أبسألك بس أبسألك وش هو شعورك وأنت تدفن قلب انسان؟!!!

الحالة
مغلق و غير مفتوح للمزيد من الردود.
تابــع
مدري ليش أي شئ يحصل لي صرت ألوم بندر فيه
أفكر في أهلي..من وأنا صغيره ماتطلع أمي إلا وأنا معها أوتجلسني عند نورة...
بندر تركني عند مجرم وقح..بدون أنسانيه وإلا فيه واحد يسوي كذا مع زوجة أخوه!!!

الصباح
جاء بندر...
وقبل يجي كنت أفكر فيه بغضب..
لكن أول ماسمعت صوته وهوداخل كللللل الألم اللي في جسمي راااح
يااااانااااااااااس والله ماأدري هذا حب وإلا شئ فوق الحب مااااله مصطلح!!
أول مادخل وقرب يسلم علي تذكرت ابراهيم
حسيت أني صغيييييره قدام بندر..أدري الأمر صار غصبا" عني
بس أحس أني مااالي وجه أحط عيني بعين بندر..
أناظر فيه وأكره نفسي...
وأكره تعامل بندر الراقي مع أخوانه
تحمد لي بالسلامه وحاول يخفف من حزني وسألني
:ليش أحسك منحرجه مني
:منحرجه لأن باسل طاح من الكرسي وخايفه أحرجك مع هدى
:عادي كل الأطفال يطيحون حتى وهم عند أمهاتهم
:ايوه بس هدى يمكن تشوف اللي في راسه وتظن فيني ظن
:خليك من هدى أهم شئ أنا وإلا أنا غلطان
:صح أهم شئ أنت
:طيب كل هذا عشان رجعت هدى؟! لودريت كان ماجبتها إلا بعدين
:لابندر رجعة هدى مالها دخل
:انا كنت عند الدكتورة أمس قالت أن ضغطك مرتفع ليش ياابتهال تعذبيني!
:
:حرام عليك يابهلولة..أرحمي نفسك..موحنا أتفقنا تهدين نفسك وتريحين أعصابك
:
:ابتهال إذا جلستي على هذا الحال ماراح تحملين وإذا حملتي بتسقطين..ترى الدكتورة قالت لي هذا الكلام
:الحين أنت ليش تعاتبني موشايفني تعبانه..أنت عندك ولد وعندك اللي تجيب لك عيال..أنا بكيفي عمري ماحملت
:ليش العصبيه والزعل ماتبيني أنصحك لمصلحتك
:أنت الغلطان أقولك بروح معك لأهلي ورفضت
:وش دخل هذا الموضوع في هذا
:أقصد ممكن لوكنت عند أهلي ماتتعب نفسيتي
:يعني نفسيتك تتعب عندي
:لا ماأقصد كذا..بندر أفهمني
:أنا فاهمك أنتي اللي موراضيه تأقلمين نفسك وتساعديني
:أوعدك أحاول
:بعدين لاعاد تقولين عندك اللي تجيب لك عيال هذا الأسلوب والكلام ماأحبه
:أن شاء الله
:الليلة بمر آخذك للبيت
:بتنام عندي
:أكيد وهل في ذلك شك
:ههه طيب أخبار بسول
:بسول مثل أبوه ينجن إذا بعد عنك
:ههه بندر لاعاد تسافر وتتركني
:طيب يالخوافه أوعدك ..الحين بطلع بإذن الله أشوفك الليلة

طلع بندر وجلست طول اليوم في المستشفى أم ماجد تداريني وكأني بنتها ..يالله مثل مافيه ناس بلا أنسانيه...فيه نااااس قمـــة الإنسانيه
وربي لوأمي عندي يمكن ماتسوي اللي سوته أم ماجد معي
مع أنها كبيرة في السن حتى بتبديل ملابسي تساعدني وأناأحاول أقنعها أني الحمدلله مومحتاجه شئ...بناتها يجيبون أكل وقهوة لأختهم وتقول لهم عطوا أختكم>>>تقصدني
تدهن بطني بزيت زيتون وتقرا علي
ولا دقيقه تركتني ...طول الوقت تسولف معي وتحاول تخفف من حزني..بالقصص والمواعظ..والآيات...وعن حياتها ومعاناتها
أخذت رقمي وأحلفت علي أني أزورها أوأنها تزورني
وقالت لي أن بناتها يجتمعون عندها كل يوم أربعاء
ولما جيت أطلع مسكت بندر توصيه علي..

بندر يضحك يقول من قدك كل مالهم يزيدون صديقاتك ههه

طبعا" مافكرت أقول لبندر عن فعلة أخوه..لوخبرته
النتيجه..أن بندر بيقتله ويروح عمره في السجن أواعدام
وسمعتي بتروح تحت...بصبر أن الله مع الصابرين
وربي بياخذ لي حقي منه..
قلت لبندر يبدل قفل الباب وفعلا بدله..
اليوم الثاني جاتني أمي وأخوي محمد وبعد كم يوم سافروا..
كنت أحس براحه لوجود أمي وأخوي...تمنيت أني ساكنه قريب عندهم..أول ماراحوا حسيت بالوحده وأني فعلا مغتربه وبعيده عن أهلي..
بندر ليلة عندي وليلة عند هدى..
هدى تحاول تسحبه لها...كل مايجلس عندي وجواله دااااااايم اتصالات..باسل يبي كذا..وأنا أبي كذا...مرات يروح ومرات يطنش

أنا حاولت أحافظ على هدوئي..ماأخفيكم الغيره تقتلني..والخوف
مسيطر علي من أن بندر بأي لحظة يفضلها علي!!
وكأي أنثى انا..أبي أكون الأولى إذا موالوحيده في قلبه
أفكر بزوجي وكيف أكبر حبه لي ولاأبعده عني..
بندر يحب الطبخ الحلووو...بندر طول عمره ماعاش مستقر مثل أي شاب ولايعرف الطبخ إلا من زواجه مني..
وهدى أعرفها زين ماتعرف تطبخ إلا الأكل التقليدي بحكم حياتها عند اهلها..ولاتقرأ كويس..ولاتعرف كتب ولانت..هدى اللي تعرفه
تلبس وتتفنن بالمكياج وتطلع لناس..يعني حتى طلعات مع زوجها ماتحب هذا الشئ..أهم شئ أنها تقابل حريم وتاخذ وتعطي معهم
صرت أتفنن أكثر بالطبخ..أشياء بسيطه أتفاجأ أنه مايعرفها
المغرب أجهز حلا أو أي شئ
لبسي بسيط وهادئ..لأني عارفه وش يحب..
المكياج ماأحط ...كحل وروج وخلاص...لأنه ينفر من الفخامه
..كنت أدري أن هدى جريئه بالفراش واللبس وبندر مااايحب كذا
ويكره هذا الشئ..
هي كانت تقول لخالتي أم فهود عن كل شئ بحياتها
وأم فهود تنشر غسيلها عند الكل
كانت تشكي وتقول من أول ماأقوم أحط مكياج وعطر و..و..
ولايعطيني وجه!!
بالفراش أبي أدلعه وأعمله كذا وكذا..ويتهرب مني..
بندر مايحب كذا..يحب الخجوله الهاديه..المطيعه...
بندر يعشق الصوت الهادئ..وهدى لسانها وصوتها طويل وتجادل وتدخل في عينه..
كانت تحاول تعرف أخباري وأيش أسوي وكيف أتعامل مع زوجي
لكن كل اللي يتصلون ويسوون أنفسهم حبايبي..ماكنت أعطيهم أسرار بيتي ولاأخباري ومهما لفوا وداروا ماأقول ولاأعلق
كل اللي أقوله الحمدلله بخير..ماشي الحال....
ولا أحاول أسأل عنها ولاأفكر فيها...من أول مايدخل بندر
أنسى هدى وكللل الدنيا..وإذا طلع.... أبكي...
إذا في ليلتها وراح ينام عندها..أقوم الليل بالصلاة والدعاء وإذا أنتهيت.. أمسك مخدته وأبكي إلين أنام..

زارتني أم ماجد وبناتها في بيتي وحسيت أن صار لي أهل
وبعد زيارتهم أقتنع بندر وأخذني لهم...
ناس طيبين وبسطاء..يذكروني بجمعتنا عند جدتي
عندها حفيدات بمثل عمري..صرت أرتاااااح وأفرح بشوفتهم
..كل بعد أسبوعين أزورهم أويزوروني..
وربي يوم زاروني في بيتي فرررررحت بيتي كان مليان أم ماجد
وبناتها وأحفادها بنات وأطفااال..كأنهم أهلي مرتااحه معهم..
..
كل يوم خميس في بيت وحده..عندي أو عند حنان أوأسماء أوفاطمه
..كل ماياخذني بندر لهم ويقوله صديقه تفضل ويرد:لاأنا مشغول
أتضااااااااايق أقول أكيد بيروح يجلس معها
أحاول أضبط غيرتي ماااقدرت
مع أنه مومقصر بشئ..ولاتغير بشئ..بل على العكس زاد بحبه
وأهتمامه..

قرب زواج شهد..وقلت له
:بندر ترى أنا قلت لك ماأجتمع معها في سفر..أنا عادي اتنازل
مابي أروح..
:إذا مورايحه حتى أنا مابي أروح
:والله أتكلم من جد
:وأنا بعد أتكلم من جد..إذا ماحضرتي ماراح أحضره
:
:أنا سألت هدى قلت إذا سافرنا بتجلسين عند أمي وخواتي في بيتهم قالت أكيد...يعني باخذك معي لفندق فررصه لاتفوتينها
:ههههه بندر بس الطريق
:هههههه والله أحس أني بصير أضحوكه برسل وحده بطياره ووحده معي بالسيارة..عاد أدري أنكم بتتهاوشون من اللي بتروح معي بسيارة..ثم نقرر أنكم الثنتين معي في السيارة..ثم تتهاوشون من تركب قدام
:ههههههه من وين جايب هالثقه
:جايبها من عيونك الحلوة..شوفي نفسك بالمرايه وتعالي قولي لي أنتي بتتهاوشين معها أو لا ههههه..
:ههه بندر أنا أبي أروح لأهلي وبسافر معهم لزواج
:يووووه ليش اللف والدوران والتغلي
:بندر ماأتغلا بس أنا مشتاقه لأهلي ومن زمان عن أبوي
:ولايهمك نوديك لأبوك
:بس ترى هاه أول مانوصل هناك تجي تاخذني..تعوضني عن الأيام اللي تركتك فيهم
:هههههههه أبشري.. تدرين أنا أحس أني عايش بدوامه
:ليش
:تخيلي واحد يفرح ساعه ويتضايق ساعه ممكن يجيه مرض نفسي
:وتخيل وحده تفرح ليلة وتبكي ليلة ممكن يجيها مرض نفسي
:طيب وش رايك نداوي بعض
:كيف
:نسوي لبعض جلسات علاجيه
:هههه كيف
:كل يوم نجلس ساعه أنتي تغمضين وانا أقولك عن حبي لك وشوقي لك وكيف عشت يومي بدونك وأيش اللي مضايقني منك..وساعه اناأغمض وانتي تتكلمين
:طيب ليش نغمض
:ههه مدري
:هههههه بندر خلاص نجرب ونشوف

اليوم الثاني سوينا الجلسه العلاجيه ههههه
تفاجأت فيه يقول أنه متضايق لأني صرت أبعد عنه ويحس أني
طرت من بين يدينه..وأنه تعبان لأنه يتقرب مني وانا أبعد
والسبب..زياراتي مع زوجات أصدقائه وأم ماجد وبناتها!!!!!!!!
وذهابي لدار!!!!!!!!!!...
يعني الحين الزوج إذا زوجته كونت صداقات يحس أنها بعيده عنه!!!!
قلت له..أنه حتى هو عنده بيت وزوجه وعيال ويروح لهم وعنده أصدقاء يروح لهم بين وقت ووقت...
قال بس أنا أكثر وقتي عندك ..أتركهم وأجي لك..
أرتحت كثييير بجلسته حتى انا عبرت عن اللي بداخلي
قلت له كل اللي في قلبي وأني أشتاق له وأني أمسك مخدته وأبكي
حتى عن تخيلاتي أنه معها وغيرتي قلت له عنها..

لييييييييش حنا البشرررر نسكت ونكبت...ليييييش مانتكلم
ونعبر.......أشياء كثيره كنت أقول زوجي عارفها..شايفها
أكيد عااارف شعوري وأكيد أنا عارفه كل اللي عنده
لكن بجد هذا غلط...
التعبير عن المشاعر بجلسه هاديه جميييييييل موبس بالحب
بالعكس حتى بالشكوى والضيق والتقصير...
...
مرت فترة قبل زواج شهد كنت أشوف كوااابيس بنومي
كوابيس فظيعه ..حتى بين النوم واليقظه أشوف أشياء
حيوانات..قطط..نمل في راسي لدرجة أني أصحى وأنا جالسه أحرك شعري أبعد النمل عنه!!!
مره صحيت حصلت نفسي أحرك شعر بندر أبعد النمل عنه
وهوجالس يطالع فيني !!!
أنحررررجت..سألني:وش فيك
:آسفة كنت أحلم
:أنتي تحسين بشئ أوتعبانه
:لا
:طول الليل ماقدرت أنام من أناتك..فيه شئ متعبك أوديك مستشفى
:لا
:خلاص نامي
تبدل حالي في أسبوع ماعاد فيني حيل أطبخ أوأغسل أو حتى أصلي
تخيلوا صرت أصلي وأنا جالسه وأحيانا أخر الصلاة
وأحيانا العشاء أبكي وأقول ياربي أنا ماصليت العصر
حتى الدار تركته لأني إذا رحت أناااااااااام ماأقدر أقاوم النوم
ماكنت أوضح لبندر أني تعبانه..إذا سألني أقول أرهاق
إذا سألني عن الغدا أقول مالي نفس أطبخ!! وأحيانا أقول كنت نايمه
والملابس صار هويغسلهم..ولايسألني ليش؟!
صرت عصبيه وإذا سألني عن شئ أنفجر في وجهه وأبكي
وإذا شافني أبكي وقرب مني يضمني أدفه عني وأقوله أنت ماتحبني

مره بعد صلاة العشاء قلت له الحياااااة معك لاتطااااااااق..وطلع تركني
رحت لحنان لأن زوجها عنده استلام سهرت شوي معها
ورجعت للبيت..
سألته:تعشيت
:مالك شغل
:وش فيك زعلان
:يعني ماتدرين؟!
:لاماأدري
:تقولين بأعلى صوتك الحياة معك لاتطااااق وماتبيني أزعل
:يووووه يابندر لاتدقق بالكلام
:كيف يعني
:يعني كلمه وقلتها عااادي
تركته ورحت أنام
دخل عندي بالغرفه..
:ولك نفس تنامين!!...
نمت وتركته..كنت أصحى وأدري أنه مانام ..
الصباح صحيت وبالعافيه صلحت كوب حليب
جلست في المجلس وجاء كاااان معصب وسهراااان طول الليل مانام
كله بسبب هذي الكلمه
وبعصبيه
:بالله عليك وش فيك ..أنا بس بفهم وش اللي خلاك تقولين الحياة معي لاتطاااق..قولي الأسباب
:أول شئ لاتصارخ علي أنا ماأتحمل الصوت العالي ثانيا
كلمة وطلعت مني يعني الإنسان مايغلط
:أنتي متغيره ياابتهال وأنا ماأتحمل هذا الوضع..عذبتيني معك يابنت الناس
طلعت ورحت للغرفه...دخل للغرفه وقف يصارخ علي
:الحين أنا أكلمك وتطلعين تتركيني
:بندر إلين تهدأ وبعدين نتكلم
:أنا هادئ بس أبي أوقف المهزلة اللي صايره
:أي مهزلة أنا
:لاتتكلمين مابي أسمع صوتك
:أستغفرالله
:موقلت لك لاتتكلمين
:أستغفر وإلا حرام أستغفر
:ابتهااااااال بس ولاكلمه..إذا سألتك جاوبي فاهمه
:فاهمه
:وش اللي مضايقك ومزعلك
:أول شئ لاتصارخ والله الجيران يسمعونك
:طيب تكلمي
:مافيه شئ مضايقني
:وليش هذي الحركات
:أي حركات
:حركات كثيره أهمها الحياة معك لاتطاق
:كذا مافيه سبب
:أووووف..شوفي أنا بطلع لدوام وأنتي راجعي نفسك وأبي أرجع والغدا جاهز
:
:كالعاده مافيه رد
:مولازم أرد خلاص سمعت بجهز لك الغدا

رجع وتغدينا..ماأكلني ولاتكلم معي..زعلان
بعد الغداء كنت بالمطبخ أغسل الأواني دخل وقف يتأملني
:وش فيك تناظر فيني
:واحد يناظر بزوجته حرام
:لاموحرام
:راجعتي نفسك
:لا
:ليش
:بندر أنت مكبر الموضوع خلاص كلمه قلتها بالغلط
:أتركي اللي بيدك وتعالي أبيك بسرعه
رحت عنده بالمجلس حسيت بضيق من قربه
:ابتهال أنا آسف أني صرخت عليك اليوم
:لاعادي
:بهلولة وش فيك متغيره من متى ماأستقبلتيني ولاجلستي عندي
حتى النوم تهربين مني وتقولين أنا تعبانه أنا مرهقه
:بندر انا تعبانه ومتظايقه
:ليش طيب
:مدري يمكن لأني مشتاقه لأهلي
:إذا على كذا..أحجز لك تذكره..إذا فيه رحلة بكره أعتبري نفسك بكره وأنتي عندهم
:مشكور
:بس كذا اللي مظايقك
:ايوه



في الليل كان بندر موعندي...عند هدى..
صليت ركعتين..وبعد ماأنتهيت من الوتر
حطيت راسي ونمت تقريبا" الساعه 2
كنت أحلم أن رجال لابس بنطلون دخل الغرفة وأنا نايمه بسرير ووحده بسرير ثاني عندي.. وأعتدى على اللي عندي بالغرفه أو مسكها يحاول يقتلها مومتأكده..وبعدين جاء يمشي عندي كنت أرتجف وخايفه كأنه حقيق مومنام ولما قرب مني..قريت آية الكرسي بسرررعه ثم قريت سورة الإخلاص بسرررعه كنت أقرأهم وأقول في نفسي بقراهم قبل يوصل..ومد يدينه بيمسكني وبعدين تركني وطلع
صحيت وأنا خاااايفه.. أخذت الجوال بتصل في بندر..
ورحت لباب الغرفه بقفله..كان مفتوح وأول ماوصلت الباب
شفت رجال لابس ثوب ولاف على وجهه شماغ واقف في الصالة عند باب الشقه ..طلع وسكر الباب
قفلت باب الغرفه وجلست أبكي دقيت على بندر وجاء
قال أنتي تتخيلين كيف بيدخل وكيف بيطلع بدون مايكسر شئ
والحرامي ليش ماسرق شئ أو سوى شئ!!!
المصيبه أن الرجال شكله من ورى وهويمشي نفسسس
يوسف صديق بندر أنا شفته مره وحنا طالعين لحديقة
أنفجرت عليه وأنا أبكي
قلت له أنت تثق بالناس أكثر من اللازم..تظن الناس مثلك
تركتني مع أخوك الحقير..وتعطي مفاتيح السيارة أصدقائك
ومفتاح بيتك مع مفتاح السيارة
(لأنه فعلا هووأصدقائه إذا واحد سيارته متعطله يعطون بعض إذا واحد يبي مشوار ضروري)
أول مره أشوف الشرار طالع من عيون بندر
مسكني مع كتفي وصرخ علي
:أخوي وش سوى؟!!!!
:ماسوى شئ..الحين حنا في اللي صاير الليلة وإلا في أخوك
:بتقولين وش سوى وإلا أتصرف معك تصرف ثاني
:كيف يعني بتضربني يابندر وإلا بتطلقني
:ابتهال ترى والله أسوي جريمه
:ماسوى شئ يابندر ماااسوى شئ
راح يركض مثل المجنون وجاب القرآن
:أحلفي على المصحف أنه ماسوى شئ
جلست أبكي وأصارخ عليه
:أنت مجنووون ومرييييض..طلقني يابندر طلقني
تحولت ملامحه فجأة للحزن والهدوء
:ابتهال صاحيه أنتي
:بندر أنا مومرتاحه معك مابيك طلقني يابندر الحين طلقني أبي أرتاح
:طيب أهدي..خلاص لاتبكين..
مسكني بيضمني ودفيته عني
:بعد عني مابيك
جلست على الأرض أبكي وحط يده على راسي بيقرا علي
ودفيتها أحس يده مثل النار
:لاتلمسني يابندر قلت لك لاتلمسني
:خلاص أهدي روحي صلي لك ركعتين..اعووذ بالله من الشيطان
:ماااابي أصلي..
:بطلع بس هدي نفسك..
طلع وتركني جلست أبكي..سمعت أذان الفجر ورحت للمجلس كان بندر جالس وماسك راسه
:بندر لاتروح للمسجد وتتركني لحالي
:أن شاء الله..تعالي أجلسي عندي
:لابروح للغرفه
:طيب ممكن إذا صليت أجي عندك وإلا ممنوع
:عادي براحتك
صلينا الفجر وحطيت راسي على السرير
وجاء عندي
:ابتهال كيفك الحين
:الحمدلله
:ترى رحلتك بعد الظهر..روحي أرتاحي وغيري جو عند أهلك وكلها 3 أيام وأشوفك عند أمي
:...
:وباخذك لفندق نحضر زواج شهد ونرجع بيتنا
:بندر مابي أرجع
:ليش
:مابي أعيش هنا..أتركني عند أهلي
:أفا تتركين بندر..أنا أشتاقلك يالله أصبر ليلة بعيد عنك كيف تعيشين عند أهلك
:ماله داعي تجاملني
:والله ماأجاملك يالغاليه..بهلولة أنتي نفسيتك تعبانه
:كيف يعني مريضة نفسيه مثلا
:لا ماأقصد كذا..أقصد تحتاجين تغيرين جو وأنا بعد محتاج كذا وش رايك نسافر مع بعض
:لابندر تكفى أنا مرهقه أبي أهلي..
:أبشري أهلك بتكونين بإذن الله بكره عندهم..بس لازم أشوف لك حل


سافرت لأهلي..وحسيت أني هديت وأشغلت نفسي عن بندر..
مع أني أشوف أتصالاته ورسايله...
لكن قلبي معورني لوجود هدى..الغيره متعبتني...ومتعبني
الألم والتعب اللي فيني..

سافرنا نحضر زواج شهد وجاء بندر أخذني لفندق
حسيت أني مومعه..أحس بضيق من وجوده
شفت هدى بالزواج يالله أحس بالإختناق
طول الوقت أتذكر خيانتها مع بندر وكأنها صايره أمس!!
وطول الوقت وهي تناظر فيني والكل ملاحظ هذا الشئ
رقصت بأغنية مديح في بندر
وأغنيه ثانيه في باسل
والكل يناظرون فيني..بيشوفون ردة الفعل!!!!
وأنا صااااامته..
بعد ماطلعت من الزواج ورحت معه كانت تتصل عليه
رد عليها وتهاوش معها
شكلها تقول ليش بعد الزواج أخذتها
مع انها كانت راضيه أني أجلس عند أهلي 4 أيام
وإذا سافرنا نحضر الزواج أجلس مع بندر يومين فترة جلوسنا هناك

رجعت مع أهلي وهي رجعت مع بندر لأهلها وقالت أنها بتجلس عندهم أسبوع
قالت لي أمي بندر يبيك في المجلس
رحت له وسألني عن حالي وقال لي
:ابتهال ترى الليلة بروح أنا وأنتي وأمك لشيخ يقرا عليك
:ليش
:أنا وأنتي ياابتهال نحتاج الرقية الشرعيه من زمااان مافيها شئ إذا رحنا
:أدري مافيها شئ..بس أنا تعبانه مافيني حيل أروح
:أن شاء الله بتتعافين
:بندر مابي أروح
:عشان خاطري لاترديني هذي المره بس
:أن شاء الله
:يالله روحي تجهزي عشان إذا طلعنا منه نرجع خالتي للبيت ونروح نتعشى في مطعمنا ههه
:ههه طيب

رحنا لشيخ وبدا يقرا علينا..كنت أستفرغ وأنتم بكرامه وأحس روحي بتطلع وأقول لأمي يمه ماأتحمل بموت خلاص خلينا نطلع..حسيت بنعااااس فظيع وتنميل في أطرافي..وفقدت الوعي

صحيت لقيت نفسي بغرفتي وهدوء والناس نايمه
ناظرت في الساعه 3قبل الفجر ..طلعت رحت أشوف اهلي كلهم نايمين..رجعتي لغرفتي جلست أفكر وش صار..تذكرت بندر وحنا عند الشيخ وأنا أستفرغ كان يمسح فمي بيده حسيت بإحرااااج كيف بشوفه..أحاول أتذكر وش صار!! ماتذكرت شئ..
شفت لبسي متغير لأن اللي عند الشيخ أكيد رايح فيها

صليت الوتر وأرسلت لبندر رساله
(صاحي أو نايم؟)
أتصل علي
:هلا بندر
:هلا بقلب بندر تعالي أنا بمجلس أهلك
رحت للمجلس
:السلام
:وعليكم السلام..شفتي زوجك قاطينه في المجلس حاطين لي فراش مغبر
:هههه
:قلت لهم بنام داخل عند زوجتي قالوا ممنوع
:ههه
:حاولت ودخلت واسطه ولانفعت الواسطه
:ههه من الواسطه
:أختي بس للأسف سعد سحب عليها ههه
:ههههه
:وجهك اليوم مورد
:يمكن
:أنتي كل شئ يمكن ومدري وكذا
:هههه ايوه مدري ماشفت وجهي بالمرايه
:بشريني عنك كيفك الحين
:بخير...بندر وش صار
:ماصار شئ..شوية دلع منك
:بندر من بدل ملابسي
:أنا طبعا"..خالتي تقول ببدل ملابسها قلت والله ماأحد يبدل لزوجتي غيري
:طيب بندر جد والله وش صار
:لاتشيلين هم الشيخ يقول حسد وخلاص مع الرقية تتعافين
:يعني لازم أروح مرة ثانيه
:بنسافر لبيتنا وهناك شيخ كل ليلة نروح له بس ماراح تتعبين مثل اليوم..هي أول مره وخلاص

سافرت مع بندر وبعد اسبوع رجعت هدى
كل شئ مستقر..ورجعت أنا مثل قبل الحمدلله
أهتم في بندر وأحبه..وهوكذلك..
صرت ماأروح لزوجة يوسف
وبليلة هدى
أنام في بيت حنان لأن زوجها نظامه غير عن زوجي يستلم ليلة ويوم..
قالي بجيب لك شغاله بس الشغالات انا مجربتهم عند أهلي
مااااأحب وجودهم ومالهم آمان...
وماأقدر أتخيل أن وحده معي في بيتي حتى لوخدامه بحس بالضيق
أبي آخذ راحتي بمملكتي..
رجعت لدار التحفيظ
مرت سنة حملت مرتين وسقطت بدون سبب
رحت لأكثر من دكتورة وكلهم أجمعوا أن مافيه سبب
كنت كل ليلة أروح لشيخ أنا وبندر ثم تركته
..صرت أرقي نفسي بالبيت والشفاء من الله
قالي الشيخ مره..فيك حسد ماراح يتم حملك منه وكل شئ بإذن الله..وقالي فيه ناس كذا ماعندهم سبب يمنع الحمل لكن لماتطلق وتزوج غيره تحمل وهوإذا تزوج غيرها يجيه عيال
لكن كل شئ مقدر من الله
هدى جابت الطفل الثاني..ومشاكلها كثيره مع بندر..كثير تروح عند اهلها..وإذا رجعت تحاول تخلق المشاكل لي..تطلع كلام عني
وتتكلم على لساني عند الناس وتنقل أكاذيب على لسان بندر عني..وترسل لي رسائل من أرقام ماعرفها شتم وسب
أحيانا يتدخل خالي وتسكن فترة ثم تعاود لمشاكلها
وحتى لوتكلم عليها بندر مااااتفهم..ومره ضربها لموضوع بينهم ماعرفه وقوم جدي الدنيا علينا..على باله أنا أحرض بندر!!!
عرفت أنها تعبت فترة يقول بندر شعرها يتساقط وفي راسها جروح تخوف ,, قلت الله يشفيها وبسس
سمعت من أمي أن اللي في هدى الذئبة الحمراء ومرات يقولوا لا فيها شئ ثاني ..الله أعلم
أحيانا يغيب بندر عني مع أطفاله وأحيانا يرجع
أمي تلح علي بالطلاق لكن قلت لها
ماااااااااااااأقدر أعيش مع شخص غير بندر

غير كذا إذا تطلقت ورجعت بيت أبوي..من بيحتويني
الأهل مهما كانوا طيبين وربي مافيه مثل بيتي
كون أني متزوجه وفي بيتي أنا الملكه فيه وأنا المسؤوله عنه وانا الآمره الناهيه
غير عن لوأعيش بقصر أنا فرد فيه لاكلمة لي ولارأي..
أنا جربت الطلاق مرتين صحيح أهلي نعم الأهل
أبوي دكتور في علم النفس يعاملني أحسن معامله ويقدر ظروووفي وفعلا أنسان راااااااااااااائع بمعنى الكلمه مولأنه أبوي أقول عنه كذا
لكن فعلا اللي مثله ناااااااااادر وجوده
حتى إذا زرتهم يتحدث معي وأطلع من الجلسه معه بهدوووؤ نفسي
وتفكير منفتح...المال ماااايقصر بشئ بل العكس أعيش عند أهلي بمستوى مستحيل أعيشه مع بندر..لكن الماديه موكل شئ
الحياة بدون زوجي متعبه ممله صعبه..إذا جلست أسبوع عند أهلي
أموت شوقا" له..أحس بفرااااغ كبير ماله حل إلا وجودي مع بندر
أحيانا أحس بالوحده ولاعندي إلا النت أقرا فيه وأسلي نفسي..
أحيانا أزور أم ماجد وبناتها وأحيانا يزوروني
أحيانا أزور حنان وأحيانا أغلق علي الباب وأختلي بنفسي
أهلي ماعاد صرت أروح لهم إلا قلييييل
لأني ماأرتاح هناك أشوف بعيون أمي الأسى على حالي..
مره قالت لي تروحين معي لجدتك خالاتك وبناتهم موجودات
قلت لا مابي أروح تجي كلمه تغثني مااالي مزاااج
قالت
شفتي ماجاك من هالزواج إلا وجع الراس
خسرتي الناس عشانه وجلستي بدون عيال!!!

قلت لها مااااااااابي الناااااااس...بندر كل الناس عندي..
وأنا صادقه مع بندر ماأحتاج ولاأحن لأحد لكن بوجود بيته الثاني ومع الغيره أتظاااايق والأفكار توديني وتجيبني..
وربي دخلته عندي في البيت تسوى الدنيا كلها

مره بعد مارجعنا من أهلي وتوقعت أنه نام أثاريه جالس يفكر
بعدين سألني عن إذا أمي قالت لي شئ
:بخصوص أيش يعني؟!!
:أي شئ..مثلا الحمل
:لاماقالت شئ
:ليش تخبين عني!
:بندر ماأخبي عنك
:شوفي ابتهال أمي وخالتي فاتحوني بالموضوع
:أي موضوع
:عن الإنفصال عشان العيال
:وايش كان ردك
:قلت لهم أنا وزوجتي نتفق..واللي تبيه ابتهال أنا بنفذه لها
:بندر أرجوك قفل الموضوع
:ابتهال اسمعيني إذا أنتي تبين الطلاق عشان العيال قولي
:بندررر وش هالكلام ..قول أنك أنت ماتبيني وتبي تفتك مني
:بالله عليك فيه أحد مايبي عيونه..أنا بس متظايق من كلامهم أن العمر يمضي وأنتي صغيره بعدين مع مرور السنوات بتقل فرص الزواج..وأنا أحبك ياابتهال مابي أكون سبب تعاستك
:تتكلم وكأني موزوجتك..تبي تطلقني يابندر من بياخذني
:أنا اللي بزوجك
:نعمممم ومن أن شاء الله
:واحد امام مسجد أنسان فيه الخير وأثق فيه مثل ماأثق بنفسي
:وش رايك بعد تجيب لي صورته أشوف يعجبني أو لا
:ابتهال أنا أتكلم معك وأنا مهموم وحالتي حاله وأنتي تستهبلين
:أكيد أستهبل أجل بتخطب لي يابندر
:ايه!!
:طيب وش رايك تطلع تنام في المجلس
:أفا أهون عليك
:وأنا كيف هنت عليك تفكر بطلاقي
:لاتلوميني ترى قلبي محروووق عليك
:لاينحرق قلبك ولاشئ أنا راضيه بنصيبي ..تكفى بندر إذا تحبني أوعدني ماتفتح هذا الموضوع أبد
:أوعدك ماأفتحه إلا إذا جيتي أنتي وفتحتيه
:لا لاتخاف ماراح أفتحه..
..
حين يسدل الليل ستارة وأنت بعيد عني
أبحث عن كل شئ يحمل رائحتك
أحبك بقدر ماأبكيتني..أحبك بقدر ماأسعدتني
أحبك بجنون البشر..وبقدر دموع ذرفتها لك ومنك
أشتاق إليك وأنا بين يديك..وأحن إليك وأنت بعيد قريب إلي..
أنت زوجي..أبي..أخي..صديقي..حبيبي..أمي..
كل الناس أنت..
وأنت كل الناس..
أيسألوني الناس عن جمال القمر؟!!
أم يٌسأل الناس عن ماذا يعني الماء؟!!
ياجمال القمر أنت..
يامــاء" يسقيني الحياة..
أيُسأل الطفل عن حرمان أمه؟!!
أم يُسأل الورد كيف بالصندوق هي الحياة؟!!
أن كنت تريد موتي فهيٌا..عجل بالفراق..
أحبك..أصرخ بها لكل الناس..
فلا تسأل كيف هي بدونك الحياة..
ولاتسأل عن ماذا أن كنت أريد الفراق؟!!
فلا حياة لي بدونك..
ولابدونك هي الحياةُ..حياة..
<<<<<<من خواطري.....
...
الله يجزاكم كل خير..أسعدكم الله...أدري ثقلت عليكم بقصتي وظروفي وأحزاني...
شجوون أعتذر لك من كل قلبي..آسفه والله أنا كتبت بنزلها بسرعه وكامله لكن الظرووووف أجبرتني..
ترى انا سهراااانه أكتب لكم ...برجع اليوم أرد عليكم و أشوف ردودكم..
أحبكم في الله


 
ياحياتي عليك حسبي الله على اللي حاسدكم

واحنا نحبك ونتمنى لك السعاده
 
أحبك الله أختي ابتهاال ...

صباااحك جوووري وفل ورقةنسييم يدااعب أجفاانك ..

ماصدقت ألقااكالصبح واتصبحعلى اخباارك ..

الله يعطيييك ولا يحرمك ..

ويخليك لبندر ويخلي بندر لقلبك ..

الله يكفيكم شر الحاااسدين
 
ااااآآآآآاااه يا فرح...

ما تدري كيف أثرتي فينا...

صارت قصتك الجرعة الصباحية اللي اتناولها كل يوم...
واول شي اسويه افتح المنتدى وافتح موضوعك افتش فيه عن اخر المستجدات....

أحيي صبرك وايمانك وحكمتك في الحياة...

اسأل الله أن يرزقكِ الذرية الصالحة المعافاة عاجلا غير آجل...
 
سبحان الله حياتك كلها معناة وسبحان الله رغم صعوبتها لديك قوه وصبر واعتقد دلك يرجع لي قواة ايمانك بي انتظار تكملت القصه
 
الحمد لله الذي جمعنا بك بعد غياب
هنيئا لك هذا الصبر كيف تحمل قلبك كل ما تحمل, انت انسانة رائعة اسال الله لك ان يكفيك شر اعدائك,ولكني انصحك حبيبتي ان تحاولي وضع الاحتياطات الشرعية فلا تسمحي بدخول الغريب كابراهيم بدون وجود زمجك وهذا امر شرعي,ومن ثم عليك بالرقية وان تحفظي الله بالرخاء ليحفظك بالشدة.
احبك في الله ووفقك الله لكل خير
​
 
أثابك الله على صبرك جنة عرضها السموات والأرض
أدميتي قلبي أخيتي بكيت كما لم أبكي من قبل
ولكن أخيتي كيف تلومين بندر لما جدك تكلم معاه ولا تلومين نفسك إنك ما دافعتي عن والدك بكلمة عند جدك لما جرحك وأبوك وأهل أبوك ؟؟؟؟
كل الإ الوالد والله كنت أقلب عاليها واطيها وأخبره بالحقيقة وأوضح ليهو حقارة هدى واللي سوته
وإنتي يوم جيتي مذبوحة من شقتك من اللى شفتيه من بندر وهدى وين كان جدك؟
ولما طلقك بندر ليه ما سأله ليش تطلق الأخت وتتزوج أختها؟؟؟؟
  • تقبلي مروري​
 
صباح الخير والحب والفرح الله يجعل ايامك كلها فرح وسعاده ا[ااه يافرح اقرأ قصتك ابكي مره وابتسم مره وان شالله ابتسم في نهاية قصتك لاني متفائله خير ان شاء الل‏له كم صبرتي وتحملتي وايقنتي بكرم الله وحلمه وجوده ولن يخيب الله ضنك ولن يخذلك اتمنى ان تكون هذه ذكريات من الماضي ذهبت بفرحهاوحزنهاوادعو الله ان تكوني الان بصحه وعافيه بين احضان زوجك بندر
 
بعد قلبي
الله يصبرج و يشفيج و يرزقج الذرية الصالحة
عاجلا غير آجل
إنه على كل شئ قدير
آمين
 
بهوله....حقا" انت انسانه رائعه بكل ماتحمله هذه الكلمه...احرصي ياقلبي

على قراءة البقره....هي والله الشافيه

سوف ترين بأذن الله الشفاء العاجل....وبيجي اليوم اللي بتبشرينا فيه بوالدتك


من بندر بحيل الله
 
الله يسعدك ويفرج همك ويرزقك بالذريه الصالحه والله لاااااااااااااااااااااااااايفرقكم يارب ولا يحرررررررمكم من بعض يارب ,,,,,,,
 
يا قلبي انت
حسبي الله على اللي حاسدكم
والله انه زوجك حكيم ومقدر ظروفك ديري بالك عليه وكوني له نعم الزوجة فأنت أهل لذلك

لا تنسي الرقية دائما وشغلي سورة البقرة في البيت ولا تنسي اذكار الصباح والمساء

حبيبتي قصتك ادمت قلبي بكل معنى الكلمة

وفقك الله وسدد خطاك

​
 
ماشاء الله لاقوة الا بالله
اختي زوجك نادر تلقين مثله بهالوقت اللي كله فتن تمسكي فيه ولاتسمعين كلام احد ربي يحبك وبيرزقك ان شاء الله عشان كذا يبتليك فاصبري وكثري الدعاء والاستغفار والصدقه
احمدي الله على كل حال عزيزتي الحمدلله زوجك عنده عيال ماتشيلي همه انا الان لي سبع سنوات ماكتب لي ربي الحمل وباذن الله ربي بيرزقني وشايله همي وهم زوجي خايفه يتزوج علي باي وقت
يارحمن يارحيم ياودود ياودود يافعال لما تريد اسألك بنور وجهك الذي ملأ اركان عرشك وبرحمتك التي وسعت كل شي وبقدرتك التي قدرت بها على جميع خلقك ان ترزقني وابتهال واخواتي المحرومات الذريه الصالحه التامة الخلق والخلقه ياحي ياقيوم انت القادر وحدك فرح قلوبنا يارب
قولو آمين
 
أختي الحبيبه
داومي على سورة البقره والأذكار
وأكثري من قول : "حسبي الله لا إله إلا هو عليه توكلت وهو رب العرش العظيم" ....لأنها تكفيكي هم الدنيا والآخره

وأسأل الله العظيم أن يحميك ويحمينا جميعا
ويعوضك خيرا كبيرا
وفي شي حابه أحكيه كل صباح إقرأي آية الكرسي لأنها بإذن الله ستحميك من كل ضرر
وإدعي وكوني على ثقه ويقين بالله ولا تتعجلي الإجابه

ودمتي لنا شامخه قويه صابره محتسبه
 
يا هلا والله
بصراحه انك انسانة مجاهدة تحملتي الكثير اشجعك على قوة تحملك ما شاء الله لا قوة الا بالله ولو فكرتي منيح كان مسكتي سكين بيدك وخلصتي الكون من القذر ابراهيم الله يخزيه الوقح بدل ما يحفظ عرض اخوه خان الأمانة الحقييييير ولّا كسرتي صحون المطبخ ع راسه ومزعتي تمو الله رح ياخدلك حقك منه ان شاء الله
ولما هدى ترقص ارقصي احلى منها خليها تنفلق
صدقا بكرهههههههههههههههها كتييييييييييييير الله يحفظلك بندر ويزود حبه إلك
آمييييييييييييييييييييييييييييييييين
بالتوفيق آسفة طولت بس كان النت مفصول وانقهر ما رديت كفاية
 
الله يوفقك يابهلوله ويبعد الهم عنك ويرزقك الذريه الصالحه يارب
وانا بنتظار ك تكمليني
 
الحمد لله انك رجعتي بهلولة والله رعبتيني عليك والله انك انسانه صبور بس الصبر مفتاح الفرج زين ماجاء لعقلك شيء من كثر المشاكل من كان مع الله كان الله معه والحمد لله على السلامه مرة ثانيه ودمتي بخير
 
ابتهال ادخلي موقع شفاء للشيخ عبدالله الخليفه وسجلي فيه وافتحي لك ملف للمعالجه عن بعد وراح يتابع الشيخ حالتك اول بأول ويعطيك الادويه اللازمه والرقيه مره ممتاز هالموقع فيه ناس كثير تشافت من الله ثم هالموقع وحملي الرقيه منه وادعيلي
 
الله يرزقكي بالذرية الصالحة ويبعد عنك عيون الحساد ويوفقك في حياتك يارب ياكريم
وان شاء الله تذوكي ثمرة صبرك وتحملك لظلم غيرك لكي امين يارب
 
الحالة
مغلق و غير مفتوح للمزيد من الردود.
عودة
أعلى أسفل