آآه جت الاجازه ومشاكلها

[روائع]

السلام عليكم ورحمة الله وبركاته هانحن على مشارف الاجازه اسال الله ان تكون مباركه على الجميع وان يوتينا من خيرها ويكفينا شرها اخواتي لااجد احد افضفض له مابخاطري بعد الله سواكم زوجي عادة يسافر لحاله وبعدين يسافر فينا وهالمرره لا بنسافر مع بعض ومع والدته الله يخليها له ويخليه لها والمشكله اني اشيل هم كبييير للسفر خاصه مع بعد المسافه وبعد وجود شخص من خارج الاسره والدة زوجي مو معنا بالبيت ومو متعوده عليها مره ولو نطلع رحله كم ساعه اكون رسميه وما اخذ راحتي واملل لاني مااحب التكلف في حياتي ومااتحملل اجامل مده طويله وغير هذا زوجي ماشاالله عليه بار بامه مره ويداريها هي والله طيبه بس بصراحه اكون مكتووومه واذاسافرنا مع بعض ماادري كيف احس زوجي مايهتم فيني لانه يحس ان فيه احد مالي عليه وقته ومو بحاجتي عاد هو خلقه جاف وما يراعي المشاعر خبركم الشماليين متعبين تخيلوا لما كنا عند البحر وداخل يسبح مع اطفاله بمجرد ماشافني دخلت طلع بسررعه ولو ضايقني بتصررف مااقدر اتكلم ولا اطللع اللي بخاطري عاد لازم اذا سافرنا نتخانق وهو بنفسه يقول انا اذا فضيت وعطلت ادوور المشاكل لاني اعاني من الفراغ ومتعوود ع مشاكل الدوام طبعا عيب ارد عليه وفيه الماما وضغط نفسي مايعلم به الا الله ووقته كللله مع الماما يستحي منها ولا يدخل الغرفه الا اذا داخ وبغى النوم والسواليف الخاصه عالطاير مرات احس اني مكبرره السالفه واقول الدنيا ماتسوى مشيها ياروائع وعيشي ببساطه ولا تعقدين الاموور بس من نبدا السفر تبدا المتاعب والمشاكل واكتم واذارجعنا قلت هذي اخر مرره عساي اتحمل اسلوبك واحنا لحالنا عاد وانت اخذ الماما يعني الاقيها منين والا منين والله اني اغبط اللي ببيوتهم لايسافرون ولاشي وش كسبنا من السفر الا وجع الراس والبهذله وهم الخطوط السريعه الله يحمينا واياكم والمسلمين والا بهذلة البحث عن سكن آآه والله تعبت شاركوني ارؤكم واقتراحاتكم وتجاربكم وتقبلوني برحابة صدر ودمتم

 

[احساس صعب]

سافري وانبسطي وفرصة تقربي من أمه وبيني له حبك لها واهتمامك بها لربما يغير ذلك من تصرفاته ناحيتك وراعي الله أولاً وأخيراً واذا شفتيه بيتمشكل معاك الزمي الصمت واشغلي نفسك باولادك أو بأي شيء آخر وبعدين حبيبتي أمه ليست من خارج الأسرة فهي أمه ولها حق عليك فكيف لو كانت معك في نفس البيت وحتى ولو هي ليست ساكنة معك فهي واحد من أفراد أسرتك ولو كان لديها من الأولاد عشرة لكن تصرفي معها بلباقة واحسان والله يصلح أحوالك مع زوجك ويهديكم لبعض .​

 

[روائع]

كلامك ع عيني وراسي بس ياليت ترشدوني لحلول وشي من تجاربكم

 

[فديته بقوه]

يابعد قلبي انتي

حاسه فيك

السكن محلوله دوري في النت عن المكان اللي بتسافرين فيه شقق واحجزوا

اما من ناحية امه هونيه وتهون

حاولي من اللحين تقرين عن مواضيع تهتم هي فيها وسولفي عنها اذا سافرتوا وبيني اهتمامك فيها اولا لله وثانيا علشان زوجك يحس فهالشي

مدي له الشي قبل زوجك وعيالك..اساليه تبي شي

ولو حاول يستفزك اضحك ومشي الامرهو بيستحي وبيخلي العاده هذي عنه

وناقشيه اذا دخلتوا تنامون


وسعي صدرك يابنت الحلال ولاتشيلين هم ربي بيفرجه من عنده اهم شي لاتكدرين على نفسك وعيالك وزوجك وربي بيكون بعونك


اتمنى اني افدتك بس هذا اللي عندي


دعوااااااااتك لي بهون الطلق وحسن الخلق

دمتي بود....

 

[احساس صعب]

أقول لك خليك مرحة فرفوشة وإذا قال لك أبغى مشاكل امزحي معاه واقلبيها لمزح ومرح شكله مايحب المرة الساكتة ولا الكلام الزايد
وبعد اذا زودها التزمي الصمت والله يعينك
وأنتي تقولين بار بأمه فخذي هذه النقطة في صالحك وصدقيني راح يتغير أسلوبه معاك ​

 

[صاحبة مبادئ]

الله يسعدك يارب وتخيلها امك وانتي مرت ولدها اللي هو اخوك اش تبين بتنبسطين لا نه بار بامك
الله يسعدكم يارب وليت المشاكل زي مشكلتك كانت الحياه حلووووووووه

 

[رشة غلا]

هههههههههههههههههههههههههههههههههههههه


يا حليلك اقول احمدي ربك انك تروحين وتسافرين والله انا اعرف ناس يتمنون السفر تمني


شكلك من النوع النكدي في السفر ترا الرجال ما يحبون يسافرون مع هالنوعية


عادي خلي شعارك (((( السفر ما فيه هواش وطقاق )))))

دائما ردديها ع اللي حولك وراح تنفهم بسهوله اي موقف يصير قوليها والله تنبسطون

اما كان انك تتطفشين عشان ما لقيتوا سكن عادي ترا كل الناس مثلكم يتعبون ع بال ما يلقون سكن

خليك ريلاااااااااااااكس

انتي رايحة تغيرين جووووو وتنبسطون مو تتنكدوووون

وام زوجك عاااااادي خليك عااااادي احترميها وقدريها وحاولي انك تستغلينها وتوسعين صدرك معاها وتعلقين ع ولدها اذا حاول يعصب عشان تغيرين الموضوع

​

وبس

 

[استغفرالله@]

بالعكس وجود امه نقطه مهمه لك مادام هو بار فيها انتي عامليها احسن معامله ووسعي صدورهم بالسياره وقوهيهم وانبسطي لاتفكرين بالسلبيات علشان ماتتضايقين نفسك وتفألوا بالخير تجدوه وابدي السفره بذكر الله والاستعانه به وعليه وربي يسعدك ويسخر زوجك لك

 

[ام اسارين]

معليش احس انك مكبره السالفه
شوفي حبيبتي اناام زوجي دايم تحس كلامه هو الصح
وتبيني امشي عليه
كنت اول ماتزوجت مثلك اتنرفزويضيق صدري
بعدين فكرت وقلت لازم اتغير واصير طبيعيه جدا
واعاملها مثل امي
وسافرنا وصرت اسولف عليه واستشيره ببعض الشيئ
ووالله ان زوجي مااشوفه الاوقت النوم
وقلت عادي لارضيت امه رضي
وصارت من احسن سفراتي
والحين ام زوجي وابوه يجون
ويجلسون بالايام عندي والحمدلله مرتاحه
لاني خليتهم بمكان اهلي
كثرت حكي بس قلت ان شاءالله تستفيدي


ياحبيلك

 

[سوسو وأفتخر]

السلام عليكم
حبيبتي حلو من زوجك انه يفكر فيك انتي وعيالك ويسفرك هذا دليل على اهتمامه فيك الحياة يا قلبي يبيلها صبر وزجك ما شاء الله بار في والدته هذا يعني انه فيه خير لك ولعيالك وكل رجال فيه الزين والشين وما فيه رجال كامل الا الله وحده و من ناحية امه حاولي انك تتقربين منها وتعاملينها في مقام امك لوجه الله وراح تكبرين بنظر زوجك وراح يهتم فيك اكثر لتعاملك مع والدته وحاولي تكونين طبيعيه وما تطفشين ولا تعصبين من ردود افعال زوجك تجنبيه ولهي نفسك مع اولادك وامه صدقيني تلقائيا راح يحاول انه يرضيك ويكون قريب منك الله يصخره لك ويصخرك له ويديم عليكم المحبه انشاء الله​

 

[دموعي شي معتاده]

الله يسخركم لبعض

 

[فرفوره9]

البنااات ماقصروا
ربي يجعلها احلى اجااازه وبكل اجااازه تطلبي امه تكووون معك ربي يالف بين قلوبكم يااارب

 

[روائع]

الله يوفقكم خواتي والله ريحتوني كثيييير الله يكتبه في ميزان حسناتكم ويوفقكم وين مايممتوا بارك الله فيك اختي سوسو بنبهك لخطا انك استثنيتي لفظ الجلاله من الرجال تعالى الله علوا كبيرا والمستثنى يكون من جنس المستثنى منه ههه لان الامر يتعلق بالعقيده وبالعظيم سبحانه لزم التنويه وفقك الله

 

[Aℓ Ɠоµяί]

.. والله سسافري وابسسطتي واستانسي وطنشي كل شي بالعكس امهآ خليهآ عادي عشان تاخذين راحتك بجد ملل انو يكون الواحد رسمي على ظول بس بما انها حبوبه عادي تحمليهآ

 

[غاليه ياناعمه]

ابعدي عن التكلف وخليك بسيطه ولا تشيلين هم امه عشان ترتاحين وهي ترتاح روقي واعتبريها امك او وحدة من اهلك وابعدي عن النكد والمبالغه وكثري الاستغفار ترتاحين والله يسمح امرك يارب

 

[لولو 20002]

والله المشكله فيك انتي بس هدي خليك ريلااااكس ولا بتنكدين على زوجك وبيكره السفر معك مره ثانيه
استغفري وادعي بادعيه الهم طوال الطريق لتهدي من انفعالك ومثلي الفرح صدقيني شوي شوي بتتعودين عليها