آآآآآآآآآآآآآآآآآآآآه اليوم انصعقت بالخبر!! بليز ساعدوني!

شوفي انا مجربة هذا الوضع في البداية كنت لوحدي ومبسوطة معاه في الخرجات والارتياح في البيت وكل شي
وكنت احب اهلو
بس اخذ بيت دور شقة لامو والتاني ليا وصار الفرق كتييييير بين اول وبين دحين
خرجات وطلعات ومطاعم مافي وباب بيتي مفتوح داش وطالع
بس ايش اسوي خلاص اتأقلمت مع الوضع خلاص امو ولازم يرعاها بس بحدود كمان انا زوجتو وعلي حقوق ليا
بس هدا للي يفهم
ياللا مع الوقت بتتعودي
 
في البدايه ماقدرة اكمل قرائة كل الردود لان ماعندي وقت بس حاولي تفكري برواقه وقوالي له راح تجيبيلها خدامه علشان تريحها وعلشان لو تعبة تقوم على سهرها وبكذا تكوني حليتي شيء من الموضوع بس اختاري الخدامه شينه علشان مايتعبكي الشك لو يروح لـ امه كل اشويه ولو جو خواته خليه يجلس وياهم هذا من مصلحتك ممكن ينصحوه ويوقفو في صفك لو يوم تزاعلتو وبعدين هذولا خواته واهله ماراح تقوالي لاء واتمنى التوفيق لك وللجميع بس ادعوالي ربي مايفارق بيني وبين زوجي واهلي وعيالي
 
الله يفرج همك
والله قاعده احاول احط نفسي في مكانك مو عارف وش بيكون موقفي وقتها انا اهله يجوني كل فتره وبموت من الضيقه مع انهم حبابين مره وماازعجوني بس احس انه خصوصيتي كلش راحت تصوروا انهم عادي يدخلون غرفه النوم عليه وانا نايمه
نرجع لموضوعنا الله يصبرك يارب وانت حاولي تفهمينه انه محتاجه بيت خاص عشان خصوصيتكم مع ان الرجال مايفهمون هالكلام
ومع كذه اقولك هذي امه يعني اذا اصر لاتسوين مشاكل ارضي بالامر الواقع بس لو طلب منك خدمتها اخدميها باللي تقدرين ولو طلبوا المزيد وقتها اعترضي واوقفي في وجيهم وخليهم يجيبون لها خدامه تخدمها
 
توكلي علا اللع ياقلبي واستخيري وعليك بالدعاء ان الله يكتب لك الصالح دعواتك بصلاح حالي
 
شوفي حبيتي هو يمكن مجرد كلام مايقدر يسويها
واذا على السكن مع اهل الزوج دماااااااااار من جميع النواحي
اول شي تدخلات ومافيه خصوصية وثانيا والله لو كانوا طيبين البعد احسن خذيها من مجربة
غير انه عشان اهله جنبه مايحس بانتمائه لك بالحيل غير اللي ساكن بعيد يعني بالمختصر
مستند عليهم وماتفرق عنده روحتك وجيتك
وكمان كل شي في حياتك مكشوف قد ايش تخرجين وقد ايش تلبسين وش تتطبخون
ومن هالسوالف وايش غيرتوا والله البعد ارحم ....


البعد عنهم راحه نفسيه الله يجيبه....
​
 
حبيبتي توكلي على ربك ولا تزعلي زوجك الامر بيدك خلي الدور الي فوق مستقل لك وانتي اصنعي خصوصيتك بذكائك واسلوبك الحلو واكسبي اهله ترا الدنيا ماتستاهل الهم والغم سهلي امرك وتوكلي على ربك ترا محد يضمن عمره ماتدرين من هنا لين يخلص بيتكم من يكون حي ومن يموت ترا مردنا للقبر وهذي امه مثل امك صفي نيتك والله يالغاليه اذا زوجك ساف فيك الطيبه والحب لاهله مايسمع فيك مهما صار حتى لو بدو معك بالمساكل اذا نيتك صافيه وتعاملين ربك ماراح احد يقدر يضرك اساليني ربي مايضيع احد
 
شوفي يا ابله رشا من خلال خبرتي بالحياة ومن خلال طبع زوجك واهتمامه باهله وبحكم علاقتك الطيبه معهم نصيحه............لا تسكنين معهم
ا
 
الله يفرجها عليييك

والله اكيد اهم يحبسون الحريه مهما كان بس فيه نقطه بتكون من صفك

اللي هي انك تقولي اهو دايما عند اهله بهالحاله بيكون قدام عيونك لانك انتي وياه عند اهله

بس تذكري شي وخليه دايما ع بالك مثل ماسوييت يسوى فيك

حاول ادارين خاطره امه علشانه وعلشان اعيالك بكرا يدارون خاطرك

الله يبرد قليبك ويهون عليك ويسخركم لبعضكم وهذا اللي اقدر اقوله يالغاليه

تقبلي مروري
 
انا ساكنة مع اهل زوجي واللة جابولي الهم بس استخير
وخليها تجي من اهلك بذوق احسن خوفا من المشاكل واللة انا حتي نقلة من عندها ماقدر علشان تبغي تروح معانا لو نقلت ادعولي مرة تعبانة منها وانا كمان في مدينة بعيد عن اهلي
 
شوفي ياقلبي انا حاسة فيك ..

بس بقولك شي ...انتي احتسبي الاجر من ربك ..قبل راضا زجك وانشاء الله ربي بي سهل عليك ..

اوانتي لو صار هذا الشي قولي لزوجك انو لازم يكون فية شغالة في بيت امك عشان تخدمها وتساعدها ..

وانتي كل ما بين فترة وفترة طلي عليها ..

وانتي بنفسك تقدرين تحددين العلاقة باهل زوجك يعني لاتخلينها رسمية مرة ,,

ولا مرة معاهم عشان ماتروح هيبتك ..

وانتي اشرطي عليه هذا الشرط ..واللى اولة شرط اخرة نور ..

واللى مافية خير في امة صدقيني مافية خير لك ..

يعني انتي تزوجتية خلاص ملكتية لا لامة حق زي مالك حق ..

ولاتنسين بكرا يجون عيال ..وانشاء يبرون فيك ..تخيلي انتي نفسك مكان ام زوجك ..وزوجت ولدك تقول هذا الكلام ..

وكما تدين تدان ..وانشاء الله بكرا عيالك وحريمهم يسون فيك احسن من كذا ..

لا تكبرين السالفة تكبر ..وصغريها تصغر ..

الله يسهل عليك يارب ..

اتمنى كلامي يون خيف على قلبك بس انتي بغييتي النصح وانا اقولك اللى بقولة لاختي لوكانت مكانك..
 
حبيبتي قوليله بعباره صريحه انا ماراح اخذ راحتي مع اهلك ومعظم اللي قعدوا مع اهل ازواجهم صارت بينم مشاكل كثيره وهذا كله على حساب راحة الزوج
 
شوفي اختي قبل لا تكلمينه صلي ركعتين استخاره .. وبعدين اقعدي كلميه .. وقوليله ان امه امج وامج امه بس باجر راح بييلكم عيال وهي حرمه كبيره ما راح تقدرين تتحكمين في العيال والبيت الكبير لازم له خدامه وانا ما اقدر اشتغل بالبيت اربع وعشرين ساعه وبعدين تطلب مني اربي عيالي واجابلهم واذاكرلهم واقوم بواجباتي الزوجيه معاك .. تبي تبني بيت ابني بيت اصغير على قدنا او خلنا هني احسن .. وكل يومين ونطل على امك ونعزمها اما تكون ويانا بصراحه ومن غير زعل ما اقدر وراح تزيد المشاكل .. ان كان كلامج بصراحه خير لج راح تشوفين تقبل منه ان شاء الله ..
 
الله يجزاكم الف خير وربي انكم فرحتوني بردودكم وتفاعلكم معي..

بس فيه نقطه مهمه..

ياحريم يا آنسات ياعلم افهمونوووووووووووووني

أنا ما قلت اباخذه من امه لا امه على عيني وراسي..

وخدمتي لها من حشمتي له..

وانا مو متظايقه لأنها بتسكن معي لا والله حياها الله على كل وقت بس انتم ما تعرفون تبعات الشي هذا..

اولا هو له 6 اخوان ثانين يعني موب وحيدها

ثانيا هي جالسه بروحها بناتها كلهم متزوجات يعني ماراح احصل استقلال ـ موب معقول ابجلس انا وزوجي وامه الحالها تحت ـ

ثالثا البيت باسمه واسم امه يعني العمات اجتماعهم عندنا وحتى اذا توفتـ بسم الله عليها بعد عمر طويل انشا الله ـ راح يكون هذا مكانهم افهمو احنا بنبني يعني بنظل هنا طول العمر!!

رابعا ماراح أقدر اسافر من دونها والا فيه ولد يطلع يسافر بزوجته ويترك امه بالحلها بالبيت؟؟ انا ما ارظاها ولا اهظمها انه يعاملها كذا

وخامسا وسادسا وسابعا ....الخ يعني الموظوع موب بسيط


واللي تتكلم عن فظل الأم تراني عاااااااااااارفه ومو محتاجه هالكلام القاسي اصلا لو كنت فاهمتني ما قلت كذا لأني ما رفظت شخص امه لا انا رفظت البلاوي اللي بتصير من ورى هالسالفه..

عموما الف شكر للجميع وعسى ربي يكتب لكم الأجر على مساعدتكم لي الله يوفقكم دنيا وآخره..
 
أنا ماقريت كل الردود بس حكمتي في الحياة لكل شي ايجابيات وسلبيات واللي أشوفه انك ماشاءالله عليك عاقلة ومتدينة بس للأسف متشائمة شوي؛؛
يعني فكرت في السلبيات فقط ؛؛
أولا احمدي ربك ان زوجك طيب و امه طيبة ؛؛واتعوذي من الشيطان؛؛
ثانيا:الزمي دعاء ..اللهم اني أسألك من الخير كله عاجله واجله وأعوذ بك من الشر كله عاجله واجله ،،
ثالثا:انت شايلة هم موضوع لن يتم قبل سنتين أو ثلاثة يعني يالله عمر وعافية،،
وبعدين يمكن لما تسكنوا مع بعض زوجك يجيب لك شغالة عشان تخدم امه وتخدمك ،،يعني جاور السعيد تسعد؛؛وبلذات لو جبتي عيال ،،
الله يكتب لنا ولك الخير ،،
 
الله يكون بعونك اختي
بس لفتني فيكي عقلانيتك وطيبة قلبك ما شاءالله
انا والله يمكن اكتر وحدة حاسة فيكي بالذات انو زوجي نفس زوجك بصفة الالتصاق بأهله
اااااااااااااااخ ما يجرب النار الا الي واطيها.....والله اني بعيد الفطر الي مر كنت ابكي من قلة ما اشوف زوجي ....يطلع للبيت للنوم فقط..........كللللللللللللللللللل وقته عند اهله الي ساكنين تحتنا

نصيحتي لك....وكلي امرك لرب العالمين
وعيشي يومك.....ما تكدري خاطرك لاجل شغلة يمكن تصير بعد سنين
الله يسعدك
 
ياحبيبتي صلي صلاه استخاره هذا اولا .. تانيا حاولي لو غصب عليكي بالموافقه حاولي تكوني ذكيه في تصرفاتك عشان ما تتمادى معاكي وتحطي حدود بينكم وشروط عشان كل شئ يكون واضح وماتصير مشاكل .. والله المعين
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل