أحلى يوميات.. بدون شغالات

[***دهن العود***]

ماشاء الله عليج اله يثبتج
انا ماعندي شغالة لكني احس نفسي مهملة واايد بحق بيتي وعيالي

 

[هيل وقهوة]

ماشا الله تبارك الله اختي والله صدقتي الوحدة تقوم تشتغل في بتها ابرك لها من هالخدم اللي انه صراحة ما يعجبني شغلهم والله اني اغسل المواعين في 10 دقايق وهي تقعد عليهم يمكن اكثر من نصف ساعة ما انكر انها مساعدتني في التنظيف بس بعد احس الوحدة تقوم في بيتها بنفسها وبمساعدة بناتها ولو في الاجازة وايد ابرك

 

[لانا الحبييبه]

الله عليك تبارك الرحمن روعه انا اؤيد الاستغناء عن الشغالات اذا منتي مووووووظفه بس بسالك >>>>>>>>>لاااقاافه وشو بزنسك يعني خلينا بعد نزيد الدخل المادي وووبارك الله فيك وبامه محمد صلى الله عليه وسلم ودمتم بخير

 

[قلب ذاكر]

ما شاء الله ياحلوه من قرار والله اني قبل ما اقرء موضوعج كنت افكر بهالشي

وبعد ما قريته قعدت اعد كم باقي لخدامتى تروح باقي

والله اسلوبج حلو يا ليت تكملين معانا الموضوع والله ضحكت على بعد الجمل بعدين صج شنو البزنس خل نتعلم منج

الله يفتح عليج ابواب رزقه

انا عانيت من الخدامات يعني كل شي مر علي ولما تطس وحده منهم احس براحه نفسيه غامره حتى نومتى تصير غير ما احاتي خدامتى تطلع من وراي وانا نايمه تكلم احد او تسوي شي بلاوييهم لا حصر لها
هي وحده من ثنتين ولكم الخيار تعب جسدي او تعب نفسي ؟؟؟

الامر راجع لكم

اذا طست اللي عندي مقرره ما اجيب على الاقل بقعد سنه مرتاحه من هم الخدامات واذا تحملت بودعهم للابد والله يعيني بس نفس ما قلتي قبلها لازم اشتري غساله صحون والغساله اللي تغسل وتنشف وتكوي في نفس الوقت عشان تريحني شوي

في انتظار عودتك لتملة اليوميات وعقبالنا

 

[الامبراطورة2]

انا احس نفسي ماقدر لانة عندي ثلاثة عيال سنة وسنتين وثلاث مارح الحق على فطورهم لا حفايضهم ولا الغسيل ولمانخرج مانقدر نحمل الثلاثة كلهم ومع كدة عمرها ماجلست عندي خدامة تجي يوم يومين وتروح الين ماتعبت نفسيا من هم هذا وانا اساعدهم وثلاث ارباعالشغل علي اللة يصبرنا عليهم هم شر لابد منهم تحسين يبيلك قبل ماتحملي تسالي الخدامة كم بيبي تبي لازم ناخذ اذنهم اللة يغنيني عنهم ويكبروا اولادي على خير

 

[دلوعه1418]

بصراحه صادقه كلوا مالنا وحالنا
عفياعليك استمري للأمام

 

[طـلـة قـمـر]

ماشاء الله تبارك الله..الله يتمم عليك

وازيدك قبل مانتنامين طبقي الحديث وسبحي الله 33 واحمديه 33 وكبريه 34...

 

[بطرانه كول]

يا سلام عليج كملي كملي

عيبتني الحكايات اليوميه

 

[طموح الروح]

هلا حبيباتي....اللي سألوا عن بزنسي ... هو بضايع نسائية منوعة وابيع بالمفرد وبالجملة... وأساعد البنات اللي يحبون يبتدون تجارة بدون خسارة.. يعني ابيعهم البضاعة بسعر الجملة.. وإذا تم شي محد شراه منها .. تقدر تستبدله من عندي من بضاعتي.. يعني مابتخسر شي أبدا
وبالنسبة للموضوع كملت اليوميات من زمان... بس اليوم وانا اشتغل قررت شي... خخخخخخ
قررت الله يسلمكم إني اشتغل ساعتين في اليوم فقط.. يعني نفس الشغالة ام الساعات ....خخخخخ اشرايكم بالفكرة الجديدة
طبعا اقصد شغل البيت ساعتين والأعتناء بالأطفال طبعا 15 ساعة تقريبا إلذا نقصت وقت النوم
تحياتي لكم

