آنا عروس وفي نفس الوقت ماني بعروس

[شيخوخه]

السلام عليكم
شحالكم اخواتي ياربكم بخير
انا متزوجه صارلي 3 وزوجي مايلست معاه ابدا بسبب انشغاله وكنت اعذره ع انه اشغال وبعدها بشهر خلص وصار يفضى يرجع البيت بدري يسهر معاي وبعدها بالاسبوعين صار كله ع النت ويرمس بنات وانا اعرف بهذا الشي وكله يدخل الفيس بوك ويتعرف ع بنات وانا والله مو مقصره معه بشي ابدا ...
حتى هو بلسانه يقول انتي ابد مو مقصره وانتي مااحد مثلك بس بعده يرمس بنات ... حاولت اجذبه باي شكل من الاشكال بدلت اكسسورارات البيت بدلت من شكلي البس قصير وكل شي كل شي ...
ومع هذا يسهر برى ع النت ... وانا ابدا مو سالان عني ...
صرحته بهذا الشي قال انا اتعرف ع البنات علشان اعرفهم منوه هم ...
وانا ماادور لا علاقه حب ولا شي 2
ارجوكم ساعدوني ...
خلاص احس نفسي منهاره ومليت من هالحاله ...

 

[تعبت نفسيتي]

اهليييييييييييين يااقمر معليييييييه بصراحه انا بتكلم بدون لف ودوران مايلعب على راسك ويقوولك انا بس ابغى اعرف من وين وين احنااا وهوه يبغى يكون علاقاات بس مايبغى يبين وخجل من نفسه لما عرفتي وانتي بيني ان انتي مو مصدقته والله يووفقك ويسر دربك ​

 

[ice creeem]

مدام عرفتي وهو درى انك عارفه لازم تاخذين موقف ما تتركين الموضوع يكبر

 

[شيخوخه]

تسلمين اختي ...
بس هذا بعد مانفع معاه ... انا اللي قاهرني توني عروس اريد احس باحساس اي عروس

 

[خفايا العمر]

لا حول الله يارب الريال يوم يدخل على النت ايصير عنده مثل الأدمان عافانا الله وصدقيني فتره وراح تعدي بس مو معناته انج تسكتين عن الموضوع وبعد مو معناته تتهاوشين وياه لا
قوليله عمري انا ما عندي مانع انك تستخدم النت بس حدد يعني ساعه ساعتين باليوم وبخليك على راحتك وابد ما بأذيك ومع الوقت ان شاء الله بيتركه

وبالنسبه للتعارف والأمور الي تصير في الكمبيوتبر كتبي في ورقه صغيره خاف الله في السر والعلانيه واتقي الله في نفسك فإذا عيني لا تراك فالله يراك وانا امنتك الله ولصقيها على الشاشه لو حتى رماها مو مشكله كل يوم اكتبي له شئ كل مره وفي بعض الأوقات سوي له مفاجأه في نفس الوقت الي بيلس على النت اكتبي له تعال الغرفه عندي لك مفاجأه وانتي وشطارتك

والحل الأخير والأفضل خربي له الكمبيوتبر هههههههه

ولله يعينك و قولي هذا الدعاء الي اكتبه بكل مشاركه
​

[FONT=&quot]" اللهم إني أستودعك قلب زوجي وسمعة وبصرة ولسانه وفرجة في ودائعك فاحفظها لي يا من لا تضيع ودائعة"[/FONT]​

[FONT=&quot]اللهم أجعلة لي قرة عيني الوحيدة واجعلني لة قرة عينة الوحيد اللهم جببه فيه وحببني فيه , اللهم اطمس على قلب زوجي وسمعه وبصره أن لا يري من نساء الدنيا غيري , اللهم سخره لي في سمعة وبصرة وقلبه وماله , اللهم استر عيوبي عنه وأقنعه فيه وجملني في عينه واجعلني أجمل من حور العين في عين زوجي , الله أره الحق حقا وأره الباطل باطلا يا رب العالمين.[/FONT]​

[FONT=&quot]اللهم اجعله قرة عين لي واجعلني قرة عين له , اللهم أرضه عني وأرضني عنه , اللهم وأوزع محبته في قلبي وازرع محبتي في قلبه.[/FONT]​

[FONT=&quot]اللهم واجعل ريحي عليه عطرا وريقي عليه عسلا وضميتي إليه أحب إليه من الدنيا وما فيها إلا منك يارب ذا العزة والجبروت ومن كتابك ونبيك ودينك , اللهم واجعلني عونا له على طاعتك واجعله عونا لي.[/FONT]​

[FONT=&quot]اللهم وارزقني معة التوفيق والسعادة والذرية الصالحة , اللهم واشرح صدور أهله لي واشرح صدري لهم وسددني اللهم في كل أفعالي وأقوالي بحولك وقوتك[/FONT]​

[FONT=&quot]وبعدها قومي بقراءه سوره يوسف[/FONT]​

 

[خوافي]

عزيزتي اذا تساهلتي مع زوجك من البداااايه راااااااااااح يكبر راسه....... لازم تحطي للموضوع حل حتى لو تكبر السالفه وتوصل للاهل عاااااااادي عقب انتي بترتاحين لانه راااح يحسب لك حسااااب.

 

[.• ღ ǼɱṒṒᵰӑh ღ]

أنا مع الأخت ic creeem

لازم تآخذين موقف ولا تخليها تعدي بسهوله .. عشان لا يتساهل ويكبر الموضوع ويصير يكلمهم قدامك عادي

وأنا أشوف إن اللي يدخل عالفيس بوك يكون إدمان عليه الله يكون بعونك

حاولي تشغليه عن النت أخرجو غيرو جو سوو اي شي

وإن شاءالله ربي يسخرلك زوجك ويبعد عنه بنات الحرام
​

 

[ام احلى اثنيين]

انتي خيتو لك 3 سنيين والا مافهت عشان اشرح لك وضعي ولا تضاييقيين من الانتي فييه
كلنا بالهوا سوا

 

[خفايا العمر]

غاليت خوافي اكثر اسباب المشاكل الزوجيه هيه تدخل الأهل وخاصتا انه توهم متزوجين انا ما انصح بهذا الشئ لانه هو ما مد ايده او سوا شئ فضيع الي ايسويه ايسووونه وااايد شباب اول زواجهم باجر لو يابت له عيال ومسئوليات الحياه ان شاء الله راح يتغير

نصيحه لا اتقولين لأهلج بيتج مملكتج وخلي كل شئ خاص ما بينكم لانه لو قلتي لأهلج ما راح يثق فيج مره ثانيه صدقيني الريال ايحب الحرمه الي تحفظ سر بيتها خاصتا اذا عرف انج قلتيلهم عن الي ايسويه بالنت راح يكره اهلج ويتمرد ازياده ويقول خلاص ما دام عرفو الي فيها فيها


​

 

[سحآبة صيف]

الله يعينك ياقلبي