أبغى رأيكم مين الغلطان أنا ولا زوجي ؟؟؟ مو عارفة!!

[مرافي]

السلام عليكم ياحلوات ياأمورات """"

أمممممممم بصراحة مشكلتي من وجهة نظري أشوفها كبيرة ومتعبة نفسيتي والله ببكي ""

أنا متزوجة دوبي يعني لسى عروسة زوجي بصراحة زوج ماشاء الله تبارك الله زوج مثالي مافيه منه ومعيشني حياة العز وحياة كريمة الحمدلله
بس مشكلتي واللي قاهرني أنا الصغيرة عند اهلي وكنت البس ع كيفي والبس عبايات ع كيفي مطرزة وحركات وحلوة وتجنن كمان ""
طبعا لما تزوجت تغير كل حاجة عباية مطرزة لا بس خيوط سودااء ومستعد بجيب ليه أغلى عباية بس ماتكون مطرزة طيب""
الحاجة الثانية الملابس أنا كنت عند اهلي البس بناطيل وقصير ومعروفة بشياكتي
وهو مانعني اطلع بقصير لو تحته تايتس يقول مستحيل وبناطيل ضيقة لا بس اطلع بناطيل واسعة ومن ناحية من فوق عادي البس عريان وظهر مفتوح وحركات مايقول حاجة ""
ومن ناحية أقابل الناس بقصير وبناطيل ضيقة عنده عادي بس مااطلع فيها مع الباب ""

غير كدا أنا معاه برا وهو يدرس ملبسني بالطو طويل ملون وطرحة ملونة اتلثم فيها وانا مو عاجبني ابغى اكشف ""

الله يخليكم لاتخاصموني أنا مقهورة من نفسي ليه اعمل كدا
وفي نفس الوقت اقنعوني ايش اسوي من ناحية الملابس أنا اهم حاجة الملابس عندي وانا اهتم بااناقتي ومعروفة بشياكتي ما اقدر أتخلى عن دا الشيء

 

[رازيا]

سبحان الله الحين الرجال علشان ملتزم وكريم وطيب ويخاف عليك مو عاجبك
اما لو الله ابتلاك بزوج مثل زوج صديقتي ياخذها على البارات والديسكو ويجعلها ترقص راح يعجبك
انصحك عزيزتي اتقي الله بهذا الرجل اللي ما راح تلاقي مثله والزوجة الصالحة تسمع كلام زوجها اذا كان على حق وزوجك رجل شريف عفيف يحب زوجته تكون ملتزمة مثله
تعوذي من الشيطان الرجيم واسمعي كلام زوجك

 

[لااارا]

انتي في بلدك تكشفين وجهك ؟؟؟؟؟؟؟؟؟؟؟؟؟؟؟؟؟؟؟؟

 

[باونتي سعد]

اسمعي كلام زوجك لانه يحبك ويخاف عليك اللبس العاري مايجيب الا الامراض من عيون الناس انا لبست فستان اسود عاري ورحت عزيمه والكل مدح جسمي انا عندي 3 اطفال بس جسمي رشيق والله اللحين اعاني من اكزيما بذراعي شوهت شكلي فلا تستسلمين لشيطان العين ماترحم

 

[ريشة حنان]

زوجك ما قال شي غلط

إذا تبين تخسرين زوجك عرضيه

وإذا انتي تحبيه طاوعيه

لأنه على قد اهتمامه وحبه لك بس يبي هذا المقابل

وأنا متأكدة انك لو تطلبي لبن العصفور بيجيبه لك

بس أهم شي تطاوعيه في الستر

 

[كامبوره]

ونعم الزوج الله يديمه ويثبته على ذلك اكيد هو الصح حبيبتي
زوجك حب يصونك ويحفظك جزاه الله خير وكثر الله من امثاله
حبيبتي اطيعي زوجك فهو نعم الزوج

 

[روح تائهه]

حبيبتي الشياكه مو بالتعري الشياكه باللبس الساتر خاصة في خروجك أو مقابلة الناس وأحمدي الله وأشكريه ع نعمة الصحه والعافيه أفتحي المواقع الدينيه في اللبس وثقفي نفسك الله يهديك

 

[ست البنات!!!]

انتي تقريبا مشكلك تشبه مشكلتي

بس انا حاليا ما اعتبرها مشكلة


زوجي مسويلي قانون لما اخرج مكان عام زي السوق او المستشفى او سفر يخليني البس تنورة تحت العباية
مع انو البنطلون يعتبر استر من التنورة بالذات في السفر

بس انا مررررررررررررررة اسايره لأنه طيب وما احب شيء زي كدا ينكد علينا
اما حكاية البنطلونات والقصير يخليني البسها سواء في البيت او برا
مع انو اهله جدااااااا ملتزمين وما عندهم شيء زي كدا

بس هوا مقتنع انو ما فيها شيء

المهم

حاولي تشتريلك فساتين اللي تجي زي التوب من فوق
وحركات تكون طويلة ومن فوق خذي راحتك بالذات عند صاحباتك وكدا


وبالنسبة للعبايات اشتريلك عبايات تكون موديل من نفس القماش
يعني مثلا الكم وسيع .. او احركة من الرقبة وتكون سودة لانها حتصير عفشة اذا فيها موديل والوان
واذا كانت سادة خلي النقشة تكون عند الرقبة وقولي له انو راح يتغطى بالطرحة

وعلى فكرة ترى الرجال في البداية يتزمتوا في دي الامور بعدين شوية شوية حيكون في مجال مفتوح
انا ما كان يخليني اكشف عيوني نهائيا دحين شوية ارحم من اول...

وبالنسبة لكشف الوجه اعتقد انو العلماء اختلفوا في دا الشيء
واذا انتي برا وكان غطائك لوجهك ملفت للنظر فما يجوز انك تغطي
بس اذا كانوا في ناس يغطوا وشي مقبول اجتماعيا هناك والناس ما تشتغرب منك فلازم انك تغطي وجهك

وطبعا لما تكشفي لازم يكون وجهك بدون مكياج ولا تكون حواجك مزبطة

انصحك بالاطلاع على الفتاوي بخصوص هذا الموضوع وممكن تقدري تقنعيه او يقنعك
في النهاية هوا مختلف فيه


اسفة طولت عليكي في الهرجة بس حبيت انقل لك تجربتي ويمكن تستفيدي
بس انتي لا تخلي الموضوع في بالك عشان ما يعاند ويحطه في راسه

وبالتوفيق حبيبتي يا رب

 

[wa7da co0ol]

في لبس انيق وحلو وطويل شفت فساتين تجنن عند مانجو خرافيه حرير وسعر الواحد الف البسي اللي تبين وانتي في بيتك واستقبلي وبرة البسي اللي يبي زوجك والعباية هذا حجاب مو فستان وبالنسبة للقصير والبناطيل ترى في بداية الزواج هما الرجال كده ياخدوا وقتهم وبعدين عادي بتلبسي اللي تبيه بس العناد لا

 

[مرافي]

تسلموا حبايب قلبي ماقصروتوا وكلامهم هوا الصح بس والله مقهوووووورة
نفسي أقتنع

 

[تشكرات]

اسمعي كلام زوجك وطيعي شوره ......وبعدين مين قال لك أن العبايه المطرزه حلوه وأنيقه ..؟؟؟...والله الاناقه والشياكه بالعبايه الساده

وهي الغاليه وروحي عند بدون اسم وشوفي الاسعار وقارني بين المطرز وبين الساده الراقيه بتلاقي الساده هي الأغلى والأحلى والاذوق ...

وبالنسبه لحجابك في السفر >> عادي كلام زوجك ومنطقي جدّآ ....وبالعكس فكرته بالبالطو وحجاب الرأس فكره رائعه وراقيه ...

حتى بالبنطلونات والقصير ....اسمعي كلامه والبسي على كيف كيفك في البيت .....وترى الزوج بعد فتره يتغيّر ويخف شوي من الأمر والنّهي ...

بس لا تعانديه أبدآ أبدآ حتى لا يركب رأسه ويبقى طول العمر يمشّي أوامره عليك ...

طيعي كلامه مادام كلامه منطقي .....وهذا دليل الغيره والحب ....

ربي يشرح صدرك ويجعلك قرة عين زوجك ...

 

[منااااير99]

ما شاء الله على زوجك
صدقيني الرجال يعرفون وش يجذب الرجال عشان كذا يمنع اللي يلفت نظرهم
و زوجك يحبك وغيرته طبيعيه وكلامه ابدا موخطا بالعكس
ومثل ما قالت تشكرات العبايه الساده افضل اما المطرزة كأنك عرس والا مهرجان يمشي

 

[مرافي]

أنا والله ماأعانده ولا عملت حاجة من وراه ولا عمري ركبت راسي وعاندته بالعكس قاعدة أطيعه
بس مشكلتي إني أزن ع راسة وأقعد أتريق وأقول له إنت شديد أبويه ع أني رجل كبير لكنه عادي عنده كل حاجة وانت شاب بدا التفكير
وكل ماطلعت المولات اقعد أزن ع راسي وأتنكد ع انه يقول ليه اشتري كالليل تبغي لاتتقيدي بااللي أنا قولتلك عليه
وهو سامح ليه في البناطيل الواسعة

 

[مجردأأأحاسيس]

اسمعي كلام زوجك ولا تخلي الشيطان يزين لك ومادام انه مايقصر معاك وطيب وخلوق ارضيه

 

[نبراس الشرق]

الله يخلي لك زوجك والله انه رجل صالح جدا

ويحبك كثير ويخاف عليك من نار جهنم الزوجه

زينتها ولبسها لزوجها احسن البسي الي بخاطرك

والي تحبينه عند زوجك فقط

واللبس الي يبغاه زوجك البسيه قدام الناس

والله يهديك الى الطريق الصحيح

 

[طبعي كذى]

وبالنسبة لكشف الوجه اعتقد انو العلماء اختلفوا في دا الشيء
واذا انتي برا وكان غطائك لوجهك ملفت للنظر فما يجوز انك تغطي


يالغلا ما يجوز تفتين من نفسك لأن الفتوى امرها موسهل

وانا حاليا مغتربة والبس نقاب مع عباية بلون واحد بس مو اسود وسكارف ملون ومرتاحة الحمد لله

وتروا العباية للستر مو للشياكة

معليش يمكن كلامي جاف بس والله من حرقتي على بنات المسلمين

 

[مسك الليــــــل]

اختي الله يحفظلك زوجك
احمدي ربك انه مو ديوث والله الي قريبه لما تكون طالعه لبرا يبغاها باخر شياكتها وبمكياج من شان يعرضها قدامه
انا لمن اشوف لبسها بتعصب وهي تقولي زوجي يحب كذا
ربي حباك بزوج يخاف الله فيك وتريه مو مكلفك ملا تطيقين بالعكس هو يعينك على طاعة ربك

 

[اهجروك بغيابي]

الخطاء راكبك من راسك لكرياسك ،، انتي من جدك ولا تمزحين
يا اختي اللي تسوينه انتي غلط ،، واحمدي ربك تعامل زوجك من حبه
وغيرته عليك ،، وبعدين شنو تبين تكشفين ....!!
اتقي الله وخافي رب العالمين اليوم انتي عايشه وبكامل صحتك وباكر الناس تترحم عليك
لا تغرك الدنيا وتلاهيها

 

[بسمة أنثى]

:39:ياحبيبتي انتي ايش اللي مزعلك ذحين ..."
بالعكس زوجك ذحين غيران عليك لأنه يحبك ويخاف عليك من الهوى الطاير .. احلى شي ..
اما عاللبس سوي زي مايقولك لأنه بجد فيه ملابس طويله تاخذ العقل وبعدين ع فكره اللبس الطويل هو اللي يعطيك منظر وشكل احلى وبتكونين رزه .. وع قولتهم .. لكل ماقام مقال ..
ولما تكون فيه فكره في راسك حاولي انك تقنعينه بطريقه مقنعه وبأسلوب حلو ..:35:

والله يوفقك يارب :39:

 

[ام الداعية]

اتشيكى اخر شى في بيتك قصير عريان كل الللى نفسك فيه
برا بيتك اتشيكى بحدود
امام الرجال اتسترى عشان ما تفتينينهم وتشيلين ذنبهم والعباية للستر اهم شى في شروطها ما تكون ملفتة للنظر
زوجك نادر في هذا الزمان حافظي عليه
الله يهنيكم