أبحث عن الأنا الضائعه في نفسي فهل سأجدها

الحالة
مغلق و غير مفتوح للمزيد من الردود.
ياهلا والله بيك يالزوجه الحكيمه

افرحني تواجدك بموضوعي

الاحداث الي ارويها مرت عليها ثمانيه سنين

بس ماثره على حياتي كثي علشان كذه ارويها

عسى وعلى انسى وعمري الحين 23 سنه

مشكوره لتواجدك منوره يالغلا
 
هلا بيك المسك

كم اسعدني سؤالك عني وتواجد بصفحتي

والله لايحرمني منك ويفرج همك

انا حاليا بيت اهلى وانشغل من اخوتي

وامي وغيرها من مشاغل الدنيا

واسفه لو تاخرت

اسعدني مرورك والله لايحرمني منك
 
فجاء الوقت المفروض اني ارجع لزوجي وبشروطي مثل الشقه واكمل دراستي في مدينتي ومصرف شهري مادري فرحت وقالت عمتي جهزي ملابسك وتعالي بعد المدرسه على طول بيتي فنفذت طلبها كان يوم الاربعاء فذهبت الى الكوفيروقصصت شعري وتمكيجت ورجعنا المهم جاوا اهل زوجي وانا وزوجي روسنا موطيه وعمتي تقولي وتقوله نصائحها علشان نعيش بس بصراحه استانست وانا اسمعها تهزئه على افعاله معاي وبعد ماتراضينا عمتي عزمت امي وقالت خلاص طاح الحطب امي تقبلت الوضع المهم تميت اعيش بيت اهلي وويوم الاربعاء يوصلني ابوي بيت زوجي والجمعه ارجع بيت اهلي وكانوا يتناوبون مره عمي مره ابوي ومره زوجي يبت عندنا او زوج عمي مع اهله شي وتخيلو سكرو السطح بيشينكوا وقالوا هذي شقتك تخيلوا بس مافيها ولاشي حتى باب بس زي مايقلون يبون يسكتوني وزوجي دفع لي مصروف اول شهر وبعدين يتحجج بالديون انا ماهتميت لاني عايشه معززه ومكرمه بيت اهلى كلها يومين بالاسبوع اروح بيت عمي المهم مرت الايام وحملت والحمد الله وفرحت كثير بالحمل لانهم كانوا يقولون اني مااحمل عقيم ,وبعدين مرت حادثتين في هذي اثرت على نفسيتي واجد الفتره اولا في رمضان صار حادث على ولد عمتي وكانت عمتي وولد عمتي وزوجته وجدتي معاه والوحيده الي تاثرت بالحادث جدتي اما البقيه اضرار خفيفه وكانت جدتي تحبني من بد اخواني وتعزني كثير وبكيت عليها كثير لدرجه كل مالتفت في زاويه بيبيتنا اتذكرهااا واصيح كانت ايام حزينه على الكل فابوي دخلها بمستشفى تبع شغله ودخلت جدتي ثلاث شهور غيبوبه وكان المستشفى بعيد ساعه ونص عن بلدتنا فقسمنا على كل يوم وحده من ازواج عماتي تودينا وتجيبنا وكل يوم نزورها بصياحنا وكنا دوم نقرا عليها القران والرقي الين ماتعبت وصرت ماروح لها الا بيوم الي اروح فيها حق زوجي يوم الاربعاء واجي يوم الجمعه علشان يرجعوني وعماتي كانو مداومين على روحتهم وجيتهم كان على ضغظ بسبب جدتي بالمستشفى والمدرسه حتى صرت اغيب اسبوعيا يوم او يومين بسبب حالتنا وحالت
جدتي الي كل يوم يكتشفون التهاب بالجروح او ضيق تنفس وكل يوم يطلع لها شي والحمد الله بعد ثلاث شهور وعت وطابت جروحها ونقلها ابوي بالمستشفى بمدينتنا بصراحه ارتحنا كثير اولا من سالفه المشاوير اليوميه ثانيا من سالفه ان جدتي وعت وطابت والحمد الله وبعدين استغرق علاجها نفسيا والعلاج الطبيعي كثير ومامرينا شهر الا بحادث ثاني لولد عمتي الحنونه وهو عمره 23 كان عااااااااااااااااق وبقوه ويشتغل بمنطقه بعيد عنا باربع ساعات سمع بموت صديقه وجاء عندنا وحضر عزا صديقه وبعدين راح عند امه ويستسمح منه امه ومن الي سواه فيها واستسمح من خواته وعلى الي سواه فيهم وبعدين مسك طريق بيرجع لعمله ويصير عليه حادث ويموت على انا كنا نكره كره غير طبيعي بس موته سبب لنا صدمه قويه وخصوصا عمتي صارت تتكلم وهي مو بوعيها
مالومها ولدها وضناها ومستسمح منها قبل ساعات قبل لايموت الله يرحمه
اثرت بي الصدمه كثير وعلى زوجي اكثر واغمى عليه كذا مره في ايام العزا
المهم مرت الايام كنت احاتي اجازه المدارس وخفت اني ارجع بيت زوجي اختبرت الاسبوع الاول و الاسبوع الثاني تنومت لمده اسبوع بسبب ارتفاع الضغط وتسمم بالحمل كنت تعبانه حيل بالايام الخيره بالحمل الحمد الله ولدت وجبت ولد قعدت تنفست بيت اهلي ثلاثين يوم بعدين شب زوجي الا يوديني بيت ابوه وصارت مشاكل وقالت عمتي العزيزه:
- معليه روحي علشاني وعشان ماترجع المشاكل
انا ماكنت متحمله اعيش لحالي معاهم كيف وولدي معي بصراحه معااااااااانااااااااااااااااااااااااااااااااااااااااااااااااااااااااااااااااااااااااااااااااااه
رحت بيت اهل زوجي وكانت امه نفس الشي على اني ماشتغل الا لنفسي وزوجي بس تدقق على كل شي ومن اروح فوق غرفتي الا وتقول شيلي اغراضج اقول لها بس بجيب غرض وبنزل تقولي مابي وصخ عندي لش
بس الشي المختلف ان زوجي صار اكثر حنيه كان بالاول يضربني بس الحمد الله الحين يقول لي:
- اصبري على امي ومهما قالت وصارت مشكله استسمحي منها وكان يهديني بالكلام.
وكل مافتحت سالفه الذهب حق زوجي يقولي محفوظ عند ابوي ولقت حق ابوه يقولي عند فهد واحترت وياهم وقلت لعمتي العزيزه هذا الكلام وقالت عندي خطه وسويت الخطه كانت عندهم اخت ملقوفه حدها قلت لها:
- ياربي انا ماعندي اذهبي اذهبي ضايع على.
عاد بنت عمي ملقوفه وغبيه:
- اذهبش عند امي.
رهام: لا انتي تكذبين على.
قالت : والله ماكذب.
رهام : اتحداك تجبينه.
عاد ذاك اليوم ام زوجي عندها حريم وعمتي العزيزه بعد موجوده وابو زوجي قاعد مع زوج عمتي المهم دقيقه الا وبنت عمي جابت الذهب ناقص بكيسه سوده وانا فرحت وقبل لاتنزل عمتي بمدينتنا عطيتها اياه كان هذي خطتنا وقلت لها عطيه ابوي بس اليوم الثاني اكتشف عمي وام زوجي ان الذهب انسرق والله شفتعم يرتجفون بشكل مو طبيعي ويتهمون عيالهم واحد واحد ((عيالهم مشهورين بالكذب والسرقه الحمد الله على كل حل وعافنا يارب)) ويحلفهم عمي بالقران الى ان جا دوري بس بنتهم قالت اني خذته ويوم عرفا اني خذته وهو يقولون ماك مكان عندنا طلعي من بيتنا وحراميه ويش دخلك غرفتي وانا اقول بنتكم الي جابته لي بس ماصدقوني وبنفس اليوم نزلوا مدينتنا وصارت مشاكل وصراخ وحاله وابوي عاد مايحب المشاكل فجاب لهم الذهب وعطاهم اياه اما انا انقهرت قهر وتميت اصيح واقول مب حقكم بس ابوي تم يسكت فيني وقال اذا تبين بشتريلك وقلت له : ليش تبيه ياخذونه منى مابي الذهب وعمري ماني مسامحتهم عليه.
ويوم رجعنا بيتهم صارت معاملتهم اقسى وزوجي صار لحاله يجي من العمل ينام يقعد من النوم وتلفزيون ويتعشى وينام وانا قاعده بحسرتي مع هالولد وكانت ام زوجي تسكر الباب الي وسط البيت علشان في اليل مااروح المطبخ او الصاله وخوف على الشغاله من عيالها او بالاصح تخاف على عيالها من الشغاله وانا ولدي دوم يسهرني وزوجي يقول ابي انام عندي عمل فاظطر اروح مجلس الرجال ومن القهر واضرب ولدي الي بو شهرين
والى اليوم وانا ندمانه اني كنت اضربه علشان ينام وانام وهو يصيح وانا اصيح ووعندي عيال عمي اثنين واحد اصغر منى بسنتين والثاني باربع
اسمهم محمد وعمر لليوم مانس فضلهم ويوم شافوني كل يوم اروح المجلس واصيح فيجون ويقولون تعالي ويودوني غرفتهم الي هي بالاساس بجانب غرفتي وكانوا يمسكون ولدي وكنا نلعب ويا بعض سوني او خبصه او اونو او افتش باغراضهم او اغراض اخوانهم الي اكبر منهم وتعليقات وحاله ويلعبون ولدي الين ماينام ولدي عاد انا استانست ارقد ولدي بالغرفه واكمل سهرمعاهم الي يجون عيال عمي الي اكبر منى فخلاص ارجع غرفتي وانام تخيلوا اتحمل النهار كله عشان اسهر الليل مع عيال عمي ولاهمني زوجي ولا امه وابوه المهم جااااااااااااء الفرج وجااااااء الدور الثاني للامتحنات الي مامتحتها بسسب ولادتي والحمد الله امتحنت ونجحت وانتقلت للصف الثالث ثانوي والحمد الله على كل حال؟بعدين تغيرت حياتي 180 درجه.
 
أعانك الله يا حبيبتي !

متابعين ، أكملي ..

محبتي

بدار

:icon26:
 
تسلمين ياقلبي بدار اسعدني تواجدك

ولاتحرمينا طلتك يالغلا

وان شاء الله اذا اليوم فضيت

ابشري بالتكمله
 
حبيبتي حلم بكيت على حالتج في بداية الأمومة ويمكن لأني جربتها كبيرة شوي و أذكر شكثر تتعب النفسية وبكي الطفل ما ينعرف له ودايما يكون في ارتباط بين حالة الأم والطفل ،وحياتي انتي كنتي صغيرة وايد ,الله يعوضج خير في صلاحه وبره يارب
اندمجت وايد بالاحداث بانتظار التكملة
والحمدلله انج طمنتيني عليج
 
هلا والله مسك فرحتني بوجودك فقتدك

اي والله اول الايام مارجعت بيت اهل زوجي مع ولدي صعبه حيل

بس بعدين عيال عمي ماقصروا كانو دايم معاهم حتى صرت اسولف معاهم اكثر من زوجي

اما ولدي انا ندمانه على كل الضرب الي كنت اضربه كان صغير وانا وانا من الحره اضربه

بس لايروح تفكيركم بعين اضربه على قده يعني مو ضرب انتقامي الله يسلمك على الدعاء

ولك مثله ان شاء افرحني تواجك ولاتحرميني طلتك يالغلا
 
يالغـــــــــــــــــــــلا""حلــــم وهج الشمــــــــــــس""
باين عليك أنك مثقفة وأسلوبك رزين ومعتدل وسلوكك سوي
وماشاء الله عليك فيك ثقة بنفسك تؤهلك لتحقق حلم وهج الشمس واشراقها
وصبرتي وتحملتي الكثير الله يعينك
(تعرف على الله في الرخاء يعرفك في الشدة)
هذي حسناتك الماضية صارت عون لك بإذن الله
 

متابعه
انتظر الباقي بشوق
اعتقد انك لما تكتبن جزء تحسين بالراحه صح؟
بالتوفيق​
 
hi dear
متابعه ليومياتك .. وانتظر التكمله ..
 
عزيزتي حلم وهج الشمس : كان الله في عونك وصبرك وثبتك وأعانك
وشو أخبارك الحين ،طمأنينا عليك إن شاء
الله تكوني بخير وسعادة ...
 
السلام عليكم ::
من جد تحمست لقصتك ياحبيبتي ,,
بس الله ياجرك على صبرك ....
بس ماشاء الله المقطع الاخير كان فيه تغييير كبير في سردك للقصه أصبحتي متفائله أكثر
وأكثر ايجابيه من ذي قبل
استمري عزيزتي بسردك لقصه فيبدولي انك تسيرين بالاتجاه الصحيح...
وكما قالت الاخت دائما رددي عبارات ايجابيه أنا قويه ..أنا واثقه من نفسي ..انا جميله ...
أنا في طريقي للأفضل بإذن الله ..
وحاولي التقليل من العبارات السلبيه
انا معك الى النهايه...
 
الحالة
مغلق و غير مفتوح للمزيد من الردود.
عودة
أعلى أسفل