آآه من خطيبي تكفون ساعدوني

[دنيا الأماني]

يابنات انا جنوبية شرقية

وخطيبي جنوبي شرقي كمان

لاحظت علية الفترة الاخيرة مقلل اتصالاتة معي

وانا مسوية نفسي عادي وما اظهر له بس قلتله مره قلقتني عليك

واستمر في تقليل مكالماته ورسايله وقالي ان جواله دايم راميه في الدولاب وعلى الصامت

وربي قهرني ،، يعني اول ما ينام الا والجوال جنبه والحين يقولها لي بكل وقاحة



والحين له 3 ايام مايسأل عني ولا حتى برسالة

بنات انا الحين بنجن وش فية متغير علي وش السبب والله ماني حارمته من الكلام الحلو

وهو دايم يقولي كذا


يابنات ياليت توقفون معي وش تتوقعون ليش هذا التغير المفاجئ؟

وكيف اغير معاملتي معاه ولالا ؟؟

واذا دق علي بعد تطنيشة ارد عليه ولالا ؟؟ واذا رديت وش اقووول على طول اناقشة ولا اسكت اخلية يحس من نفسة؟؟




انا خايفة يكون متعرف من وراي

 

[اقسمت اصونه]

لالالالالالالا ايش متعرف على غيرك مستتتحيل بأذن الله

بس احيانا يمـــــــــــــــــــــــــــــــــــــــــــلون من كثر المكالمات والرسايل حاولي تغيري الروتين يعني اثقلي شوووي

واذا كلمك لاتناقشي ليش مطنش ومن هالكلام لالا بالعكس كلميه بصدر رحب وكلام حلو وحاااولي تغيري المواضيع اللي متعودين تتناقشو فيها

أنا كنت 3 مرااات اكلمه باليوم بداية الملكه بعدها صار مايتصل كثير وكنت ازعل واسوي زحمه واحسه صار يتصل بس علشان ماازعل

بـــــــــــــــس الحين صرت مادقق عادي وصرت اكلمه بس اخر الليل وربي حتى تشتاااقو ومو ضرووري يوميااا

ترا فيه غيرررك مايكلمو بالمره ........ وسالفه انه يعرف وحده غلط لو فيه طاقة عاطفيه بيفرغها فيك

اتــــــــــــــــــــــــــــــــمنى اكون افدتك

دعوآآآآآآآآتك أسمن بعافيه ​

 

[تويتي؟؟]

السلام عليكم ورحمة الله وبركاته
حبيبتي اول شي شيلي الافكار السوده من بالك
ثاني شي انتي مره مارسلتي رسايل في هاذي الفتره
وبعدين يمكن مشغوول حبيبتي حطي في بالك الف عذر
وطنشيه وهو اللي بيتصل عليك
ولما يتصل ادلعي وقولي شكلك مااشتقت لي
وصدقيني التطنيش يفيييد​

 

[دنيا الأماني]

الا والله ارسله

طمني عليك حبيبي

بس الأفندي مطنش



خلااااااااااااااص حتى انا بطنش موبس هو يعرف

 

[دنيا الأماني]

وينكم

 

[روتـــانا]

طنشششششششششششششششششششششششششششششششششششي ..

ولو اتصل لا تردي من اول مرة

خليه يدق مرة ولا تردي ... والتانيه ردي ...

ولما تردي لا تسوي انك زعلانه ابداااااااااااااااااااا...

عادي اتكلمي عادي ...

قوليلو هلا حبيبي (( بس لا تقوليله وحشتني ابدددددا )) واضحكي واتكلمي عادي وان عندك طلعه اليوم .. وسوي كمان ان امك تناديكي ومشغوله .. وانك عايشه حياتك بالطول والعرض وفي نفس الوقت منتي زعلانه منه ...

هو كدا حيحس على دمه ..

ولو سالك زعلانه .. قوليلو لا .. وي ليش الزعل الله لا يجييبه ... حيقولك لاني ماكلمتك ويبدأ يعتذر .. قوليلو لا عادي الدنيا مشاغل .. الله يشغلك في طاعته ويوفقك .. ومتى مافضيت تقدر تكلمني ..

بس على فكرة هو مارح يحس على دمه من اول مكالمه .. اتوقعي اسبوعين .. بس انتي خليكي على نفس طريقتك ولا تغيريها ...

بس ترى مارح يحس من اول مكالمه ..

والله انا جلست فترة مع زوجي كدا(( بس الفرق انه انا متزوجه كان يسوي دي الحركات لما يروح مكه عند اهله او انا ابات عند اهلي ما يدق )) لما ازعل واقوله ليش ماتدق وتقلقني عليك ومدري ايش ... كان بعدها يدق .. بس مو من قلب .. كانه واجب وبيسويه ...

بعدين صرت اتعامل معاه بنفس الاسلوب اللي قلتلك عليه صاير هوا يدق ويسالني ليش ما اتصلتي؟؟؟ ... كنت اقوله عشان لا ازعجك .. انت لما تفضى حتكلمني ..






مدري ليش احس افكاري مكركبه وكلامي مو مفهوم ... يمكن لاني نعسانه هههههه

اعذريني حبيبتي بس قلت والله لازم ارد عليكي ... وطمنيني عنك ..

 

[الليدي نوني]

عااااااااااااااادي حبيبتي لاتقلقين نفسك ولا تتعبين نفسيتك انا زوجي جنوبي شرقي وانا جنوبيه غربيه ​

وايام الملكه كان مثل كذا وانواع التطنيش والسحبات على قولتهم .. وانا كنت اوللللللللللللع وانقههههر ​

وما اخلي كلمه الا واحطها فيه :icon28:​

بس اختي قالتلي ان الرجال كللللللهم يمرون بفتره اسمها الانسحاب
يعني مثلا امس كلمتو بعض وكانت مكالمتكم روووووووووووعه وماقدرتي تنامين :29: و بس ترمشين بعيونك :c018: وحاضنه المخده او الدبدوبي :18: او الغزولي او الارنوبي .. وتحسين انك ف عالم ثاني يعني لو تتفجر جنبك قنبله نوويه ماراح تحسين فيها <<< اما عااد :1eye:​

وبس تقولين الحين بيدق الا الحين
...​

..​

..


ويطول انـــــتـــــظـــــاركـ :sadwalk:​

ويمر اليوم ولا يتصل ولا يرسل :tears:​

ويمكن يرسل بس تأدية واجب او يتصل وبعد مايسكر تقولين ياليته ما اتصل كان احسن :crazy:​

لان المكالمه بتكووون بااارده عكس امس .. ولو حاولتي تعرفين وش فيه مادق او ليه مطنشك سواء بطريقه مباشره او غير مباشره بيقولك كنت مشغول او العب بلاي ستيشن او نمت بدري وماكان عندي وقت ارسل .. او اذا دقيتي عليه وهو نايم وكان فـ العاده يرد لان نومه خفيف هالمره ماحيرد:no:​

لان سبحان الله يكون الرجال هنا في فترة انــــســــــحــــــــــــــــــــــــاب :thumbdown:​

يعني بعد مايعطيك ويقولك كلام حب يحب انه ينسحب او يبعد عنك ​

ولو تلاحظين انه يمكن اول الملكه بس بيطنشك يوم واحد بس بعدها يومين بعدها ثلاثه بعدها اسبوع ​

و (هكذا) << احم احم:smoke1:​

وبعدين بيرجع لك بعاطفه ااكثر وحب :icon26: اكبر ​

هذا الكلام من كتاب (((رجال من المريخ ونساء من الزهره)))​

وكل صديقاتي كانو زي كذا واخواتي بعد لانهم الرجال كذا طبيعتهم​

بس نصيحتي لك خليك ريلاكس وطنشيه انتي بعد لانك لو ارسلتيله راح يكون رده عليك بارد مو مثل ف الحالات العاديه ​

وبيرجعلك بأذن الله مثل اول واحسن ​

تصدقين اول لما كانت تصير بيننا مكالمه حلوه :36:اكون خلاص اعرف ان بكره ماراح يدق او ماراح يرسل حتى لو دق احسه مو مثل امس على عكس اللي توقعته لاني توقعت اني باصحى من النوم والاقي 50 رساله لم يرد عليها <<<<من الشووق حتى الجوال قام يلخبط :31:​

آعــتــذر على الاطــالـهـ:a200:​

الله يوفقك ويكتبلك كل خير حبيبتي​

 

[قطرة في بحر]

يمكن يكون مشغول وإلا مل شوية من المكالمات
المهم لا تزعلي وتوريه أنه المكالمات شي مفروض عليه ترى يزيد يمل
خليه يتصل برغبته وهو اللي يجيك مشتاق
ولو أتصل كلميه عادي واتفنني بالمكالمة يعني جيبي مواضيع يحبها عشان لا يمل ولا تطولي كثير

 

[دنيا الأماني]

ههههههه وانا كنت مكبرة الموضوع ومسوية سالفة:31:

واثاري كل آدم يمر بمرحلة انسحاب سبحان الله

والله معلومة جديدة بالنسبة لي وراح اشتغل تطنيش


الف شكر لكم اخواتي وربي يجزاكم الجنة

وجعل ربي يسخر لكم ازواجكم ويارب مايشوفوا غيركم ابد

وكل عزباء يارب يرزقها بولد الحلال

وكل وخطوبة يارب ييسر امورها



وربي اني احبكم فرجتوا عني كربتي

 

[ام عيلها]

عادي جدا لاتقلقين

 

[ام عيلها]

عادي جدا لاتقلقين خلي هو الي يسال مو انتي انشغالي في اي شي لايصير هو اكبر همك انشغالي في ذكر الله وراح تشوفين النتيجه

 

[شُموع من فضة]

مثل ماقالو لج البنات لازم تثقلين شوي​

واذا اتصل لا تردين على طول .. واذا قالج وينج عن التلفون ردي عليه بنفس رده ​

قوليله بالدولاب مادري عنه​

و لاتقولين له وحشتني ومن هالكلام .. خليه يحس بأنه مقصر في حقج ..​

ربي يسخر قلبه لج .. و يسعدكم جميعاً يارب ..​

 

[شُموع من فضة]

الله يجعله مثل ما تتمنين

اهم شي الدعاء .. ادعي بأن الله يحصن نظره عن الحرام و يبعده عن الفتن ..

​

 

[دنيا الأماني]

احنا لنا شهرين مالكين

واول مرة يصدر منة هالتصرف

والحمد لله طمنتوني جزاكم الله خير

 

[روتـــانا]

وجزاكي حبيبتي .. بس لا تنسي تطمنينا لما يكلمك ..

كيف ردة فعلك وفعله ؟؟

 

[دنيا الأماني]

من عيوني ياروتانا يالغلا

على فكرة كنت نايمة وصحيت ولقيتله مكالمة وحدة بس ولا رسل شي


واذا دق بكرة ماراح ارد الا بعد اكثر من مكالمة

وراح اوافيكم بالاخبار اول بأول

 

[النوني]

شوفي الجنوبي اذا كان شاغل بالي شي .. يحب يكوون لحاله ..
لأنه كتووم مايحب يشتكي وبنفس الوقت اذا قعد لحاله يفكر بعمق لحل المشكله ...

وصدقيني من حاله بعد فتره بيرجع لك مثل قبل واحسن ... بس انتي اللي عليك تطنشيييييييييييييين..

واذا استمر الحال .... ارسلي له مسج وقولي فيها ..

حبيبي اذا بخاطرك تقول شي انا موجوده ..
بس لا تقوولين وشفييك ومن هالحكي اللي يرفع الضغط ويوتر ..

والله يحنن قلبه .. ادعيلي

 

[مرآمksa]

اللهٍ يجزآكمٍ خيرٍ جميعـآ.~~

 

[ااه ياقلبي]

السلام عليكم

لاتزعلي عمري تراء الرجاجيل كلهم كذا
اني خطيبي ولد خالتي
كنا عيشين قصة حب قبل الخطوبه
وكل يوم اثنينا نتصل حلو
ونقول كلام واااااااي حلو وش تبيني حبايب ماينشره علينا
بعدين صار لي قصه ذكرته ليكم وزاد تعلقه فيني لدرجه جاب خالتي تخطبي له وصارت الملكه
وصار مكالمتنا خفيفه مره اني اتصل مره هو صار عادي بس احاتيه ليش ماتصل ونجلس ساعه نتهاوش
ساعات اقول ليش نتهاوش وحنا حبايب وساعات اقول خلاص ماابيك خلينا نفك الخطوبه
بعدين اني وهو نبكي نقول ليش كذا صار ليناماكنا كذا كنا حبايب
بس الحمدلله وقت حالي
وانتي حبيبتي مثل ماقالو البنات خليه على راحته وقت ما فرغ يتصل يعني بيحس لك

واسمحي لي على الكلام
موفقه

 

[زگرت]

وانا بعد مادري اشفيه خطيبي متغير علي! ولما اقول له انت مب مثل اول تصير سالفه طويله عريضه
الله يسعدنا جميعا