أحذري الخدع التسويقية

[خدلج]

أنا طول عمري ما ينقص علي

لكن من كثر ما يتني فرص اللي يدورون بين الباركنات والمولات ويسؤلون سؤال وتربح...سفرة

قررت "فضولا" اسير اشوف شو سالفتهم

هم شركة تعرض التايم شيرنج....شرات اللي في مكة "ابراج زمزم..

المهم العرض حلو..ولكن......هم يذبحونك ويحاصرون عقليتك

خلونا نشترك نفس اليوم رغم اني ابدا ما سويت هالشي....وخصموا لنا خصم غربالله ابليسهم...


بس عزائي الوحيد إني ما دفعت دفعة أولى اللي هي 17 الف..عصرناهم لين دفعنا 1000 بس


بس المشكلة اللي يشترك ما يقدر يطلع إلا بعد دفع إما المقدم او المبلغ كامل واقدر ابيعه

واللحين ظروفي مستوية صعبة خاصة بعد الاسكان....

واتمنى لو في محامية تقرا ردي...تقدر تطلعني على حل...نبغي نفج عنهم....


هم عرضهم حلو لكني انا مضغوطة حاليا..

"الشركة اسمها ***** "
في ****
والغريب ان صاحبها شيخ ....



المهم



احذروهم اذا كنتوا مب متأكدين

 

[بنت زااايد]

موضوع ولا ارووع,,,,,يعطيج ألف ألف عافيه
الخدع وما أدراك ما الخدع,,,,,قمة الاستغفاااال:icon28: بصراحه.
للأسف مريت بخدع الايميل,,,,والنيجيري اللي حشرنا،،،،،واهرامات الثروة,,,,ومن رحمة ربي علي انه بين لي سوء نيتهم وقلتلهم :bye1: ياعمي مش علي انا....

بس في حركه يديده طالعه هاليومين,,,,يسوونها المطاعم الكبيره والملاهي وغيرها,,,,وهي انج تشترين كوبونات للبوفيه أو كوبون دخول الملاهي بسعر زهيد لسنة واحدة وانتي مستانسه,,,وخلاف تفاجئين بشروووطهم وتدليسهم الواضح,,,حيث انج تستخدمين فقط كوبونين في الزيارة الواحدة,,,لا وجميعها في أيام الاسبوووع:shutup:مش في الويكند:icon28:

والسموحة منج على الاطالة:icon26:​

 

[نبض أنثى]

موضوووعج وايد مهم .. وكل اللي قرو استفادو منه .. تسلمييييييييييييين يالغالية ..

 

[كوكب77]

تسلمي أختي موضوع ممتاز
يستحق القراءة

 

[أحلام ورديه]

تسلمين اختي الله يجعله في ميزان حسناتج

 

[Lovely Princess]

جزاك الله خيرا عزيزتي