أنت تستخدم أحد المتصفحات القديمة. قد لا يتم عرض هذا الموقع أو المواقع الأخرى بشكل صحيح.
يجب عليك ترقية متصفحك أو استخدام
أحد المتصفحات البديلة.
وااااااااااو تووته احببك حييل
البارت مره حلو بس مره يحزن انا خنقتني العبره بس ماعيطت هههههههه>>مسويه مصريه
المهم تكفين نبغى بارت طويل ومو حزين ونبغى ناصر يرجع لرهف ويتزوجوا
مابدي اعيط
ويييييييييييييينك تعبت وانا استنى تكفيييين يلا حطي
وينك في اللا نتظار حاولي تخلصين الروايه
السلاااام. مشكوورات حبيبات ع الردووود العسسسسل مثلكم وان شاء الله بنزل البارت بس اخلص امتحانات الفاااينل ..... وتكفووون لاتنسووني بصااالح دعواتكم أني انجح بالامتحانات وان شاء الله. أني بعد الامتحانات بنزل البااارت وان شااء الله بكون البارت الاخيييير فمان الله **
انا معروفه اني مدمنة روايات
بس الروايه هذه شدتني وحزنت كثير علا رهف وناصر :7:
بليز البارت الجاي خليهم يرجعون لبعض بليز
السلااام ...
شلووونكم بلقيساات .. ان شاااء بخيييير ... :32:
البارت قبل الاخييير وصل ... :20:
___________________________________
رهف : الوو
نواف : هلا وغلا والله ..
رهف : هلا نواف
نواف : واخيرا بكحل عيوني بشوفتج
رهف : ليش انت وين ؟؟
نواف سكر التلفون : ورآج ... !
رهف لفت عليه : .................
( نواف ابيض طوله زين جسمه رياضي شعره اسووود طويل شوي ومسوي قفل .. وصوته عذااب بمعنى اصح يذووب ..
لابس كاب ابيض ودشداشة ) رهف فهت عليه ماتوقعت شكله جذي ابدا ...
نواف ذاااب بعيون رهف وملامحها الي سحرته عيونها الرماديه خشمها الصغير الاحمر من البرد رموشها السودة الكثيفة
شفايفها الوردية الصغيرة بشرة البيضا الصافيه ... حبها من اول نظرة من اول ماشافها بمكتب ابوها مات فيها كانت وين
ماتروح يروح كان معها بكل مكان زاد الصفقات بين ابوه وابوها بس علشان يتقرب منه ماقال لاحد بس كان يواسي نفسه
بنفسه وكان ينتظر هاللحظة ...
نواف قرب منها : مافي هلا ..... ؟!
رهف نزلت عيونها وبحيا : سوري بس تفآجآة ...
نواف يااااربي مو مصدق اني اكلمها وهي قدامي صوت وصورة عقبال ماأكلمها بعرسنا : شلونج رهف ؟؟
رهف : بخيير ... انت شلونك ؟
نواف : آآآهـ تسأليني شلونك وانا معااج .. لو ع فرااش الموت بكون مستانس
رهف ياربي ويين ولييييد يجيني ( ابتسمت ) : ........... << مافي سمالله عليك .. مثلآ
نواف : شرايج انتمشى
رهف خافت بشويش : وين ؟؟
نواف : بالسيارة ع مايجي وليد
رهف : لأ نواف مااقدر
نواف : لييش ؟
رهف : نواف انا للحين مو حلالك شلون اطلع معاك
نواف : قريب ان شاء الله
ناصر : مستعجل الاخ ... ؟!
نواف مستغرب منو هذا : ؟؟؟ منو
رهف وقف قلبها ونشف الدم الي بويها ناصر ونواف : ................
ناصر : رهف شتسوين هني ؟؟
نواف : منو هذا
رهف : ولد خالتي ... لحظة وراحت له
ناصر خذاها ورى الخيام وبعدوا عن نواف
_______________________
وليد : نواف تعال الدوانية ... وبالليل نروح مخيم الشباب
نواف : لييش لأ ... مشينا .. ورآح الدوانيه
نواف دخل المخيم كانوا البنات متجمعين ونواف ووليد مروا جمبهم
عذاري : وليد ..
وليد ونواف وقفوا : هلا
عذاري خذت وليد شوي : منو هذا ؟؟؟
وليد : وانتي شكووو
عذاري : منو منو الله يخليييك الفضوول يذبح
وليد : مااابي ... وخلاها وراح
مريم : منو
عذاري : مارضى يقوول
مريم وعذاري لفوا ع بعض : نوااااااااااااف
وراحوا يدورون ع رهف ...
________________________
ناصر معصب : ماتقوليلي حظرتج شتسوين واقفه مع نواف
رهف : ماكنت اسوي شئ ..
ناصر : وشحقة رحتي له
رهف : مو انا الي رحت له هو الي جاني
ناصر بصراخ : سبحان الله وشلون عرف مكانج
رهف : اولا لا تصااارخ علي ثانيا هو اتصل فيني طلعت من عند البنات وتفاجات انه وراي ... اصلا ماادري متى ووصل
ناصر : وشنو قالج
رهف : ماقال شئ
ناصر مسك ايدها وجرها حيل : تكلمي احسن لج
رهف وعيونها تدمع : ووخر عني انت منو اصلا تقولي شنو قالج
ناصر وهو يشد ع ايدها اكثر : انا ولد خالتج الي يحبج ويمووت فيج ولد خالتج الا طلق زوجته عشانج ولد خالتج الي مستعد
يبيع عياله ومستقبله عشانج ولد خالتج الي يموت لمن يشوف احد يكلمج غيرة عرفتي الحين منو انا ...
رهف جرت ايدها ووخرت عنه وقعدت تبجي : ووخر عني .. خلاص انا ماابيك ولا ابي نواف ولا ابي مشاري ووخروا عني
مليت مليت وخر عني ابي ارتاح من هواشكم انت هني ونواف هناك ووخر عني تعبت منكم
ناصر : رهف انا ماتبيني رهف انا ناصر قرب منها
رهف بخوف : ناصر وخر عني وخر عني
ناصر انصدم رهف خايفه منه رهف تبجي لانه قرب منها رهف تبجي لانها ماتبيه : انزين ليش خايفه مني انا عمري اذيتج ..؟!
رهف قامت بتروح بسرعه :الله يخليك خلني نااصر الله يخليك خلني بحاالي مابييييك خلاااص
وهي رايحه ولا تدعم بواحد وقعدت تبجي عنده لانه حضنها
رهف : وخرهم ماابيييهم
احمد : خلاص رهف خلاص
رهف امسحت دموعها واحمد يهديها : حياتي شفييج اهدي
رهف : وخرهم ماابيهم احمد ماابيهم
ناصر : رهف انا موقصدي اني اصارخ علييج بس والله مااستحملت اني اشوفه ...
رهف : ............. وراحت
احمد : منو هو ؟؟
ناصر : الزفت نواافوا
احمد : ليش كلمها ؟!
ناصر : اي جاها فجأة
احمد : هه يبا خله رهف ماتبيه
ناصر بحزن : ادري بس ..
احمد وهو يبي يروح للمخيم : رهف بتكلم ابوي ماتبيه
ناصر بفرح : قوول والله ..
احمد بخبث : هه حتى امنت ماتبيك تبي تظل معاي انا ومريوم بالبيت
ناصر خيير ان شاء الله : .... اووك عاادي
___________________
رهف وهي رايحه لقت ابوها بخيمتهم قاعد بروحه قالت اكلمه الحين احسن
رهف : السلام
بوفيصل : وعليكم السلام هلا وغلا ببنتي
رهف : هلا فيك يبه وقعدت جمبه .. يبه بغيتك بموضوع
بوفيصل : خيــر ... ؟!
رهف خايفه ... اسكتت : .............
بوفيصل : رهف في شئ صاير شئ
رهف : لا يبا بس انا ... كنت ابي اقولك
بوفيصل : شنوو رهف تكلمي عاااد
رهف يارب تقويني : ..... يبه انا احس اني مو مرتاحه لنواف وخايفه
بوفيصل : والحين انتي صارلج ساعه علشان هالكلمتين
رهف الحمدلله فهمني بسرعه : ..........
بوفيصل مسك ايدها : عاادي يابنيتي الكل يخاف لمن يصير الموضوع جدي .. لاتخااافين نواف رجال والنعم فيه
رهف لألأ مو جذي قصدي : ادري يبه والنعم فيه .. بس انا مابي نواف .. ماادري بس انا ماابي اتزوج الحين
بوفيصل : بس انا كلمت بونواف وماباقي شئ ليووم الاثنين .. ؟؟؟
رهف : ...... يبه خلاص قوله بنلغي السالفه ماابي
بوفيصل : ليش انتي تبين تفشليني ليش من الاول ماقلتي انج ماتبينه الحين تتكلمين بعد ماكلمناهم
رهف : يبه انا استعجلت .... انا ماابــ ..
بوفيصل : انا مااقدر اقول لبونواف شئ ... الا اذا خطبج وااحد من عيال عمج .. وانتي تدرين ان عيال عمج متزوجين
رهف : بس انا مابيه يبه
بوفيصل عصب : رهف قلنالج لو متكلمه قبل لا اكلم بونواف يمكن اقدر اكلمه بس الحين مااقدر اسوي شئ
رهف : ..............
بوفيصل : والحين روحي قولي لامج ان احنا بنمشي علشان تتجهزين ليوم الاثنين
رهف والعبرة خانقتها : ان شاء الله يبه
وطلعت وهي مو قادرة تمسك نفسها قعدت تبجي ...
__________________________________
الكل بيمشي لان الرجاجيل وراهم شغل ....
والكل يجمع اغراضه ...
احمد ماسك رهف : شنو قال ابوي
رهف : ماقال شئ
احمد : يعني بيكلم عمي بونواف
رهف : بيكلمه علشان يقدمون الخطبة
احمد : شنوووو ؟؟!
رهف : الي تسمعه
احمد : انزين ليش انتي ماكلمتيه
رهف : بلا كلمته
ناصر : السلام
احمد : هلا
ناصر لاحمد : شنو ؟؟
احمد : انزين ابووي شنو قال
رهف وهي منزلة راسها : ماقال شئ
احمد : رهف
ناصر لف رهف عليه وبصوته الدافي الي خله رهف ترجع تبجي : ياقلبي شنو قال عمي .. ؟!
رهف وعيونها تدمع : ماقال شئ ماقال شئ ... ماوافق يقول متفشل من رفيجة ويقول ان هذا الخوف كله كلام فاضي وبيروح
بعد الملجة .. يقول ان نه يبيني اجهز ليوم الاثنين
احمد : رهف حلاص انا اكلمه
رهف : لألأ وغلاتي عندك مابي اخلي ابووي يعصب علي اكثر
ناصر : ماعليج .. نواف خلاص انسيه ولاتردين عليه ... انا الي بتصرف .. وبيروح
رهف امسكت ايده : ناصر الله يخليك خلاص انسى كل شئ ابوي لحد يكلمه
ناصر مسك ايدها حيل مشتاق لها : لاتخافين انتي مالج دخل بالموضوع ... صدقيني ... وراح
رهف لفت ع احمد الي طمنها وبعدها الكل توجه ع البيت
__________________________________
رهف تتجهز ليوم الاثنين وسلمت كل شئ لربها لانها رضت بالامر الواقع ...
شهد وفارس الي 24 ساعه مع بعض وزادة انوثتها بس للحين عليها قطات
شهد : فرووس
فارس : توني ادري ان اسمي حلو
شهد بجديه : اقووول
فارس : سمــي
شهد : ههههههههه
فارس : تدرين
شهد : شنوو
فارس : آآهـ اعشقج
شهد تحس نفسها طاااايرة من الفرحه : باي
فارس بسرعه : وين وين ... ؟! كل ماقلت لج كلمه حلوه بتسكرين
شهد : مابي اعطيك ويه اخاف تتمادى
فارس : لا شدعوه اتمادى انا اذا بتمادى كلش كلش بجيج بيتكم وآخذج
شهد : والله .. ماشاءالله . اقوول باااي بااااي
فارس :ههههههههه بايات يامرتي << واخيرا شهد بتتزوج خخخخ
فارس وهو قاعد ع الكرسي آآآهـ تهبببل فصلة
_________________________________
ام نواف توها رااجعه من السفر لانها واااايد تسااافر وتوجب فدايما مشغوله ...
نواف : هلا وغلا يمه زاخيرا شفنااج
ام نواف : ههه هلا فيييك هلا بولدي المعرس
نواف بفرحه : اووه ابوي سبقني وقااالج
ام نواف : عن شنوو ؟؟
نواف : عن خطبتي
ام نواف : اي خطبه
نواف : اجل معرس ع شنووو ؟؟
ام نواف : انا خطبت لك بنت اختي مرام والبنت واهلها موافقين وانت ان شاء الله بكرة مع ابووك تروحون تلبوسون الدبلة
نواف : شنوو يمه ... ؟!
ام نواف : وانا شريتلك الدبلة هديه بعد مني
نواف : وشرايج انتي تدخلين عليها بدالي وااايد احسن صح
ام نواف : شالكلااام نواف
نواف : يمه شلون تخطبين لي بروحج انا خطبت بنت رفييج ابوووي
ام نواف : شنو شلون ولدي الوحيد ومن حقي اني اختار زوجته ... وبعدين انا محد قاال
نواف : يمه خلاص ماصار شئ اعتذري من خالتي
ام نواف : لااا يا حبيبي انت الي اعتذر من رفيييج ابووك
بونواف : خيير خييير شنو صاااير ؟؟؟
_________________________________
يوم الاحد الساعه 7:30
قعدت رهف الصبح خذت لها دش ولبست بجامه ناعمه وانزلت تحت
لقت امها وابوها وريم تحت بالصاله يتريقون ...
رهف : صبااح الخيير ..
بو فيصل : صبااح النووور هلا والله
رهف : جوعانه
امل : حياااج
رهف : لا انا مسويه رجيم .. الحين اسوي لي نسكافيه ..
امل : هههه وانتي ضعيفه وتسوين رجيم شنوخليتي للمتان
رهف : العمليات ... هههه
ريم : اليوم عندنا عزيمه
رهف بفرحه : صجج .. اشتقت للبنات عهدي فيهم البر
امل : اي وبكرة اهم شئ لاتنسين
رهف : بس ماعندي بدلة لليوم
ريم : البسي بدلة بكرة اليوم
رهف : وبكـــرة ؟؟!
ريم : اشتري بدلة ثاانيه أحلى ..
رهف : اخاف مايمدي
ريم : لا عاادي يمدي يمدي ..
رهف : اووكيك .. يآأُم الحلووول
______________________________
الساعه 6 المغرب .. الكل موجود ... الحريم تحت والبنات فوق
رهف كانت لابسة بنفسجي قصير ومخصر ع جسمهـآ وفيه حزام عباره عن خيوط كرستال ع خصرها وكان نااعم ورااقي
وهي صابغه شعرها كستنائي ووحددته من تحت ومسويته ويفي راقي ع طوله وحاطه عدسات بنفسجيات كريزي وميك آب ناعم
وبوت عالي كانت قطعـــــه ... << حفله وداعا للعزوووبيه خخخخ
مريم : شالزييين رهوووف ؟! الله يعييين نواف بكرة
رهف ضاق خلقها يوم تذكرت بس مابينت لهم : ههه
شهد : ترى قبل شوي مريم تسأل عن احمد
رهف : ههههه احمد انا طرته والله يقول بسلم عليها
تهاني : مسكييين
مريم : اي حبيبتي مو انا ماطرت فهد وخليته يسلم علييج عدل بس انا اورييييج
الكل : هههههههههههه
تهاني مستحيه : فضحتييييني مريووم
شهد : اي والله موبس تهاني حتى بعض الناس > تطالع عذاري < انا خليت اخوي عشااانهم
عذاري تلف وجها : احم احم .... اي شلوونكم بناات
الكل : هههههههههههه
وبعد السوالف كلها امل نادت رهف تحت
رهف : هلا يمه ..
امل : احمد يبيج عند باب الخلفي
رهف راحت له ....
رهف : خير احمد
احمد : البسي عبايتج وتعالي بسرعه
رهف : ويين ؟؟
احمد : تعالي ومالج شغل
رهف البست بسرعه وراحت وراه
احمد : ابووي يبيج بالدوانيه
رهف : شفيه ابووي
احمد : مافيه شئ بس يبيج ...
احمد : رهوف تدرين ناصر طلق روان
رهف تذكرت ناصر ((( ناصر وهو يشد ع ايدها اكثر : انا ولد خالتج الي يحبج ويمووت فيج ولد خالتج الا طلق زوجته
عشانج))) : ............
رهف دخلت الدوانيه ...
بوفيصل : تعالي رهف ابيج
رهف بخوف : خيير يبه فيك شئ
بوفيصل : مافيني شئ لا تخااافيين
رهف ارتاحت : خيير يبه
بوفيصل : رهف انتي للحين ماتبين نواف
رهف : يبه انت قلت لي ان الموضوع انتهى
بوفيصل : لا يابنتي في واحد تقدملج ...
رهف مستغربه : يبى انا بكرة خطبتي
بوفيصل : انتني اسمعي منو جااج واذا انتي تبينه او تبين نواف هذا شئ راجعلج
رهف ابييه . ؟! منوو ؟ : ............ منو يبه
بوفيصل : هو تقدم لج اليووم ويبي يسمع رااايج الحين
رهف : منو هو
بوفيصل : الحين بيدخل
رهف : ............
--- : السلام
رهف وقف قلبها وبهمس : وعليكم السلام
بوفيصل : حياك ...
رهف منزله راسها : ............
بوفيصل : اعتقد الحين عرفتي منو الي تقدم لج ناصر ولد خالتج ... وهو بيسمع رايج الحييين
ناصر : ها رهف ...
رهف : انا ...... ابي وقت افكر
ناصر والله مااخلييج : لا الحين انا قلت لعمي ..
رهف : انا .....
بوفيصل :........
رهف : اوكي انا اقوول لاحمد يبلغكم
ناصر : لا انا ابي اسمعها منك
رهف رفعت عينها تطالعه : .....
ناصر ابتسم : ... شنو قلتي رهف
رهف نزلت راسها وبحيآ : انا موافقـــــــــــــــــه ...
هذي الكلمه الي رهف ونااااصر انطروووووها من زمااان ناصر موقادر يستوعب رهف الحين خلاااص له له مو مصدق ..
رهف قامت وطلعت بسرعه وناصر قام وسلم ع بوفيصل وع ابووه الي كان بالدوانيه بالمجلس الداخلي
واول مادخلت رهف الكل بدى يهلهل ويبااارك لها
مريم : ها ان شاء الله مااحرجج ناصر
البنات : هههههههههه
رهف : كنتوا تدرون بالموضوع ؟؟!
البنات : شرااايج ... الكل داااري حتى ريم ... بس انتي ترى
رهف : لا والله
تهاني : ترى اليوم الملجه
رهف : منو ؟؟
شهد : انتي .
رهف : ............
عذاري : شفيييج
رهف : والله من صجكم
مريم : اي والله ناااصر يبي جذي
رهف مو مستوعبة : لحظة ماعليه ترى انا مو مستوعبة
احمد ناداها وخلها توقع وبعدين ناداها علشان ناصر يلبسها الشبكة لانه يقول انه مستعجل <<< مجهز لكل شئ
بوفيصل : انزين ليش مستعجل يا ناصر
ناصر : ليش عمي مدام كل شئ جاهز
بوفيصل : بس البنت مو متجهزه
ناصر : عمي خير البر عاجلة
بوفيصل ابتسم : توكلنا ع الله ...
رهف اول مادخلت ناصر حس انه قلبه بيوقف مو مصدق خلاص رهف له زوووجته خلاااص حلاااله
واول ماقعدت رهف قعدت بعيد عنه شوي قرب منها ..
رهف بهمس : ابوي وابوك هني
ناصر بابتسامه : زوجتي كيفي
وبعد مالبسها وخلص قال بيقعد معاها شووي والكل طلع
رهف تهمس لاحمد : بروح تعبت ماابي اقعد معاه
احمد : ناصر رهف بتروح تقول تعبانه .. شوووف انت الحين زوجها احنا سلمنا لك البضاعه بحاله جيدة الحين انت صلحها
رهف : احمد
ناصر : هههههه ... ماعليك > ويلتفت ع رهف < انا الي اصلحها
رهف وجها احمر : انا بمشي وقامت ...
ناصر مسكها : حبيتي توو الناااس .. حمود سكر الباب وراك
احمد : شوي شوي ع اختي اوكي وطلع
رهف تحس قلبها يطق بسرعه بسرعه وهي منزلة راسها
ناصر مسك ايدها : رهف ..
رهف وجها احمر : هلا
ناصر رفع راسها وابتسم لها : مبروك علي انتي ... وباسها بين عيونها
رهف بحيا : ........ الله يبارك فيك ...
ناصر : من اليوم ورايح اول ماتقعدين تتصلين فيني وين ماتروحين تقوليلي قبل لا تنامين تقولين لي اوكي
رهف : ليش ؟؟
ناصر : كيفي زوجتي
رهف ابتسمت له : ههههه ....
ناصر : رهف احبج .. احبــــــــــــــــــــــــج .. شرااايج نكمل اليوم العرس ونخلص
رهف وقفت : لا لا ....
ناصر وقف : هههه ترى اسويها ...
رهف : اوكي انا بروح
ناصر : وييين وييين ؟؟
رهف : ناصر .. برووح والله تعبانه
ناصر : ياااارووح ناااصر والله .... سلامتج ياقلبي
رهف وجها احمر : ...... مع السلامه ولفت بتروح ولا يمسكها ناصر
ناصر : لحظة لحظة ... وين وين ؟
رهف : بروح
ناصر : قبل لا تروحين >وياشر ع خده <.. بسرعه يلاا
رهف مستحيه وبدلع : ماابي ...
ناصر ماسك ايدينها : مافي يلااا
رهف : نصوور
ناصر : والله كيييفج ماتروحين قبل ماتعطيني الي ابيه
رهف ابتسمت وباسته بسرعه ع خده وانحاشت داخل
ناصر ذآآآب عليها : الله يصبـــــــرني ع العرس بس
_____________________________________
ان شـــآآآء الله يكوون عجبكم البااارت ...
شنوو تتوقعون بيسوي نواف لمن يعرف
رهف وناصر .. شنو ينتظرهم بحياتهم مع بعض ..
في اما ن الله
يعطيج العافيه تووتهـ
بس ماكأنج استعجلتي في الأحداث؟؟؟
ومعليش وضحي كيف تملك ناصر على رهف مع المرض؟؟؟
القصة فكرتها رائعة مثل صاحبتها...
حفظك الله وسدد خطاك ووفقك في دراستك...
واااااااااااااو البارت هذا قنبلة
اخيرا بعرف ارتاح وانام >>>>>هههههههههههههههه كنك مسؤولة عنهم يعني اني
مشكووووووورة توتة على البارت العسل زيك ياعسل ننتظر النهاية
وااااااااااو الحمدالله ارتحت اخيرا صاروا لبعض
ومشكووره يا توووتا وتراني منتظره البارت الاخير على احر من الجمر
السلام
كيفكم بلقيسيات ... ان شاء الله بخير .. ؟!
ثانكس ع الردووود الحلوة
وبنسبة لأسئلة اختي نبضة فرح البارت الجاي بيكون مفسر لكل شئ
" وانا آسفه اذا كان البارت سريع وفيه أشياء مفاجئة "
في آمان الله
توتهـ .......
توتهـ ......
تكفين لاتتأخرين...
ودي أعرف أخبار رهوووووفه ونويصر....
ومريم وأحمد...
والباقين........
تووووووته يلااا تكفين كمليها مررره متحمسسه
يلا يلا يلا ويين التكلمه بلييييييييز
الروايه اكثر من رائعه
يلا يلا يا تووته بليز لالا تتأخرين
انا انتظرك
وان شاء الله يكون المانع خير
قهــــــــــــــــ والله ـــــــــــــــــــــر
تووووته شكلك نسيتي أنك منزلة رواية
خلاص الاختبارات وخلصت
وينك ماكملتي الروايه والله مايصير مره تحمست
انا توي سجلت بأسم الروايه من شدت الحماس
شوفي تاريخ أول بارت14 - 12 -2009, 11:16 PM
واللحين احنا 3ـ3ـ2011
كمليها بأقرب وقت ويكون بارت طويــــــــــــــــــــــــــــــل يبرد القلب
و حلو كالعادة بس أهم شيء طويـــــــــــــــل
لاتزعلين ولاتطولين علينا ننتظرك
)ترى بعدينا نسوي مظاهرات(
أتمنــــى تنزلينها بأقرب فرررررصة
آآآهـ منكـ ياتووته من قهر
يلا توووتهـ وينك بلييز لا تتأخرين
والله تحمسنا مع الرواايهـ بليييييز
تكمليـــــــــــــــــــــن ولا كيف ؟؟؟؟
يكفي تعذيب !!!!!!!!!!!
خلاااااص يابناات اكيييد عندها ظروف وان شالله بترجع
وتكمل الرواايه