 

[قلب ذاكر]

والله خوش فكره هههههههههههههههههههههههههههههههههههه

الله يوفقج

 

[فيض الحنين]

الله يغنيننا عنهن بالعافيه

 

[maha samra]

ما شاالله عليج صراحه مناظله وطموحه واحييج بس ليش ما تاخذين ذولي الشغالات اللي بلاجره يعني 6 ساعات مره بلاسبوع احسن لج تجي تنظف مره بلاسبوع وتطلع وانتي سوي الاشياء اليوميه
انا ما جربتهم بس سمعت عنهم

 

[المسك]

ماشاء الله تبارك الله..الله يتمم عليك

وازيدك قبل مانتنامين طبقي الحديث وسبحي الله 33 واحمديه 33 وكبريه 34...

عن تجربة فعلا مفعولها رهيب
أشكرك اختي تجي نقسم الفمر على التذكير:idea:

 

[المسك]

اختي طموح الروح الله يوفقك ويقويك وأفكارك روعة
هي مسألة تنظيم وقت والتخلص من المهام الغير أساسية اللي تضيع كثير من الوقت والمجهود
الى الأمام وبالتوفيق:clap:

 

[&لحظه صمت&]

ماشاء الله تبارك الله
ياليت كل الحريم يفكرون مثلك
بس وينهن الوحده من تتزوج الشغاله تدخل قبلها البيت
وانا الحمدالله تقريبا نظامي مثلك
بس انا اشغل عيالي معي
يعني مثلا غرفتهم هم الي ينظفونها
واذا اكلوو كل واحد يشيل اكله واغراضه
واحياانا اخلي الشغل مثل العب عندهم يعني اسويه مسابقه واحسن واحد ينظف اعطيه هديه
بس دائما اعطيهم كلهم
000
يعطيك مليون عافيه على هاليومياات الي ممكن تصحي قلووب هالحريم

 

[عالم اخر]

الله يغنيك ويغنينا عنهم بالعافيه ويكفينا شرهم

 

[طموح الروح]

حي الله صاحبات الردود.. مشكورين حبيباتي
وإن شاء الله كل الحريم يصيرون سنعات خخخخخخخخخخخخخخخخ:smoke1:

 

[ام ميعاد]

ماشاء الله عليك

اسال الله لك الثبات على طول

بصراحة حمستيني لحب عمل البيت

تابعي يومياتك الجديدة

 

[participant]

صراحه الفكره مشجعه جداً جداً... مليت من الشغالات و بلاويهن
بس ظروفي غير. انا اشتغل ودوامي طويل من الصبح للعصر
راح اطبق الفكره من استقيل لانه هذي السالفه علي بالي

 

[أغلى هديه]

برافو عليكي ماشالله
تصدقين اعرف وحدة عندها 4 اطفال اكبرهم 12 سنه ما عندها خدامة يوم سألتها كيف متحمله التعب قالت الولد الكبير يغسل حمام الاولاد وهي تغسل حمامها مرة بالاسبوع مع المسح السريع خلال الاسبوع وحمام الضيوف مرة في الشهر
الكوي تحط المكوى قدام التلفزيون والبنت الي عمرها 10 سنوات تكوي الملابس الصغيرة اما ثياب زوجها عند المكوجي
اما شغل المطبخ البنت 10 سنوات تسوي الرز الابيض والي عمرها 7 تسوي العصير كل يوم واللي عمرها 6 تسوي سلطة خيار بالسكين البلاستيك وهي تشرف عليهم والاثنين الكبار يغسلون المواعين وهي تكنس البيت وقت المدرسة
سألتها الصغار ما يحوسون الدنيا قالت يحوسونها مرة و اثنين بعدين يتعلمون