أبيكم تنصحوني

[وصايف حياتي]

مساء الخير بنات
هذا أول موضوع لي بالمنتدى وابي نصيحتكم لأني ما ابري نفسي ولا ابري زوجي اثنينى غلطانين وأنا م أحب أكون غلطانه ابي نصيحتكم في هالموضوع..
صراحة انا زوجة شمالي شرقي ماشاء الله كريم وطيب ويلبي طلباتي المهم بنات دائما لما اطلب شي بيسويه لي بس بعد فتره بعطيكم مثال لو طلبت أروح السوق بيقولي تمام بس مااليوم بيطلع مثلا مع ربعه او اي شي والي يقهرني إذا طلبت امه شي فنفس اليوم بيسويه يعني م يتحجج لها بشي الله يجعله بار فيها والله حتى أنا أحب امه ودايما انصحه انه يبر فيها المهم الي يضايقني انه يأجل مواعيدي مع انه اشوف طلباتي اهم من طلعاته المهم مره ناقشته قالي أنا انفذ طلباتج واسوي الي تبيه بس م شرط اسويه فنفس اليوم وصراحه هو ينفذ طلباتي ولا يبخل علي بشي بس مشكلته التأجيل نصيحتكم بنات

 

[نمو222]

هلا وصايف
هذه صفة الشمالي الشرقي وانا مثلك جميع طلبات الأسره تحت التنفيذ بس لا أمل في كل
يوم أردد الطلب حتى ينفذه ولكن هو بحب المدح واهله يمدحونه كثيرا عشان كده بنفذ الطلب سريع .
وإنتي اكثري من المدح حتى يلبي لك طلبك دون تأجيل

 

[نمو222]

ولا توضحي له أنك زعلانه من سرعة تنفيذ طلبات أهله او امه

 

[نمو222]

وعشان يكون سريع كلميه بجديه في كل طلباتك لازم يكون قرارك صارم مثلا في طلعة السوق او المصروف لا تتهاوني

 

[وصايف حياتي]

اشكرك نمو علي تفاعلك الحمدلله ينفذ بس مشكلته التأجيل وكمان المصروف م يقصر فيه تخيلي لما كلمته قالي أنا م ارفضلج طلب واذا ما وديتج السوق اليوم بوديج باكر بس تاكدي آني بوديج بس امه إذا طلبت شي من ساعته يسويه لها استغرب واذا كلمته يقولي أنا م رفضت طلبج قلتلج تمام وبوديج بس صبري علي

 

[وصايف حياتي]

هلا نمو حبيبتي اشكرك علي التفاعل نمو الحمدلله هو ينفذ طلباتي ومن ناحية المصروف م يقصر بس مشكلته إذا طلبته شي يأجل لو كلمته او ناقشته يقولي أنا م رفضت قلتلج تمام بس ما اليوم يعني واذا قلتله ليش عندك شي ضروري غير توديني يقولي لاتحني بوديج واستغرب إذا طلبت امه شي يسويه من ساعته واذا كنا مخططين نطلع وطلبت انه شي بيكنسل طلعتنا وبيسوي الي امه تبيه لو اشوفه يكنسل شي من التزاماته للاهله عشاني كان سكت بكذا بيكون عادل وحده بوحده لكني أشوفه أنا طلباتي يأجلها واذا تكلمت يقولي م عندج حق أنا م ارفضلج ولا طلب بس اجلته ويطلعني غلطانه بس م أعرف صح أنا غلطانه ولا شو والله احترت معاه

 

[وصايف حياتي]

اتمنى الكل يدلوا بدلوه في موضوعي هالشي كثير مضايقني

 

[نمو222]

اتمنى الكل يدلوا بدلوه في موضوعي هالشي كثير مضايقني

وصايف اختي مادام هو ينفذ لا تقلقي حبيبه
أمه طبعا لا يرضى زعلها والحمد لله أنه بار
وأنتي فهمتي طبعه اختي خلي ينفذ طلب أمه
ويلبي ليك أنتو ربي يحفظ ليكم أن شاء الله

 

[نمو222]

زوجي عادي يلبي طلب أمه لا أعترض
و من ثم يلبي طلبي بكل ثقه أردد طلباتي دون
تردد

 

[وصايف حياتي]

وصايف اختي مادام هو ينفذ لا تقلقي حبيبه
أمه طبعا لا يرضى زعلها والحمد لله أنه بار
وأنتي فهمتي طبعه اختي خلي ينفذ طلب أمه
ويلبي ليك أنتو ربي يحفظ ليكم أن شاء الله

شكرا نمو علي النصيحه طيب امه وعرفنا لكن ربعه الي نفس الحال يبدي طلعاتهم ووناستهم علينا

 

[للحياة معاني]

هذه النمط ما يحب تفاجأينه بطلبك
مثلا انتي اليوم خططتي تروحين السوق لكن هو حاط في باله انه يبي يطلع مع ربعه مو في باله انه بيوديك السوق فبيأجل لأن مو من ضمن تخطيطاته
هو هالنمط طبعه كذه يعني لصرتي ناويه تروحين مكان جربي قولي له قبلها بكم يوم اذا ما عندك عمري شي في اليوم الفلاني ودني السوق او ودني هالمكان
او عادي لا تحددين ومتى ما وداك وداك
من ناحية اهله يمكن يستحي يرفض لامه طلب
ويحس عيب مو بر فيها وانه احترام لها

 

[وردة الكرز]

وصايف عزيزتي ما دام يحقق طلباتك في نهاية المطاف لا بأس عزيزتي . أعرف أنه من المزعج أن تشعري و كأن زوجك يفضل غيرك عليكي و لكن فكري بالموضوع من زاوية أخرى أنه ينفذ طلباتك حتى لو أجلها قليلا حبيبتي يمكنك أن تطلبي منه قبل الموعد بفترة ربما هو لا يحب الطلبات المفاجئة و يتوتر منها و لذلك يقوم بالتاجيل . أما أمه فهو نوع من الاحترام والبر بها فقط .

 

[وصايف حياتي]

وصايف عزيزتي ما دام يحقق طلباتك في نهاية المطاف لا بأس عزيزتي . أعرف أنه من المزعج أن تشعري و كأن زوجك يفضل غيرك عليكي و لكن فكري بالموضوع من زاوية أخرى أنه ينفذ طلباتك حتى لو أجلها قليلا حبيبتي يمكنك أن تطلبي منه قبل الموعد بفترة ربما هو لا يحب الطلبات المفاجئة و يتوتر منها و لذلك يقوم بالتاجيل . أما أمه فهو نوع من الاحترام والبر بها فقط .

شكرا لگ وردتنا ياليت يأجلها ويعطيني السبب احيانا صح م أكون مضطره ع الطلب فنفس اليوم لكن ودي يسويه بنفس اللحظه

 

[وصايف حياتي]

هذه النمط ما يحب تفاجأينه بطلبك
مثلا انتي اليوم خططتي تروحين السوق لكن هو حاط في باله انه يبي يطلع مع ربعه مو في باله انه بيوديك السوق فبيأجل لأن مو من ضمن تخطيطاته
هو هالنمط طبعه كذه يعني لصرتي ناويه تروحين مكان جربي قولي له قبلها بكم يوم اذا ما عندك عمري شي في اليوم الفلاني ودني السوق او ودني هالمكان
او عادي لا تحددين ومتى ما وداك وداك
من ناحية اهله يمكن يستحي يرفض لامه طلب
ويحس عيب مو بر فيها وانه احترام لها

شكرا على ردگ حبيبتي
مااعتقد الموضوع آني أفاجئه بطلبي احيانا اطلبه ولاعنده شي ويأجل ويقولي مالي نفس اليوم نروح مكان وبس يجيه اتصال من ربعه فنفس اللحظه يطلعلهم يعني فنفس اليوم الي أنا طلبته فيه واذا قلتله ليش بيقولي تعرفيني من زمان م شايفنهم وودي أوسع صدري ومن هالكلام