أحبهـ ولكـــن

ربما ولكن

ربما ولكن

New member
إنضم
2007/12/14
المشاركات
4
السلام عليكم ورحمة الله وبركاته ..

كيف حالكن اخوااتي العزيزات ..


كتبت الموضوع بعد تفكييير طويـــل ... وان شــاء الله تفيدوني من خبرااتكم ..




راح اطرح قصتي واتمنى الاقي الحل ..


تزوجت من شهــر تقريبا .. وتزوجت عن حب .. لانه زوجي من الاقارب ..


كنت ارسم احلامنا .. ونخطط مع بعض لمستقبلنا .. كان مالي علي حياتي .. كان يعترفلي بانه يحبنــي


تعامله كان جيـد في بداية الزواج ومازال تعامله واحترامه لي موجود .. لكن يا اخواتي ..


لاحظت بعض التصرفات الغريبه ..


يرد على اي مكالمه لكن بعض المكالمات ما يرد عليها .. ومره كان يبتعد عني وهو يتكلم بالتلفون ولما قربت منه كان صوت الطرف الثاني (انثى ) ولما سألته : من ؟ قال .. اخوي ..

انا ما بينت له باني اشك فيه ولو للحظه .. كنت اظهر له الثقه .. واقول في نفسي اننا نحن في شهر عسـل وماله داعي هالحساسيات ..

بعد فتره لاحظت انه توصله مسجات اول ما يقراها يمسحها .. مع انه كل مسجات ربعه موجوده في الجوال !!



و مره كنا في محل .. ورن المبايل .. حطه سايلنت كعادته .. وطلع بسرعه من المحل وقالي : بروح دورة المياه وراجع بغسل يدي ..

يده ما توصخت ابدا ليش يغسلها !! ..


تصرفاته غريبه ..


ولازم كل صبح يطلع يتكلم بالجوال برا .. مع انه عادي يكلم اصدقاءه قدااامي ..



:icon28:






كل هذي تعتبرونها شكوك .. لكن والله فكرة الخياانه تسببلي ازمه ..


مع العلم انه يدرس في منطقه بعيده عن منطقتنا وما يرجع إلا يومين في الاسبوع ..



احيانا افكر في تجاهله ..علشان يعود في نهايه الاسبوع مشتاق لي ..


واحيانا افكر اني ازيد اهتمامي فيه لكــي لا ينظر لغيري





مع العلم اني اهتم به كثيــــرا .. واهتم بنفسي كذلك ... وبالبيت


ولكن شكل الخيانه هذي قبل الزواج ومازالت ...



اخواااتـــي ماهي نصيحتكم لـــي وهل انا اتوهم ام فعلا هذي الحركات طبيعيـه وعاديــه !!!
 
أختي مقدرة وضعك وعاذرتك باللي تفكرين فيه

ولكن بدري جدا الحكم على انه خاين

انتي لسى ماعرفتيه كويس ولا هو عرفك كويس

لا تفاتحينه بموضوع الخيانه وتفتحين عيونه على اشياء يمكن هو بريء منها ولا حتى يفكر فيها

وبعدين يمكن الصوت اللي سمعتيه لأخوة فعلا

وأكثر الشباب يتكلمون مع اصدقائهم بعيد عن الحريم

اما انه فيه اشياء خاصة بينهم كشباب او انه خايف يطلع صوتك عند صديقك

يعني ارتاحي وطمني بالك

وعلى فرض

وانتبهي انا اقول على فرض

انه كانت له علاقة ببنت قبل الزواج

انتي لسى ماصرتي غاليه على قلبه كفاية حتى يتركها زوجته صحيح بس عشرته معاكي قصيرة


انا انصحك انك تدلعيه وتزيدي معاه الرومانسيه وتساعدينه على انه يلغي ارتباطاته العاطفية بغيرك

وخليه مايفكر في بنت ثانيه غيرك

مو تنكدين عليه وتبعدينه عنك

خصوصا وانك تشوفينه يومين بالأسبوع بس

والله يوفقك يا عسوله في زواجك
 
يا عزيزتي لا تستعجلين في الحكم عليه لكن حاولي تتقربين منه و تفهمينه وبما أنه يكون فترة بعيد عنك حاولي تخليه يتعلق فيك و يفقدك علشان يشتاق لك و لا يفكر في غيرك أشغليه باستمرار أما بمكالمات أو مسجات . حسسيه بوجودك في حياته و مع الوقت صدقيني ما راح يستغني عنك وبيزيد غلاك في قلبه . و الله يسعدك أنت و زوجك .
 
هو الظاهر عنده بقايا عزوبيه ولكن بهمتج بيترك كل الماضي وبيكون لج
 
تطمني حبيبتي

اعطيه فرصه

يمكن علاقات قديمه ويبي ينهيها

عوضيه حب وحنان وثقي فيه واعطيه فرصه
 
ويفرج همكم يا رب ...



للأسف خواتي .. بانت لي الحقيقه .. وكشفته كذا مره .. لكن ردة فعلي كانت هاديه جدا ..

يعني كنت اكلمه بالمهم بس .. وما فاتحته بالموضوع هو بنفسه فتحه لي ..

واعتذر وقال انه ماراح يكررها .. ولكن للأسف تكررت ..

لكن مثل ما نصحتوني .. احاول ما انكد عليه .. علشان ما يهرب مني ..

انا احاول ولا تنسوني من صالح دعائكم ..
 
ياعمري كسرتي خاطري توك عروسه وحرام تنقرصين على طول.

حبيبتي لاتبكين ولاتضيقين صدرك اطلبي ربك انه يسخره لك ويبعده عن عيال وبنات الحرام.

لاتوترين نفسك ووكلي امرك لله واكثري الدعاء.

الله يجمع بينكم ويبعد عنكم عيال الحرام ويسخركم لبعض.
 
:sadwalk:
rawanajd قال:
ياعمري كسرتي خاطري توك عروسه وحرام تنقرصين على طول.

حبيبتي لاتبكين ولاتضيقين صدرك اطلبي ربك انه يسخره لك ويبعده عن عيال وبنات الحرام.

لاتوترين نفسك ووكلي امرك لله واكثري الدعاء.

الله يجمع بينكم ويبعد عنكم عيال الحرام ويسخركم لبعض.[/:icon26::icon26:quote]
أنقر للتوسيع...
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل