وهم بدورهم يتفاهمون مع اختك..؟​