توباز
New member
- إنضم
- 2007/04/15
- المشاركات
- 151
السلام عليكم ورحمة الله وبركاته
أخواتي العزيزات
انا بمشكلة واتمنى تشورون علي
احس مخي تعب حتى مافيني حيل امشي
الله يسلمكم زوجي جنوبي شرقي حسب مااشوفه
يحبني ويموت فيني من يوم ونحن صغار لاني قريبته
وتزوجنا وجبنا عيال والله منعم علينا
ماقصرت معاه بشي والله يشهد
من اولد يقولي احملي
ما اكمل السنة الا وانا حامل
و نفاسي اقضي بس اسبوع عند اهلي
و امدح زوجي دايما
ولا اطلع اسرار بيتنا
ومسجات غرامية وكلام حلو ارسله
اقوللكم عشان تعرفون ليش انا بنجن
وهو حريص على الصلاة ودايما اذا فاته فرض يقعد يلوم عمره ويتحسف
و ماعلى لسانه غير آية " يوم لا ينفع مال ولا بنون الا من اتى الله بقلب سليم " يرددها وااايد
المهم هو دايما يشرب ريد بول ويصير يتصرف كانه دايخ وسكران
انا قلتله عشان خاطري لا تشرب ريد بول لانه يقولون فيه نسبة من الكحول
وانته تعرف انه حرام ومن هالكلام
الين يوم كان في عرس رياييل
و قام يرقص ويسوي تصرفات كانه سكران
وراح اخوه خبر امه " لانه اخوه هذا كان سكير والله تاب عليه وترك هالشي "
و امه قالتله لايكووون تشرب طبعا هو انكر
قامت قالتله خلاص لا تعيدها واذا عدتها انه بعق عمري فالبحر
امه روحها اللي فيها كافيها .. زوجها تزوج عليها من فترة وهي حالتها النفسية في الحضيض
و هو يقدر ابووه وايد ويحترمه ومايبا صورته تهتز قدامه
وترك الريد بول
المهم وصلنا للزبدة
امس بالليل تأخر وهو دايم يطلع ويقولي يوم ينامو العيال برجع
أمس اتصل يشوفني نمت ولا لا
انا استغربت لانه حتى ماسال عن العيال
وهو يعرف اني ماانام قبل لا يرجع البيت
و سبحان الله امس كنت تعبانة وهو طول
فزعلت وقلت بروح انام عشان يتادب ومايتاخر
لكن في شي قالي خليج بعد شوي
دخل البيت و في فمه لبان بريحة النعناع ريحته قوووية
قلت غريبة
المهم دخل وانسدح وياب دفتر وقلم عشان يحسب حساباته لانه بيشتري سيارة جديدة
شوي ويقولي تعالي شلي العلك من ظهري
انا استغرب قلتله كيف وصل لظهرك
قلت يمن غفل لكن بعد كيف طاح من فمه ووصل ظهره
ووقف عشان انظف ظهره وهو ماشي
اقوله وقف وين رايح
قال احس بلوعة
ودخل الحمام و كان شي اصوات مثل الترجيع
و بعد شوي اسمع صوت مااااي
اتسبح
واستغربت
المشكلة قاعد يتهرب مايثبت مكان وكل ماقربت منه يتحاشاني
بعد ماطلع اشوفه يلس معاي يكلمني
و الله لسانه ثقيل وتخيلو التفال قاعد يصب من حلجه لا اراديا مايقدر يتحكم فيه
ااااه انا جنيت
وقلتله شارب قوم احلف على القران
طبعا رفض وسحب عمره على السرير ورقد
وانا تميت مقهووورة
وسبحان الله انا من النوع اللي ما افتش وراه لكن كل شي ايي الين عندي لا اراديا
وقعدت افكر شو اسوي فيه
طبعا عو التهديد بالفضحية جدام ابوه ولا امه مايخوفه
مع انه حريص لكنه عنيد ومايخاف
عيل وين الحب ياحسرة
و فكرت في خطة اسويها
قمت شليت بطاقة البنك من بوكه وحطيتها في الخزنة
والخزنة لها مفتاحين مع مفتاح السيارة
و خبيت كل واحد في مكان
طبعا الصبح بيقوم عشان يخلص اجراءات السيارة ومايقدر مايروح لانه ماخذ اجازة من الدوام هاليوم
و قام الصبح يدور مفتاحه .. يفكر انه من تاثير الشرب ناسي وين حاطنه
قمت عطيته الزبدة وقلتله لا تعب عمرك المفاتيح عندي
و يوم بحصل الاعتراف و الحلف بتاخذهم
طبعا عصصصصب وقام يهدد ويتوعد وانا ولا على البال
و قام يفتش وجلب الدنيا ولا حصل شي
كل كم دقيقة يسوي هالشي
حسيته انجن هههه
و قام يعطيني الاعترافات بالقطاارة
قالي هيه شربت
اقوله شو يقولي بلدويزر شي جيه اول مرة اسمع عنه
و اقوله كمل منو كان معاك يقولي محد انا مب ياهل عشان اشل حد معاي
لانه هو دوم اصدقاءه ياثرون عليه ويسوي مثلهم ويعرف رايي بهالشي
اقوله احلف على كلامك انه صحيح مب راضي
ويوقم يدور ويتعب
قلتله اعترف قال خلاص انا من زماااان اشرب حتى قبل لا اتزوجج
طبعا انجرحت وبينتله هالشي بنظراتي
و قمت طلعتله المفاتيح وهو لو تشوفون ويهه خخخخ علامات استفهام وتعجب فوق راسه
وحدة تحت الكوميدينو والثانية بره الشباك والثالثة في كيسة على الرف كانه شي عادي هههه
و طلع بس اااااه حسيت قلبي يعورني
ليش الناس مالها امان
الله منعم عليك ليش تسوي جيه
و يوم يدور يقول استغفر الله ولا اله الا الله
اقوله الحين عرفت ربك وامس كنت ناسيه
ماعرف شو اسوي مااريد امرر الموضوع بالسهولة عشان مايتعود ويقول هذي عادي عندها
ولا اقدر اخبر عليه حد ماارضى عليه الفضحية ويعايرون عيالي فيه بعدين
تخيلو راح خلص اموره ورجع
قالي جبيلي فطور و يبتله يتحسب بعاند
و قعد يستسمح مني ولا تزعلين
ويضحك اونه انتي تعرفين اني اشرب ومن زمااان
يبا يخلي الامور عادية واطوفها له
قلتله لا تحلم في هالشي لانه مستحيل يصير
فكرت اخلي نفسي رسمية معاه وقايمة بواجباته
و بيروح الدوام بيقعد اسبوع
ارد على مكالماته ولا اخلي عياله يكلمونه بس
احس اني مب قادرة افكر صح
ساعدوني
اباه يعرف اني مستحيل ارضى بهالشي ولا اباه يكرره
بس كييييف :8:
