يوووووه يابنات انا واعوذ بالله من كلمة انا الزوجه الثانيه واحس بظلم مايعلم به الا الله تدرون ليش لانه مقصر بحقوقي كثييييييييييييير من تزوجت ماحسيت انه فرحان انه تزوجني على طول حطني عند امه اسبوعين وانا عروس تاركني وماخذ زوجته الاولى ومسافر بها والله لو ماقلت تعال اخذني كان مخليني شهر حتى بالفراش مقصر معي ومع زوجته الاولى تمام ويقول ليش ماتحترمين زوجتي ولاتعزمينها ولاتقدرينها شفتوا طيب انا ماني زوجته مايدافع عني ولا جيت اسافر يخليني شهرين عند اهلي وهي يروح معها مايخليها وبالاخير اكتشفت انه تزوجني تاديب لزوجته الاولى والحين ماعاد لي داعي يقول بطلقك شفتوا قدايش الرجال يظلمون الحريم بسالفة التعدد لكن حسبي الله ونعم الوكيل لكن لو كل وحده خطبها واحد متزوج احس احسن حل لها ان ترفض لانها بتعذب نفسها وبتعذب غيرها وبكذا نقطع الطريق على كل واحد مزواج
انتم تقولون ليش الزوجة الاولى تترك وتخسر زوجها اذا تزوج وانا اقول اكيد لانه الاولى ضحت وصبرت على زوجها ووقفت معاه ويمكن ساعدته ماديا وبالاخير يجازيها بزوجة ثانية انادايما لما زوجي يفتح هذا الموضوع من باب المزاح او الاختبار اقوله عادي تزوج بس معها ورقة طلاقي راح تخسرني وماتتمتع فيني مع ثانية وبرضو لاني احب نفسي ولا ابي لها العذاب النفسي والقهر
الله يهديهم هل رجال لو يعدلو ومايحسسوا الوحدة باالثانية كان الحال اعتدل وتقبلنا الوضع بس الشكوى لله انا زوجي تزوج ولاعدل ولامايحزنون كنت انا الشغالة غسيل حقة يجيبة من عندها عشان اغسله واكوية كنت غبية الين جارتي وقفت معاي وعرفت قدر نفسي ووقفتة عند حده زي مالها لي انا للشغل والاكل وهي للراحة كان يبات عندها اول اليل والباقي عندي قلتله لازم تعدل يوم بيوم الرجال مل وتطلقوا والبركة يااخواتي باالدعاء والاستغفار
الله يعطيكم ألف عافية على الموضوع والردود أخواتي بحكم كوني زوجة أولى وبحكم إني (بدون مبالغة) مابقيت حول هذا الموضوع مقال في النت إلا وقريته عندي كثير من الأمور أحب أنبه كل الزوجات عليها منها : * صعب نقول راضين بشرع الله وفي نفس الوقت نقول: مانطيقه ، لابد من الرضا والتسليم فالراضي يتوقف عن مسألة الاعتراض . * لا تحمل الزوجة الأولى نفسها أكبر من طاقتها بالبحث عن سبب زواجه ، أو لوم ذاتها بل جلد ذاتها وتذكرها لبعض جوانب التقصير ، لأن الكمال لله ولا يوجد زوجة كاملة بل يوجد زوجات مقصرات جدا جدا ولم يفكر أزواجهن مجرد تفكير بالزواج بأخرى. * أيضا لا تتعلق الأولى بمسألة أن الأولى الأصل ومصيره يرجع لها ، لأنه قد يحدث العكس ، أو قد تعيش على أمل عودته ، ولا بد أن تتذكر أن المسلمة بأي حال لا يحق لها أن تتمنى طلاق أختها * على الثانية أن لا تعتقد أنها بجم كونها الأخيرة أنها مرغوب فيها ، وأن الأولى مرغوب عنها . * الأولى قد نتقبل قدرا كبيرا من غيرتها خاصة إذا كانت سنين العشرة كبيرة وعلاقتها بزوجه جيدة ونطلب منها الصبر ، لكن الثانية وضعها مختلف أنا لا أقول غيرتها مرفوضة أبدا فهي امرأة وكل امرأة ستغار بلا شك ولكن هي تزوجته وهي تعلم بوجود الأولى ( ومن أعجب ما قرأت زوجة ثانية تستشير فتقول أغير على زوجي حاليا وأموت من القهر كلما تذكرت كيف قضى مع الأولى كل تلك السنين واستمتع بها بدوني) !!!تخلف!! * الزوج يتحمل الكثير من المسؤوليات وليس أنت أيتها الزوجة ذكريه بحقوقك لكن لو شعرت بالظلم فلا تكثري اللوم واعلمي أن الله ناصرك وسيثيبك . يعمل الزوج المعدد الكثير من السلوكيات الخاطئة وإن كان ظاهرها أنه عادل والشرع يؤيده أقول ذلك لأني بحثت هذه المسائل ( وياليت اللي عندها رأي حول ما سأذكره الآن تفيدني والله يجزيها الفردوس الأعلى ) ومن هذه السلوكيات 1- يسافر بالزوجة الخفيفة الجديدة سفرات عمل وقد تتضمن النزهة والفقهاء يقولون القرعة في حال التساوي أما لو كانت إحدى الزوجات مرتبطة بأولاد والأخرى لا فلا تساوي . 2- يؤجل مسألة الانجاب مع الثانية ويريد أن يعيش مراهقته أطول وقت ، بينما الأولى في سالف الزمان يرفض أخذها لأي مانع حمل !!! 3- الأولى بحكم ارتباطها من سنوات هي المسؤولة عن تمثيل العائلة أمامهم فعليها دعوتهم وتلبية دعواتهم والأخرى لا يقع عليها تكليف حتى ولو كانت في منطقة بعيدة عن الأولى فلا يجب عليه إلزام إحداهن بما لا يلزم به الأخرى. 4- يتنزه مع حدى الزوجتين أكثر بحجة أنها هي من تعزمه والطلعات على حسابها فلا يلزمه عدل!!!! اخواتي هذا ما يسعني الآن وسأوافيكن بالمزيد إذا شاء الله
بعد التكلم عن الأسباب و كيف الزوجة تتصرف لو زوجها رغب بزواج من اخرى نبي كمان نتكلم لو حصل الزواج كيف نخاف الله بأزواجنا و الزوجة الثانية و كيف نحث الزوج عن العدل مع زوجتة الاخرى و الاخرى ايضا تحث زوجها على ان يعدل بينها و بين زوجتة الاولى
و كيف تهيئا الزوجة الأولى نفسها لتقبل الزوجة الثانية و كيفية التعامل معها ... بذكاء و بحسن نية
اعرف وحده تزوج عليها زوجها واول ماعرفت راحت وسلمت عليه وباركت له هذي ردة فعلها لما شافته لاول مره بعد ماعرفت عن زواجه....بعدين بدت المشاكل
بس مين اللي بتتحمل ان زوجها عنده حرمه جديده وحب جديد وعلى قولتهم بيرجع لشبابه ومراهقته على حساب هالضعيفه وهي مالها مشاعر..الله المستعان
يتزوج عشان يجدد شبابه!!! ترى موضروريه لكن يتزوج عشان زوجته مريضه ماتجيب عيال او انها مقصره معه نقول اوكيه ... هو حلال وانا ماراح احلل ولا احرم استغفر الله بس عذر اقبح من ذنب اي والله بتزوج عليك يازوجتي عشانك خلاص تجاعيد وجهك طلعت وابغى اشوف من تجدد لي حياتي
على العموم انا عاطفييييييييه مررره وهذي مشكلتي انفعل بهالمواضيع:30:
بعدين مين قال ان الزوجه تنتهي حياتها لما يتزوج عليها :34:
لا المفروض تستانس وتوسع صدرها وتطلع وتروح وتجي وتتمسك بوظيفتها ان كان عندها وظيفه وتتمسك بدراستها اذا كانت تدرس
مره كنت اقرأ في بعض المشاركات ولفت نظري وحده كانت كاتبه: اكثر مايقهر في موضوع الزواج من الثانيه ان الاولى تكون في بداية حياتها العيشه الماديه صعبه وتقصر على روحها وتحرم نفسها من اشياء كثير عشان ماتتعب زوجها ولما ربي رزق هالزوج النعمه والفلوس اول شي سواه راح تزوج
عشان يجازيها على صبرها اقول بس وسعوا صدركم ولا تخلون عليكم قاااصررر :10:والله يصبر الجميع
أنا قرأت بعض الردود مو كلها بس متل ماقالو يلي ايدو بالمي مومتل يلي ايدو بالنار الصراحة أنا مابعرف كتير بهيك أمور لأن لسة زوجي ماتزوج غيري بس عندي قناعة انه يلي كاتبه الله بدو يصير وانو المرأة المسلمة بتعرف انه اللح مابحلل شي الا لحكمة يمكن الانسان يعرفها أو يجهلهاأنا كتير بحب أمنا هاجر زوجة ابراهيم عيه السلام لأنه لما وضعها ابراهيم في واد غير ذي زرع ولا في اي انسان سألت الله أمرك بذلك قال نعم فعلمت ان الله لن يضيعها وأنه قد اختارها لأمر هو أعلم به وبعد أن كبر ابنها وتعبت فيه وقاست معه كل أنواع العذاب وصبرت جاء زوجها ليقول ببساطة أنه أمر بذبحه من منا تتقبل هذا الأمر؟ خضعت ورضيت وحتى أنها ربت ابنها على أخلاق النبوة فلماجاء أبوه بعدأن تركه سنين طويلة وقال له اني أمرت بذبحك وافق ودون تفكير
وطبعا نحن كنساء مؤمنات لانعارض أي أمر لله فكيف نعارض التعدد واذا كان الزوج ظالما لزوجته وصبرت فلها أجران أجر الرضا بقضاء الله وتنفيذ أوامره وأجر الصبر الذي وعد الله به (وبشر الصابرين )أنا أؤمن أن الغيرة هي من امتحانات الله للمرأة حيث أن النساء أكثر أهل النار على حسب قول الرسول صلى الله عليه وسلم فان الله جعل لها أمور تأجر بها لتدخل الجنة مثل الصبر على الزوج والأطفال الله لم يأمر المرأة بصلاة الجماعة ولا الجهاد ولا صلاة الجنازة ولا الكثير من العبادات فانها خاصة بالرجال مع انها قيها مشقة وتعب أم المرأة فانها اذا صلت فرضها وصامت شهرها وحصنت فرجها وأطاعت زوجها قيل لها ادخل الجنة من أي أبوابها شئت (بما معنى الحديث )فكان لابد أن يبتلينا الله كما يبتلي الرجال وان الله يبتلي العبد على قدر تحمله وان الله اذا أحب عبدا ابتلاه
والد زوجي رحمه الله كان متزوج من 3 نساء وعمه و3 من اخوانه متزوجون اثنتين وأنا اهيئ نفسي لهذا الأمر بما انو وراثة وما رح قول يارب مايصير هيك بس بقول الله يختار لي يلي فيه خير
راح تستغربون يا بنات اليوم قريت قصة في احدى المنتديات عن الزواج الثاني والله إني كنت أبكي بشدة وأنا اقرأها ،،،،،،،،،،،،،،،،، تألمت كثيرا وراح انزلها لكم بعدين عشان تستفيدوا منها بإذن الله
لما أفكر في موضوع الزواج الثاني أقف لحظة صمت ولا أستطيع إلا ان أبحث عن مبررات أولا مقنعة للزوج والتي تدعوه إلى الزواج وخصوصا أنني في محيطي المجتمعي أصبح الزواج منتشر معانا وبنسبة كبيرة جدا وراح أذكر لكم القصص بالتدريج والي صارت واعرفها
الزوج يتزوج بدافع إنه يرغب يجدد حياته ممكن الزوج يتزوج بدافع الحب يعني دخل قصة حب ويريد يتممها بالزواج الشرعي الزوج يتزوج لأنه انضغط من الي يكلمها ومن أهلها فيروح يتزوجها عن المشاكل وطبعا يعيش حياة صعبة لأنه اتزوج غصب عليه
طيب من وجهة نظري انا ليش ممكن الزوج يتزوج - زوجته ما تجيب أولاد - قدرته الجنسية عالية ورغبته وزوجته مب موفية كل حقه - يتزوج من منظور الشرع وإنه حلل له 4 مب وحدة وهنا مشكلة طبعا - يتزوج رغبة ولهفة على الجمال وخصوصا إذا كانت زوجته مب جميلة - يتزوج ساعات رغبة بالمال إذا كانت زوجته ثرية يعني طمع خخخخخ - يتزوج ساعات إذا كانت صاحب مكانة وسلطة عالية يعني عشان يستغلها خخخخ
خواااااااااااااااااااااااااااااااااااااااااااااااتي الرجل يتسع قلبه ليس فقط ل 4 نساء لااااااااااااااااااااااااااااااا يتسع ل 20
قادر على اعطاء العاطفة وبشكل كبير جدا لكنه غير قادر على العدل للأسف الشديد فعند تفكيره بالزواج يبدأ بإعلان الخبر سوف اعدل بينكما إلا أن موجة البحر تأخذه ولا يستطيع العدل
والمرأة حساسة قلبها لا يتسع سوى لشخص وااااااااااااااااااااااااحد وهو زوجها
ماذا تفعل المرأة ؟ هذا ما سأتحدث عنه لاحقا انتظروني
كنت اشوف زوجي شآآرد ذهنه يسرح كثير ..اذا كلمته يتأخر حتى يرد علي
والا يقول : هااااااه !!
خمنت ان ورى زوجي سالفه ماهي بسيطه يعاملني عادي جدا
مره من المررات كان كالعاده مستلقي وشارد ذهنه ...
ناداني قال : ميـــعاد
طالعت فيه قلت : ميعاد ؟ من ميعاد !!!
قال : هاااااه لالا ولاشي
وحااول يغير السالفه وانا الدم اللي بعروقي نشف هذا اللي كنت خايفه منه زوجي بحياته انسانه غيري !
طيب وانا وش خانتي بحياته ليه تزوجني ؟!
كانت اسأله كثيرة تدور براسي
خليته لين جاء بالليل جات عيني بعينه وعلى طول دموعي نزلت سألته :ليش تخوونني ؟
قال : سالفــه طويله وانتي الحين صرتي زوجتي ومالك بالماضي وقفلي ع الموضوع
قلت : طيب ماضيك مالي فيه لاكن لاتخوونني ترى اكثر شي يوجع المره ويجرحها من زوجها الخيانه !
مارد
كتبت له مسج :إلى نصفي الثاني
كان وقع طعنتك عليّ مؤلم جداً
وعمق جُرحك بـ صدري موجعاً جداً !
و رغم ذلك مددت يدي لك ليس إحتياجاً أو ضعفاً ،
بل لأني أدرك ماذا تعني كلمة [ العفو عند المقدرة ]
طنشت السالفه وتناسيتها بمزاجي والا انا مانسيتها
بعدها بفتره كان طالع بالصاله مو جايه نوم حسيت فيه استنيته طلع وبعدها بربع ساعه تسحبت وطلعت واسمعه يكلم كان يقول:
والله ياميعاد شيبت وانا بعز شبابي لو تشوفين شعري شيب من الهم
ميعاد انا احبك وابيك وابي اتزوجك ..انتي عارفه ان زوجتي تزوجتها عشان انسى بنت خالي
ويوم حبيتك نسيت بنت خالي ونسيت زوجتي ابيك انتي !!
كنت مصدووومه اسمع وكأني في عالم ثاني طيب ليه يازوجي تسوي فيني كذا انا استاهل منك كذا!!!
رحت لميت كل عفشي ورحت له قلت منت مجبور تحبني ولامجبور تعيشني معاك وانت ماتحبني
بس الظلم انك تعذبني وكأن ماعندي احاسيس ولامشاعر وربي لوكنت اعرف ان بحياتك انسانه ماكان خذتك
ترى الزم ماعلى الوحده كرامتها وانا بحفظ اللي بقى لي من كرامه معك وارووح .
و غفرتُ لكَ أن تكُون كَاذِب ، جاحد أو حتّى بخِيل فِي مشاعرك تجاهِي ..
كُنتُ لكَ وحدكَ ! رغم ذلك قبلتُ أن تشاركنِي بكَ نِصف الدنيا ،
إلا [ الخيَانة ] !
منذُ أن وصلنِي نبأهَا و أنَا ألعَن قلبِي حينَ يحاول مسامحتكَ بها ،
و أعجَز عَن تقبّل صدمَة ضِيق عَين روحكَ ..
ربّمَا لأن عَين عمري كَانت قَد إمتلَأتْ بِكَ وكنتُ أظنّ أنّكَ مثلِي !
لَا أن أكُون فِي إحدَى يديكَ بينمَا تبحث اليد الأخرَى عَن غيري ..
سامحتُكَ علَى كُل شَيئ ،
إلاّ أمر إستغفَال قلبِي ! ليسَ بيدِي أن أسامحكَ عليه ،
أو أَن لَا أشعُر بعده أنّك غرِيب عنّي ..
/
جاء اخوي واخذني وكنت حامل بالشهر الرابع تقريبا ..
صارت احداث كثيره بختصرها اني رجعت عشان اللي فبطني
ومره من المرات كنا قاعدين نتناقش فالاسم :
قال اتمنى يجينا بنت
قلت ليه
قال انا ابغى اسميها ميعاد
(واكيد كلكم تعرفون الحين من صارت هــ الميعاد بحياة زوجي )
قلت : مستحيييييييييل
والله ماتسميها لو تموت ماتسميها ميعاد
قال والله مو بكيفك غير اسميها ميعاد
قلت طيب
وصرت افرش سجااادتي وادعي انه مايجيني بنت قلت يارب ارزقني ولد
وووويوم ولدت جاني ولـــــد
فرحت من كل قلبي لانه مارح يقدر يسمي ميعاد
جاني قال بنسمي ريــان
قلت اوكي حلو وسمينااه
عادي انشغلت انا مع ولدي وصرت اشوفه كل الدنيا
واشغلني حتى عن اني انبش ورى زوجي بس مره ذبحن الفضول يوم رجع خليته الين دخل الحمام الله يكرمكم
وشفت جهازه وقلت بفتحه فتحته كنت عارفه رمز الحمايه من كثر ماتخاصمنا عطاني الرمز حق القفل يوم افتح
الرسااايل مالقيت شي
فتحت التقويم والقى رسايل من ميعاد بغيت انجلط
تخيلوووووووووووووو
هي سمت ولدي
لقيت رساله منها
مكتوب عااادي تسمي ريان ؟
وحصلت رساله من زوجي كلها حاطها بالتقويم
كاتب لها :
كنت اتمنى يجيني بنت اسميها على اسمك عشان اسمي يرتبط مع اسمك الين اموت
بس جاني ولد وسميــــه انتي ..
كان حاط الخلفيه صورة يد وحده لابسه عبايه عرفت انها يدها
لانه فتح الباب وانا ماسكه الجوال
سويت نفسي ماخفت ولاشي قلت له : وبعد حاط يدها خلفيه ؟؟ هذا اللي ناقص
قال : حطي الجوال
قلت :لا بمسحهااا
قااال : والله لو مسحتيييها لاامسح روحك
آآآآآآآآآآآه ناظرته وقلت للدرجه هذي:شَدّ حِيَلكْ فَيّ " جِرّوحيُ ~
. . . خَلْ هَذآ الجَرحُ | يَكبرّ ..
إجَتهدّ ؛. . . عَذّبَ ليّ رَوحيّ . . !
طِيحّ
. . . مَنّ هَـ العَينْ اكَثرّ ’/
حتى اهلي يوم كنت ازعل واروح عمرهم ماعلمتهم بس عشان صورة زوجي
ماتهتز قدامهم جلست اطالع فولدي واضمه وابكي ..يالله حتى ولدي هي اللي سمته
وانا اللي كنت على نياتي قلت اكيد عاجبه الاسم
...
رجع زوجي بالليل كنت بالغرفه ناداني بالصاله عشان ولدي كان نايم
رحت له
قال : خلينا نفتح صفحه جديده
قلت انت طويت كل صفحات عمري انت ربطت ميعاد معي للقبر
انت انسان حقيير قلبك ماهو قلب انت تعيش بصخر جلمود داخلك
وياحسافه على كل شي عطيتك ...
فجأه دق جواله ناظرته قلت رد
واذا انت رجال رد وخلني اكلمها
رديت عليها : قلت لها ارتاااحي انا طالعه من حياته للابد
اشبعي فيه انتي وياه حقيرين وتنفعون لبعض
انا رايحه اعيش بيت اهلي معززه مكرمه بس اخذت لي جروح تكفيني عمر منكم
مارح اسامحك لاانتي ولاهو ..
ولاتفرحين دامه خانني عشانك بيخونك عشان غيرك واوعدك ..
رميت له الجوال قبل حتى مااسمعها اش قالت
قال لها :يالله ميعاد بعدين اكلمك
ناظرته بكل احتقااار ..وطلعت غرفتي ابي اخذ شنطتي جاء عندي
قال: تكفين لاتروحين
قلت : خلاااص انا انتهيت وانا تعبت منك ومنها
قال اجلسي طيب لبكرة احنا الحين اخر الليل
وانا بكرة اوديك قلت طيب عطيته ورقه كنت كاتبتها له ورحت غرفتي انام
َتعبتُ ، ففِي نهايَة الأمر .. أَنَا [ بشَر ] مهمَا كَانت قُوّتِي وشِدّة تحملّي أمامكَ !
............... ما خطبِي ؟ لكَي ترفضنِي هكذَا كلّمَا أخضعتُ لَكَ قلبِي
ولِمَ كُنتُ أقدّم لَكَ كُل ما أملكه مِنَ المشاعِر ،
......... بينمَا تَزِن أنتَ كُل مَا تعطِينيه مِن أحاسيسكَ !
وأدركَ أنّك آخِر مَن قَد يستوعِب ألمِي حين يقرأنِي
رسائلِي لَا تصِل إليكَ ، ودمُوعِي لَا تصِل إليكَ ، ودعوَاتِي لَا تصِل إليكَ
و آهَاتِي لَا تصِل إليكَ ، و إنتحَابَاتِي لَا تصِل إليكَ ..
................ وَلا شَيئ .. لَا شَيء يخصنّي قَد يهمّكَ
تسخَر منّي الدّنيَا الآن ،
و تخرِج أمَامِي لسانهَا إستهزَاءً بِأننّي قَد أحببتكَ أنتَ ,
........................... بينمَا كُنتَ تعبَثَ بأضلعِي !
الفرق بيني وبينكَ /
هُو أنني كبّرتُ حجمكَ بـ سذاجة بداخلِي ، بينمَا إتّضح ليَ صِغر حجمِي بكَ مؤخرًا !
أعطيتك الفرصَة تلو الفرصَة لإثبَات كونك تستحقني ، ولكنك كنتَ ت**رنِي كُل مرّة .. .
وما عاد يهمّك الآن أمر جبرِي ..
حزينة لأجلكَ ‘
أضعتنِي و أنت تدرِك تمامًا ماهيّة حبّي لك التّي كانت ،
لا تعنِيني الآن ولَن تعنِيني أبدًا ،
شكرًا لَكَ فقط , كَان بإستطاعتكَ أن تسعدنِي ولكنك تعمّدتَ أن تضرب الرّوح بـ فأس خيانتك دائمًا.............
اليوم الثاني جاااء زوجي يصحيني ماصحيت حااااول ماصحيت كلم الاسعاف وجوا
اخذووني كنت بغيبوبه محد عارف ليييش جلست شهر كامل وانا بالعنايه المركزة لاافتح ولااتكلم ولاادري عن اللي حولي
وربي رحمني من التفكير بميعاد وبخيانات زوجي
اهلي يسألون زوجي وش فيها قال : وربي ماادري راحت تنام ويوم جيت اصحيها ماصحيت
الدكاترة : اكدوا انه انفجر عرق وصار لي نزيف مما دخلني بغيبووبه شهر كامل
تدرون ليه انفجر ..!!
كنت اكتم بقلبي كنت آكل بنفسي كنت اقهر وابكي حتى مااقول لاهلي عن مشاكلي كنت اسكت واسكت واسكت لحد ماانفجر فيني عرق ودخلت غيبوبه
الدكاتره قالوا : نامت وهي متضااايقه ؟
زوجي استحى يرد عليهم وش يقول من يوم أخذتها وانا اصبحها بهم وامسيها بهم
كان درس لزوجي وصفعه تصحيه
كانت غيبوبتي هذي فيها رجعه لي للحياه وكتب لي ربي عمر ثاني
صحيت بعد شهر كامل يوم صحيت حصلت زوجي واقف عندي
مر علي شريط حياتي معاه كرهته ذيك اللحظه لفيت ع الجهه الثانيه
قال : الحمدلله ع سلامتك
قلت : ابي حضن امي ابي احضنها وانسى كل همومي محد يحبني كثرهااا
قال : امك طلعت قبل شوي وقلت لها تروح ترتاح وانا جلست
سكت لاني كنت جد تعبانه
طلعت من الستشفى بعدها ورحت على بيت اهلي ..
كلمني زوجي قال: متى اجي اخذك
قلت : لاكملت خيانتك .. لاعاهدت نفسك ماعاد تشقيني انا وريان بانتظارك ...
رجع لي بعد شهر ووجهه شاحب ولونه باهت وشعره **اه الشيب
شفته **ر خاطري نسيت كل اللي سواه فيني فما زلت انا انثى البياض
رجعني ورجعت اعترف انه تغير معاي كثييير صار يحبني اكثر صار قريب اكثر صار يهتم فيني اكثر
تأكدت انه قطع علاقته معاها نهائي
بس ... مازال احيان يغلط ويناديني : ميعاد
مازال مصر لاجانا بنت يسميها ميعاد
ومازالت جروووحي تنــــــــــــــــــــزف ..
عشت قرابة السنه حياتي الزوجيه شبه هادئه ماكنت اعرف انه الهدوووء اللي يسبق العاصفه
كبر ريان شوي صار هو كل حياتي حسيت انه احلى شي بحياتي من يوم تزوجت
مره كنا جالسين انا وزوجي بعد مانام ريان بالليل ..
حسيت فيه شي لانه كل شوي يناظرني استغربت نظراته ..
طالعني قال : لو اكتشفتي في يوم اني كذبت عليك بشي تسامحيني
طالعت فيه ": قلت لا
قال ليه
قلت لان شوارعك كلها مليانه عتب ومافي موطأ قدم اني اسامحك لااخطيت مره ثانيه
سكت وطالعت فيه لقيته سرررح
قلت له : شوف انا ماسامحتك عشان باقي احبك لا انا عشان ريان سامحتك وانا عشان ريان بأعيش
والا انت من زمااان مت بداخلي
ناظرني قال : ذاك اليوم يوم تنومتي بالمستشفى انتي نمتي متضايقه
قلت : انا من يوم اكتشفت وش انا بحياتك وانا كل يوم انام متضايقه
بس ذاك اليوم كان العيار ثقيل شوي وانت عارف اش صار بذيك الليله مايحتاج اذكرك
قال ايه مايحتاج ادري
ناظرني قال : تحبيني ؟
قلت : لو كنت سألتني هالسؤال اول ماتزوجتك كان قلت لو انك تطلب عيوني بقول ان العمى خيره
بس الحين لا مااحبك
سكت وغصب عني نزلت دموعي قلت :
محمد انت موبس خنتني ولابس جرحتني ولابس ظلمتني انت ذبحتني مير الله كتب لي عمر اعيشه
واتمنى مااندم على اني رجعت سلمتك عمري الثاني
ابتسم لي ابتسامه ماافهمت معنااها
بس تأكدت انه هالانسان مات بداخلي ..
بعد 8 شهووور كنت حامل بطفلي الثاني ..بالشهر السابع .. كنت تعبانه كثير بحملي الثاني
جاني مره زوجي قال : اممم خلاص هالمره انتي سمي حتى لو جات بنت انتي سميها
قلت : اكيد اجل بخليك انت تسمي
قال طيب
يعني الموضوع بالنسبه لك منتهي ؟
قلت : ايه ع بالك بكون غبيه للمره الثانيه
ضحك وطلع
بعدها بأسبوع كان يوم خميس طلع ع صلاة العشاااء والساعه 9 ونص جااء وفتح الباب
دخل وانا اناظر فيه مو مصدقه وصرت امسك ظهري من قوة الالم زوجي لابس البشت الاسود
قال : مها انا اليوم زواجي جيت اسلم عليكم قبل اروح
بآخذ عروستي من القاعه وبسافر اسبوعين وراجع ..
وقتها دنقت راسي حزن حسيت بشتاتي وقتها حسيت نفسي طفل اهله بايعينه
تدروووون دمعة وحده مانزلت مني ضحكت فوجهه قلت
قسم بالله
قسم بالله
ماكنك مودّعني
ولا بتطيح ابد دمعه
ولا قلبي بيوجعني
عساك تروح ماترجع
وبقولك شي واسمعني 0 ( كذا تسمع؟ )
يمين الله
يمين الله
على مثلك ابد ماادمع !!
حاولت اكون قويه وانااا بمووووت من الالم وحسيت ظهري يألمني بقووووووة
جلست ع ركبي
قال : اذا بتروحين لاهلك كلمي اخوك ورووحي لحد ماارجع
قلت : يـ سَنينيَ!
............ وشَ كثر ضحّيت لَأجلَه !
وِفَ النِهايْة
........... ضحّى ... فينيْ !
آآآآآه ياعمري حسافه . .
