معلومات فتوو رايقة
- إنضم
- 29 مارس 2010
- المشاركات
- 66
- مستوى التفاعل
- 0
- النقاط
- 0
آآآآياالقهر آآآآه
بنات هلا فيكم اليوم بكتب لكم من حر مافيني آآه يابنات بس من مرارة الظلم بقولكم قصتي مع ام وأخت زوجي الله حسيبهم انا واختي متزوجين اخوان وزوجي عنده اخوات ومشكلتنا مع اخته اللي عمرها 20 سنة سببت لنا مشاكل لالها اول ولا آخر انا عندي اخوي اكبر مني واخت زوجي هذه مدري وش اللي جاها على اخوي اكتشفنا انها تدق على اخوي من جوال امها طبعا اخوي قالنا فيه وحدة تدق علي وتقول انها تعرفكم تمام المعرفة استغربنا علمنا الرقم طلع جوال ام زوجي انصدمنا مرررررررره لانها مو معقولة وحدة تكلم اخو زوجة اخوها يعني ماخافت من اخوانها اذا دروا دق اخوي على الرقم قدامنا عشان نتاكد صوت مين من خوات زوجي وعرفناها انها ابو 20 سنة كتمنا على الموضوع وقلنا لاخوي لعاد ترد عليها بس هو الله يهديه من كثر الازعاجات اللي تجي منها خضع لها اخوي وقالها انا عرفتك مين لعاد تدقين بعلم اخوانك وعلى كذا عشان تعرفون تغطرس هذه البنت ماهمها اللي قاله لها اخوي وكثر ازعاجها ورسايلها وبني أدم ضعيف اخوي الله يهديه عطاها وجه وسولف معها مرتين او ثلاث وسبحان الله بعد ماارسلت لاخوي الرسالة نست ماتمسحها واخوها اللي هو زوج اختي شاف الرسالة هو ساكن فوقهم طبعا الجوال كان معاها وعرف رقم اخوي وقالها وش الرسالة هذه عرفت ان امرها انكشف قامت تصارخ عشان امها تفزع لها وقالوا لنا اخوكم يتحرش في اختنا وعلمت زوجي السالفة من اول وهي اللي بدت واخوي ماعطاها وجه عاد اخوي علمهم رسايلها اللي ترسلها وانه مو معطيها وجه وهي اللي تلاحقه صدقوا اخوانها بس المشكلة في امه طبعا البنت استغلت كره امها لنا بالحركات هذه وقالت اخواني يظلموني يصدقون حريمهم و امها وقفت معها وقالت اني انا اللي اعطيت بنتها رقم اخوي عشان يكلمها وتكلمه ويشهد الله في هذه الليلة الفضيله اني مالي دخل وكنت عارفة بالموضوع وساكتة والحين امه ماتبغانا ندخل بيتها ولا نحضر اي مناسبة تخصهم وتتكلم علينا عند النا س حتى زوجة ولدهم اذا قلنالها بنجيك تصرف من الكلام الغلط اللي تقوله ام زوجي عننا والحين يابنات بنتهم ملكت بتتزوج وانا واختي مرره حالتنا زفت من اللي صار تسوي سواتها وتكذب وتظلم احنا اللي ناكلها يتجمعون واناواختي لا يحضرون مناسباتهم وانا واختي لا وش ذنبنا وهي تضحك ومستانسة بخطيبها وعزايم لها ماكانها سوت شي وانا واختي المنبوذين حتى عيالنا مايكلفون انفسهم ويسالون عنهم وش ذنبنا يفترون علينا ظلم وقهر وعدوان نتجرع مراره الظلم الله عليك ياام زوجي انتي وبنتك الله عليكم ياللي قلوبكم حجر قلوبكم ما ترحم اني داعية فامنوا اللهم انصرنا عليهم نصرا مؤجلا عاجلا غير اجل اللهم يامن يجيب دعوة المظلوم انصرنا عليهم عاجلا غير أجل والحين وشرايكم يابنات والله مراره الظلم صعبة افيدوني
اسم الموضوع : آآآآياالقهر آآآآه
|
المصدر : الأستشارات الزوجية العامة
