أبسألك بس أبسألك وش هو شعورك وأنت تدفن قلب انسان؟!!!

الحالة
مغلق و غير مفتوح للمزيد من الردود.
اللي الخط عندها صغير
تطلع وترجع ههه
بسوي تعديل الآن

خواااتي الغاليات آسفه على التأخير بس الإتصال عندي مقطوع مادفعنا الفاتوره خخ
والله آسفه مفصول النت في بيتي ماقدرت أدخل حتى من الجوال...بس كنت أكتب كل ماسنحت الفرصه وبنزل اللي كتبته الآن لعدة أجزاء أوجزئين
ومابقى إلاالقليل

اللي سألت عن ولد هدى من زوجها الأول؟هوموجود معها يعني لما تزوجت بندر أخذت ولدها معها
نسيت أوصف الشكل بالجزء السابق مع أني وعدتكم
أنا وهدى وأختها ندى نفس الأجسام والطول فيه شبه بيننا يعني اللي يشوفنا يعرف أن بيننا صلة قرابه
الطول وسط والجسم جميل

هدى بيضاء جدا حتى ولدها من زوجها الأول كأنه أجنبي
شعرها قصير ناعم أسود
وملامحها أقل من عادية
أنا أميل للبياض لكن مومثل هدى وندى
شعري طويل اسود ملامحي جميله
أنا وندى نتميز عن هدى بالعيون الواسعه ونتميز عنها بأن أجسامنا من الأسفل نفس الحجم وسط لكن هدى من الأسفل أكبر مننا بكثير
وهي فرحانه بهذا الشئ هع حتى زمان قبل طلاقي من بندر كنت أشوفها إذا شافت رجال واقف حتى لومن المعارف ومتزوج.. تضيق العباية على جسمها !!
تابع
فتح النور وأنا جالسه أبكي

:اسم الله،،ابتهال وش جالسه تسوين هنا!! ومتى جيتي؟!!!
:جيت قبل شوي
:وش فيك تبكين؟
:
:بندر صاير له شئ؟!
:لا
:طيب تعالي معي فوق لبيتي نتكلم على راحتنا
طلعت مع سعد فوق
:إدخلي ياابتهال،، نورة والعيال تحت،،أمها وخواتها تحت عند امي
دخلت في المجلس ودخل سعد لداخل،،
بعد دقايق رجع
:اشربي عصير من صنعي ههه عسى يعجبك
حاولت أبتسم له وأنسى حزني
:اكيد بيعجبني
:طيب قولي وش فيك وش اللي مزعلك ليش حالتك كذا

تذكرت بندر والكلام اللي قلته له

:سعد أنا موقادرة أتحمل وجود هدى بحياته
:
:وجدي يتحكم فية واكتشفت ضعفه قدام جدي
:
:اليوم أنهنت ياسعد من جدي وبندر مافتح فمه بكلمه وحده ولما طلعت بروح لسيارة حصلت هدى تنتظرني عند الباب وتنظر لي بسخرية وبندر وراي ولاقال لها شئ
بكيت من تذكرت وقفة هدى ونظرتها
:
:وراح للبنك ورجع يعطيهم ومع ذلك قبل نص ساعه أتصلوا فيه وراح لهم وأنا ذكرته باللي صار في الماضي وقلت له إذا موواثق بنفسك لاتجي تاخذني
:ابتهال لاتبكين امسحي دموعك مافيه شئ يستاهل
أما وجود هدى أنتي قبلتي فيه وأنتي عارفه بوجودها الحين تحملي الوضع وأصبري وبيفرجها ربك وإذا على جدي فترى الحال بيتغير بتسافرون وتعيشون بعيد عن جدي وتهدا الحياة وماله داعي تذكرين الرجال بخيانته
:كنت تعبانة ومتضايقه من أنصياعه ورى جدي
:ابتهال لاتعلقين في بندر كثير خليه جزء من حياتك ولاتجعلينه كل حياتك
:
:أهتمي بهواياتك..استمري بحفظ القرآن..أشغلي نفسك عنه..إذا جاء هلافيك..إذا طلع بسلامتك..وشدي شوي معه مولأنك تحبيه وهويحبك تتنازلين عن حقوقك..لاتعودينه على كذا
:
:الحين قومي غسلي وجهك وأنزلي عند أمي كلها نص ساعه وبيجي،،الحياة يبغى لها صبر ياابتهال بالذات أن فيه وحده تشاركك بزوجك وأنتي مالك إلا يومين يعني طولي بالك
:ان شاءالله
كلام سعد ماخفف من حزني مجرد قليل من الراحه لأنه أنصت لي و فضفضت عن نفسي
نزلت تحت وأنا أفكر كيف أقلل من حبي لبندر وأشغل نفسي عنه
صادفت ناصر وسلمت عليه
:هلااا ناصر أخبارك
:الحمدلله انتي كيف حالك
:ههه بخير حبيبي أشتقت لك كثييير
:هه وانابعد اشتقت لك،،جيتي مع خالي بندر
:ايوه
:بتروحين معه وإلاتجلسين عندنا

سؤاله خوفني تخيلت أني اجلس وبندر مايرجع لي
:ناصر مين عند امي
:جدتي وخالتي ساره وخالتي
:بس بس خلاص أختصر قول خالاتي
:انتي تسأليني مين عندنا
:ههه طيب خلاص انا بدخل
:عمتي عادي تعطيني غرفتك
:ياسلام لا قلبي خلك في بيت ابوك
:انتي خلاص تزوجتي
:حتى لوتزوجت أنا أحب غرفتي وماأحد ياخذها

:وأنا أقول يسولف مع مين أشوف البيت منور
:هه هلا نوره
:كيف حالك
:الحمدلله
:ليش مادخلتي
:الحين بدخل كنت أسولف مع نصور ولدك بيورثني يبي غرفتي
:هههه طيب وش هالزيارة الغريبه في هذا الوقت
:عادي قلت أجي أسهر معكم
:وبندر وينه
:راح لجدي
:أها عشان كذا شكلك زعلانه
:هه لاموزعلانه
:لا واضح خاطرك فيه شئ
:أصلا أنا الواحد يستغرب إذا شافني سعيده يعني لوزعلانه فهذا شئ طبيعي
:أوف أوف كل هذا ياالغيور عشانه راح لجدي ياعيني خايفه يشوفها
:أوف عن أذنك
:تعالي تعالي
:بسلم على أمي
دخلت وسلمت على أمي وخالتي ام بندر وبناتها
ساره متزوجه وعندها 4 أطفال
وشهد بنفس عمري كنت أنا وهي وهدى الأقرب لبعض
مخطوبه زواجها تحدد بعد شهرين من زواجي أنا وبندر
واللي أصغر منها العنود 17 سنة خطيبه أخوي محمد
جلست والكل يتفحصني
أمي تناظر فيني وكأنها تقول فيك شئ
سألتني خالتي ام بندر مع ابتسامه
:هاه ابتهال مبسوطه
:هه ايوه الحمدلله
:الله يوفقك
:آمين الله يجزاك خير
:وين بندر مادخل
:لا راح لجدي
:وش يبي فيه أبوي بهذا الوقت
:مدري

أمي:ابتهال فيه عشى تبغين
:لايمه الحمدلله تعشيت..أبوي وينه؟
:نايم من بدري
:وأخواني؟
:والله مدري اللي نايم واللي طالع

جلست شوي تكلموا عن الحفلة وعن وعن وعن

رحت لغرفتي أنا وشهد وجلسنا على السرير..أيام كثيرة سهرنا فيها وضحكنا فيها وحكت لي فيها عن خطيبها
:طيب طيب ياابتهال ليش ماعلمتيني أنك بترجعين لبندر
:ههه وأنا كيف بعرف والله كل شئ صار بأسبوع
:سبحان الله تصدقين تفاجأت
:ليش
:لأني ولامره شميت ريحة هالموضوع وبعدين أنتي جريئه كيف وافقتي و هدى!!
:ليش خايفه على مشاعرها لأنها صديقتك
:لا ابتهال غلاكم واحد
:أها

كنت أحس أن شهد من النوع اللي لوحققتي معه يجاوب على كل شئ عشان كذا كنت أخفي عنها أي شئ مابيه يوصل هدى

:تصدقين زعلت مني على بالها أنا أعرف ولاعطيتها خبر
:مالها حق تزعل منك حتى لوعطيتيها خبر أيش بتسوي؟!
:ماراح تسوي شئ بس ماتبيه يستغفلها
:ما أحد أستغفلها..زوجها عطاها خبر قبل حتى الملكه
:طيب وش فيك زعلتي
:مازعلت بس لوسمحتي شهد لاتجيبي طاريها عندي
:أبشري عاد هي 24 ساعه تتصل تسأل عنك
:شهد وش قلنا
:خلاص طيب بسكت
:
دخلت نورة
:شهيد روحي لأمي تبيك
:قولي أطلعي بسولف مع ابتهال
:هه زين أنك عرفتي صرفي نفسك
:ههه
طلعت شهد وجلست نوره قدامي
:هه وش فيكم كل بعد شوي وحده تستلمني
:ههه طيب ابتهال وش فيك شكلك مومرتاحه
تذكرت أن سعد أخوي ماعطاني حل ولانورة بتعطيني ولاأحد
كله توفيق من الله
بجلس أفضفض لهم ويمكن يجي وقت أقول ياليتهم ماعرفوا بمشاكلي..وأتخبط من رأي لرأي
:مافيني شئ
:على راحتك أي وقت تحتاجيني أناموجوده بس لاتضيقين صدرك ترى بندر يحبك اصبري معه على الظروف
:تسلمين يانورة

قطع كلامنا اتصال بندر
أول ماشفت اتصاله حسيت الدنيا تضحك لي
:هلا بندر
:افتحي الباب بدخل اسلم على امي وخالتي
:طيب

:نوره بندر برا قولي لناصر يفتح
:ههه وانتي ليه ماتروحي
:ناااااصر
:خلاص خلاص انا بروح

راحت نورة وأناجلست بغرفتي فكرت اروح عندهم قبل يدخل بس مدري ليش خجلت من أني أشوفه قدامهم بعدالكلام اللي قلته له
دخلت شهد عندي وأستمرت بالكلام عن تجهيزها لزواج

سمعت صوت بندر دخل عند امي وخالتي وسلم عليهم
كنت أنظر لشهد وهي تتكلم وأنامومعها
صوت بندر وريحة عطره دخلتني بدوامة من التفكير
تفاجأت بنورة واقفه قدام باب غرفتي مبتسمه
:ابتهال فيه ضيوف بيدخلون عندك بغرفتك ممكن؟
شهد مصدومه
:مين؟
نورة:بهلوله ممكن؟
:ممكن
دخل بندر
:السلام عليكم
أنا وشهد:وعليكم السلام
قامت شهد تسلم عليه
وأنا حسيت بإحراج أول مره يدخل غرفتي في بيت أهلي
:مبروك ياأجمل أخو في الدنيا
:هه الله يبارك فيك عاد أجمل أخو موكأنك بالغتي شوي
:لاماأبالغ صح ابتهال
ركز أنظاره علي ..ناظرت في جوالي صرت أدخل صندوق الرسائل وأطلع
:صح
طلعت شهد ووقف يناظر بالغرفه
:الله حلوة غرفتك
:قصدك عادية
:كل شئ تملكينه حلو
:عيونك الحلوة عشان كذا شايف كل شئ حلو
:والله
:هه
:طيب تعالي ليش أختي تسلم علي وانتي لا
:لا بندر الحين يدخل أحد يشوفك
:عادي بسكر الباب
:لابندر والله أزعلك منك
:ههه لاتكفين إلازعلك..يالله طيب تأخرنا بطلع لسيارة أنتظرك
:بندر
:هلا
:وش سويت مع جدي
:بقولك في السيارة
لبست عباتي ومريت أمي وخالتي سلمت عليهم وطلعت
قطعنا نصف المسافة وهوساكت وسرحان..أنتظره يتكلم من نفسه
استحيت أسئلة مرة ثانية..

قطع صمته
:ابتهال
:هلا
:تصدقين لوماطلعتي معي أموت
:
دورت كلام أرد علية ماحصلت
أنا كذا كثييير كثييير أوقات ماعرف أرد ولاعرف أعبر
بس في بالي أقول مايدري أني أنا اللي كنت خايفة مايجي
:وش فيك ياقلب بندر ماتردين ههه أكشفي عن وجهك أكيد أحمر
:ههه بندر كيف أكشف والناس
:ماراح يشوفوك نورك بيمنع الرؤية
:أوكي ترى بكشف
:لاااا صدقتي
:ههه أمزح معاك
:هههه
:بندر
:عيونه
:متى نسافر
:وين تبغين تسافرين..المكان اللي تبغين بوديك
:أي مكان لولبيتنا
:أفا ليش كارهه هالمنطقه
:أحس أني مخنوقه فيها أبي أبعد يابندر
:أدري حاس فيك أن شاءالله بكره نروح مكه وبعدين نسافر لبيتنا
كنت بسأله عن هدى لكن ماقدرت..وبنفس الوقت أحاول أعيش وكأنها موموجوده
سافرنا لمكه وتمشينا بأكثر من منطقه بخلال اسبوعين
كانت من أجمل أيامي
وأخيرا" توجهنا للمنطقة اللي فيها مقر عمله..اللي عشت فيها 5 سنوات..أمووووت فيها
بينها وبين أهلي تقريبا 8 أو9 ساعات بالسيارة ماااانحس بالوقت أبدا"
خلال هالأسبوعين ماتكلم عن شئ يخص هدى ولا لاحظت أي اتصال منهم
كنت عارفه لوبسأل أمي بيكون عندها علم عن أيش اللي صار لما راح لجدي
لأن جدتي بتشوف وتسمع كل شئ
وجدتي ماتخبي عن أمي وخالاتي شئ بحسن نية يعني لوأمي مثلا" تقول لجدتي
ابتهال سافرت..
وتجي خالتي تسأل جدتي عنا
بتقولها عن اللي سمعت
...لكن خلال اتصالي في أمي ماحاولت أسألها
مدري ليش كنت أبي أوضح للكل أني عايشة بدون كابوس
اسمه
هـــــــــــدى
والعكس هواللي حاصل
حتى وهونايم أنظر له وودي أصرخ وأقوله بأعلى صوت
بندر مابي هدى تشاركني فيك
مابي أصحى بيوم وتقول بروح لهدى!!
أموت لوتخيلت أنه بس يتكلم معها!!
...
دخلنا المنطقة وكان الوقت الفجر
:ابتهال استعدي للمفاجأة بعد شوي راح تشوفيها
:صدددق
:ايوه
:الله يستر
:هههه ماقلت لك أنك خوافه
:الله يابندر ياحلو هالمنطقة

فتح نافذة السيارة
:أستنشقي هواها وخليها تستنشق عطرك تراها مشتاقه لك وتوها لبست لباس الفرح برجعتك..تذكرين هذا الشارع
:لا
:هذا اللي نمره إذا رحنا للحديقة تذكرين حديقتنا هه
:هه ايوه بس أنا موحافظة بذهني إلا شارع بيتنا وطريق الجامعه
:هههه وش معنى شارع بيتنا
موحلوه شقتنا
:حراااااام عليك تجنن
:تحبيها
:اموت فيها يابندر أحلا وأغلا مكان عندي
:طيب أخذت لك بيت حلو بيصير أغلا من الأول
:لا مستحيل يصير أغلا لوتجيب قصر ماراح يكون أغلا ولاأجمل منه..تصدق حنان للحين ساكنة فيه
:أدري أنه غالي عندك حتى أنا أحبه
:طيب أوعدني توديني له عشان أزور حنان
:أبشري من عيوني..
:تسلم لي عيونك
:
:هدووووء صح
:ايوه شوفي الشارع فاضي لاتقارنينها بالمناطق الكبيره
:
:فيك النوم
:مااااااره نعسانه
:الحين نوصل البيت ونصلي الفجر وننام
:ان شاءالله
:تفضلي حبيبتي وصلنا
:الشارع يخوف ظلام وهدؤ
:قولي بسم الله
نزلنا وأخذ معاه الشنط
طلعنا فوق
مثل بيتي الأول
في الدور الثاني شقتين وحده لنا والثانية ساكنين فيها ناس سمعت أصوات اطفالهم وأنا واقفه ورا بندر أنتظره يفتح باب الشقة وأقول في نفسي عساهم طيبين مثل حنان
:تفضلي يانور العين هذي المفاجأة بالداخل
دخلت وأنبهرت من اللي شفته
الشقة مثل بيتي الأول بس لون الجدران يختلف والأثاث جديد
:بندر مثل بيتنا الأول أحلا مفاجأة ياقلبي
:هههههههههههه والله أن النوم مسيطر عليك موهذي المفاجأة
المفاجأة أن هذا بيتك الأول واللي بجانبك حنان
:قووول والله
:ههه والله
:بندر والله أحبك
:وأنا بعد..يالله بلحق على الصلاة قفلي الباب
:بندر بندر
:هلا
:بروح لحنان
:تروحين الحين!!
:ايه عادي زوجها اكيد نزل للمسجد
:لا
:تكفى بندر
:لا يعني لا
:بندر بس بسلم عليها عند الباب
:لا...قفلي الباب وروحي صلي إلين أرجع بس لاتنامين وتتركيني برا
:ههه طيب
طلع بندر وجلست أدور في البيت ياسبحان الله ياما بكيت وأنا أتذكر هالبيت كنت عند خالد عايشه بأكبر منه وبعيني كان موحش كنت أبكي وأتذكر هذي الشقه وأيام السعادة
عمري ماتوقعت أني أرجع لها
الحمدلله على كل حال
اللهم لك الحمد كما ينبغي لجلال وجهك وعظيم سلطانك
من الفرحه سجدت سجود شكر لله
تذكرت كلام وحده من صديقاتي بعد طلاقي من بندر قالت لي ماأخذ بالقوة لايسترد إلابالقوة..والقوي الله
قلت كيف
قالت بالدعاء والإستغفار والصدقة وحسن الظن بالله والتوكل على الله حق توكله

رجع بندر ولما غمض عيونه بينام..جلست أتأمل نفسي وهويطوقني بين يدينه
جات هدى براسي أحس النار تشتعل بداخلي
حتى ولده جاء براسي وتخيلته بحضن بندر
معقولة وصلت فيني أتمنى حرمان طفل من حضن ابوه!!!
أوأن الإنسان طماع بطبعه وأبي كل شئ يرجع مثل قبل وبدون هدى وولدها!!
ليه أنا كذا أبي كل شئ على كيفي وبمزاجي
كل شئ بتقدير الله أنا مافي يدي شئ..
حاولت أرفع راسي أشوف وجهه
:وش فيك؟
:مافيني شئ بس كنت بشوف وجهك
:ههههههههه ليش؟
:مدري
:كيف ماتدرين هههههه طيب خلاص نامي شوفي دموعي نزلت من الضحك
:هههههه أنا أمسحهم
:الله أحد قالك أن أصابعك مثل الريشه
:ههه لاماأحد قالي
:يووه أعترفي لايكون ساحرتني
:ههه ايوه مثل ماأنت ساحرني
:ههه طيب أقولك شئ ولاتزعلين
:عادي مازعل منك
:أحيانا إذا شفتك أقول في نفسي كيف خالد طلقها وترك هذا الكنز
:عادي مثل ماأنت طلقتني وتركتني قبله
تبدلت ملامحه من الإبتسامه إلى الصدمه من اجابتي

أنا حسيت بصدمه من كلامه ماتوقعت يقول اسم خالد قدامي ومدري ليش رديت علية بهذا الرد..يمكن أنزعجت لذكر خالد..أوغضب لأنه ذكرني بخالد وضربه وطفلي..أوغضب لأني بداخلي حملته مسؤلية اللي حصل لي من خيانته
تسحبت من يدينه للجهة الثانية من السرير وهوماحرك ساكن
مازال مصدوم
:بهلولة ليش بعدتي عني وعطيتيني ظهرك
:كذا
:كيف كذا
:يعني مافيه سبب
:تعالي يالله بلادلع
:مابي أجي
:يعني بتنامين وانتي بعيده عني
:عادي أنت بعدين بتنام عند هدى وتتركني وحدي

مدري ليش تعمدت أذكر له اسم هدى أدري أن ذكر اسمها على لساني يعني ذكر الخيانة لمسمعه..
أدري أنه متفشل من خيانته
وأدري أنه من زمان ندمان
وأدري أن ضميره يأنبه
بس مدري ليش قسيت مدري ليش مااانسيت
سكت شوي وحسيته طلع من الغرفه
لفيت وجهي..حصلت مكانه خالي
جلست أتعوذ من الشيطان وكرهت نفسي على هذا الأسلوب..أنتظرته يرجع مرت ربع ساعه..طلعت من الغرفه وحصلته حاط راسه في الصاله ومغمض عيونه
قبلت جبينه
:وش فيك خفت
:لا بس فاجأتيني وكنت أفكر
:هه طيب ممكن تروح معي للغرفه
:لا
:ليش
:أنتي ماتبيني
:لا بندر كيف مابيك والله ماأستغني عنك
:أكيد
:أكيدين
:طيب بقولك شئ
:قول
:لاموهنا خلينا نروح للغرفه
بعد مادخلنا الغرفه أنتظرته يتكلم ولاقال شئ
:بندر وش كنت بتقول
:لاخلاص خلينا ننام
:لا بندر ليش دايم تأجل كلامك
:طيب بتكلم
:
:ابتهال أحسك للحين شايله بقلبك من اللي صار
:
:إذا بتعاتبيني عاتبي قولي اللي في قلبك
:
:بندر مو وقت عتاب خلنا ننام أفضل أنت شكلك مرهق وتعبان من السفر
:على راحتك
كنت متوقعه أنه بيجلس للأبد يتهرب من ذكر خيانته لكن أنا اللي حسيت بإحراج وهروب من المواجهة
أول ماسكرت عيوني نمت كنت طول الوقت أحلم بهدى وبندر وأبكي بالحلم ولاحسيت بنفسي إلابندر يحركني
:ابتهال ابتهال أصحي
فتحت عيوني وحسيت وجهي كله دموع وحسيت بإحراج وهوجالس يتفرج علي شفت هيأته شكله جاي من برا البيت
:خوفتيني عليك
مسحت وجهي
:بندر كم الساعه
:أول قولي ليش تبكين
:كابوس
:كابوس اسمه بندر!!
:لا بندر
:ههه إلا سمعتك وأنتي نايمه تقولي بندر
:
:تدرين كم الساعه
:كم
:باقي ربع ساعه ويأذن المغرب
:أييييييييش؟!!!!! ليش ماصحيتني لصلاة
:أكثر من مره أجي أصحيك بس بكل هدؤ ورحمتك شكلك تعبانه حتى أدخل وأفتح النور وألبس وماااحسيتي فيني
:أستغفرالله..بروح أصلي
:يالله روحي صلي وتعالي شاري لك ساندوتشات
:طيب
رحت أصلي وأنا أفكر بالأكل هع كنت ميته جوووع
:بندر وين الأكل
:ههه قولي مساء الخير كيف حالك ياقلبي أوأشتقتلك أوبوسه
:ههه آسفه بس جد والله جوعانه
:ههههه غريبه أول مره تجوعين
:من امس ماكلت شئ
:تعالي عندي الأكل هنا
وأنا جالسه آكل
كان يستقبل رسائل على جواله
:ههه تصدقين رحمتك وأنتي تبكين
:وأنا نايمه
:ايه
:ههه
:شكلك نمتي وانتي زعلانة
:لابندر موزعلانة
:آسف إذا ضيقت صدرك اليوم بعد الفجر
:لابندر لاتعتذر ماصار إلاالخير
:
:بندر متى صحيت
:من الظهر
:آسفه على نومتي إلى المغرب
:لاعادي نامي وأرتاحي..
:بندر من يرسل لك على الجوال
:يبغوني أجي آخذ ولدي
: !!!
:لوأجيبه تستقبلينه
:اكيد بستقبله..طيب وأمه ليش موجايه؟
:أمه إذا طاح اللي براسها تجي من نفسها أو تطلب طلاقها أناماغلطت بشئ حتى الرضاوة اللي طلبها جدي عطيتهم
غير كذا مالهم أي شئ عندي
:
:ابتهال إذا بتنزعجين من ولدي عادي قولي
:لابندر بالعكس أنا أحب الأطفال وأحب الإهتمام فيهم
:والله يابهلوله أني محرج منك
:بندر حبيبي والله عادي بالعكس والله فرحانه أنه بيجي بس أهم شئ أنك ماتاخذه من أمه وهي موراضية
:ليش
:حرام يابندر تحرق قلبها عليه
:لاوالله هي اللي ماتبيه
:طيب متى نسافر
:الأسبوع الجاي بإذن الله نروح نجيبه ونرجع من ثاني يوم
...
مر الأسبوع عشت فيه مثل حياتي السابقه قبل طلاقي من بندر..أطلع مع بندر وأدخل وأحس أني في حلم
عطتني حنان عدة نصائح
أني أخفف من العصبية والغيرة اللي ماكانت موجوده عندي
وأني أرجع دلوعته مثل قبل
اللي ماتقدر تنام إلابوجوده
ولاتاكل إلامن يدينه
(حنان ماتعرف بخيانته كنت زمان أقولها أنه بيتزوج الثانيه لأجل الأطفال)

شجعني بندر أكمل الجامعه لأن مابقى إلاسنة وأتخرج
أخذني للجامعة وأنصدمت أنه تم طي قيدي لأني ماقدمت أعذار للأترام السابقه وطي القيد يعني تجلسين سنتين ممنوعه من التسجيل في كليات التربية وبعد ماتنتهي السنتين تسجلين من الأول
حسيت بحزن
بلحظة يأس أقول ليش يصير معي كذا!!
أستغفرالله
قالي بندر عادي أدرسي من الأول!!!
ورفضت تخيلت كل الأيام اللي داومتها بالجامعه لمدة 3 سنوات
حر وبرد ومطر وقومه من الصبح وأرجع وبيت وزوج
مستحيييل أعيدها خلااااص..
يكفي اللي راح..
أقنعني أدرس جامعة انتساب مطور..وسجلت فيه
مريح جدا"
الحمدلله..
سافرنا نجيب ولده (باسل)
ورفضت أروح معه لجدي
ماكنت أقدر أقابله بعد صراخه علي..ترجاني بندر وأمي أني أروح ووعدني بندر أن لوجدي تكلم علي فخلاص لي حق مره ثانيه أرفض أزوره..
 
برضو اللي عندها الخط صغير تطلع وترجع الآن بسوي تعديل
تابع
رحت وأنا أرتجف من الخوف
أحاول أقوي قلبي
دخلنا بيت جدي
دخل بندر عند جدي في المجلس
:تعالي ابتهال مافيه إلا جدي
دخلت سلمت عليه كان هادئ
:عن أذنكم بروح اسلم على جدتي
أخذت نفس عميق ماصدقت أنه ماتكلم
دخلت عند جدتي وكانت عندها خالتي ام فهد،،
على طول رددت في نفسي
ليش الناس اللي ماأبيهم ألاقيهم قدامي..اللهم اكفنيها بما شئت وكيفما شئت
:السلام
:وعليكم السلام هلاببنيتي
سلمت على جدتي
:هلا جدتي كيف حالك
:الحمدلله انتي بشريني عنك
:بخير ياجدتي
توجهت لخالتي اسلم عليها
:كيف حالك خالتي
:الحمدلله..وين بندر
:عند جدي
لاحظت الطفل على سرير جدتي رحت سلمت عليه
حسيت نظراتهم سوط يجلدني
..سؤال خالتي عن بندر حسيتها كأنها تقول ماراح أسأل عنك اوعن حالك!
تكلمت جدتي
:ماشاءالله زينك طلع مع بندر
:هههههه الله يسلمك ياجدتي
دخل بندر وسلم عليهم
وقبل يجلس أخذ باسل سلم عليه وناظر فيني
:ابتهال جاهزه نمشي
:ايوه
تكلمت جدتي
:بهذي السرعه إجلس وأناأمك شوي معنا
:لاياجدتي الله يطول بعمرك مره ثانية ان شاءالله ورانا طريق طويل والسبت عندي دوام
:بسلامتك أنتبه لنفسك ولاتسرع
:ان شاءالله
طلعنا من المجلس بعد ماسلمنا على جدتي
وأوصتني على باسل..
جات ورانا خالتي ام فهود
:بندر تعال أبيك شوي في الصالة

مدري ليش حسيت بالضيق والقلق وأيش بتقوله و..و..

:ليش
:بتكلم معك بموضوع بس دقايق
:مافيه أحد غريب تكلمي هنا
:لاتعال لوحدك
:آسف خالتي وقتي ضيق عندك شئ ضروري قوليه الآن وابتهال زوجتي وحبيبتي موغريبه

كلامه أسعدني وكان صفعه لخالتي وهدى
لأن خالتي اكيد بتوصل ردة فعله لهدى لأن اكيد الكلام اللي كانت بتقوله خالتي لبندر هونتيجة تخطيط بين الثنتين

كانت ام فهود تنظر لي وتنتظر مني أطلع من البيت عشان تتكلم معه لكني وقفت خاصة بعد رد بندر عليها

:طيب رجع هدى لاتتركها هذي أم ولدك ماحد يهتم بالولد كثر أمه..وبتجيب لباسل أخوان!!!
:أن شاء الله مايحصل إلا الخير في آمان الله

أول ماركبنا السيارة عطاني باسل..جلست أتأمله كيف طفل بهذا العمر يبعد عن أمه
وكيف هي طاوعها قلبها تتركه!!
تذكرت فقدان طفلي وبكيت على حال باسل..مايدري أنه بيقطع مسافة بعيده عن حضن أمه..
:ابتهال وش فيك ياعمري تبكين
:
:بهلولة خلاص حياتي لاتبكين أنتي تبكين عشان كلام خالتي
ماعليك منها ولاتهتمين ولاتاخذين بخاطرك
:
:بحول الله وقوته راح تجيبين بنوته حلوة مثلك هه يالله عاد مسحي دموعك
:بندر
:عيونه
:تكفى حاول ترجع هدى عشان هذا الطفل اللي ماله ذنب
:أنتي حساسه مره ترى أنامتوقع أن باسل بيحصل حنان عندك ماحصله عند أمه
:مهما كان هذي أمه
:وأنا ليش صابر والله عشان باسل وجدي وإلاكان من زمان طلقتها وافتكيت من ازعاجها

ماكنت مهتمه لكلامه عن هدى كنت حزييينه على فراق باسل لأمه..ترى أنا من صغري أعطف على الأطفال وكنت أهتم بأطفال سعد،،يعني عندي خبره بالإهتمام فيهم،،
:بندر تصدق فرحت بردك على خالتي كنت متوقعه تروح معها
:ماعليك منها ترى أنا فاهم نفسيات الحريم وحركاتهم أهم شئ أنتي لاتهتمين بكلامها
:أصلا هي موأول مره تجرحني
:ماعاش من يجرحك
لاتهتمي بكلام الحساد
:أنا ماأهتم فيه بس والله غصب يقهر ويظايق
،،،
مرت أسبوعين وباسل معي
يااااااي يجنن..حسيت بسعادة
أهتم فيه وأحبه..
كل ماينظر لي بسول يضحك
وإذا شاف بندر يبكي هههه
أستغليت وجوده لصالحي
أدري أن بندر يحب غيرتي عليه
أقصد غيره طبيعيه موغيره مرضية!!
إذا شفته يقبل باسل أويحضنه
أركض له:وأناااا
وإذا رحنا على السرير يحطه عنده يبي يشوف غيرتي وحبي له
:لابندر أنا بجي عندك
كنت أشوف بندر ينجن ويفجر حبه لي إذا شافني غيرانه وأتدلع عليه
سألت مره:بندر تحب باسل أكثر مني؟
:ههه لا..أنتي العين هذي..وباسل العين الثانية

سجلت مع حنان وأطفالها بدار تحفيظ قرآن
كنت أروح معها أنا وبسول بعد العصر ..نمشي لدار وحنا نسولف ونضحك وإذا رجعنا نمر سوبر ماركت وبعدين على البيت

بعد هذي الأسبوعين قالي بندر أن أخوه ابراهيم بيجي بكره
(أخوه من الأب) لأنه يدور على وظيفة عند شخص يعرفه
وقال يمكن يجلس عندنا اسبوعين
كنت عارفه ان بندر علاقته موذاك الزود معهم بسبب زوجة أبوه مع أني في زواجي الأول زرتهم أكثر من مره
وهم زاروني مره وحده وجلسوا عندي 3 أيام
وكنا ناوين نزورهم
زوجة أبوه أحسها معاي طيبه يعني ماشفت شئ منها يضايق
بالعكس تضيفني أحسن ضيافة
عندها بنت بمثل عمري (فوزية)
يعني أخت بندر من أبوه
طيبه جدا وانسانة ملتزمه وتحب بندر كثير وتحترمه وتتضايق إذا شافت أبوها يتكلم على بندر
والعيال ثلاثه ابراهيم 27 والإثنين 12 و13
كنت أحس أن أخوان بندر مثل أبوه علاقتهم متوتره أسمع مواقف أحس ابراهيم يكره بندر مع ان بندر طيب معهم ويحبهم وكثير أشوفهم يطلبون منه مبالغ مالية ويعطيهم
وصل ابراهيم يوم الجمعه وسوينا له عشا
جهزت كل شئ وبخرت البيت ولبست ولبست بسول بدله شريتها له
جهزت القهوة وغيره
وحنان جابت الفطائر وأنا جهزت الحلويات لأن بندر قالي أن عبدالرحمن يقول زوجته تبي تتعرف علي
فقلت فرصه نعزم زوجات أصدقائه وأتعرف عليهم
وتجمعوا أصدقاء بندر وفيه أثنين حضروا زوجاتهم معهم
عبدالرحمن ويوسف
زوجة عبدالرحمن أسماء عندها طفلين
ويوسف زوجته فاطمه عندها 3 أطفال
أنبسطنا مع بعض حنان كانت تساعدني بضيافتهم
والأطفال صاروا يلعبون مع بعض
كلهم مثلي ومثل حنان مغتربين يعني أهاليهم خارج المنطقة
أسماء انسانه هادئه ومرحه
وفاطمه سوااالف وضحك دمها خفيف
بعد ماخلصنا عشى كانت فاطمه تضحك وتقول:آه لويشوفك زوجي ياابتهال يغمى عليه
:ههه ليش
:يحب اللي مثل جسمك..إذا طلعنا لسوق حتى الأطفال يناظر فيهم يقول شوفي مومثل جسمك..وأقوله من زينك شوف كرشك ههه
تعالت ضحكاتنا من أسلوب فاطمه..حسيت من كلامها أنه شئ طبيعي بينها وبين زوجها التعليق على بعضهم بالكلام
وحسيت من كلامها أن زوجها شغوف برؤية النساء بالذات لأجل تقاسيم الجسم

تبادلنا الأرقام وأتفقنا أن كل يوم خميس نتجمع في بيت وحده والخميس الجاي بيكون عند فاطمه

بعد ماطلعوا من عندي حنان وفاطمه
جلست مع أسماء لأن زوجها طول شوي جالس مع بندر وابراهيم
:وأخيرا" شفتك..كنت ميته على شوفتك
:ههه أنا بعد سعيدة بشوفتك
:عبدالرحمن دايم يسولف فيكم وكنت أدعي أن الله يجمع شملكم
ياسبحان الله ناس تدعي لي وهم ماشافوني ولاتعاملوا معي

في اليوم الثاني جلست أفطر مع بندر
:ابتهال حبيبتي أنا بطلع للعمل إذا جات الساعه 9 ولاصحى ابراهيم طقي علية الباب ترى نومه ثقيل وعنده مقابله
:لابندر أستحي وأخاف يشوفني
:ماراح يشوفك طقي وأرجعي وقبل تروحين له ألبسي جلال أو اي شئ ولاتنسين حطي عند الباب قهوة وفطور
:أن شاءالله من عيوني
طلع بندر وجلست ألعب مع بسول سمعت صوت ابراهيم صحى
رحت أخذت القهوة والفطور
وحطيتهم عند الباب اللي بيني وبين قسم الرجال وسكرت الباب
:الله يعطيك العافية كلفتي على نفسك
مارديت عليه أنا خوافه وأستحي
أول مارجع بندر من الدوام جهزت غداهم وكان معي بندر بالمطبخ يساعدني
قلت له أني مارديت على ابراهيم
:ههه عادي ليش مارديتي هذا أخوي
:أدري بس أستحي
:نوره يعني ماترد على أخوانك
:ايوه ترد وتتهاوش مع محمد
:هههه طيب لاتتغدين دقايق أتغدا مع أخوي وأرجع لك
:طيب
مرت 3 ايام وابراهيم عندنا
وبعدماتعشينا جلست انا وبندر في المجلس..
:ابتهال وين باسل؟
:نايم بالغرفة
:طيب بقولك شئ يمكن يظايقك ويمكن لا..بس لازم تعرفينه
رفع يدي يقبلها ولأول مره ماحس فيه ..أحس أني فقدت الإحساس لأني عارفه ان الموضوع اكيد عن هدى!
:اتصل فيني جدي وقال ان هدى بترجع وطلب مني أجي آخذها..عاد أنا بسافر الأربعاء
..بروح بكره أحجز تذكره
أسافر الأربعاء وإذا فيه رحلة بنفس اليوم رجعت عشان ماأطول عليك
:
:ليش ساكته ياعمري
:ماعندي شئ أقوله..
حاولت أقوم ومسكني
:بندر أتركني
:وين بتروحين
:بندر أرجوك بعد عني
رحت للغرفة سكرت الباب جلست أبكي أحس روحي بتطلع..هدى تجي ويروح لها زوجي ينام عندها ويتركني
يطلع ويدخل معها
يجلس ويتكلم معها
آاااه ياحرقة قلبي
أنا قبلت فيه و عارفه أن هدى زوجته
أنام وأصحى وأناعارفه أنها بترجع بس اللحظة اللي عشتها غيييييييير غيــــــــــــــر
أني أعيش هذي اللحظة غير عن أنها مجرد تفكير

صار يطق الباب
:ابتهال أفتحي والله أزعل منك
:مابي أفتح أتركني لحالي
:أتركك كذا مقطعه نفسك من البكي..أفتحي حبيبتي
:
:ابتهال أسألك بالله تفتحين يالله عاد لايسمع ابراهيم يضحك علينا
فتحت الباب
كنت وأنا أبكي أتخيلها بمكاني بحضن بندر
:ابتهال قولي لا إله إلاالله وش فيك الله يهديك كل هذا تحبيني ههه
:
:يالله عاد تبي تجلسين طول الوقت تبكين
:بندر ماقدر أتحمل وجودها بحياتك
:ابتهال أوعدك مايتغير شئ
:حتى ولووعدتني أحس روحي بتطلع
:عسى يومي قبل يومك
:
:ابتهال ترى أنا اللي روحي تطلع وأنتي تبكين
:
:أوعدك ماتحسين بتغير بجلس أكثر وقتي عندك وماراح تاكلين إلامن يدي وحتى بليلتها ماراح أطلع من عندك إلا وأنتي نايمه
:مهما تقول ومهما تسوي بتبقى هي موجوده
:يعني تبيني أطلقها
:لا
:قومي صلي ركعتين وصدقيني كل حزنك بيروح هذا شئ مقدر ومكتوب والخيره فيما اختاره الله لنا
:
:ههه شوفي كيف صدري مليان من دموعك شكلي يوم بضربك إلين تخلص دموعك ونرتاح
:بندر بسافر معك وأجلس عند أهلي فترة
:لا أنا ماأستغني عنك وبعدين كيف تروحين وتتركين دار التحفيظ وتتركين صديقاتك وأنتي توك متعرفه عليهم ههه زوجة يوسف تنتظركم الخميس
:مابي أروح لأحد تكفى بندر بسافر معك لأهلي
:لا..بالله عليك كيف بتعيشين بدوني
:بندر أنا أحبك بس أحس بنار وهم في صدري
:وأنا أحبك وأبيك تسمعين كلامي إجلسي عندي وأنسي هدى واللي جابت هدى
ريحي نفسك وأعصابك ياابتهال
:بحاول
:أن شاءالله تقدرين يعني بندر مايستاهل منك التضحية
:يستاهل
:الله لايحرمني منك قولي آمين
:آمين
:ابتهال فيه شئ ثاني بقوله لك
:بندر إذا يزعل لاتقوله ماعاد أتحمل أكثر من كذا
:لا مايزعل
:تفضل
:أنا أحبك.. انتي الغاليه..لاتظنين
أني أفضل هدى عليك
هدى أم عيالي وبس
:بندر أنت تقول كذا عشان تخفف عني
:والله ياابتهال أنك الوحيدة بقلبي
وراحتي عندك
:طيب وإذا تغيرت علي
:لاماراح أتغير بندر هوبندر بس أنتي لاتضيقين نفسك
:ان شاءالله
جلست طول الليل أفكر ماقدرت أنام...حتى زوجات المعددين أفكر فيهم..يالله ألم ألم ألم مايحس فيه إلا اللي مجربته..
أناظر في باسل مومصدقه أنه بعد بكره بيروح يتركني
آااه يارب أرزقني بطفل

حاولت طول اليوم أكون طبيعيه
عشان ماأظايق بندر أكثر
تكفيه همومه مشاكله مع أبوه وديونه وجدي وهدى
كنت ألاحظه طول الوقت يدور علي..يجلس شوي عند أخوه ويرجع لي..يناظر في وجهي
بيشوف كيف نفسيتي..

في الليل كنت أنوم باسل
وبندر جالس عندي

:آه يالقهر الدنيا حظوظ صح ابتهال
:أوف ليش! وش فيك !
:تنومين باسل ياليتني باسل ولاني ابوباسل
:هههههه بس عشان كذا ولايهمك اصبر إلين بسول ينام
:كم بوسه عطيتيه بالربع ساعه
:أمممم مدري
:ماتدرين أناأقولك
عدد لانهائي وأنا مسكين أحلم بوحده
:ههه ليه نكران الجميل
:هههه
:بندرماني مصدقه أني بكره بنام لحالي وأنت موموجود في البيت
:أوعدك من بعد صلاة الفجر أكون عندك
:طيب بسافر معك بجلس عند أهلي اسبوع وأرجع
:لا ابتهال هذا الموضوع خالصين منه..طيب انتي خايفه تجلسين لحالك
:لا حنان قريبه عندي
:لاتخافين وابراهيم في المجلس عندك بيكون موجود إلين المغرب ويسافر
وأنا برجع 11 في الليل وبمرك أتطمن عليك
:أنا أقصد أني أبعد وأغير جو
:وش تبعدين عنه ياابتهال أنتي في بيتك معززه مكرمه

كنت أحس بالعصبية والقهر والحزن بس أجامل وأكبت مشاعري الحقيقية
كنت الليلة الماضية مانمت عشان كذا دخلت بنوم عميق وأرتحت من التفكير
اليوم الثاني سافر بندر الصباح
وبيرجع 11 في الليل
سافر بدون مايصحيني
جهزت قهوة لـ ابراهيم وحطيتها عند الباب
ماقدرت آكل شئ بس أفكر في بندر
حسيت أن معاملة بندر معي سببت لي أزمة..يغرقني ويتركني
في كل شئ أتذكره
تذكرت توصيات سعد أني أشغل نفسي عن بندر
رحت جهزت الغدا
وبعد ماسمعت صوت ابراهيم رجع (لأنه كان طالع) حطيت له غدا
رحت تغديت
وحاولت أنفض الأفكار من راسي..أخذت باسل وطلعت مع حنان وأطفالها لدار
رجعت للبيت ..وقفلت الباب
شقتي لها بابين،،
باب اللي جاي من برا ويدخل منه يحصل الصالة ومجلس الحريم وغرفة النوم والمطبخ ودورة مياة
والباب الثاني اللي جاي من برا ويدخل منه يحصل مجلس الرجال ودورة مياة وصالة صغيره
وبين الصالة الأولى والصالة الثانية باب يربط القسمين مع بعض فهمتوني
وابراهيم في مجلس الرجال ويطلع ويدخل من الباب اللي عنده
وأنا أحط له القهوة من الباب الرابط بين القسمين
صليت المغرب
أخذت باسل وحطيته بكرسيه وأخذته معي للمطبخ
ابراهيم اكيد بيسافر بعد شوي
قررت أصنع الحلا اللي أحبه
وأتقهوى لحالي وأسترخي
لأن جارتي الغالية تطلع الأربعاء مع زوجها وأطفالها
وبكون الليلة وحيدة
ببكي بندر ببكي وجوده مع هدى ..ببكي كل شئ
صرت أنا كذا ماأرتاح إلا إذا أنفجر البركان اللي بداخلي

أتحرك في المطبخ..رايحه وجايه وبسول بعيونه الصغار يراقبني وكأنه خايف يفقدني
أناظر فيه وأضحك
:هلا بسووولــــــــــــــي
يضحك ويحرك يدينه ههه
(عمره شهور تقريبا"7 أو 8)
وأنا خاشه جو مع باسل والحلا
سمعت صوت كأنها خطوات أحد على الرخام اللي في الصالة قرييييب من المطبخ
معقولة يتهيأ لي
ألم في بطني ويديني صارت ترتجف أنا مقفله باب الشقة
أخذت باسل ولاأدري كيف ماطاح مني وأنا ارتجف
وقفت في آخر المطبخ وأستندت على الجدار
الصوت كان واضح
أتذكر وين جوالي
نسيت!!
تكلمت وفمي جاف كأني من سنوات ماشربت شئ
كنت أحس أن العالم كلها تسمع نبضات قلبي
:مين؟
:
:مين اللي هنا؟!

:أنا ابراهيم!!!!!
عصبت رديت عليه بنبرة حاده وأنا أتلفت أدور طرحه أوأي شئ
:وش تبي! ارجع للمجلس وأنا بحط لك اللي تبي

دخل عندي بالمطبخ
صرخت عليه
:مجنوووون أنت أطلع براااا
جاء يمشي بسرعه ناحيتي
وباسل يصرخ ويبكي بشدة وكأنه حاس بمصيبتي
مسكت باسل بيد وحده
ويدي الثانية أدف ابراهيم
مسكني مع شعري
وقرب وجهه يبي يقبلني
وأحط راس باسل بيني وبينه
وأنا أبكي وباسل يبكي
دف راس باسل وأول ماقبلني
تركت باسل سمعت صوت راسه على الأرض وزاد صراخه
كنت أظن أني بقدر أبعد ابراهيم عني
لكن كنت عنده مثل الريشة
أدفه بيديني وأضربه وهومابعد شفايفه عن وجهي
فجأة تركني وطلع
طحت على الأرض ماعاد صرت أحس برجليني
أحاول أوقف ماقدرت
وأقول الحمدلله أنه تركني
ووقف الموضوع عند القبلات
أخذت باسل لحضني هويبكي وأنا أبكي
والله أني جلست في مكاني على أرضية المطبخ إلى الساعه10
أبكي بمراره وأتحسب على ابراهيم الحقير حسبي الله عليه هذي نهاية وقفة زوجي معه
كنت اسمع صوت جوالي بس ماقدرت أروح له أصلا" مافكرت أتحرك..حسيت أني فقدت احساسي بكل شئ
تمنيت ساعتها أكون عند أبوي وفي بيت أهلي

وقفت وأنا شايله باسل نايم والله أني أتمسك بالجدران
دخلت غرفتي حطيته على السرير وحسيت بشئ نزل مني
أخذت جوالي شفت الساعه 10 مكالمات لبندر من بعد المغرب
أتصلت عليه مقفل لأن هذا وقت رحلته
أتصلت حنان
:وينك ماتردين بندر يتصل على زوجي يقول شوفوا لايكون فيها شئ
:حنان تعالي بسرعه
:وش فيك تبكين..يالله أفتحي الباب أنا جايه
رحت أمشي للباب وأحس الأرض تدور
فتحت الباب ودخلت حنان
:ابتهاااااال من متى تنزفين
أنتي مجنونه بتموتين ولا أتصلتي علينا
راحت تركض للغرفة جابت عباتي
:حنان باسل بالغرفه
:أدري خليني أنزلك لسيارة وأرجع له
:لاتكفين جيبيه معك
أخذ زوجها باسل ونزل مع أطفاله وأنا ماسكه يد حنان ونازلين وراهم
ماكنت أحس بألم كل اللي أحسه دوخه وأني أبي أنااام
سألتني الدكتورة أول ماحطتني على السرير
أنتي حامل؟
:مدري
:وش سبب النزيف
:سقوط
:كيف سقوط
:يعني طحت على الأرض
كنت أسمعها تكلم حنان خلف الستارة
:حامل وسقطت بنتركها إلين بكره نشوف إذا محتاجه تنظيف أو لا
ماحرك فيني كلامها أي شئ
ولانزلت دمعه
كنت أقول في نفسي أناحامل بطفل لبندر وراااح!!
ولافيه أي أحساس
حنان دخلت تناظر فيني وعيونها مليانه دموع
:حبيبتي ابتهال ربي بيعوضك أهم شئ أنك حملتي يعني بإذن الله بعد فترة تحملين
:مومهم ياحنان
:ابتهال تكفين لاتضيقين صدرك وكلي أمرك للحي القيوم
:حنان أنا مومتضايقه بس قولي لدكتورة توديني بسرعه للغرفة
أبي أنام وأرتاح
:أبشري
...
طلعوني لغرفة فيها 4 أسره
عرفت من حنان ان بندر وصل وجاء للمستشفى ورفضوا يدخلونه لأنه مووقت زياره
طلعت حنان ونمت نومه عميقه مدري من التعب أوالحزن أوالهم والرعب اللي عشته بسبب ابراهيم
صحيت الفجر وكأني توني أستوعب اللي صار أني فقدت حملي..جلست أبكي وحسيت أني وحيدة في هالمكان أول مره أكره بعدي عن منطقة أهلي
جاتني حرمه كبيرة(أم ماجد) وضمتني على صدرها وتهديني وتقرا علي
وسألتني عن أمي قلت لها أن أهلي موهنا وعرفت منها أنها مرافقه مع بنتها اللي ولدت أمس
 
ملاحظة
ترى للآن ماقريت الرسائل الخاصه
أعذرووووني
أن شاء الله قريبا" أقرأها
 
حسبي الله ونعم الوكيل على ابراهيم واشكاله حسبي الله حسبي الله
ياربي كيف تحملتي كل هذا
الله يسعدك يارب والله ايديني ترتجف ودموعي على خدي مني عارفه وش اكتب ووش اقول
ارجووووووووووووووووووووكي كملي ارجوكي
 
لاحول ولا قوة الا بالله حسبي الله ونعم الوكيل المؤمن مبتلى عزيزتي ماشاء الله عليك انسانه صبوره رغم كل العذاب والالم اللي عشتي فيه وربي بيعوضك خير ان شاء الله
الله يوفقك ويرزقك الذريه الصالحه ويسعدقلبك آمين يارب
 
بهلوووووولة الحمد لله على السلامة
خوفتينا عليكي
حسبي الله عليه ابراهيم الوقح
كيف بندر يسيبو معك بالبيت وانت لحالك ؟؟؟
انت جباااااااااااااارة الله يعوضك يا رب
 
الله الله عليك يا حبيبتي , الله يفرح قلبك يا اجمل واطيب واطهر النساء
بالله عليك لا تغيبي كثير ,فانت جديرة بحب زوجك لك
 
كان الله بعونك حسبي الله على كل ظالم وخائن اعوذ بالله بعض الناس ماعندهم ضمير
 
بهلوله نورتي متصفحك...
الحمدلله على سلامتك ياقلبي...الله يعينك...ويفرج همك وياخذ حقك عاجلا" غير اجل...

مادري عندي احساس...ان فعل ابراهيم مدبر من هدى...

علشان تاخذ حقها منك وتخرب صورتك عند بندر...

اسأل الله ان يعوض صبرك خير يالغاليه...

 
حسبنا اله ونعم الوكيل كيف زوجك يرضى يخليه في البيت ولو كان في باب يفصل بينكم اول ما كتبتِ انو ابراهيم في البيت وانا خايفه حسبنا الله ونعم الوكيل
 
ابتهال الله يخليك قلبي تقطع الله لا يوفق ابلراهيم الله لايوفقه
لا تتركينه علمي خوانك بس لاتقولي لبندر

حسبي الله ونعم الوكيل جد مقهوووووووووووووره
 
والله ماتدرين وش سويتي فيني احس ااني ابكي بدون مااحس
قمت اصلي وادعيلك
والله حاسه فيككي والنار اللي جواتك
اه اه يارب مالنا غيرك
 
حسبي الله عليه صدق حقير كيف يسوي معك كذا وانتي مرت اخوه الله ينصرك على الي ضلمك واذاك في هذي الدنيا حبيبتي احنا ننتظرك لا تطولين ياقلبي ​
 
جلست ابكي من غير شعور انا حساسه
ومااتحمل جالسه ادعيلك تستاهلين كل خير
حسبي الله ونعم الوكيل صدق انه حقير
الله يكون بعونك
 
اووووووووووووووووووووه يا ابتهال
والله حزنت وش هذا مانقول الا ان شاء الله خير..
حسبي الله على ابراهيم ..
والله يعوضك بدل الولد 10 اولاد يارب..


تكفين تكفين تكفين بهلوله حاولي تعجلين بالكتابه شوي والله كل ماتحمسنا يكون نهايه المقطع ..​
 
والله حاولت انام مو قادره كل مااحط راسي اتخيل كيف وهو داخل عليكي المطبخ احس برعب
ونفسي اعرف وش صار
ارجوووووووووووكي كملي بسرعه ودي اعرف النهايه نفسي اعرف عندك اطفال ولالا
وكم صار لهذي القصه
الله يسعدك يارب
 
والله يابهلوله ان ربي يحبك

وابتلاك بكل هذا

انا متاكده ان نهاية هالقصه حلوه مره

كملي فديتك
 
الحالة
مغلق و غير مفتوح للمزيد من الردود.
عودة
أعلى أسفل