..~ (آنغشيت ) ,,فيهم حسبي الله عليهم ~..

وين الباقي ؟؟؟؟؟؟؟؟؟( لو سمحتوا يااخوات حطو مواضيعكم كامله مو بالتقسيط ترانا ننسا اولها بهاذي الطريقه )
 
--- تــــابع للنهايـه ---

بعد ما انتهت سالفه الحمل وتخلصت من همها ضليت اعاني من جديد من الوحده بحياتي ..
لا اهل قريبين من عندي ولا اصدقاء اتسلى معهم واانسى همومي وياهم (اهلي بمنطقه ثانيه ..وكل صديقاتي مسافرات بالخارج ويا ازواجهم )
والمشكله ان زوجي ماقدر كوني بمنطقه غربه عن اهلي وخلي وناسي ..ماحز بخاطره اني تخليت عن امي وابوي واخواني وخواتي من اجل العيش معاه واكون اسره ونعيش بسعاده
فكان هوووسه الأول والأخير الجلسه مع امه وخواته والسهر معاهم لـ قريب الفجر .. وهذي قمه متعته بالحياه ..
يمكن حن على امه كون ابوه متزوج عليها مصريه وهي بكل جبروت طلبت منه الطلاق وطلعت لبيت لحالها وعاشت مع عيالها ..لكن ماينسى ان بيته وزوجته عليه حق
المووهيم استغليت فتره فراغي بقراءه سورة البقره بشكل يومي وأبتديت أقرأ ختمات للقرأن .. باختصار التجأت لربـي لانو بوقتها كنت مشوووشه الفكـــر وموعارفه مصيري ايش وياهـ
لين مر اليوم الي بننقل فيه وكان بوقتها جاب شركه نقل أثاث كانوا العمال يحملون العفش للسياره وكنت اسمع زوجي يقولهم لاتحملون المكيفات ولا الثلاجه ولا الفرن ولاالكنب ولاالستاير ولا التلفون ولا النت ..
انا بوقتها انصدمت اخذته على جنب ليييش ماتخليهم ينقلونهم للشقه الثانيه شنو السالفه ..رد علي بكل وقاحه انتي شدخلك اخوي قالي لاتاخذهم وبخليهم له ..واحنا بناخذ اغراضه
انا انهالت دمووعي من القهر قلت له ايش دخل اخوك هذولي اغراضنا وحتى سنه ما استخدمناهم لساتنا عروسين وليه ماتكون لك كلمه على اهلك ليه ماتكون عندك شخصيه ماله داعي تنفذ أوامر أهلك ..
وانا مابي اتنازل عنهم..يرد علي ويقولي اهااا يعني انا ماعندي شخصيه وموشايفتني رجال جنبك ..
رديت عليه وانا مقهوررره قلت له بصراحه لااا موشايفه رجال له كلمه وشخصيه ..قالي هيــــن *
(مارحمني ومارحم دموعي وتوسلي له ..كان يستخدم اسلوب قذر يطيحني انا الغلطانه بدل مايكون هو الغلطان )
ويروح يتصل على اخوي ويقوله ياأنك تجي وتاخذ اختك ..او أنها تسكت وتتنازل عن كل شئ تراها بهدلتني من صياحها .. مسكت الجوال وكلمني اخوي وقالي تراكم ازعجتونا يعني الواحد ماعنده مشاكل غيركم
بسرعه يا اجي اخذك تتطلقين منه ونفتك من شره او ترضين وتروحين وياهـ .. كنت بوقتها افكر بأمي وأبوي مايبوني اتطلق وخلوني ارضى به لين ما الله يفرجها ..رديت عليه وقلت له حاضر مرح اتكلم..
الموهيم كنت بهذيك الفتررره محطمه بصوره فضيعه أحس مالي أي قيمه وكل هذا كنت اضحي مشان امي وابووي وبس مو مشانه ولا اي بنت رح ترضى تعيش بهذا المستوى من الذل والمهانه..
دخلت لشقتي الي قبال شقه امه .. وكنت متوقعه اشوفها مرتبه وكل شئ كامل فيها لانو بو الشباب اكثر من شهر وهو جالس يعدل ويترتب على قولته يعمل لها صيانه
أتفاجأ انو ماعمل فيها ولا شئ لا أبواب مركبه ولا افياش كهرب موجوده ولا مراوح شفط .. والحمام وانتوا بكرامه مكسور منه بيب والريحه لكم عليها وغير وغيرررر من السكراب..
قلت بقلبي لحظه الفترات الي كان يغيب فيها عني ويدعي انه يصلح بالشقه وين التصليحاااات ! وين كان يروح! وين يقضي وقته .. بلعتها غصه بقلبي وسكتت..
سميت بالله ورحت انظف الشقه وأغسلها لانو الاجواء مررره خايسه ..وخاصه هذي الشقه عايشين فيها خمس حريم مطلقهم اخووووهـ ( اكتشفت انو اخوه مطلق خمس حريم مو ثلااااث )
وكنت اطالع للثلاجه مصديه وقديييمه وافتحها اشوف فيها خضروات ودجاج وفواكهه مجمده ومدري ايش ..(كانت امه تستخدم هذي الثلاجه وكنت اعرف انو مالي أي خصوصيه بشقتي مثل الحريم الي عاشوا بهذي الشقه وتطلقوا)
حاولت اهدي الموضوع على نفسي وأعديه بخير كنت حزيـنه وقلت يلا معليش ان شاء الله تكون خيره مشان زوجي يجلس معاي يهتم فيني يعوضني عن الي راح كله.. اقلها لمن نكون مع اهله يجيني يسير علي يلبي طلباتي
يحسسني كزوووجه له يعاشرني بالمعروووف ..
لكن حدث عكس الي اتوقعه صار الاخ مايجيني خيــر شــر حتى النوووم ينام بشقه امــه ..يعني فاتح الشقه بس مشان يغير فيها ملابسه ويطلع ..
صرت البس عبايتي واروح شقه امه وطبعا الاوم ماده البوز شبرين وماتعطيني وجهه وشايله بقلبها علي.. ( لاني رفضت انقل بالشقه الي جنب شقتها )
حاولت استلطفها بالكلام بالفعل لدرجه اني اقولها لاتطبخين الغدا انا الي بطبخ عنك خلك مرتاحه ..اطبخ بالخمس دجاجات للبيت كله ..كان يعجبها طبخي وماتتكلم
ولا تقولي حتى كلمه شكـــر ..وقاعده اشوف الوضع ينقلب ضدي ..رحت كلمت حماتي الي معتبرتها صديقتي وقلت لها ليه امك شايله بقلبها علي تراني رفضت انقل مو عشانكم
رفضت انقل كون الشقه مشؤومه ومن حد يسكن فيها يتطلق وباعتبار شقتي القديمه كوني توني عروسه فيها وحتى سنه على بعضها ماسكنت.. قالت لي ماعليك امي صحيح تزعل بس بسرعه ترضى
وماعليك انا بكلمها عنك لاتخافين ولاتشيلين هم الموضوع .. رحت لشقتي وانا بقلبي أنوواع الغصات من وين بجيبها من زعل امه علي وهي المسيطر الرئيسي على زوجي
ولا من زوجي الي قطع علاقته معاي بشكل كبيـــر .. يالله ايش المصيبه الي على راسي محتاره شنو اسوي كنت اخلي اذاعه التلفزيون على قناه القرأن طول الوقت ..وكنت يوميا أقرأ القرأن والاذكار
لعلى الله يحدث بعد عسرا يسرا .. وبنفس الوقت ما ابغى اقول لزوجي تعال اجلس معاي بخليه هو الي يحن ويشتاق لكن قلبه ( كالحجاره أو هي أشد قسوه )
تصدقون يابنات الطبخ الي اطبخه بشقه امه وبشكل يومي ماعمري تغديت فيه وياااه ..يجي من الدوام ومادري عنه يروح يتغدى وبعد الغدا يسكبها شاي مع امه واخوانه وبعد الغدا يسمي بالله وينسدح نايم عالكنبه
كان هااملني وهامل احتياجاتي أحس اني دخيله على البيت هو واهله شايلين بقلبهم علي بصوره كبيره ..
وربي يابنااات طول الوقت قاعده متكشخه ولابسه أحلى لبس وأحلى مكياج وريحه العطورات والبخور والعود تفوووح منها شقتي وعامله أجواااء مررره حلوه من اباجورات وشموع و ورود لكن ماأغراه أي شئ
ضليت على هذي الحاله وهذي الاجواء المزريه مايقارب شهرررين .. اعاني من هجرانه وصدته لي ومن انقلاب وكره امه وخواته لي ..
لين جى يوم وقالي لازم اوديك فيها بيت اهلك صايره شهرين مازرتيهم ..انا تفاجأت غريبه حن قلبه علي يوديني بيت أهلي والي هو عامل مشكله مشان المشوار البعيد عن بيت اهلي ومايرضى يوديني لهم..
شميت منه ريحه الخيانه لكن وكلت أمري لله وقلت له بروح بيت اهلي لكن مرح نطول اكثر من يومين وبعددها برجع مرح اضل اسبوع مثل قبل ..قالي مو مشكله يومين ونرجع بس لازم تزورينهم..
المووهيم لبست ملابسي وعباتي واخذت شنطتي الصغيره لليد ..وطلعنا من الشقه وقفلناها وضربنا مشوار اربع ساعات ووصلت عند أهلي وهو رفض ينام معاي بيت اهلي ( كان ابوي شاري له مرتبه ومفارش خاصين لجى بيت اهلي)
اليوم الثاني اتصل علي وقالي انا بطريق رجعتي للشقه وانتي ظلي بيت اهلك اسبوع مشان اشتاق لك وتشتاقين لي ونعيد أيام الخطوبه .. رفضت كون ما أخذت معاي لا ملابسي ولاعطورات ولا شئ بس شنطه اليد ..
لكن بالاخير وافقت وقلت يابنت لازم تشوفين نفسك وترتاحين من همه وهم امه وخواته الي نظراتهم كالاسهم مصوبه اتجاهي وكأني قاتله لهم ولد ..
بعد أسبوع وبالتحديد يوم الربوووع اتصلي وقالي ضلي كمان اسبوع ثاني مشان نشتاق أكثر وانا بحول لك فلوس مشان تدبرين عمرك هاليومين .. قلت له اوووكي ابضل اسبوع لكني مررره مشتاقه لك واعطيته كلام حلو
وهو عطاني كلام حلوو وقالي انه مشتاااق لي مرررره ..كنت بوقتها مبسوطه انه اشتاق لي
من فرحتي وشوقي له رحت للسوق اشتريت له تيشيرت بولو مايقارب 450 ريال واخذت له جينز وعطر بولقاري الي يحبه .. قضيت لنفسي قمصان نوم وتحف واكسسورات للشقتي وحتى مواعين للمطبخ اشتريت
ورحت للمشغل قصيت شعري وصبغته وحطيت لي حنه ..باختصار عملت نيو لوووك..
آآآآآهـ ,,, جى يوم الاثنين بالتحديد الساعه ثمانيه بالليل اتصل علي اخوي وقالي ايش اخبارك قلت له تمام قالي ليه مارحتي شقتك قلت زوجي بيجي يوم الربوع وبياخذني ..
قالي اهاااااااااا .. اجل زوجك توه مكلم ابوي وقال انك بيطلللللللللقك !!!!!!!!!!!!!
/
|
/
الي اذكره حسيت دمـي تجلط بجسمي وكأنو حد صاب علي موويا بارده .. وبصوت متقطع مفجوع الغصه بحلقي ودموع متحجره ماهي راضيه تنزل محمد ليه بيطلقني ماسويت له شئ (اخوي اسمه محمد )
قالي يقول انك ماتحبين اهله وقلبك أسود عليهم وأنك بهدلتيه يوم النقل..وقلتي عنه مورجال وماعنده شخصيه * عالعموووم احنا بنكلمه وبنحاول نصلح لكن ثقي ربك مايعمل الا العدل..
آآهـ يابنااااات مابغى اقولكم كيف كانت حالتي وربي فجيعه وزلزال نزل على راسي حاولت قد ما أقدر احافظ على بيتي حاولت اتقرب له ولأهله لكن مافيه فايده ..
والمشكله اتصلت عليه حاولت اذكره بالعشره وبالايام الي عشتها معاه
لكنه رد بكل وقاحه وقالي هانت علي العشره يابنت الناس وربك حلل الطلاق ماحرمه وماهي مصيبه انك تطلقتي عادي صحيح انتي ماقصرتي معاي بس خلاص مابي اعيش معاك جيته بكل الطرق لكن بدون فايده
عرفت انو اهله خلاص اغسلوووا مخه (حسبنا الله ونعم الوكيل )
كانت امه تعاني من مرض نفسي الا هو مرض الزواج والطلاق ..كل اولادها مطلقتهم والباقي مزوجتهم على حريمهم ..أحسها تزداد طاقه ويشفي غليلها لمن تشوف وحده متطلقه أو زوجت ولدها على حرمته وحرت قلبها
باختصار امه جباااره متمرده هدمت بيتي وبيت خمس حريم قبلي .. زوجت 2 من اولادها على حريمهن بعد عشره استمرت عشرين سنه ..
هجرني زوجي مايقارب ست شهور على أساس انه بيفكر وبيراجع نفسه .. اهلي ودوني للعمره مشان ترتاح نفسيتي وتهدأ من بعد النكبه الي نكبوني فيها الظالمين..
تقربت بهذي الفتره من ربي كثير لازمت الاستغفار والاذكار والقران ما تركته
ووصلتني اخباره انه بعد ماهجرني سافر شهرين للمغرب يتونس ( بالله هاجر زوجته ومسافر لبنات الليل في المغرب ..ربي يرضاها ؟!)
لمن جى بعد عيد الفطر اتصل لابوي وقاله اتخذت قراري النهائي رح اطلقها وتعالوا اخذوا اغرضها تراهم بشنط وبالتهووويه .. المووهيم وصلتني اغراضي ناااااقصه
ذهبي وفلوسي مفقودين +فساتيني الزواج مفقوده + عطوراتي الغاليه مفقوده+مكياجي بالكامل مفقود+ ساعاتي الثمينه مفقوده + بخوراتي وعودي مفقودين + وهدايا الزواج كلها مفقوده
وغير غيرررر من الحاجات الثمينه سرقوهم اهلـــه حسبنا الله ونعم الوكيـــل..
المسأله كلها ظلم بظلم حتى يوم تطلقت تطلقت بظلم..
تدرون يابنات زوجي وكل محامي ينوب عنه بالطلااااق .. تطلق ببيت القاضي الشخصي بدل المحكمه بنفقه ضئيله جدا ومن دون مؤخر ومن دون القاضي ان يسأل عن اسباب الطلاق ولا حاول الاصلاح
طلقني ثلااااث مرات بجلسه وحده ... بعدها عرفت ان القاضي مرتشي من قبل المحامي ومافيه أي مجال اني اطالب بحقوقي..
قبل ما اطلع من بيت القاضي وقفت قبال المحامي وقلت له وصل الكلام لطليقي انو اغراضي وصبري عليه راح اطالبهم بيوم القيامه وحسبنا الله ونعم الوكيل..../
آيــه يابنات تطلقت من قبل أسبوع .. بظلم وبقهـــر وبضيم .. (25_11_1432هـ)
استمر زواجي منه فقط سنه وثلاث شهور وعمري الأن 24 سنه
هذي قصتي بكل اختصاااااااااار ..والحمدلله على كل حال ..
الحمدلله تخلصت من هذي العائله الظالمه الغريبه العجيبه والي قايدتهم أمرأهـ عاصيه ظالمه متخبيه برداء الايمان والخشوع
( والله وانغشينا فيهم ..صرنا لعبه في أديهم صاروا يحكوا من ورانا ..هانت العشــــره عليهم ) :8:
أدعوا لي بأنو ربي يهدي قلبي ويدخل السكينه والطمأنينه والنسياااان فيه ...
ا
 
ياحياتي والله قصتك تقطع القلب اللي يشوف مصيبة
الناس ،،، تهون عليه مصيبته
ايش اقول غير انه من اسماء الله<<العدل ،الحق
تاكدي ربنا بينصفك وراح يعوضك
يمهل ولا يهمل يمهل ولايهمل،،،
الحمدلله لساعك صغيرة ،،،،
وماعندك منه عيال اعوووووووووووووووذبالله
كيف قدرتي تتحملينه
الله يكتبلك الاجر اهم شيء ثقي بالله....
ثم بنفسك ...صدقيني من قصتك
عرفت انك قويييييييييييية وصلبة
لانك على حق والله ماشاء الله عليك الله يسعدك
يارب ويفرج كربك وكربنا جميعا في
الدنيا والاخرة ......
لاتنسي تهتمي بذاتك وتطوريها
ولا تفكري كثير بالمشكلة والماضي الاسود،،،
جددي حياتك ،،اسعدي نفسك
واهم شيء ربنا اعطانا الصحة والعافية
اللهم لك الحمد كما ينبغي لجلال وجهك
وعظيم سلطانك ,,,
الصحة تاج على رؤؤس الاصحاء
واجعلي المشكلة تعود عليك بالنتائج الايجابية,,
ادعيلي ربنا يسخرلي زوجي وذريتي ،،،
ويفرج كربتي وكربتك ياحياتي

(كتاب :جدد حياتك <<: محمد الغزالي)


(انصحك بهذا الكتاب جداً رائع عن نفسي افادني كثير)
 
الحمدلله

فرحتلك يالغلااا

ربي يحبك فكك منهم

ويابخت من بات مظلوووووووووووم

ربي يعوووضك بآررجل منه وسسيد سسيده

لاتحزنين انتي الكسسبانه

~
 
أم ميسوـوـو قال:
الحمدلله

فرحتلك يالغلااا

ربي يحبك فكك منهم

ويابخت من بات مظلوووووووووووم

ربي يعوووضك بآررجل منه وسسيد سسيده

لاتحزنين انتي الكسسبانه

~
أنقر للتوسيع...
نفس كلام الحبيبه ام ميسو
فديتها راعية رد ما ادري وين تختفي
 
الأمل فيني باقي
ياهلا فيك مليوون ومن زود الغلا مايكفون ..أسعدني ردك ونصايحك بقد ما أسعدني حضورك
صحيح اني عانيبت بحياتي وياهم كثيــر لكن لم يسرحني حتى بالاحسان ولم ينصف لي حقي
الحمدلله على كل حاال وربي ادعيلك من كل قلبي انو ربي يسخر زوجك واولادك لك
وتكونين قره عين لزوجك وهو قر لعينك ياربي يحقق كل الي ببالك ويرزقك خير الدنيا والاخرهـ
اشكرك يالغلا على كلامك الجميل والي هوون علي مصيبتي
/
لاعدمتك
 
آم ميسو + دلوعه زوجي
ياهلا ومرحبا فيكم حبيباااتي بالحيييل وكثر حب الهيــل
اشكركم على ردودكم الحلوه وبالفعل الحمدلله كوني مظلومه ولستٌ ظالمه
وربي يعوضني برجل أخير وأرجل منه ربي يسمع منكم
يجزاكم ربي كل خير
/
فديتكم
 
الحمد لله على كل حال
ربي يفرج همك ويعوضك خير امين
 
الحمد لله على كل حال
الله يرزقك بولد الحلال اللي ينسيك الظلم اللي عشتيه ....
 
قولي آمين


الله يعوضس خير ويفرجها عليس ويرزقس بالزوج الصالح التقي الطيب الغني اللي مايهينس وترزقين منه بالذرية الصالحة ولا يتزوج عليس ولا يطلقس


آمين
 
قدر الله وماشاء فعل
ياليت اي شخصيه تواجه مشكلات او عوائق في حياتها
تتوجه الله سبحانه وتعالى وتكثر من الاستخاره وربي يكتب الي لنا فيه الخير والصلاح

 
لعله خيرا لك .افتكيتي من هذه العائله الظالمه ..كيف يخالفوا حديث الرسول صلى الله عليه وسلم""الحمو الموت"" ويجلسوا مع بعض ...
احمدي ربك ماعندك اطفال
الله يعوضك بخير منه ..
""عجبا لامر المؤمن كله خير ان اصابته ضراء صبر فكان خيرا له وان اصابته سراء شكر فكان خيرا له""او كما جاء ف الحديث
 
معووضه خيير ,, ولو انا مكانك ماوافقت من البدايه

لأنك اكيد عارفه قبل الزواج ان الاب متزوج ع زوجته مصرريه صح

المفروض غسلتي يدك من العيال لا وبعد الاخ متزوج لي 5 ومطلقهم هع هع اعووذ بالله

بس ابي اعرف شغله منك دامك تووك متزوجه وأهلهم شايلين بقلبهم عليك ومايحبونك مين خطبك يعني كيف تعرفتي ع هالعائله
 
الحمد لله على كل شي وعسى ان تكرهو شي وهو خير لكم ماتدرين الخيرة وينهي فيه اعرفلك وحدة تطلقت بعد شهر من زواجها وكانت تحب زوجها بشكل كبير بغت تنجن لما طلقها وسبحان الله تزوجت واحد ماجرب الحاريم ومبسوطة معاه ولا يعرف فين يوديها من كثر مايحبها اسال الله ان يعوضك باحسن منه انه على كل شي قدير
 
ربي يحبك عشان كذا كتبلك الطلاق لاتزعلين عليه ما يستاهل ربي يعوضك الي احسن منه وامه في رب يحاسبها يمهل ولا يهمل وعندها بنات
 
ي مفرح تتخلصي من هالعالة اللي ما عندها رحمة
ابدء توفي نفسك وحياتك
وكوني صداقات
 
الله يعوضك باللي فيه خير لك
والحمدلله انك افتكيتي منه ومن اهله
 
ملهمة النججوى قال:
معووضه خيير ,, ولو انا مكانك ماوافقت من البدايه

لأنك اكيد عارفه قبل الزواج ان الاب متزوج ع زوجته مصرريه صح
ومن قالك ان الرجل اذا كان متزوج مصريه تنغسل اليد منه
اعرف ناس كثير متزوجين مصريه ومغربيه وسوريه وباكستانيه وحبشيه ويكونون عائله متربيه وفاهمه

المفروض غسلتي يدك من العيال لا وبعد الاخ متزوج لي 5 ومطلقهم هع هع اعووذ بالله
من جد اعوذ بالله من الشماته نتبهي ترى الشماته مو زينه

بس ابي اعرف شغله منك دامك تووك متزوجه وأهلهم شايلين بقلبهم عليك ومايحبونك مين خطبك يعني كيف تعرفتي ع هالعائله
أنقر للتوسيع...


حبيت اعقب على رد الاخت الناصحه ملهمة النجوى
 
لا حول ولاقوة الا بالله

حبيبتي ربي يعوضج باللي أحسن منه

والله حزنت عليج بس الحمد لله افكيتي من شرهم
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل