أبله صغيرونه

[ضفدوعة]

السلام عليكم ورحمه الله وبركاته
كيف الحال اخواتي البلقيسيات
ضفدوعه بينكم بقراطيسي >> يعني توها مسجله :31:
بصراحه اريد منكم مساعده
انا تووني ابله صغيره ( متدربه )
وبكرا اول يوم دوام وما ادري احس اني وايد متلبكه ولا عارفه شو اسوي
وكل ساعه اوقف قدام المرايه امثل اني بالصف واشرح للطالبات
اريد اعرف
* كيف اقدم نفسي للطالبات ؟
* كيف اخليهم يعرفو اني حازمه معاهم وان وقت الجد جد ووقت اللعب لعب؟ >> وخاصه اني بدرس بنات بصف 8
* كيف ياخذو عني فكره حلوه واخليهم يتشوقوا لحصتي ؟
ووو بس هذا للحين
انصحوووووني
:10:

​

 

[روووووعة الحربي]

الله يكون بعونك اختي ضفدوعه ...


انتي من عمان هممم ؟؟
يعني عاااادي ماعليك منهم ......



خليك وااااااااااااااااااثقه تمام واعطيهم الدرس كما هو ....
ولا تخليهم يحبون حصتك من زينهم ... >> مع اني طااالبة ...
بس مااحب المعلمه اذا صارت تبي البنات يحبون حصته
احس انه تهين نفسه ......



احسن شي خليك عصبيه ......
..................................................


قمه في النذاله ...

 

[الـــــروووووعه]

ادخلي وسلمي عليهم وقوليلهم انا ابلتكم لماده وقولي اسم الماده ​

ومن الحين بقولكم وقت الدرس يكون جد ابي نشاط منكم مابي نوم وكسل ​

وان شاء الله وقت مانخلص الدرس او وقت مانكون فاضين ممكن نمزح نلعب​

ولا تحاولي تكرهي البنات فيك حببيهم فيك وراح يحبونك ويحترموك ​

اما اذا كان العكس والله انهم يردون عليك الكلمه بعشره ولا همهم منك وانا اعرف طالبات كانو كذا عندا واحيانا توصل لمضاربه بينهم

واذا كانو البنات صغار فبتجيب لك امها اليوم الثاني تغسلك بالكلام ​

واذكر مدرسه كانت تدرسنا قبل ماتبدا شرح الدرس تقول هذا الدعاء وانتي قوليه ايضا ​

احمد الله تعالى الذي اتم نعمته علينا واصلي واسلم على المصطفى عليه افضل السلام والتسليم . اللهم يامفقه داوود فقهنا ويامعلم سليمان علمنا اللهم يسر لي امري واحلل لي عقدة من لساني يفقهه قولي ​

والله ييسر اموورك يارب ​

 

[اتعبني وفااي]

يابنت الحلال الهدايااا تعمي النفوووس قسم لوتدخلين الفصل ومعك سلة متروسة هداياااا لاتشووفين كيف الهدؤؤؤؤؤ والادب والشطارة


اتذكر كان يجونا بنات كلية يطبقون عندنا واحنا مزعجات لاكن يوم تدخل وحدة فيهم معها هداياااا قسم مااعرف االلي بجمبي مشغولة بجاوب اهم شي اخذ هدية >>>>قسم مصلحجية خخخخ


بس جد والله اذكر وانا 2 ابتدائي كانت عندي ابلة مغرقتني بالهدايا قسم بالله حتى الدفاتر تشتريها لنا كل يوم ارجع البيت بهدية كانت حبوبة اذكر يوم النتايج حتى الراسبات تعطيهم هدايااا الله يذكرها بالخير اموت فيها


وترا الهدية وسيلة من وسائل المحبة وبكذا تكسبين بنات الصف



وسلامتكم >>>ابغى هدية لو سمحتي:10:

 

[اشتراكات قطر]

السلام عليكم

اختي بدخل على طول بلغة الجسد ...

