آآه من خطيبي تكفون ساعدوني

...............انا نفس الحااااااااااااااااااااااااااله................
..........................بس وربي قررت اطنشه..........واكثر من الاستغفااااااااااار............
 
ياحليلك بس كيف لو مثل سي السيد مايدق الا مره في الاسبوع او الاسبوعين
لا والحين تطور سار مايدق ولا يرسل له يمكن نص شهر ماسمعت صوته والمسجات
اخر مره قبل 10 ايام مع اني اكلمه مكالمه غير ممله وهو يقوله لي وتعجبه سواليفي<<مدري يجامل
بس من جد سار مايدق مو مني انا لا احس السبب منه احس عنده شي او سبب يمنعه لاني انا طبيعيه ميه %
والله بهذلونا عجزنا نفهم شخصياتهم وصاحبتي زي ماقالت الاخت ااذا كلمها مكالمه طويله وحلوه يسحب
اليوم الثاني ويكلم ببرود
 
ياحبوباتي لا تقهرون انفسكم ولا شي سوو زيي مقابله النت واحس اني مره مستانسه
حتى مااتذكرت انو ماكلمني من فتره طويله الى يمكن امس قلت لا يكون تعبان بسأل عنه بس بمسج<<حست على دمها
اذا رد كان بها واذا مارد من عافنا عفناه ولو كان غالي لان من جد التغلي درب تشتيت الاحباب

بنات الي خطيبها يطنشها اذا اهتمت فيه بشكل واضح وتغلي ترسله هذا المسج بس تكون متاكده انو يتغلى اما اذا مشغول والا عندو ظرف ماانصحكم راح تكون الكره في مرماه


اذا شفتني مغليك اياك والصد تر التغلي درب تشتيت الاحباب
ولا تسمع كلام الي يقول اثقل تشدد ترى اغلب الضيعات من شور الاصحاب
وبليز ابغى وحده تفهمني وش شخصيته بدون روابط وبدون البوصله يعني تسالني واقولها
الي تحس نفسها فاهمه تقولي ووش رايكم نسوي قروب نتفق فيه<<توالدت الافكار في راسها
 
دنيا الأماني قال:
من عيوني ياروتانا يالغلا

على فكرة كنت نايمة وصحيت ولقيتله مكالمة وحدة بس ولا رسل شي


واذا دق بكرة ماراح ارد الا بعد اكثر من مكالمة

وراح اوافيكم بالاخبار اول بأول
أنقر للتوسيع...

لا لا انتبيهي لا تزوديها بعدين ينحط اللوم عليكي ..

انتي خليكي طبيعيه .. يعني لو دق اليوم ردي عادي .. وكلميع عادي .. هلا حبيبي كيفك وكيف الشغل ومن دا الكلام بس لا تقوليله وحشتني ابدااااااا ..

يعني خليه يحتار ... هو في باله ان انتي مارديتي زعلانه .. وحيكون متوقع انك تردي عليه بجفاف ..
بس لا خليه يستغرب انه حتى انتي عندك مشاغل .. والوضع عندك جداااا عادي ..


والله يوفقك ياااارب ويحنن قلبه عليكي ويحسسه بتانيب ضمييييييييييير يااااارب ..
 
سبحان الله كأنكم تتكلمون عن خطيبي
بس أنا خطيبي أخس منكم للحين ماحدد الزواج
أوقات يقول لي جهزي حالك بس ماتحرك ولاحدد
طفشت منه أبي حل الله يوفقكم
 
عادي حبيبتي ..

مايعني انه مايحبك .. كل مافي الموضوع انك لازم تبينين له انه هالشي عادي

وحياتك ماوقفت على اتصالاته

وانا لي 4 شهور متملكه ومريت بهالوضع كم مره بس تخطيته بإذن الله

والحين على فكره .. تراني امر فيه .. بس فيه زعل وهذا اللي مخليه يطنشني

دقيت عليه امس ومارد وماعاد دقيت عليه .. خليه الين ينطحن الحب اللي براسه ويرجع يدق
 
انا اشوف عادي لا تزعلين ولا شئ :22:

كل الرجال كذا بس نصيحة لا تطولين التطنيش يعني دق اليوم وما رديتي اذا دق الثانيه ردي
ماله داعي يدق كذا مره وما تردين كانك مسويه ثقيله :21:

انا قبل زواجي مره سمعت ذالنصيحة وخسرت لان الرجال مو طبعهم واحد عني فلانه يدق عليها 15 مره باليوم مو لازم رجلك زيها

فطنشي بس لا تزودين فيها عشان ما تخسرين ولك مني :32:
 
تعالوا اقولكم وش اللي صار معاي

آآآآآآآآآآآآآآآآآآآآآآه


دق الصباح وكان جوالي مقفل وفتحتة الظهر وشفتة انة دق وعادي ما اهتميت

وبعدين دق في الليل الساعة 9 وانا كنت نايمة وصحيت بعد اتصاله بنص ساعة قلت اصلي واجي اكلمة

ورحت تعشيت وصليت وجيت ولقيت رساله منة مكتوب فيها

)خلاص تغليتي تسيتي حبيبك(

المهم بعد ماشفت الرساله بخمس دقايق رحت دقيت علية

وعطاني مشغول وبعدها دق هو ورد علي وكان معصب

المهم شوفو المكالمة اللي صارت هو كان في العمل

انا الووووووو

هو نعم

انا السلام عليكم

هو وعليكم السلام نعم وش تبين

انا كيف حالك

هو من الاخر وش تبغين

انا اشفيك

هو وتساليني وش فيني يعني لي 3 ايام ادق عليك وحضرتك ماتردي

( للمعلومية يابنات هو ما دق الا اليوم بس وامس مرة وحدة ويقول 3 ايام ) ويحلف

انا لا تحلف انت دقيت امس وكنت مشغولة ودقيت الصباح والجوال مقفل والحين دقيت وكنت نايمة يعني 3 اتصالات مو 3 ايام

هو حلوة لا تحلف (وراح يحلف كمان اكثر ) يعني لك 3 ايام نايمة للأسف ماتوقعتك كذا انتي داقة بس لاني رسلتلك ياخسارة

انا اول لاترفع صوتك وتكلم زي ما انا اكلمك وثاني شي لا تتسرع في الحكم علي

المهم كان كل شوي يقولي لحظة ويكلم اللي جنبة ويضحك معاهم وبعدها يرجع لي معصب ويتكلم

انا خلاص اكلمك في وقت ثاني كمل شغلك الحين وبعدين نتكلم

هو لا مو بعدين انا انصدمت فيك

وبعدين قلي شوي وادق عليك وقفل ورجع دق وردييت وجلس ثواني وبعدها قالي لحظة شوي وادق عليك

ورجع دق وهو معصب علي وكان يكلم اللي جنبة ويقولة يابعد قلبي يابو احمد ويضحك ويمزح معاه وطول وهو يكلمة وانا على الخط ،، صراحة ما اتحملت رحت قفلت الخط

وبعد 5 دقايق اتصل وما رديت علية لاني كنت وقتها ثايرة مرة منه ومن تصرفه وتعاملة مافي اي احترام




وش اسوي معاة وربي اعصابي تلفت مافيني اتحملة اكثر

احسة اناني يعني انا ادق علية اول وهو مايرد
وارسلة ومايرد وبعدين يقولي عالصامت وفي الدولاب بكل بروود

وهو حضرته اذا ما رديت علية يزعل ويسوي منها قضية



آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآه كيف بكرة بتكون حياتنا وهذي بدايتها
 
ليتك ماقفلتي جوالك..
على باله انك زعلانه !

خطيبك شكله جنوبي...صح؟

المهم...
أرسلي له مسج قولي تراني ماتعمدت اتجاهل مكالماتك بس كنت تتصل بوقت انا اكون مشغولة...
وهالمرة اتصلت وانا مشتاقة لك .. بس انصدمت بردك !!!
بجد ماحبيتها منك...!
شكل عندك ضغط بالدوام ... سلام !

الجنوبي كذا زعووووووول وحساس !
 
ايوة هو جنوبي وانا بعد جنوبية

يعني هو بس حساس وانا لا

والجوال ما قفلتة متعمدة البطارية خلصت وانا نايمة

يعني انا مااتعمد مارد علية بس المرة الأولى كنت مشغولة والمرة الثانية كان مقفل والثالثة نايمة

وربي تعبانة
 
لاتتعبين ولا حاجة ..
أنا جنوبية ومتملكة على جنوبي صارلي سنة..
بس الحمد لله عرفت اتعامل معه !

كنت مثلك اتعب ولا أنام..
بس ألحيييين عاااادي..
صرت اطننننش ولا انتظر منه اتصال ..
واذا اتصل ارد بدلع واسولف عاااادي..

يوم شافني مااهتم حس اني بعدت عنه !
حتى قالي انتي متغيره علي ؟؟؟

قلت له حبيبي تتوهم هذا انا مثل ما أنا..
.
.
موفقة ..
واي خدمة حاضرين للجنوبيين !
 
انا اللي قهرني يرفع صوتة علي كني بنتة

وكلامة بععصبية مع اني انا هادئة واكتم غيضي وما اتهور واقول كلام ماله داعي


بعكسة هو تماما الله يعين قلبي
 
^^^^^^
يختي كأنك تتكلمين عن خطيبي...

الجنوبي سريع الإنفعال ويعصب بسرعه لكن بسرعه يهدأ..

انتي اذا عصب ردي عليه بهداااااااااوة..
بيستحي على وجهه ويندم بعدين ...< - - عن تجربة !

يختي الدنيا ماتوقفت عليه ... ليه تحرقين اعصابك وتعبين قلبك !
عيشي يومك ولا كأنك متملكة !
كيف كنتي عايشة قبل؟؟
ماعندك صديقات اشغلي وقتك لاتفكرين كثيييييييير الموضوع مايستاهل مره !

واذا دق ردي بدلع وغنج وسولفي عااااادي...


وراح تشوفين النتيجه !
 
رسلت لة الحين الرسالة اللي قلتيلي عليها

وزودت عليها كلام من عندي

وابشوف النهاية معااة
 
^^^^^^
أوكي قلبي معك !

ننتظر رده ونشوف ...
ان شاء الله يرد برد يفرح قلبك..
واذا اتصل ردي عااااادي مو كأنك زعلانة !

:)
 
بعد مارسلتلة الفجر ،، دقيت عليه الصباح مرتين ،، ورسلتلة الظهر مسائك ورد حبيبي



والحين صرنا العصر وحضرته ماعبرني ،،، وربي خلاص بطنشة الين الحب اللي في راسة ينطحن
 
طنشي وعامليه بالمثل

رح تنقلب الموازين ويصير هو اللي يركض وراك
 
اش هدي التطورات وانا ما ادري:33:..


بس على فكرة تصرفه هدا دليل على انه افتقدك .. يعني لازم تنبسطي >>> طالعي في الكاسه في الجزء المليان ..

والين دحين انتي ماشيه صح ..

وكل اللي عملتيه صح ..

والرساله اللي رسلتيها راااائعه ..

انتي كدا سويتي اللي عليكي ... اتركيه يهدا .. وحيرجعلك ..

وادا اتصل وكلمك اتكلمي عادي ولا كان شي صار ..

واذا حاسه انك زعلانه منه قوليله انا زعلانه منك .. بس مو لانك اتصلت او ما اتصلت ... لانك رفعت صوتك عليا بس مو اكثر ..

وانت لما ما بترد انت بتحط لنفسك 100 عذر ..

وانا كمان مارديت اكيد عندي عذري ..

اتكلمي بهداااااااوة .. وحزنيه عليكي ونزلي دمعتين لانه رفع صوته عليكي <<< ان كيدهن عظيم :31:

الجنوبي عاطفي ويتأثر بالدموع ..


واعذريني مارديت عليكي امس بس والله كنت مشغوله ...
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل