آخر الاحداث في موضوعي وامور ماتخطر ع البال

[انا ام الفرسان]

السلام عليكم ورحمة الله وبركاته بالله عليكم تعالوا واسمعوا آخر الاحداث طبعاً تصالحنا انا وزوجي وصرنا نسولف بالجوال واذا احتجت شيء اخليه يجيبه لي واطلع واحد من عيالي له وقلت تقريبا للكل ماعدا اخواني الشباب الي صار طلبته اليوم غرض من السوق لأني عندي اختبار وهو فالمحل ويصور ويوريني عشان اختار شافته وحده واتوقع زوجة اخوه وراحت كلمت زوجها ودق وسأله وينك قال بالبيت قاله انت وش موديك لهذا المحل طبعاً المحل ملابس نسائية فقط انكر زوجي رغم كثر كذب زوجي الا اني صدقته لا نه واضح ندم ع تصارفاته المهم رحت اختبر ورجعت حصلت امي تكلم اخوي وعطتني الجوال واخوي يهاوش ليه اكلم زوجي انكرت وقلت ماصار الكلام وقالي ان اخو زوجي كلمه وهزئه وتكلم عليه وقال لو تبي ترجع ماتجيب عيالها وماتطلع وشروط وكلام كثير واخوي كان معصب مني قال لعد تكلمينه قلت انا ابي ارجع عناد في اخوه قالي اخوي مو على كيفك المهم حصل شوية كلام وقفلنا الخط ورحت كلمت اخوي الثاني وقلت له الصراحه واني واثقه ان زوجي هالمره صادق رغم اني ماسمعت منه لسى سمعني اخوي وتفهم وسكرت وبعدها كلمت زوجي اسأله والا هو مايدري بالطبخه قلت اخوك دق وصار كذا وكذا طبعاً اخوه قال ان اختكم تكلم من وراكم وانها تستغل اخوي وإنا مانبي العيال وكلام كثير اخوي الثاني ماسكت له وقال انت وش عليك هي وزوجها متفقين وان كلمته هو زوجها وبنهاية الكلام قاله لعد تكلمني ولانبي نجلس معكم اختي واخوك واخوي الثاني يجلسون ويتفقون طبعاً العيال حلف زوجي انه ماجاب سيرتهم ولاجاب سيرة ع طلعاتي وان كل الكلام من اخوه رغم اني مااصدقه ويمكن كل ردة فعل اخوه تكون بسبب كلام زوجي عني اول وبعد كل هذا رجع كلم اخوي الي خاصمني اخوه وقاله والله حرام عليكم الظلم في حق اخوكم وانكم فرقتو بينه وبين زوجته الاولى والان خربتو بيته وكل هذا لانكم طمعانين فيه وتبون تستغلونه لانه ضعيف شخصيه قال لاخلاص بكره اخوي يطلق واعطونا من المهر 10000وخلاص قال اخوي تم وفعلا انا من القهر من زوجي وضعف شخصيته ارسلت له الواتس حسبي الله على من ظلمني وبعدها سكرت الجوال ودق ع امي وسأل عني وقال قولي لها لاحد يأثر عليها وانا ابيها وطلعت وكلمته لان امي كانت تفكرني نايمه وقال انا كلمت اخوي وقلت مالك دخل واطلع من حياتي وقاله اخوه طيب بس احس اخوه نجس وماراح يسكت ويعديها وانا محتاره واشوف اني ثقيله انا وعيالي وامي انسانه شديده وربي يابنات بنفجر من كل الجهات من جهه مااقدر اصرف ع نفسي وعيالي وافتح بيت لنا يغنينا عن خلق الله ومن جهه زوج بدون شخصيه واهله متسلطين ومن جهه شدة امي واخواني وانا اختباراتي السبت ولالي نفس بشيء منهاره والله وسمعت امي تشتكي لبنت اختي ان عيالي مضايقينها وربي يابنات اني اشتغل وماامدح عيالي لكن اقسم بالله مايخربون نفسيتي بالحضيض ودي القى حل ونفسي اترك كل شيء واروح للشئوون الاجتماعيه اضم عيالي ونرتاح تعبت والله العظيم

 

[متفائلهه]

ياعمري مدام زوجك يبي يرجعك وشاريك ارجعي له
وامك وش تسوين اتحمليها
تبقى امك مهما صار
وادعي ربي يكفيكم شر اهله
والله الله بدراستك لاتتركينها ولاتخلين شي يؤثر عليها
شدي حيلك ترى ماينفعك بعد الله الا شهادتك