أبحث عن السعادهـ وهذي قصتي..
السلام عليكم ورحمة الله
مرحبا فيكم كلكم .. شخباركم؟؟
أنا توني ضيفة جديدة بهالمنتدى الأكثر من رائع .. كنت أقرأ فيه من قبل ماأسجل وحبيت أطرح مشكلتي هنا وتشاركوني فيها..
المشكلة بدأت لما تقدموا لخطبتي 3 أشخاص بوقت واحد طبعاً أخواني وصفوهم لي:
1/الأول كان واحد مايقربنا ولا نعرفه لكن خواته شافوني بزواج وعجبتهم عمره 27 وطويل ولونه أسمراني نحيف وموظف بقطاع خاص وشخصيته رزين
2/ الثاني كان حما أختي الكبيرة يعني أخو زوجها أممم عمره 25 طوله وسط أبيض مدبدب شوي موظف بقطاع خاص برضو وشخصيته عاديه
3/ الثالث كان قرايب أمي ولد خالتها أو شي زي كذا عمره 24 وطويل ونحيف ولونه حنطي وموظف بقطاع حكومي ووصفوه إنه هادي
سوري بس أنا أحب التفصيل بالكلام .. المهم طبعاً إنحاز كل واحد فيهم لرايه وصارت مضاربات بالأراء وتجمعوا خوالي وعمامي وكلن يبدي رايه
(إلا أنــــــا) .. ماأحد أخذ رايي :35:
يمكن تقولون إنتي شلون ياخذون رايك وماعندك خبره بهالأمور ولكن عالأقل ماسألوني شلون مواصفات الشخص اللي تبينه؟
أكيد كل بنت حاطه براسها مواصفات لفارس أحلامها ..
وأمي شخصيتها مسيطرة من يوم كنا صغار كلمتها هي اللي تمشي دايماً حتى لو على حسابنا أو شي ماإحنا رغبانين فيه
وطبعاً وافقت من البدايه على رقم 3 قريبها وظلت مصره ووقفت بوجه خوالي وخالاتي كلهم لإن ماأحد وافق إلا هي
وأبوي شايل يده من السالفه وظلت تقنعني وتقنعني إنه هو الشخص المناسب بدون حتى ماتعطيني فرصه أعرف شي عنه
وأنا قعدت فتره أبكي وقلت لأخوي الكبير أنا على أي أساس أوافق ؟ قال أعرفي مواصفات كل شخص وأختاري اللي يناسبك لكن أمي رفضت وبشده
وبصراحه بصراحه أنا قلبي مال للأول بس مابيدي حيله :8:.. وافقت على رقم 3 أختيار أمي وظليت أقولهم أبي توصفونه أكثر يقولون هادي هادي مليت طبعاً من هالكلمه
قلت لهم أبي أعرف سلبياته قالوا لاتحاتين ماراح تتعبين في التعامل معه ..
وتزوجنا بدون ماأمر بفترة خطوبه أو حتى ماأكلمه :4:,, وعلى فكرة أنا وقتها كان عمري 24 يعني أخذت واحد بنفس عمري أكبر مني بنص سنه
ومن أول أسبوع بدأت المشاكل .. لإني سكنت بشقه ببيت أهله وكانوا طول الوقت باسطين عندنا لآخر الليل تخيلوا من الأيام الأولى ويسألون عن كل شي يصير بينا
وأحياناً أظل بغرفة نومي ماأطلع ويطبون علي فجأة لإن أخوهم يفتح لهم الباب ومايكون علي إلا روب نوم يعني كان شي مزعج جداً
هذا غير إنهم على طول يقولون لي لاتغيري أخونا علينا لاتقطعينه عنا .. ترى هو درة البيت ترى هو الوحيد الحنون والطيب وهو متشقق وأنا ساكته
لين تشبع مخه بهالكلام .. وصرت لما أقوله مايصير كل ليله معنا إحنا تونا متزوجين يقول هذول أهلي لاتحاولين تفرقين بيني وبينهم
المهم طلع شخصية ضعيفه وباااااااااااااارد جداً ومايعرف يتعامل من المرأة وكل ماأقوله قولي كلام حلو يقول أنا بعمري ماغازلت ومايقوله إلا اللي يغازلون !!
أممم أهله عنده بالدنيا وأنا بالطقاق طبعاً بخيل جداً علي وكريم عليهم جداً ومع كل الناس وله شخصيتين مع الناس غير ومعي غير يعني شقول لكم
كرهته من كل قلبي .. وقعدت عنده عذراء لفترة طويله والسبب إنه ماكان يعرف وشلون الطريقة ومره جا معصب يقول أخوي سألني خلصتوا ولا لا يقول تفشلت ونزلت راسي
وكأني أنا السبب وهجم علي فجأه .. غبي .. والأسخف أخوه اللي أرسل زوجته لي تعلمني شلون الطريقه !! تخيلوا !! قلت لها الرجال هو المسؤؤل مو أنا
عذبني وزهقني وكرهت عيشتي وكرهت أمي وأهلي .. يمكن بتسألون شلون صار الموضوع بالنهايه كله مني أنا الخبله رحت ساعدته وفهمته الطريقة ومن ذاك اليوم وكل
ماتذكرت أتحسف إني أنا بديت وبادرت .. أساساً بليلة زواجنا أول مادخلنا الغرفه نام ..متبلد المشاعر:40:
أنا الآن عندي منه ولد ومر على حياتنا 3 سنين وحياتنا زي ماهي ماتغيرت وهو نفس ماهو ماتغير طبعه ماتغير .. وكل يوم أمني نفسي وأقول يمكن يحبني ويتغير
بس للأسف .. مع إني سويت كل شي ليالي حمرا على قولتهم وتزيين وأكشخ بس ماكنت ألفت إنتباهه .. ولما أقوله ليش تزوجت قال كل أصدقائي تزوجوا وتزوجت
يعني مو لإنه يبي الزواج نفسه .. ودايماً يقولي أنا كنت أبي وحده تشبه خواتي ونحيفه زيهم وطويله لإني مليانه شوي وطولي وسط قصيرة يمه بس بالكعب يمشي الحال
يعني قصده إن مواصفاتي مو عاجبته .. هذا وإحنا مسوين نظره شرعيه .. حسبي الله ونعم الوكيل
أتمنى ماأكون طولت عليكم لكن حبيت أفضفض وبس:dunno:
مرحبا فيكم كلكم .. شخباركم؟؟
أنا توني ضيفة جديدة بهالمنتدى الأكثر من رائع .. كنت أقرأ فيه من قبل ماأسجل وحبيت أطرح مشكلتي هنا وتشاركوني فيها..
المشكلة بدأت لما تقدموا لخطبتي 3 أشخاص بوقت واحد طبعاً أخواني وصفوهم لي:
1/الأول كان واحد مايقربنا ولا نعرفه لكن خواته شافوني بزواج وعجبتهم عمره 27 وطويل ولونه أسمراني نحيف وموظف بقطاع خاص وشخصيته رزين
2/ الثاني كان حما أختي الكبيرة يعني أخو زوجها أممم عمره 25 طوله وسط أبيض مدبدب شوي موظف بقطاع خاص برضو وشخصيته عاديه
3/ الثالث كان قرايب أمي ولد خالتها أو شي زي كذا عمره 24 وطويل ونحيف ولونه حنطي وموظف بقطاع حكومي ووصفوه إنه هادي
سوري بس أنا أحب التفصيل بالكلام .. المهم طبعاً إنحاز كل واحد فيهم لرايه وصارت مضاربات بالأراء وتجمعوا خوالي وعمامي وكلن يبدي رايه
(إلا أنــــــا) .. ماأحد أخذ رايي :35:
يمكن تقولون إنتي شلون ياخذون رايك وماعندك خبره بهالأمور ولكن عالأقل ماسألوني شلون مواصفات الشخص اللي تبينه؟
أكيد كل بنت حاطه براسها مواصفات لفارس أحلامها ..
وأمي شخصيتها مسيطرة من يوم كنا صغار كلمتها هي اللي تمشي دايماً حتى لو على حسابنا أو شي ماإحنا رغبانين فيه
وطبعاً وافقت من البدايه على رقم 3 قريبها وظلت مصره ووقفت بوجه خوالي وخالاتي كلهم لإن ماأحد وافق إلا هي
وأبوي شايل يده من السالفه وظلت تقنعني وتقنعني إنه هو الشخص المناسب بدون حتى ماتعطيني فرصه أعرف شي عنه
وأنا قعدت فتره أبكي وقلت لأخوي الكبير أنا على أي أساس أوافق ؟ قال أعرفي مواصفات كل شخص وأختاري اللي يناسبك لكن أمي رفضت وبشده
وبصراحه بصراحه أنا قلبي مال للأول بس مابيدي حيله :8:.. وافقت على رقم 3 أختيار أمي وظليت أقولهم أبي توصفونه أكثر يقولون هادي هادي مليت طبعاً من هالكلمه
قلت لهم أبي أعرف سلبياته قالوا لاتحاتين ماراح تتعبين في التعامل معه ..
وتزوجنا بدون ماأمر بفترة خطوبه أو حتى ماأكلمه :4:,, وعلى فكرة أنا وقتها كان عمري 24 يعني أخذت واحد بنفس عمري أكبر مني بنص سنه
ومن أول أسبوع بدأت المشاكل .. لإني سكنت بشقه ببيت أهله وكانوا طول الوقت باسطين عندنا لآخر الليل تخيلوا من الأيام الأولى ويسألون عن كل شي يصير بينا
وأحياناً أظل بغرفة نومي ماأطلع ويطبون علي فجأة لإن أخوهم يفتح لهم الباب ومايكون علي إلا روب نوم يعني كان شي مزعج جداً
هذا غير إنهم على طول يقولون لي لاتغيري أخونا علينا لاتقطعينه عنا .. ترى هو درة البيت ترى هو الوحيد الحنون والطيب وهو متشقق وأنا ساكته
لين تشبع مخه بهالكلام .. وصرت لما أقوله مايصير كل ليله معنا إحنا تونا متزوجين يقول هذول أهلي لاتحاولين تفرقين بيني وبينهم
المهم طلع شخصية ضعيفه وباااااااااااااارد جداً ومايعرف يتعامل من المرأة وكل ماأقوله قولي كلام حلو يقول أنا بعمري ماغازلت ومايقوله إلا اللي يغازلون !!
أممم أهله عنده بالدنيا وأنا بالطقاق طبعاً بخيل جداً علي وكريم عليهم جداً ومع كل الناس وله شخصيتين مع الناس غير ومعي غير يعني شقول لكم
كرهته من كل قلبي .. وقعدت عنده عذراء لفترة طويله والسبب إنه ماكان يعرف وشلون الطريقة ومره جا معصب يقول أخوي سألني خلصتوا ولا لا يقول تفشلت ونزلت راسي
وكأني أنا السبب وهجم علي فجأه .. غبي .. والأسخف أخوه اللي أرسل زوجته لي تعلمني شلون الطريقه !! تخيلوا !! قلت لها الرجال هو المسؤؤل مو أنا
عذبني وزهقني وكرهت عيشتي وكرهت أمي وأهلي .. يمكن بتسألون شلون صار الموضوع بالنهايه كله مني أنا الخبله رحت ساعدته وفهمته الطريقة ومن ذاك اليوم وكل
ماتذكرت أتحسف إني أنا بديت وبادرت .. أساساً بليلة زواجنا أول مادخلنا الغرفه نام ..متبلد المشاعر:40:
أنا الآن عندي منه ولد ومر على حياتنا 3 سنين وحياتنا زي ماهي ماتغيرت وهو نفس ماهو ماتغير طبعه ماتغير .. وكل يوم أمني نفسي وأقول يمكن يحبني ويتغير
بس للأسف .. مع إني سويت كل شي ليالي حمرا على قولتهم وتزيين وأكشخ بس ماكنت ألفت إنتباهه .. ولما أقوله ليش تزوجت قال كل أصدقائي تزوجوا وتزوجت
يعني مو لإنه يبي الزواج نفسه .. ودايماً يقولي أنا كنت أبي وحده تشبه خواتي ونحيفه زيهم وطويله لإني مليانه شوي وطولي وسط قصيرة يمه بس بالكعب يمشي الحال
يعني قصده إن مواصفاتي مو عاجبته .. هذا وإحنا مسوين نظره شرعيه .. حسبي الله ونعم الوكيل
أتمنى ماأكون طولت عليكم لكن حبيت أفضفض وبس:dunno:
اسم الموضوع : أبحث عن السعادهـ وهذي قصتي..
|
المصدر : الأستشارات الزوجية العامة
