..~ (آنغشيت ) ,,فيهم حسبي الله عليهم ~..

[عذبوووك ياقلبي]

بسم الله الرحمن الرحيم
السلام عليكم ورحمه الله وبركاته
كيف الحال خواتي أعضاء منتدى بلقييييييس .. ياربي تكونون بخير وسلامه..
مدري اذا تذكرتوني أو لااهـ .. على العموم انا صاحبه هذا الموضوع ..تعرضت لمشكله زوجيه واخذت نصايحكم فيها
واعتذر بشده عن كل وحده ارسلتلي مشان تتطمن علي وماجاوبتها
ياعلني ما اخلى منكم حبيباات قلبي...
7
7


http://www.niswh.com/vb/showthread.php?t=314440&page=4

حبيت أخبركم أيش صار معي وأيش صار من تطورات خلال تسع شهور من انقطاعي عن المنتدى ...
بسم الله ابتدي..

بعد مارجعت لشقتي مشان اجهز الأغراض وألمهم وننقل للشقه الثانيه كنت بحاله اكتئاب وحزن
واحس انو مالي قيمه بعد الي صار لكن وكلت امري لربي..
جى اليوم الثاني وبعد مارجع زوجي من الدوام قالي انه بيعمل تصليحات بالشقه الثانيه من كهرب وتعديلات بالحمام وانتوا بكرامه
وبيحط أبواب للمطبخ ومراوح شفط وحاجات كثيره كانت مهمله بقوه من قبل اخوه... (بسكن بشقه اخوه الي جنب بيت اهله..واخوه بياخذ شقتي )
وقالي انه رح يغيب عن البيت عشانه بيجلس مع العمال
المووهيم صار يغيب عن البيت فترااات طوويله لدرجه حتى على الغدا مايجيني( وهي اكبر فتره كنت اجلس فيها وياه ) وهاملني وهامل البيت بقوه
صار يجيني وأذان الفجر يأذن ينام ..ويصحى 7 الصباح ويروح للدوام.. و يرجعلي بالفجر..وهكذا ..يعني قمت ماشوفه الا وقت نومته
(طووول هذي الفتره يجلس فيها بيت اهله ..لا أم ولا أخت ولا أخ ينصحونه يجي لزوجته)
وكنت اذا احتجت اغراض للبيت اكلمه مشان يوفرهم
ويتحجج انوه مشغول ويا العمال ويخليني استأجر سياره خاصه واركب فيها لوحدي مشان اوفر الناقص للبيت من أكل ومواد تنظيف..وهو ولا على باله
ضليت على هذي الحاله مايقارب ثلاث اسابيع وانا محبوسه بين اربع جدران وهو طول الوقت بيت اهله ..
وان حاولت اكلمه واستدرجه بالعطف وابين اني مشتاقه له يقولي انتي ماعندك سالفه وانا مشغول.. بعدها عرررفت انوه الموضوع فيه إن
فقررت اني اكذب عليه واقوله اني حامل مشان يجيني ويقعد معاي ..(كذبه بيضه مشان يجيني ويقعد معاي بدل ماكون لوحدي وكأني مو متزوجه )
بعد ماجاني الفجر وانسدح عالسرير وغطى روحه بالبطانيه.. وكعادته عمل نفسه انه هلكان تعب وداخل بسبعين نومه
كنت بوقتها لابسه احلى قميص نوم وانواع العطورات والكريمات ..جيته من وراه وحضنته وهو يقولي وخري بنام ..جيته وقلت له بقولك موضوع
قالي خلي المواضيع لبكره .. قلت له طيب خلاص بكره بقولك اني حامل..
فجأه اشوووفه فزز من السرير وجلس قالي من جدك انتي حامل يعني انا بصير ابووو ..وكانت الفرحه بوجهه ما تتخيلوونها
كان مبسوووط جدا وقالي خلاص بكره بستأذن من الدوام وبوديك للمستشفى تتأكدين عن الحمل ( بهذي الفتره من جد الدوره الشهريه تأخرت علي شهر ونص )
جى اليوم الي بعده وخذني للمستشفى وعملت تحليل حمل وطلع نيقاتيف.. يالله ايش الورطـه ايش اقوووله اخاف لو قلت موحامل يقول عني كذابه
فقررت اني اكمل الكذبه بعدها اقول انو نزل مني نزيف وانوه طاح ..
دخلت للسياره وقلت لوه اني حامل وانبسط وجالس يغني بالسياره لين وصلني للشقه وقبل ما انزل قالي انا اليوم بجيب الغدا وبنتغدا سوا
ياربيـــه كنت مبسوووطه واخيرا بيجي ويتغدا معاي نزلت للشقه رتبتها ونظفتها وعطرتها وتكشخت عالاخــر انتظره يجيني وينتغدا ومن جد جاب غدا وتغدينا وسوالف ووناسه
لكنه طلع بالعصر بحجه العماااااااال وقبل مايطلع حضني وقالي انتبهي لنفسك وللبيبي..
ويافرحــه ماتمت كنت فاكره انوه بيقضي اليوم معاي .. وحاولت اصبر نفسي وابكي حسرات على نفسي وعلى مصيري المجهول وياهـ..:8:
لمن جات الساعه 10 بالليل اشوفه يدخل الشقه وهو على غير عادته يجي هالوووقت ..قلت يافلاانه خلااص الرجال صار يحبك وصار يجيك بدري..
جلس بالصاله وقالي اجلسي جنبي ابيك بموضوع قلت له خير.. قالي باختصار البيبي الي ببطنك لازم ينزل تعرفين حنا على وشك نقل والبيبي بيجي مو وقته
فأنا بجيب لك حبووب اجهاض تجهض البيبي.. قلت لوه حرام عليك توك اليوم مبسوط والدنيا مو واسعتك من الوناسه فجأه تغير رايك وماتبي اطفال..
قالي سمعي كلامي ولازم ينزل وانا بحاول ابحث عن طريقه تنزل البيبي بسرعه قبل مايثبت ببطنك ..قلت له طيب حرام تقتل نفس لا الله ولا رسوله يرضونها
قالي لاء مو حرام دامك بالاشهر الاولى ومانفخت فيه الروح ..حسيت من كلامه انوه مافيه مجال للتناقش ..قالي هالكلام وطلع عن الشقه مره ثانيه ..
بعدها عرفت انو اهله هم السبب من هذا كله .. ايش معنى كان مبسوط بحملي ولمن راح عندهم انقلب 180 درجه وصار مايبغى اطفال ويبغاني انزله
حسيت اهله قاعدين يحفرون لي حفره شوي شوي من دون ما أحس..
المشكله يابنااات انو زوجي شخصيته ضعيفه امام اهله وخاصه امه وخواته مسيطرات عليه بصوره كبيره ..ومستغلين ضعف شخصيته
اكتشفت يابنات انو امه وخواته يكرهوني ويغارون مني بصوره كبيره ..(بالرغم اني ماضريتهم ولا أسأت لهم ..لا بالكلام ولا بالتصرفات كنت في حالي وماعلي من حد )
ومايحبون يشوفون بنت تتميز عليهم بشئ .. ودوم يحرضون زوجي علي
ودوووم يقولون له ماعاشت مرهـ تفرض رايها على زوجها .. وهو يجي ويطبق علي كلامهم وبكل تأكيد هم الي خلوه يجيني مشان ينزل البيبي مني..
قلت بنفسي فرصه اقبل ينزل البيبي مشان اتخلص من الكذبه وارتاح من همها..
باختصار صار يأكلني أكلات تجهض البيبي مثل الاناناس والبطيخ ويخليني اشرب زنجبيل وقرفه كثير.. ( اموت واعرف من وين له هذي المعلومات الي تخلي البيبي ينزل )..
بعدها باسبوع صار متوتر الرجال لانو مانزل مني شئ قالي مومعقووله للحين مانزل البيبي لازم اوديك الملاهي والعبك اخطر الالعاب مشان ينزل بسرعه ( من تزوجنا الح عليه نروح الملاهي ماهو راضي يوديني)
بالفعل رحنا للملاهي ولعبت الالعاب الي احبها وانبسسسسطت
وهو بعد كل لعبه يسألني هااه حسيتي بشئ حسيتي بألم ببطنك وانا اقووله لااا ماحسيت بشئ هههههههه(شر البليه مايضـــحك )
صار يوديني الملاهي يووميا لمده أسبوع ويأكلني الاناناس بكثره ,,لين جاتني الدوره الشهريه وقلت لوه نزل مني نزيف والظاهر انو اجهضت وهو انبسط ..
كنت على نياااتي وقلت يابنت احسني النيه يمكن صحيح الرجال مايبغى هالوقت اطفال مشان الوضع متوتر بين النقل للشقه الثانيه وهو قاعد يرتبها لانها ماتصلح للعيش
رجعت مره ثانيه اعيش لوحدي وهو هاملني بحجه يصلح للشقه وخليته على راحته مابغيت اضغط عليه وبنفس الوقت ماابغى ارمي حالي واقلل من شأني لعلى وعسى ان ربي يهداه ويصلحه
ويمشي على الطريق المستقيم كنت متأمله بيجي يوم وبيحن قلبه علي ..وبنعيش بسعاده.
--- تـــــابـــع ---


​

 

[احــب ربي]

الله يعينك ويفرج همك يارب ويثبت قلبك ويسخر زوجك واهله لك يارب

 

[رندا كووول]

الله يفرررج همك
كملي

 

[دلوعةزوجي]

لا حول ولا قوة الا بالله

 

[وردية في عالمي]

الله يسخره لك

 

[سهم العشق]

اكملي يا اختي واحنا معاك ان شاء الله ---

 

[جوري مكه]

الله يعينك ويسخره لك كملي
انا اتوقع اهله ساحرينه

 

[ملكـــــة]

اللــــــــــــــــــــــــــــــــــــــــــــــــه

يكون بعونك ويصبرك كويس كسبتي ملاهي من ورا الكذبة ههههههههههه على قولتك شر البلية مايضحك

استغفر الله والله أحس زوجك مو طبيعي شغلي سورة البقرة في البيت واستودعيه الله من كل شي وكل أحد

ننتظـــــــــــــــــــــــــــــــــــــــــــــــــــــــــــــــركـــــــــ

 

[الاميرة ريمي]

ما احب هالاسلوب مقطع
على العموم كيف تجهضي ما تروحي الطبيب؟؟!!!!
يعني حتى لو كذبة بس اللي تجهض تروح الطبيب
كيف هو ما فكر بالمستشفى

 

[ام المختار]

الله يعنك عليه ويسخره لك ويحنن قلبه عليك ويبعد كيد أهله عنك اللهم أمين

 

[خيوط ملونه]

سبحان الله.

كملي

 

[الكوثرالمهدور]

مافي كذبه بيضا وكذبه سودا الكذب كله اسود وممكن انتي تبينه يتقرب منج بالكذب ونتيجة فعل الكذب وحرمتها عند الله يبتعد اكثرواكثر واكثر...في الحديث الشريف(من أراد أمرا بمعصيه كان أبعد لمايرجو وأقرب لمايحذر)لو مكان الكذب لزمتي الأستغفار!!!!!!!!!!!!

 

[@ام مصعب@]

مافي كذبه بيضا وكذبه سودا الكذب كله اسود وممكن انتي تبينه يتقرب منج بالكذب ونتيجة فعل الكذب وحرمتها عند الله يبتعد اكثرواكثر واكثر...في الحديث الشريف(من أراد أمرا بمعصيه كان أبعد لمايرجو وأقرب لمايحذر)لو مكان الكذب لزمتي الأستغفار!!!!!!!!!!!!

الله يجزيك الخير

 

[الغمامة الماطرة]

أنا من فترة قريت موضوع لأخت فهالمنتدى جزاها الله ألف خير ورزقها الفردوس الأعلى يارب والله تستاهل هالأخت تتكلم فيه عن فضل سورة البقرة وأنا من ضمن إللي طبقوا نصايحها واستفدت منها والحمدلله وأتمنى انك تعملي مثلي اقريها كل يوم وبتشوفي العجب العجاب والله بتنفرج كل همومك وبتتيسر كل أمورك والله بيسخرلك زوجك وأهله وبتعيشي بسعادة بإذن الله تعالى بس عليك بقراءة البقرة والدعاء لله
أسأل الله أن يسخر لك زوجك وأهله ويهديهم وينعم عليك بالسعادة وراحة البال
اللهم آمييييييييين

 

[أم ميسوـوـو]

الله يفررج همك يالغلاا

~

 

[باونتي سعد]

كملي يالغلا نحن بانتظارك

 

[شروق الحريه]

حبيبتي انت موتاكيد انو امه واخوته يعني مومعقول انو ام ترضي تزوج ولدها بعدين تضغيط عليه انتنزل الحمل ابغيكي تفتحي عيونك موبس علي اخوته لا كمان علي حواليه

 

[مدام رانيا]

نحن فى الانتظار

 

[دانـــــه]

الله يفرج همك,,,

 

[لمسه دفا 8282]

​الله يصبرك ويقويك.. كملي ننتظرك