||أحاسـيـس الشـــوق || دردشة الزوجة الثـانيــة ||

الحالة
مغلق و غير مفتوح للمزيد من الردود.
اذكار المساء ياحبايب :)


امسينا وامسى الملك لله ولا اله الا الله وحده لاشريك له .. له الملك وله الحمد وهو على كل شيء قدير

ربي اسألك خير مافي هذه الليله وخير مابعدها .. واعوذ بك من شر هذه الليله وشر مابعدها :)

وكملوووووووووو
 
يوووووووه الله يعينك

يلا خليه يجيب هديه النونو الجديد لابتوووب هههه

خوخه فين راحت
 
الاب توب ماخلت فيه بنتى ولا حرف كمانطفني كل يوم شاحن مدري ليش تخرب
 
زيزفون اشوفك صايره على الصامت عسى ماشر تدخلين وتخرجين ولا كانك شفتي احد ههههههههه زعلانه مطنشه
 
25181117020.jpg
 
اخاف الله... قال:
عبوره تدرين ليه صحت على بنتي
تجمعت كل الذكريات السيئه بخصوص بنتي واخوانها معنابوها تذكرت لما طاحت بنتي واخوها من ابوها كبير جدا قال لها بصوت واطي احسن عشان ما يسمعه زوجي
تخيلت لو صار لي شي من بيهتم فيها ياربي جميع الافكار الشينه جت هذيك اللحظه
حسيتها وحيده ورحمتها مررررررررره
اتذكر لما خليتها اول مره تروح تشوفهم تقول ماما اروح جنبهم وهو جالسين على طاوله ما يبون يكلموني اجي اسألهم مايردون ووحده منهم تدفها تقول روحي هناك بعيد ماتوقعت ان وحده من عماتها شافتها وانحرجت مره يعني موقف سخييييييييييييييييييييييف جدا حمدت ربي اني ماكنت موجوده معهم من بعد كذا موقف منعت اطفالي يجتمعون فيهم وللحين حتى زوجي ماقدر يغير رايي ادري بتقولون لي غلط اقول لكم ممكن كلامكم صحيح بس خلاص صار عندي خوف عجزت اسيطر عليه
أنقر للتوسيع...

حبيبتي أخاف الله ... خلك إيجابية ... مو معنى انهم تصرفوا بهالشكل انهم مافي منهم رجى ... أغلب تصرفات الابناء ناتجه عن توجيهات من الوالدين ... وهم يتصرفون وعلى بالهم هذا الصح لأنه ناتج عن كره أمهم لك ولعيالك ... بس المفروض الأب ما يقف مكتوف الأيدي ... علبو بس بيفتك من صدعة ودوخة أمهم ... المفروض يوجههم لما فيه خير لما تغيبون عنهم بعد عمر طويل وصحة وعافية ... ويبقون هم لوحدهم ... والمفروض إنك اتشجعينه على هالشي ... والله ان ولد زوجي الصغير ما شاء الله الحين عمره 11 لما يجيني يقول متى يجي أخوي خالتي عشان اذا كبر اوديه المدرسه واوديه يلعب بالالعاب ... هذا بس لان ابوه دايم يقول لهم هذي امكم الثانية وبتجيب لكم اخوان انتم مسؤولين عنهم ... يعني هو مجرد كلام بس يحثهم على الاقل ... وهذا واجب زوجك كمان اتجاه أبناءه ... ولا تصيرين سلبيه وتتذكرين مواقف ولت وراحت حبيبتي ... ورب البيت كريم ان شاء الله​
 
اخاف الله... قال:
ياقي عبوره نبي نستفسر منها بس تونا معها بالبدايه نستحي منها
هههههههههههههههههههههههه >>> خليها على نيتها
أنقر للتوسيع...

خخخخخخخخخخخخ
لا تستحين ولا شي إخذي راحتك حبيبتي ... ولو اني أفضل اني أكون على نيتي ... لأن وعلى نياتكم ترزقون​
 
انا المها بشري ضبط معاك الشغل أو الى الآن ما عرفتي له ؟​
 
دموعه إلا ودي أسالك سؤال ... سألتي دكتورتك عن كثرة الجلوس على الاب توب مضره ولا لأ ... أقصد الاشعاعات عادي عليك في بداية الأشهر ... لاني لما أحطه على بطني في بعض المرات أحس أن أسفل بطني يعورني ... ودي أعرف بهالمعلومه عادي أو يضر بصراحة ... عندك خبر ؟ والله يحفظك يارب من كل شر​
 
عبوورة شكلك ماشاء الله انسانه حكيمة مثل غلوووو( عاد بيكبر راس غلو علينا)
من جد اقرا ردودك تعجبني بس لسى ماعرفت عنك شي
عن اذنكم وخشمكم بطلع اصلي واصلح لزوجي شاي عنده زميله وراجعه لكم بس بااعطيكم شي تقروونه وتتسلوون فيه الي ان ارجع
 
قصة عجوووز تهبل لاتفوتكم

كان فيه شاب من اهل نجد وكان هالشاب ساكن هو وامه فقط في بيت واحد لأن ابوه كان متوفي
وكانو مبسوطيين وعايشين بكل سعاده وخير مع شح وفقرذاك الزمان
المهم امه العجوز شبت عليه وقالتله ياوليدي مالك ماتعرس
وودي تزووج علشان اشوف عيالك قبل مااموت
وهو يقول بسم الله عليك عقب عمرن طوييل يوووه
المهم الححت عليه وهو وافق
وخطبتله امه هاك البنيه ( الغاوية )
الولد عقب العرس ..ماينلام استانس بحريمته وتوافق هو وياااه الحمدلله
كل يحب الثاني ويودده
لكن المشكله عاد ب( المامي) تقل تضايقت شوي من الوضع(غارت)
-----------> وهذي فطره عند اغلب الحرييم الكباار خاصة مع عيالهم
--->غصبن عليها
بدت إذا جاء الولد عقب الظهر داايخ
من الشغل وده يتغدا ويناام قبل يأذن العصر.
وأول مايصك باب الغرفه هو والمره إلاّ والوالده رانعتن عليهم الباااب ( تنكيد يعني) قومو صللو يالله
وان كان هو ماأذن تطق وتقول قومو توللمو توضو قبل الاذاان..
ورزح هالباب ماتواطنهم بالغرفه تنهبل
والولد ماغير ( يقول إنا لله وانا اليه راجعوون ) وش جاه أمي
وتطوور الوضع بدت العجيّز
إذا منّهم نامو بالليل واوّل مايتواسوون تطق الباب قومو تسننو صلّو صلاة الليل. قومو أوترو.. قومو قومو.وماغير
تهجدهم وترجدهم بالليل وانهار
المهم الولد تضايق بالحيل تنكّدت عيشته مايدري وش يسوي الوالده صارت قشراء ماتعبّرهم داخليين بالغرفه تنهبل
على طول...
ومرّه الولد كان عند رفيقن له يقالّه ابوصالح (معرووف بالعياااره )كان يتقهوى ومع السواليف قص عليه السّالفه حقّته مع
أمه وشكى على رفيقه ابوصالح حاله
قال ابوصالح انا اعرف علاج امّك زيين بس تطاوعن؟؟
قال الولد تكفى اللي تبي
بس فكّنا ياشيخ
قال أجل ابقوللك : نبي نسوّي خطّه انا وانت بس لازم تطبقها تمام والا ترى تبي تخرب عليك
قال الولد .. تكفى قللي
المهم قاله الطريقه واتفقو
يوم صار من باكر عقب العصر
جاء ابوصالح لبيت الولد وطق عليه الباب
طق طق طق
ابو فلان ابو فلان وبدا يصوّت ابوفلان
(كانت بيوت الاولين صغار بالحيل وهدوء لدرجة ان اللي بالبيت يسمع كلام اللي بالشارع والعكس*)
المهم طلع الولد قال
ياهلاااااا ابو صالح يالله حيه
ادخل اقلط تقهو
قال ابوصالح
لاوالله يابوفلان أنا عجل بس جيت ابي منك طلب وابمشي
(طبعا رافعيين اصوااتهم علشان تسمع العجيّز- وهي ماقصّرت جادعتن إذنه تبي تدري وش يبي ابوصالح بولده)
قال الولد ادخل يارجال واطلب الّي تبي
الّي تبي بس تقهو
قال ابوصالح .. الّي ابي؟؟
ماتردّن
قال الولد : والله ماأردّك لو تبي كل بيتي ومابه بس ادخل .. إلاّ شي واحد ماأعطيكياااه
قال ابو صالح وشّو؟؟ هالشي؟؟
قال الولد: لاتجي بس تبي تخطب أمي؟؟
ترى هذي اسمحلي ماأقدر أطلب كل شي إلاّ هذي ..
قال ابوصالح وراااه؟؟
قال الولد : الله يعظّم أجره أميمتي
تقوّمنا لصلات العصر قبل يأذّن وتقومنا نتسنن بالليل . وتقومنا نووتر قبل الفجر . وتقومنا للفجر حريصتن علينا
والله مااأفّلبه ابد الله يخلّيها لنا ان شاء الله
قال ابوصالح : والله الصّراحه أنا جااين أخطب الوالده أجل
قاال الولد لااااا ياخووي
أجل طس لاتقهوى ولاشي مع السلامه . والوالده مهيب معرسه
( كل هالكلااااام والعجيّز تسمع!! ومنهبله)
راح ابوصالح والولد صك الباب
دخل الولد والى الوالده بوجهه قالت منهو ذااا؟؟
وش يبي؟؟؟
قال ياميمتي هذا خبل سايح وطلب منّي طلب وطردته ( مابقا إلاّ هي بعد)
اسكتت وهي منقهره تبي تنفجر
وجاء الليل ونامو ولاقامو إلاّ الضحى
وجاء الظهر ونامو وماطق عليهم أحد
والعصر جاء الولد لأمه
قال ياميمتي سلامااات؟؟
ماقوّمتينا للصلات الفجر ولا العصر
عسى مااااشر ياميمتي؟؟
قاالت العجييز: قومو أنتم عسااكم للكسااميير خلاااص انا منب دايمتن لكم
خخخخخخخخخ
وبدت ماتطق عليهم وافتكّو من شرّها
وهي على رجاء خطبه ابوصالح ههههه
....يااارب تزوجها

 
عبره قال:
دموعه إلا ودي أسالك سؤال ... سألتي دكتورتك عن كثرة الجلوس على الاب توب مضره ولا لأ ... أقصد الاشعاعات عادي عليك في بداية الأشهر ... لاني لما أحطه على بطني في بعض المرات أحس أن أسفل بطني يعورني ... ودب أعرف بهالمعلومه عادي أو يضر بصراحة ... عندك خبر ؟ والله يحفظك يارب من كل شر​
أنقر للتوسيع...


لاوالله ماسالتها ولا راح اسالها لاني اخاف تقولى يضر وانا مدمنه نت خليني اجلس كذا بشكك ولا اتاكد لاني ماراح استغني عن النت جزاك الله خير على الاهتمام لاخلا ولا عدم
 
استأذن يالغوالي عندى موعد مع الدكتوره وان شاءالله ماطول لاتروحون بعيد
 
الحالة
مغلق و غير مفتوح للمزيد من الردود.
عودة
أعلى أسفل