أختي تريد الزواج من رجل كبير في السن

[present]

تقدم رجل عمره 40 سنة أو اكثر تقريبا لخطبة أختي البالغة من العمر 24 عاما
وهي تحب هذا الشخص أهلي وجميع افراد العائلة رافضين الزواج والقبول بهذا الشخص
المهم ليس موضوعي عن الشخص او لماذا رفضوه اهلي
بل اختي التي أصبحت حالتها سيءة جدا
فهي تحبه كثيييييييرا
لا أعلم كيف اتعامل معاها كيف اجعلها تنسى هذا الشخص
عددنا عيوبه عندها لكنها لم تقتنع
كيف أعالجها من ما هي فيه
فهي مصرة الى الان على الزواج منه
و تلح على امي بأن توافق وتحاول إقناع أبي
حتى امي المسكينة أصبحت مهمومة جدا من اجل اختي
رجاااااااااااااااااء الي عندها خبرة تساعدني
لا تنسوني من دعواتكم

 

[عدوة بلاك بييري]

إذا هو سي فاماراح تتراجع عنه الا إذا شافت الشي اللي فيه مو حلو بعينها وإذا هو متزوج يعني من قبل حولوا توصلون لزوجته الاولى وتقولها عن السلبيت اللي فيه يمكن تتراجع وإذا مو متزوج وفيه عيوب يعني عيوب قويه لاتوافقون مهما صار لانها بتنسى وراح يتقدملها اللي احسن منه أن شاءالله بس إذا عيوبه يعني مو الاشياء المحرمه يعني اشياء تكون برجال كثير تتغير مع الزمن وافقوا وادعولها بالتوفيق والله يسعدها

 

[present]

نعم هو متزوج ولديه 5 اطفال وأكبرهم بنت عمرها 18 سنة
اختي مو راضية تقتنع بعيوبة
ما ادري ايش فيها هذا كله حب ولا ايه

 

[ملهمة النجوى]

أماااا تحب شايب ؟! ليش خلصوا الشباب ؟

طيب قولوا لها ان كان متزوج من قبل يعني اكيد يبي يتسلى فيها ويغير من وحده لثانيه

أحسن لها تشوف واحد كبرها او اكبر منها بسنه او سنتين وماعمره تزوج

بعدين وش سبب الحب أكيد كان فيه علاقة قبل الخطبه والله وأعلم

 

[يااابعدهم كلهم]

خلوها براحتها هي اللي تبي لو ماخذته بتلومكم طول العمر ومافيه شك انكم تبون مصلحتها بي هي تشوف العكس
وان اخذته وندمت ماراح تتجرا تشكي لكم
بس اللي اعرفه
الشايب يدلل والولد يعلل

 

[present]

لا وين نخليها براحتها
امي حلفت عليها ما تاخذه وهي عايشه
ما نبغاها تتحسف بعدين وتندم
والله أمي حلست تبكي يابنات عليها
تقول ما ابغى ارميها الرميه هذي
ولو لها نصيب فيه راح تاخذه
الله يهديها ويرشدها
هي تقول أهم شيء الحب
قالتلها امي والله انك راح تكرهينه من ثاني يوم

 

[cute girl**]

لااااااااا حرام توها صغيره حرام تتزوج شايب والله حرام فيه الف شاب يتمنونها

قوليلها هالكلام قولي شوي وبتنسينه ان شاءالله وبتندمين اذا اخذتيه وراح يجيك الي احسن منه ان شاءالله والله حرام

انتبهو تزوجونها

وامك حاولي تهدينها قولي تقتنع ان شاءالله انها ماتتزوجه

 

[غلآ عــmــري]

لاحول ولاقوة الا بالله !
ايش ذنب الزوجه الأولى
ترا مررة مو كوييس
راح تعيش بين نارين

 

[الأميرة الفاتنة]

الله يهديها ويرجعها لصواب انا والله حاسه فيك يالغاليه مريت انا بنفس المرحله وكنت احبه بجنون لا اقدر اتخيل نفسي مع غيره وكان تقريبا نفس حالت الي تكلمتي عنه والكل معارض لدرجة ان امي تدعي علي وربي ماكنت مهتمه وربي من كثر دعاء اهلي والي يحبوني ربي غير نظرتي فيه وصرت انا افهم اهلي ان صعبه اخذه حرام هو متزوج انا مارضى احد يسوي فيني كذا وصرت افكر بعقلانيه اكثركله من الدعاء اخر الليل صلاة القيام والله مافيه زيها حل لكل المشاكل والله يهديها لكم وفهميها ان زي ماترك زوجته الاولى راح يتركها

 

[مكرووونه]

ما قلتي مثل ايش العيوب الى فية وكيف حالتة المادية - ويمكن اختك تخاف ما احد يتقدملها غيرة وبعدين تلومكم اذا اعيوبة تنبلع وافقو ترى اكثر الرجال اذا كانو كبيرين يسعدو البنت والله يوفرونلها الي ما يوفرة الشباب اذا كان عندة فلوس عادي لان الحياة صعبة

 

[present]

حالته الماديه عاديه
يعني يمكن حتى ما يقدر يعيشها زي مو عايشه في بيت اهلها
عيوبه مو ذاك العيوب الكبيرة بس ما حسه ابوي جاد في طلبها
ويقوله ابوي راح يكون فيه مشاكل وبنتي راح تتعب معاك يقول عادي المشاكل لابد منها وهي لازم تكون متعاونه
يعني هو مو كفوا يوقف معاها ولا يدافع عنها اذا اهله سببولها مشاكل