آغاار عليه من الكل خاصتاً عمته

[Asmahan2]

أنا متزوجه تقريباً لي خمسه شهور ، وعلى بدآية الشهر الثاني حسيت أنو آغار على زوجي بشكل مو طبيعي حتى من ( أمه ) مع آنها طيبه وعلى نيتها بس تخيلو عندها 3اولاد وماتروح وتجي هي بناتها الا مع زوجي مادري بس حسيت انهم حاسين بغيرتي وبيزيدوني علماً أنا وهو مقيمين الآن بالشمال وهم بالغرب واذا جينا للديره بالإجازات مايريحونه كل شوي مشوار وكل شوي يدفع ويجيب احس فوق مو غيرانه عليه حزنانه وإذا طلعت انا وياه مشوار مستحيل مايسألون وين رحتو كمان حتى مو قادر يقولهم لا لأنه هو ما شاء الله لا قوه الا به ملتزم انا و الله يشهد علي احيانا اكتم غيرتي واقول اهله خليه يوديهم ويجيبهم بس احس مايرحمونه من الخدمات سو جيب تعال روح وابوه عنده زوجه ثانيه اغلب وقته عندها زوجته الي هي عمت زوجي خاصتاً ومشكلتي هي برضو تتخدم عليه واذا وديناها مشوار تركب قدام بمكاني بس في ذي اللحظه اتكلم اقول ايش دخلها مو أمك عشان تخدمها علماً بأن عندها اولاد و جالسه تستغل طيبت زوجي واحسها تقهرني تتخدم فيه وعيالها عندها طلبي منكم كيف اخليه يكره عمته زوجة ابوه لأنها قدامه طيبه وحبوبه وانتو تعرفو حركات الحريم اذا كانت تبغى مصلحه من احد لا وبعد احسها تغاااااار مني مع انها حرمه كبيره وتاخذ وتعطي بكل حريه مع زوجي وين رحتو وين جيتو تكفوووووون قولو لي كيف اخليه يكرهها او بمعنى اصح يطنشها لأنه احسه احياناً يسوي لها اشياء مايسويها لأمه من اسلوبها المصلحجي معه اسأل كل وحده بالله تكتب لي حل لو بسيط يخليني اخليه مايعطيها وجه ونصيحه التزم فيها اذا تلقفو وين رحتو وين جتو وكمان حركه ماتخلي احد يأخذ مكاني معه حتى بالسياره ،

 

[قسط]

لو بتدققي على حركات من هالنوععيه بتتعبي كثير
المهم امه واخواته خليك معهم طيبه وتحملي مشاويرهم لانهم لهم حق عليه ويمكن هو الوحيد اللي يوافق لهم من اخوانهم ومتعودين يقضي مشاويرهم لاتمنعيه عنهم لانهم برضه مساكين ابوهم ساحب عليهم ومالهم الا اخوهم واكسبيهم بصفك عشان تقوي موقفك تجاه عمته اللي هي زوجة ابوه قولي امك من حقها تركب قدام لانها امك اما زوجة ابوك مالها حق عليك تركب قدام هي ضرة امك انا اولى منها اركب قدام وخلي امه واخواته يؤثرون عليه من هالناحيه ترى يسمع كلامهم بقوه ويؤثر فيه قولي اخدم امك اخواتك لان لهم عليك حق اما زوجت ابوك حقها على اولادها لكن لاتتشددي بالموضوع لو شفتيه مو معجبه لان يمكن يعاند اكثر انتي تجيهم فتره مؤقته وتروحي خلاص مشي كثير لو وقفتي على كل كبيره وصغيره ماتجيبي الا لك المشاكل مع زوجك

 

[أم سيرين وسعود]

والله ياغاليتي تحملي رأيي
اذا بأزوج ولدي وتجي زوجتو تحسدني على مشاويري معاه عساني لازوجتو !!
الأم هي اللي حملت سهرت ربت تعبت تحملت ولما صار رجال وصرت ارتاح انو هوه بالذات يقضي مشاويري تجي بنت الناس اللي انا اخترتها زوجة له وتتضايق !!!
لا تخلي الغيرة تعمي لك عيونك
تخيلي امك انتي مكانها وزوجة اخوكي تغار من مشاويرها!!
ساعتها وش بتقولي؟!! ووش بتحسي فيه؟!!
بالنسبة لعمتو زوجة ابوه فالنوع الاستغلالي هذا موجود بكثرة وما اعرف حل ليه..
هذا رأيي اتمنى ما تزعلي..

 

[Asmahan2]

آشكركم من كل قلبي على النصايح الحلوة ♡

 

[نووووفه]

الف مبرووووووووك يا عروسه االله يخلي لك زوجك ويسعدكم
بالنسبه لمشكلتك ترجع لحساسيتك وكونك مستجده على الحياه الزوجيه
واكيد راجعه لحبك لزوجك
لك كل الحق تعيشي حياتك مع زوجك بالطريقه اللي تحبينها
بس مو من حقك انك تنظمين له علاقاته مثل انه ما يحق له انه ينظم لك علاقاتك العائليه
مشاوير امه واخواته واااااجب عليه مو تكرم منه
طالما ما تضرك لا تدققين فيها ..بالعكس عينيه على بر امه وربي بيفتحها في وجهك
من حب زوجك وبر ذريتك
انتي مو بحاجه تقربينه من احد او تبعدينه من احد.....انتي بحاجه انك تثبتين مكانتك عنده
بحيث انك تروحين تتمشين تواصلين اهلك واحبابك ترفهين عن نفسك بدون تدخل من احد

 

[Asmahan2]

الله يعطيك العااافيه ♡ ♡

 

[قسط]

معلومه ترى بعض الفتيات اول الزواج تجي شاده حيلها بتحدد تحركات وتصرفات زوجها وتتمشكل معه بالطالعه والنازله حتى علاقاته وتصرفاته مع اهله بتحددها وتصير تخلق لها مشاكل من لامشكله وتبدا الحياة بالنكد وشوي شوي يمل منها الزوج ويمكن لو زودتها يكرهها وفي الاخير هي الخسرانه بترضى بلامر الواقع لكن وش بعده بعد مافقدت حب زوجها لها وبعد مارسمت له صوره سلبيه عن نفسها ويصير كل شي يقولها انتي بتتحكمين فيني اني وانتي ولكن اذا فاقت لنفسها وحاولت تصلح الامور تلاقي خلاص انطبع في باله فكره عنها ماعاد يقدر يغيرها لاتوصلي لهالمرحله وخلك مرنه بكل شي معه لاتتحمسي كثير بتقييده بكل شي

 

[Asmahan2]

الله يجزاكك الجنهه و الله صدق احس انو احيانا اطلع شي من لا شي بس إن شآاء آلله رح اتقيد بنصيحتكك شُكّرَاً * ♡