أحبه فهل ما بدأته صحيح (مشكلتي كرواية قصيرة)

[Ms Uae]

الحمد لله رب العالمين​

لما قريت موضوعج .. حسيت بنعمة الله علينا بالاسلام والعفاف وانا في بلاد الاسلام .. وربي سخرلنا ناس تحثنا على الخير وتساعدنا عليه .. والحمد لله انا مش في بلاد ووسط ناس يعتبروا البنت اللي ماعندها بوي فريند تعتبر معقده .. واللي مافضت بكارتها وهي عمرها 25 تعتبر مريضه نفسية وتحتاج علاج .. والحمد لله انا مش في بلاد تمنع الحجاب .. احمدك يارب احمدك يارب​

ماعندي شي اقوله يا اختي اكثر من اللي قالوه البنات​

والله والله والله رزقك بيجي لحد عندك دام في عمرج باقي .. لاتتشيلي همه .. شيلي هم انك تحمدي الله انه عطاج ورزقك من النعم الكثير الكثير .. عطاج نعم تخلي أي شاب يتمناج .. ماخلاج معاقه .. وماخلاج متشوهة .. أو جاهلة ومتأخره دراسيا ​

هذا اللي شيلي همه .. أما الباقي على من؟؟؟​

على اللي ننام وعينه ماتنام ...اللي ارحم علينا من امهاتنا .. امك اللي تبيلج احسن زوووووج في العالم واغنى واحد واتقى واحد .. تخيلي ان الله ارحم منها عليييييج .. هل ممكن نتخيل هالشي ؟؟ ما اعتقد نقدر لأن عقولنا قاصره عن ان نحيط برحمة الله تعالى .. رحمة الله حبيبتي وسعت كل شئ .. كل شي كل شي كل شي .. ​

لذلك اقول هالكلام لنفسي أول شي ولبنات المسلمين وكل بنت تقرا كلامي هذا .. اشغلي نفسك بذكر الله وشكره على كل شي واتقي الله في نفسك اتقي الله في نفسك بتشوفي الرزق اللي بيجيك لين عندك​

ما قصرتي يا إعلامية طموحة

يزاج الله خير

وان شا الله .. أنا الحين بديت وبحاول قد ما أقدر اثبت على هالطريق

ما قصرتي وربي يعطيج من اللي تتمنينه

ويوفقج ويوفق البنات لكل خير

 

[Ms Uae]

الله يعلم بحالي اليوم..أنا والله حاسة بإحساس ما يعلمه غير رب العالمين

ما راح اتخاذل بإذن الله..ما راح أتخاذل

أنا قطعت الرسايل وكل شي...وما راح اتخاذل

رجعت أقرا الموضوع..والردود مرة ثانية أحس بوقفتكم معايه مرة ثانية

والله يعلم اني دعيت لكم من قلبي

يا رب وفقني لما تحب وترضا وتهديني وتيسرلي الخير وترضيني به

ووفق أحبتي ويسر امورهم وارزقهم رحمتك والعمل بما يرضيك

وجازهم يا رب خير الجزاء على هذي الوقفة

- الحمدلله ان احنا مسلمين..نحب بعض..نحتاج ونوقف مع بعض -