آخر ليله في بيت الأهل

[ندى الأزهار]

مشكوره

 

[jowree]

ياربيييييييييييييييي و الله عذبتوني كل وحده فيكم سالفتها سالفه عمري خديجه الكبره الله يخليلج بنتج و تفرحين فيها مثل ما فراقها صعب فراقج اصعب انتي امها ​

انا يوم عرسي قعدة الصبح كان البيت فاضي و مافي احد الا الخدم و خواتي توم صغار يا قلبي قعدة اطالعهم و ابجي بجيت ليمن طاح حظي بس طلعت العبره كلها
خواتي كانو كلهم صغار بس امي راحت وياي الصالون كنت طول الوقت هاديه و اترقص بعد ويا الاغاني اللي بالصالون رديت البيت شفت يدتي الله يرحمها و خالي و ابوي ما شفته لي الحين بقلبي ادري انه ما قدر يشوفني و انا اطلع من بيته حبيبي اهوا اغلى البشر اهوا ويا ماماتي الله لا يحرمني منهم
بالصاله كنت هاديه و امي حبيبتي اهيا اللي متوتره و انا اللي اهديها
و اللي وصلوني لي الفندق ويا الاخ امي و خالي الثاني و عادي سلمو و طلعو

بس تصدقون تعدت يمكن سنه فاقده بيت اهلي و اشتاقله وايد ما قدرت اتاقلم بسرعه كنت ابجي وايد​

http://www.sweetim.com/s.asp?im=gen&lpver=3&ref=12&p={C65E42BB-12F3-4049-A923-C6A3B6395D77}

 

[ابي اسجل وبسس]

اصصصصعب لحظه
لحظة فراق الاهل في هاليوم
خصوصا الماما والبابا

​

 

[لذه طفوله]

الله يوفق اللي مقدمه على زواج بس نصيحه استمتعووووووووووووووووووو بذيك الايام لانها احلى ايام العمر اما انا احتفظ باجابتي لانها تعيسه 000000000

 

[كريستينا]

والله اني بكيت لييييييييييييين قلت امين انا زواجي بعد سنه ونص وشاااااااااااااايله هم والله اني اكتب وانا ابكي

 

[shroofh]

انا كان عندناغداء بيوم الزواج

عااد كنت مااصدق ادخل الغرفه عشاان ابكي

لان ابوي كان متوفي توه كمل سنه كنت اتمنى يكون في هالحظات جنبي

اما امي كانت كل ماتشوفني دموعها ع عينها وانا بس اتريق

وقت الزفه اناظر مالقيت لا امي ولا اختي

اكتشفت انهم كانوا بالغرفه يبكوا

المهم من ثاااني يووم وانا عندهم حتى زوجي مابغيت اطلع له


مشكووووره

 

[كريستينا]

اهئ اهئ اهئ

 

[nany2009]

ربنا يسعدك ويوفقك يا قلبي ويتم عليكي بخير
والله بكيت من مواقفكم خاصه ام العيون الخضر
موقف صعب وتعرفي انا لسه علي جوازي سنه بس بحسب لليوم ده من دلوقتي وكل ما اكون مشغوله مع ماما في حاجه بنعملها سوا اقولها مين هيعملها معاكي بعد كده بس اللي مهون عندي اني انشاء الله هكون قريبه منهم بس برده بيت الاهل حاجه تانيه
ربنا يسعد الجميع يارب

 

[انثى خلوقه]

قبل الزواج كانت امي تدخل الغرفه وتصييييييييح وتطلع وكنه ماصار شئ, وليلة الزواج مانمت الا بحبوب منومه, اما يوم ازواج الله مثبتني ولله الحمد وامي فديتها ترقص وتصيح هي وام الجيران ,وابوي الله يطول بعمره ماقدر يدخل يصور معي,الله ذيك الايام حلوه ونفس الوقت تضيق الصدر مادري ليييييه

 

[تاج الزهور]

ما أعرف ليش دشيت هالموضوع باقي على زواجي شهر وكنت مب مستوعبة ولا صحت بس من قريت هالموضوع صيحتوني وااااااااااايد وأنا بروحي حساسة ودموعي جاهزة
الله يستر ويتتم هاليوم على خير متأكدة 100% إني بخرب هاليوم بالصياح ​

دعواتكم ربي يتمم على خير ​

 

[خيـــآلـ ..!]

حرآآآم ... لســآآ مملكة ..


وكل مآجــآآبوآ آلطــآآري تخنقني العبره .. واذا صرت لحــآآلي آصييح

آلله يثبت حــآآلي وقتهـآآ

 

[gggg]

ههههههههههههههههه
و الله من الخبه و الدوشه
ماأذكر اني ودعت احد من أهلي و لا امي و ابي
تصدقين جلست اضحك
توي انتبه هههههه
وبعد الزواج .....
خذ ياصياح مع اني بنفس الديره وازورهم
الا اني كل ما كلمت اصيح
جلست فتره طوييييله
حتى اول زواجي بديت اتخيل أصوات أهلي
كللللللهم
الله يعينك ان كنتي حساسه او متعلقه بهم كثير
​

 

[الماس 20010]

اقرا رد كل وحده ماادري الا دموعي سالت قلت كيف افارقهم
وملكتي بعد شهر

 

[ايطالية]

انا كنت وايد متأثرة بهالموضوع ..
لأني سويت حفلتين زوآج ورآ بعض ..
و الليلة اللي سبقتهم كانت ليلة الحنآ ..
يعني ليلة جنتي كانت آخر ليلة أنام بالبيت ..
و الليلة الثانية سويت جلستي و زوآج تقليدي قديم و انا لابسه ثوب نشل و هو لابس ثوب و جذيه ..
و من هذي الليلة رحت معاه .. و الليلة الثالثة كنت لابسه فستان و هو لابس بدلة و حفلة و جذيه ..
المهم اني ما ودعت أهلي الا ليلة اللي لبست الفستان لأنها كانت اللحظة الحقيقية للزواج ..
و تميت ماسكة بابا من حلقه و اصررررخ و ابجي و المكياج كله راااح و الله و ثوب ابوي صارت سودا من الكحل خخخخخ و عقب تميت ماسكة امي و مو راضية اترك امي و ابوي و زوجي ماسكني على خفيف يبي يسحبني و تميت بأحضان اخواتي و اخواني و حتى اخوي يقول ليش وش فيج تبجين و مستغرب
خخخخخخخخخ للحين اذا أذكر تدمع عيوني و احس بغصه مادري ليش
لكن بالفعل هي اصعب لحظة تمر على البنت بصراحه لأن مو هينه ابد عقب هالعمر تترك المكان اللي تربت فيه و تروح مع واحد الله العالم وشلون بيعاملها ..
تسلمين بنت ديرتي على الموضوع العجيب

 

[مزوح وتروح]

:tears::tears::tears::tears::tears::tears::tears:

 

[نقااء الثلج]

يالله حرام عليكم تبكوني ف اخر الليل انا اللي خنقني ذاك اليوم امي واختي بس اختي اكثر شي كانت واقفه عند الباب وتبكي وانا كنت اشوفها من السياره وربي كنت راح امووووووت من الصياح المهم ما لكم ف الطويله جيتهم 3 يوم ومسويه روحي ولا ع بالي ههههه ربي يوفق الجميع

 

[أحاسيس ناعمه]

http://www.niswh.com/vb/showthread.php?t=330078



ألله يوفقنا

 

[فنن]

ذكرتوني بالذي مضى
لي عودة بإذن الله

 

[حيرني آمرگ]

يااااربي ذكرتوني بجروحي النديه هههههههه
ليه 6 شهور متزوجه ؛)
ليلة زواجي تحنيت ماسوينا حفلة حنه
وكنت مجهزه نفسي خلاص ومابقي شي
تحنيت الساعه 11 بالليل وجلست 4 ساعات
وانا اطالع بأهلي هم يتحنون وماسكه البكيه
المهم وقتها عرفت ان اخوي الكبير مو جاي الزواج وكانت الشعره التي قسمت ظهر البعير >> حسيت اني كشخه وانا اكتبها هههههه
وجلست ابكي وابكي لييييين نمت وطبعاً ماحد شافني ولا كان صارت مناحه المهم قمت الصباح الساعه 9 تقريباً اشيك ع اغراضي
ورجعت جلست لين قامو وفطرنا ورحت المشغل واخوي طول الطريق مشغل الزفه وانا احس اني ببكي >> عذبني الله يهديه
وفي المشغل ماكأني عروس اضحك ومستانسه
وبعدين جا وقت التصوير دخلو اخوالي واهلي ابوي واخواني
والله يوم شفتهم يوصو زوجي عيوني صارت حمر من حبست الدموع
واخر واحد طلع بابا اول ماطلع بكيت
ولما انزفيت مرررره كنت مبسوطه الين جات صحبتي وتؤام روحي حضنتني كمان بكيت ؟!
ويوم زفوني لفوق عشان اروح وصلت عند زوجي وبكيت هههههه كنت بكااااايه في هذاك اليوم
بس الحمدلله ليله وعدت وانبسطت فيها وعقبال الصبايا

 

[(ميشو)]

يالله بكيتيني وشوقتوني لاهلي من زمااااااااااان ماشفتهم عاد انا يوم الزواج رحت انا وخواتي المشغل وبس رجعت البيت كلهم يصايحون ومبسوطين شفت ابوي قدامي ضميته بس مابكيت مسكت نفسي بس اللحظه الحازمه يوم تجمعو اعمامي وعماتي وزفوني للسياره ومن بيت اهلي للقاعه وهم بالسيارات وصياح واخوي اللي يسوق السياره مشغل الزفه ويرقص وانا ماسكه نفسي لييين جيت خارجه مع ابو الشباب الا امي وخواتي يحضنون ويبكوون وانا مااسكه نفسي لين وصلت السياره وجا معي ابوي شال الفستان وقفل باب السياره قال الله يرضى عليك ويوفقك هنا خلالالالالالالالاص بكىى لين وصلت الفندق وجو اخواني وصلوني وصورونا وهم رايحين ماسكه فيهم اقول اجلسوا شوي وابو الشباب يضحك عليه حسيته شرير هههههه مشكوره ع الموضوع