البيت السعيد**
New member
- إنضم
- 2009/01/03
- المشاركات
- 603
بسم الله الرحمن الرحيم
والسلاااااااام عليكم ورحمة الله وبركاته،
أحين في موسم المانجو، تطلع الطبخااات الحلوة من حلاوة وعصائر وآيسكريمات نستخدم فيها هالفاكهه اللذيذة،
زوجي الله يخليه ياب لنا كارتونة مانجو، وللأسف طلعت كمية كبيرة منها خضرررة وحامضة، وبعضها بدون طعم،
البيت السعيد فكرت وفكرت وقررت إنها تسوي أجار المانجو،:35:
وقريت مني ومناك في النت، في وصفات ما دشت مخي، يبت لي ورقة كالعادة وكتبت الأشياء اللي أقدر أحطها في الأجار، وكل شي أكتبه أتخيل طعمه في الأجار خخخخ، شريت النواقص وسويت الأجار...
المهم طولتها وهي قصيرة هذه هي الطبخة:
أجار المانجو
المقادير:
موضحة كلها في الصورة، وراح أشرح كل شي بالتفصيل،
أول شي:
6 حبات مانجو أخضر كبار مغسولين ومقطعين مكعبات
نص كأس صغير زيت زيتون
نص كأس صغير خل أبيض
حبتين ليمون مقصصين شرائح
7 أكواب صغيرة ماء
5 حبات فلفل أخضر حار (ما صورتهم)،
بالنسبة لصحن البهارات:
- علبة بهارات باكستانية إخذي النوع اللي مكتوب عليه لللحم المقلي ومرق الطماطم،
- وباقي البهارات مبينة في الصورة وتقدرين تشوفين الكمية، مثلاً حبة البركة عبارة عن ملعقة كبيرة ونص الملح خليت أول شي كمية بسيطة كلش وكل شوي ذوقي علشان لا يطلع لج الأجار مالح.
الطريقة:
أول شي خلي البهارات كلها في جدر كبير شوي علشان نقدر نحرك على راحتنا،
ضيفي عليه 4 كلاصات ماء والفلفل، وشغلي النار وخليها متوسطة،
من تحسينه بدى يسخن ضيفي زيت الزيتون،
أحين ضيفي المانجو والليمون، وباقي الماي وخليهم على نار هادئة 40 دقيقة تقريباً،
هذا شكله عقب نص ساعة تقريباً، في هالمرحلة ضيفي الخل وخليه تقريباً عشر دقايق زيادة،
وهذا عقب ما جهز خلاص وسكرت النار من عليه، خليه يصير فااااتر حده علشان نعبيه،
شريت هالعلب وغسلتها علشان أعبي الأجار فيها، هالكمية ترست لي خمس علب منهم ما شاء الله،
وهذا عقب ما عبيته، << ما عليكم من مبخرة الشبة ورى نسيتها ههههههه
ما شاء الله، تبارك الله
وهذه صورة قريبة لها،
الطعم راااااااااااااااائع بشكل لا يوصف، زوجي إنبهر منه على باله جاهز، طعمه حااار وحااامض والريحة خنينة،
خليتهم بره علشان يبردون عدل وبعدين دخلته الثلاجة،
ناطرة بكرة أروح عند أمي علشان أذوقها وأشوف رايها :5:
