آآآآآآآآآآآآه من علة القلب الجنوبي

غ

غمووض البدر

New member
إنضم
2010/03/07
المشاركات
411
بدخل بالموضوع ع طووووول

زوجي مقدم اجازة برمضان ويبينا نقضيها عند اهله واهلي بالديرة .
المشكلة
اني رافضة لأني ابي اصوووم ببيتي ..وعند اهله طفش وإزعاااااج كل عمانه وعيالهم ووو.... لاااااااا وعيالهم حاله خاصة الله لا يبلانا يتجمعون ليليلا لييييين العيد ومن الساعة 1 الظهر إلى اذان المغرب وقفه وحده في المطبخ مايأذن المغرب إلا وانا كارهه حياتي وعند اهلي نفس الحال بس اخف شوي ..وفوق كذا مايناسبني الجو تخرب بشرتي ع الآخر ..يعني يجي العيد وانا ياسلام سلم ....
يخلص رمضان وانا مستفدت شي ..
لا تقولون استاجروا لوحدكم ومدري وشو مااااينفع ...ننام في غرفة قريب من المطبخ حتى إذا بغيت اسفهم وما اساعدهم يرسلون احد يصحيني يعني طيب غصب لازم اقووم ..

عجزت اقنعه أننا نصوم في بيتنا يقول لا ويجيب اعذار تغث لا ويزعل ومدري وشو ارجع بالأخير اراضيه كني مدري اش قايله له تخيلوا البارح يقول انا فرحان ومبسوط بالإجازة وكسرتي مجاديفي "صدمة "
اصلا اول مايجيب طاري الإجازة تقفل اخلاقي ...للعلم انا شمالية ..


كيييييييف اقنعه ذا العلة اني أصوم ببيتي ساعدوووووووووووووني الله لا يحرمني منكم بطق من القهر ...:35:

 
والله من ناحية التعب الله يعينك بس يااختى شكله مخطط وخالص يعنى مافي امل ان قدرتى عليه ولا مالك الا الصبر وانشاء شهر ومنقضي بس انتى حتى لورحتى لا تجهدين نفسك زياده طنشي وسوي اللي تقدرين عليه وامرك لله ولا تتضايقين يجيك شي مايسوي عليك هونيها وتهون انشاء الله والله يسخر لك يارب
 
الله يعينك حاولي لي اخر لحظه ويارب يجيب نتيجه وتقعدين في بيتك
 
حاولي فيه واذا ما فاد روحي معه بس لاتذبيحين عمرك بالمطبخ عشانهم
 
ياااا قلبي حلها بسيط جدا قولي تعبانه او مريضه واعملي حالج تتيج دوخه ومب قادره تشتغلي ببيتج على الاقل جدامه واذا اصر خبريه انه يوديج لعند اهلج لانج تعبانه حيل وتبين ترتاحي وان شاء الله تتيب نتيجه وياه
​
 
احسسسن حل نص رمضان عند أهله والباقي بيتك يرضي الطرفين
 
قوليله رمضان عباده نبي نتقرب من الله في بيتنا الهادي مو في الديره مغير الازعاج
 
ليش دائما تشوفون الشي من زاوية وحده بس ...والله يا حلاة جمعة الاهل وصديقيني رمضان شهر الخير وربي مايحلا الا بجمعة الاهل اكسبي زوجك وتحملي ولا تكريهه فيك ويحس انك كارهه اهله وماتبيهم بالعكس خلي الاموور وناسه ومنها تغيرين روتين وزوجك يتسلى ويلهى مع اخوانه واهله .....انا لو مكانك والله اروح بالعكس فرصه نجتمع ونضحك ونسولف حتى ونحنا نشتغل نحنا لو بغينا نحلي حياتنا بيدنا ولو بغينا نتعسها هم بيدنا....
بالعكس بيني لزوجك انك مستانسه بالروحه والله انك راح تكبري بعينه...ولا راح يرد لك طلب​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل