أحبه .... بس أخته لزقه !

[حارمني حنان]

حطي نفسك مكانهاوالله شي صعب جدااااا يعني هي ربي اللي قسم لها انهاماتتزوج مهوب في يدها واكيد انها تتمنى لو طفل تضمه مهما هي انثى الله يعوضها يااااااارب والله نصيحه اعتبريها اختك مادامها مش من النوع اللي يسوي مشاكل والله اخوات الزوج كثيييييييرمنهم يسون مشاكل بينك وبين زوجك ولا يحبون الخير لاخوهم وزوجته مصاااايب..
اهم شي انها ماتاذيك
فكري في حالها لو كنتي مكانها ماتتمنين اخو حنون وزوجه اخ تحبك وترح بشوفك حاولي انتي تروحين لها الشقه مو لازم هي اللي تجيك دائما هي ياقلبي ماجربت الزواج وبكذا ماتحس انه لازم تكون لكم خصوصيه اخوها ومتعوده عليه وازواج اخواتها اكيد تنحرج منهم بس قولي لها عادي اذا زرتيهم حاولي تقنعينها ويمكن اخواتها ماينادونها لبيوتهم علشان كذا تنحرج منهم ومعها حق
احس لو عودتيها تخلي الاولاد عندها وقلتي لها انك طالعه تخلصي شغل انتي وزوجك ماراح ترفض بالعكس لانها راح تحس بقيمتها وان لها دور في الحياه
ياااااقلبي والله وضعها صعب الله يعوض كل مسلمه في وضعها
الله يسخر لك زوجك ويجمعكم على طاااااااعته..امـــــــــــــــين

ردك عجبني ورأيك حكيم ياقمر

 

[زهرة الأندلس]

فاتحي زوجك ف موضوعها ووضحيله انك ما تكرهينها بس تحبي تكوني معاه بروحك ع الأقل توزع زيارات مع أخواتها

 

[لوليتا*]

والله صعبه الصراحه بس طالما زوجك يغطي على خرجاتكم ويقول مع الربع اكيد هو حاس نفس احساسك بس كمان اكيد مراعي خاطر اخته مره لدرجه مايبغى يجرحها فانتبهي انك تجرحينها بصراحه او بتكشيره حتى لانك راح تخسرينه بعدين
الى يحبه زوجك ويداري عليه داري عليه انتي كمان عشان يحطك تاج على راسه
وحاولي انك تقترحين انها تتوظف او تدرس لغات او دورات خياطه او دورات تجميل بهذي الطريقه بتبعد شوي عن البيت وهي فرحانه وانتي فرحانه بكذا حليتي المشكله بشكل جزئي
الين ربي يفرجها وتتزوج وترتاح منك(لا امزح)

 

[ياربي انصرني]

اصبري واحتسبي الاجر لله 000ان شاء الله يرزقها ربي الزوج الصالح000وحاولي تلينين قلب اخوها عليها احسني النيه بتشوفين خير000

 

[حياتي حمودي]

الله يكون في عونك وعونها

 

[زوجةاسير]

والله يااختي تحملي وعسى ان تكرهوا شيئآ وهو خير لكم يمكن لو كانت مهي موجوده كان كثرت المشاكل بينك وبين زوجك ويمكن زوجك يحترمك علشانك تحترمين اخته فكري بالمنطق وحطي نفسك مكانها

 

[مطر الحب]

حبيبتي والله تفهمت كل كلمة قلتيها
شي صعب كثير أنه الزوجة ماتشوف خصوصية بيبتها ومع زوجها
ماأعتقد انه البعض اتفهم وضعك وانه الزوجين يحتاجو يقضو وقتك مع بعضهم
يروحو ويجو الخصوصية كثير مهمة بين الزوجين
مشكلة زوجك انه جدا مراعي مشاعرها بس لازم تنحط قدام الأمر الواقعي
البنت مسكينة ومالها غير اخوها بس كمان اهو مومقصر معها
وتبقى الزوجة زوجة والأخت اخت وكل شي له حد
انت مابين كل فترة قولي لزوجك عازمتك لحالنا واطلعي معه
كلميه انه لازم يحط اخته قدام الأمر الواقعي وانه يبي يطلع معاك لحالكم
موشرط عالطالعة والنازلة تدري وين رايحين وين جايين اطلعو بدون ماتدري
لأنه بالنهاية هذا شي مايخصها لازم تفهمي زوجك ضرورة خصوصية بيتك
انا متفهمة وضع اخته ولاجايه اظلم حقها
بس والله لاتستمري بهالحال لأنه راح تخسري نفسك وروحك الحلوة مع زوجك
وراح تخسري شغلات كثيرة بزوجك اكسبيه من جهة اخته لكن باللي يكون في صالحك وفي صالح زوجك وصالح أخته
زوجك ماراح يفهمك الا اذا شاف بعينه الفرق وراحته شلون راح تصير لوكان يومين أوثلاث بين أحضان زوجته
وشلون يتكتم على بيته

 

[@مفاهيم الخجل@]

ليش مو انتي تروحي لها وتجلسي عندها وبعدين ترجعي شقتك ما توقع بتلحقك

 

[ودي بونس]

الله يسعدك ويبارك لك في بيتك وزوجك...الشيطان بدا بالتدخل لا تتركين له سلطان عليك وحاسبي نفسك ...يعني حطي نفسك بمكانها الله لا يقدر عليك شر وشوفي عامليها كما تحبين ان تعاملي لو كنتي في وضعها ...
والله انني اتمنى ان اكون في وضعك واحسن المعامله واخذ الاجر,,, اعتبريها ضيفه الى ان يرزقها الله بزوج صالح ولا تتذمرين منها او تظهرين التذمر ولو يسيرا ,,, بنت الاصول تظهر في مثل هذه الظروف,,, انا اراها مسكينه ولا الومك صحيح من حقك الاستقلاليه...
ولكن زوجك قبلك مبتلى بأخته وهو من يعاني فاعينيه...
ولا تغضبي من وجودها بل اكسبيها صديقه واخت ...
وتعاونو سويا في شغل المنزل ورعاية اطفالك ولا تكثرين عليها خليها براحتها..وارسلي لها الهدايا بعد كل فتره ...
احرجيها بذوقك وكرمك.
امسكي لسانك ولا تتفوهين بكلمه امام زوجك عنها ولو من باب الفضفضه مهما كان هي اخته ..وهو مسؤول عنها كما هو مسؤول عنك تماما,,,
ولو انها لا تحبك لما فضلتك على اخواتها وهذا يدل على طيبك وكرمك...
لاتعلمين ماذا تخبء لك الايام وانشاء الله تتبدل الاحوال الى الافضل ...
ودمتي بود.:icon26:

 

[دلوعه دااادي]

الله يرزقها الزوج الصالح وترتاح معاه

وترتاحين انتي مع زوجك

 

[لوتية]

السلام عليكم ورحمة الله وبركاته
سلمي امرك لله واحتسبي الاجر انها صلة رحم وانا عارفه انك ودك تحسين بجو الاسرة
بس حبيبتي انتي قلتي عندي شغاله مثل ماتحملتي وجود الغريبه في البيت عشان شغل البيت تحملي القريبه عشانها اخت صاحب البيت
وهي يتيمة وكبيرة بسن اكيد عندها هموم مايعلم فيها الى رب العالمين ماراح نحس فيها لانا تزوجنا وجبنا عيال وعندنا اهلنا ولله الحمد والفضل يعني هي مسكينه اعتبريها باب تتقربين فيه لله سبحانه وتعالى
الله يوفقك شكلك طيبه وانتي متحملتها مالومها اذا حبتك وتعلقت في عيالك لانهم عيال الغالية انتي وربي بيحفظ بناتك وبيلقن الي يرحمهن مثل مارحمتيها اذا احتاجن شي لاسمح الله

 

[مشاعل الغلا]

الله ييسر أمرك يارب

دوري لها على عريس منا ولا منا ...

الله يرزقها يارب

اصبري واحتسبي والزمي الاستغفار بنية حل المشكلة والله يوفقك ...

 

[المحترمه]

جزاك الله خير على صبرك عليها وشكلها طيوبه الله استغلي حبها لعيالك وقت ماتكونين مع زوجك وباقي اليوم اذاقعدت معاكم مافيها شي عسى الله يرزقها الزوج الصالح بس امانه لا تغارين منها اعتبريها اختك والله وضعها يكسر الخاطر وباين انك بنت اصل الله يكثر من امثالك

 

[sweet student]

الله يعينك تصبري والشكوى لله

على الاقل اخته مو اخووووه

حالي مثل حالك واصعب لانه رجال

 

[قلبي مملكة بنتي]

يالغاليه تبين ترتاحين مالك الا انك تتعايشين مع الوضع
وعودي نفسك عليها علشان ترتاحين
مدام ان زوجك زين هذي اكبر نعمه وصدقيني هذي الشغله موهم تتنكدين منه
فكري في الشي السيءمثلآلوزوجك علي هالحال موزين عندك او لاقدر الله
محرومه من الاطفال هذي عن جد اللي تنكد وتنغس عليك اما اخته
فصدقيني موسالفه تتضايقين منها واحتسبي الاجر
وادعي ان الله لايختبرك بشي اكبر

 

[ام سعود11]

هههههههههههه

مشكلتك محضكه

كما ذكرت احد الاخوات

شوفي لها عريس وارتاحي منها

كان الله بعونك

 

[الأستاذه حكمت]

السلام عليكم.. مع ان الموضوع قديم الا اني ماتحملت اسكت لما قريته!!

شفيك يااخت ؟ وين احساسك وضميرك مع هاليتيمه المسكينه؟ بتصيرين انت والزمن عليها
شيء مؤلم فعلا ماتخافين تدور الايام وتنحطين انت بوضع اسوء من وضع هاليتيمه الوحيده؟
وش فيها اذا جت بيت اخوها؟ من لها اصلا غير اخوها؟ وزوجك لاحقه تجلسين معاه الساعات الباقيه من يومك وتقدرين تطلعين معاه يوم في الاسبوع تتمشون برا مااظن بتطلع معاكم..
اعوذ بالله بالله هذي مشكله ؟ ليه الرحمه انعدمت من قلوب البشر كذا؟ الله يكون في عون هاليتيمه

 

[الجده الصغيره]

احمدي ربك انها حبوبه وخادمتك...لو هي متسلطه كاان قلبت حياتك نكد...بس احتسبي الاجر والحمد لله اللي معوضك بهالرجال اللي مقدرك.........

 

[حلااميرة الزوق]

يااختى ايش هزاالكلام تجلدى وتحملى دى عمت عيالك واخت من تحبى والله ان الانسان يحب من يحب حبيبة تزكرى ان الايام يااختى تمروتبقى الكلمة تحملى واكيد هى تحبك لانها ليس مجبرة لان تعيش معك بدون ان تكون مرتاحة معك تحملى وتاكدى انها ستعود عليك بخيرفى عيالك باازن الله

 

[شهلة العيون]

نصيحة أختي العزيزة ،،،،انتي في نعمة لا تخلي الشيطان يكبرها في راسك ويخليكي ما تشوفي قدامك من أجل تفاهات ،،،شوفي مشاكل البنات في المنتدى عن أهالي أزواجهم شي يشيب الراس وألي ساحرين له وألي ضاربينها وطاردينها هي واولادها ،،،وألي مطلقينها وألي تاركينها لا معلقة ولا مطلقة نكاية،فقط،،،وألي زوجو زوجها ،،و،،،و،،،و،،،،،،،،،،،،،،،،،،،،،،،،،،،،،احمدي الله أن رزقك زوج صالح،،،،حطي نفسك مكانها ،،،هي أخته أولاً وذلك بيتها قبل ما تجي انتي ،،،وشوفي للمستقبل لو اجاك ولد وحيد وعشتي عنده وكانت زوجته تفكر مثلك ،،ما سوف يكن موقفك ؟؟؟؟؟
بالعكس أحسني لها وقربيها منك زيادة مع احتساب الأجر لله وحده وسوف تجدينها أنها فهمت نفسها لحالها ،،،،واعطت لكي مجال من الخصوصية