أبا افتح مكتب خطابة

[اعلامية طموحة]

في هذي الفترة .. وبعد ما اطلعت على موقعكم المميز قررت ان ابدأ مشوار الألف ميل في مشروع احلم به من زمان

وهو في صميم تخصصي العلاقات العامة

وبتكون شركتي متخصصة في تنظيم و التخطيط لمناسبات وأفراح النساء

الممهم .. نحن ثلاث بنات .. كلهم متزوجات الا انا :blushing:

المهم وحده اقترحت ان نعمل قسم خطابة .. طبعا بشروط

حن مجتمعنا رغم انه خليجي بس مافيه خطابات .. صديقتي الثانية قالت الناس بتتمصخر على الفكرة .. بس انا وصاحبة الفكرة تحمسنا .. طبعا صاحبة الفكرة صلت استخارة ومرتاحة للموضوع

شو رايكم يا بنات ..

واذا في آليات حلوة للخطابة وأفكار جديدة لتقديم خدمة التوفيق بين شخصين ساعدوني ولكم الأجر

 

[qwqw]

شوفي الفكرة مرة حلوة بس قبل أفيدك أنتي من وين من السعودية ولا الكويت؟

 

[الزوجة المثالية]

والله أنا اشجعج على هالمشرووووووع وكل الخليج يحتاجونه وبشده

 

[هناء 11]

مشروع حلو و فيه كثير خطابات بالخليج .......اهم شي يكون عندك علاقات و معارف كثيره ..... ويكون لدى الاسر ثقة فيك لكن كونك مو متزوجه قد يسبب حساسيه المعروف ان الخطابه متزوجة و كبيرة بالسن

 

[عطرنانا]

مشروعك حلو وانا راح ادعمك اذاكنتي من اهل الرياض

 

[كوجو كوجو]

الله يوفقك
لو تسوي مكتب رجل يساعدك على التوفيق بين لطرفين والرجل لما يتعامل مع رجل يكون جاد اكثر لان بعض الناس الله يهديهم يستغلالموضوع للتعارف ولاهو خسران شي

 

[ملااااذ الصمت]

انا معلمة واشارك معكم ولدي افكار جديرة بالاهتمام راسلوني ع الخاص للتفاهم

 

[توّاقه للأمومه]

سبحان الله كنت افكر في نفس المشروع ..
على مستوى الامارات، قلت أقسم الناس: على حسب المناطق: أبو ظبي، دبي ، الشارقة ... و هكذا ..
ثم قلت: ونقسمه على حسب الأصل: عربي ، عجمي، بدوي ، حضري، و غيره ..
و نرتبه على حسب العوائل ..

طبعاً قائمة العرسان و العرايس لازم نكون
( متأكدين 100% من أخلاقهم و دينهم و سيرتهم ) ..:icon30:

لأنه هذي أمانه نحنا مسؤولين عنها ..
والسريه مهمه جداً في هذا الأمر ..
ولابد من وجود ( رجل ) لإستقبال طلبات الذكور ..
و نحنا كـ نساء، نستقبل طلبات الإناث ..

ويتم الموضوع بين الوسيط: والخاطب و المخطوب ..
يعني جاء واحد: اشوف، هو ولد عرب؟ هو من أي قبيله؟ كم عمره؟
وأربط بين قائمة النساء اللي عندي:
ونخبره ان لدينا: ذات اخلاق، اصلها كذا .. من قبيله كذا .. و عمرها كذا ..

:icon30:​

 

[كتكوتة زوجي]

حبيتي خطابة ماااااااأنصحك أمي كانت تسوي هذا العمل لوجهه اللة من غير مشروع يعني كان مشروع خيري بس واللة في دا الزمن كل شي يتحط فوق راسك انتي السبب وبعدين افتحي قسم المشاكل الزوجية وشوفي شي يشيب بس الحمد للة يارب فنصيحتي ابعدي عن الشر وغنيلوووووووووووووو
بس من جد تبي مشروع صح دوبو جاتني فكرة وانا بأكتب ردي وقلت من نصيبك واللة بس بلاش احطها على العام(براءة اختراع)خخخخخخخخ اذا تبيها قوليلي

 

[نينا ريتشي]

عساك على القوه


الله يجزاك خير

 

[سماصافى]

انا حابه هالمشروع
وعندى رجال يبغون يتزوجون
بس بنات ماعندى لسه

 

[سمنة غنم]

احس انه فااااااااااااااااااشل لانه البنت بنت الاصل والفصل ماراح تقتنع بالمكتب وبعد الزواج يبي يصير مشاكل يعني كل واحد يبي يقول اخذك من المكتب وبذالك تروح قيمة الرجل والمراءه ونهايتها طلاق الله يستر هذا رايي ارجو انك تتقبليه بصدر رحب

 

[صبري ملني]

يا بوج شو تبين بالمشاكل؟؟؟ يقول المثل امشي ف جنازة و لا تمشي في جوازة ....خخخخخ