اول ما تدخلين ... ابتسامه بسيطة بدون اسنانك ما تبين .. نظرو واثقة و جسد مشدود و راس مرفوعة ...



و امشي مشية هادية و انتي تطالعين البنات .. وقفي عند الطاولة ونظراتك بهدوء توزعينها على البنات ... و تناظرين الي لي الحين ما وقفت .. و الي تتكلم ... و بهدوء تنتهي الابتسامة و تلقين السلام بصوت واضح و بثقة و صوت عالي شوي بس لا تصمين اذانهم ...

و مازال تركيزك على الي ما التزمو ...


ماردوا كلهم السلام تعيدينه ...


و تقولين لهم تفظلو اجلسوا



و تتجهين ناحية البنات و تقولين ...

- كل عام و انتوا بخير .... و اسأل الله ان تكون سنة مباركة عليكم

- اسمي ( ..... )

- مدرسة مادة ( ... )

- باذن الله راح يكون لقاءنا يوميا<<<< او حسب نصابك ..

- قبل لا تتعرفون على قوانين حصة مادة ( ... ) خلوني اتعرف عليكم


و يبدؤون بذكر اسمائهن ...


ثم ترحبين بهن مرة اخرى و تذكرين الخطوط العامة لقوانينك التي يجب على البنات الالتزام بها ...



ثم هناك طريقة جميلة للعقد بينك و بينهن في الانظباط السلوكي و التعزيز ( التاخير - الواجب - التحدث ..الخ
و هي ان يكتبن وثيقة على لوحة كرتونية كبيرة فيها القوانين التي يضعونها بانفسهن ...و تعلق في الصف موقعة باسمائهن و تكون مرجع للجميع لتطبيق العقوبات أو للحوافز التي يستحقونها ...


كيف تقررون بنود الوثيقة ؟

- تلقين سؤال يتضمن موقف ما ... و تسألين .. كيف نعاقب المتأخرة عن الحصة ( مثلا ) و بعد النقاش ترجحين افضل الحلول ... و هكذا ...

هناك طريقة تقربك من طالباتك ... بان تتعرفي عليهن ..

جهزي ورقة بها بعض الاسئلة :
- الاسم
- الدلع
- رقم هاتف المنزل
- ايميل الطالبة
- موقع للطالبة ( تويتر - فيس بوك ) <<< يعطيك فرصة للتعرف عن اهتماماتهن عبر النت
- موقعك المفضل
- افضل صديقة
- افضل مادة
= هواياتك
- لونك المفضل
- ما نوع الهدايا التي تفضلينها من المعلمات
- صفي نفسك


ممكن تساعدك هذه الاسئلة في التعرف اكثر على الطالبة


هناك طرق كثيرة و اساليب كثيرة و لكن هذا ما خطر لي الان ...


الى اللقاء ...

غدا دوام .... في مدرسة جديدة ... و سأدرس مادة جديدة علي ... في مرحلة جديدة علي ...


بالتوفيق للجميع

 

[ضفدوعة]

يجزاكم الجنه يا بنات
وربي ريحتوني من هم وقلق كنت فيه
اول يوم رحت وشفت المدرسه كيف والحمد لله ارتحت نوعا ما بس للحين ما التقيت بالطلاب وان شااء الله بكرا يكون اول لقاء
وربي يكتب لي وللجميع التوفيق
مشكوووورات حبيباتي
=)​

 

[أخت الفهد]

ياشيخه بلا توتر بلا هم ذكرتيني بنفسي أول يوم داومت فيه يآأرض إشتدى محد قدى ويوم دخلت الفصل أشرح بدأت الرجفه والهلع وتلعثمت وقلت وش إلي خلاني أدرس كان قعدت في البيت أحسن 00000وبعد دقيقه وحده بس من الرجفه رجعت طبيعيه مثل أول يعني عادي التوتر في البدايه بعدين ترجعين وتضحكين علي نفسك وتقولين عطيت الموضوع أكبر من حجـمـه