أبي حقي مثلها بس اشلون؟؟

[Engeleena]

السلام عليكم،،،

مالكم بالطويلة

مشكلتي ان زوجي ما احس انه يعدل بيني وبين زوجته!!

ودي اصارحه انه اخذ زوججته مع عيالهم لمطعم لاكثر من مرة،،ونا وعيالي تقولون اعيال البطة السوداء!!
ولما اطلب منه من غير ما اجيب له سيرة اني عرفت يتعذر باي شي: (خليها بعدين،،عندي رياجيل....الخ)
الحين انا لي شهر بعيدة عن بيتي عشان ظروف صحية وطالعة من المستشفى،،ودي أطلع معاه نتعشى برا، وادري انه بيتعذر كالعادة
ودي اقول في وجهه تلميح:
خلنا نروح للمطعم اللي يمدحونه اعيالك يقولون عنه حلو، هم طبعاً طاحوا بلسانهم قالوا قدامي،،
بس ماودي احصل زفة!! ودي اوصله فكرة اني دريت وابيه يعدل،،بس اشلون؟؟


وتكفوووووون ابي رد يبرد القلب عاااااااجل

 

[مدام فلمبان]

طيب قولي عادي مافيها شي
انتي حتقولي اللي صااار

 

[وحيده في دنياي]

صارحيه وتفاهمي معه عادي

 

[Engeleena]

يا بنااات هو عصبي،،
ماودي احرج نفسي،،لكن بنفس الوقت ابي حقي،،ابي طريقة اخذ فيها حقي من غير ما احرج نفسي معه

 

[Engeleena]

ردواا علي تكفوووون

يعني عيالي عيال البطة السوداء؟؟؟ بس ياخذ عياله وزوجته ويروحون للمطاعم؟؟
طيب ونا مو زوجته بعد؟؟

 

[اشرف قبايل]

عادي اذا مو حابه تواجهيه ارسلي له رساله مرتبه وموزونه ...
وكلها رقه

اطلبي منه شوي من وقته لعيالك ... وانك تحبي انه يهتم اكثر من هالناحيه ..

ولو اني اتوقع المصارحه وجها لوجه احسن .. واسهل

بس اختاري الوقت المناسب

 

[البياض]

يعني وقفت على مطعم وطلعه .. انصحك تقولين له يجيب عشا من برى ويقعدمع عياله ويسولف وياكل وشوفي رد فعله بمعنى انه يهمك القعده معاه اكثر من المكان ..
بعدين قولي له براحتك ودك نغير جو مع الاولاد نوديهم برى احسن وهنا يبين لك وش يبي بالضبط وحسسيه انك فرحانه بالموافقه والطلعه وادعي له وانفخيه انه سوى هالشي لكم عشان يحس بقيمته عندك وبنفس الوقت يعرف انك تقدرين هالاشياء له وعيالك يفرحون فيها ..
وبعدين لاتجيبين له سيره زوجته وعياله لانه بيفهم انك تقارنين وتمسكين على الاشياء السخيفه وتقعدين له عليها لا اسكتي وخليك ذكيه وخذي حقك بالدلع والتميلح والدعاوي والكلام العسل خليك اذكى وشغلي اللكاعه الرجال مايبي لهم الا لكاااعه واستغباء عشان تاخذين حقك ...

والله يهنيكم بطلعه حلوه وتنبسطين انتي وعيالك وابوكم فيها يارب ماتنقطع عنكم هالمشاوير الحلوه

 

[ام سهررر]

اذا خايفه من ردت فعله وعصبيته ارسلي رساله ووضحي له الي بخاطرك

وانا ماراح احللك اذا ماعدلت بيننا ونمقي كلام يكون فيه مديح له يعني ماتكون

كلها عتاب وحساب

 

[شقحه الفرنسيه]

حبيبتي تحرقين اعصابك على شي مايسوي!!اذا تبين تطلعين اطلعي لمكان احسن من اللي راحوله وموشرط مطعم اطلعوا ملاهي اومنتزه يعني غيري تكون لك شخصيته وذوقك في الطلعه واذا جيتي تطلبين منه لاتقولين طلعني مثل فلانه وش معنى هي ووووو..اطلبي عشانك انتي وبس مو عشان طلع زوجته الثانيه ..وبتوفيق

 

[نضوج أنثى]

لا تجيبي سيرة زوجته الثانيه ولا عياله اذا انتي تشوفي نقطة ضعفه عيالك ارسليهم يقولون له بابا نبي نروح المطعم او اي مكان يتمشون أما اذا مالقيتي استجابه انتي روحي انتي واطفالك قولي له ابي فلوس نروح المطعم او نتمشى طنشيه يمكن يحس لما يشوفك عايشه حياتك انتي واطفالك بدونه او قولي له رحنا المطعم والأطفال قالوا لي كل الناس معاهم ابوهم إلا حنا يا ماما قولي انحرجت ماعرفت شلون اجاوبهم ولا تخافين لو ضاع حقك الحين مايضيع بالآخره هو مسؤول عن عدله بينكم يوم القيامه ولا تنسين الدعاء والاستغفار

 

[كشه ناعمه]

دائما خليك واثقه بنفسك وماتقارنين بينك وبين اي احد
وتطلبين حقوقك بدون اي تردد وخوف
كذا الرجال يحترمك ويحبك اكثر ويحسب لك الف حساب ..
لان الثقه وعدم الخوف وفوق هذا الاسلوب والاحترام يخلق
لك هيبه يم زوجك ..
زوجك يردك لما تطلبين منه لان يدري انك خايفه من عيونك
لما تطلبين منه يودري انك مو جازمه بكلامك ومتوقعه الرفض

 

[مشتاااقه]

قولي اولادك هم اللي قااااااالو
وانا مو عشاني طالبه طالبه عشان عيالك لمن يعرفون ينكسر خاطرهم
واكيد زوجته عندها سلوب تقدر تقنعه بالطلعه حاولي تعرفين كيف تقنعين زوجك بالطلعه​