قلت روحي :
وهاك شوية جروحي
واعذريني حيل والله
على قلة الكلافه ..!
حاولت اتمسك بالكرسي واوقف لاني كنت تعبانه حيل
قلت اسمعني قبل لاتروح تحرم علي يامحمد بعد اليوم
وانا فعلا رايحه بس لاتنتظر مني ارجع لو اشوفك ميت قدامي
ودامك تزوجت خلاص بعد عن حياتي وعيش حياتك بعيد عني وعن اطفالي
ناظر ساعته قال : اووه تأخرت مع السلامه
قفل الباب وانا اقسم بالله اتوجع واتألم وحسيت اني بموت وماقدرت اتحمل كلمت اخوي قلت له تعباانه
تعال ودني المستشفى
جاء اخوي وكنت في حاله مايعلم فيها الا ربي وكنت طول الوقت استغفر واقول يااارب هون علي يااااارب ارحم ضعفي يااارب احفظ جنيني ياااارب ان كان محمد ظلمني
فخذ حقي وانا اشوف يااارب حملني من الظلم شي ماطقته ..ياااارب انت وحدك ملاااذي وكنت ابكي ودموعي زي المطر عجزت اروضها وصلت المستشفى وكشفت علي الدكتورة وقالت المشيمة كانت صغيرة وموية الراس كانت ناقصة عشان كذا الجنين ما كان عارف يتحرك وكان يسبب لي آلام وقالت اني لازم أاطلع ع التنويم
جاني دكتور وفحص دقات قلب البيبي وكانت للأسف ضعيفة وذلك بحكم انه مو عارف يتنفس لأنه موية الراس عنده مو كفاية..
منعوني من الحركه وبعد يومين رجعوا كشفوا لان كان عندهم امل ينتعش الجنين ومااحتاج لولاده مبكرة بعد ساعه رجعوا فحصوا دقات قلب الجنين وللأسف ما كان في أي تغيربعدين جات الدكتورة اتكلمت معي وقالت انه البيبي لازم يطلع من بطني لأنه مو عارف ياخذ نفس
وقالوا اني لازم أعمل فورا عملية قيصرية قبل ما يصير شي للبيبي لا سمح الله
وصاروا يسألون عن ولي امري يبونه يوقع ع العمليه
قلت : مالي ولي الا الله انا اتحمل كامل المسؤليه لاصار لي شي ..زوجي عريس
عضيت ع شفايفي حسره والم قلت : ايه يااااخالد زواج محمد كان قبل امس
ضرب اخوي بيده ع الجدار قال : حقيييييييييييير
بعد ماطلعت ذاك اليوم من المستشفى حكيت اخوي كامل السالفه مع زوجي
وقعت واتخذوا الاجراءات بشكل سريع وطلعوني ولبسوني لبس العمليه وكان اخوي وريان معاي فالممر
ناظرني اخوي ودمعت عينه : قال تقومين بالسلامه شدي حيلك عشان القمور هذا واللي جاي بالطريق
ناظرته قلت : امانه ياخالد اذا صار لي شي ولدي امانه عندكم لاتخلون محمد ياخذه امااانه لاتخلون ميعاد تربيه
امانه لاتحرقون قلبي اذامت قولوا لمحمد تراني زعلانه عليه ووووماني مسامحته ..
كان ريان مع خاله ويناظرني ويبكي يبي يجي عندي يقوول :ماما ماما
ولدت وجبت ولد قمر زي ريان ...
سميته راكان وقعد في الخداج لمدة شهر
.. وطلعت بيت اهلي .. واهلي
طبعا بعد ماعرفوا بزواج زوجي قالوا ماترجعين له ...وانا كنت اساسا مستحيل ارجع له بعد كل شي صار
رجع زوجي من شهر العسل ...جااء ياخذني
مارضيت اقابله وقلت لاخوي يبلغه اني ابغى الطلاق وماابغى غيره
قال قبل اطلقها ابغى اقابلها للمره الاخيره :
لبست حجابي وطلعت له بالمجلس ..قال خلااص تبغين نتطلق ؟
قلت : ايه ولاني ندمانه انا لو ظليت معك بيظل الندم شوكه بحلقي الين اموت
قال: فكري طيب
قلت : افكر!!!!!
افكر بيوم تناديني ميعاد والاافكر بيوم زواجك يوم رحت وانا اتألم قفلت الباب ورحت ولاهميتك
الحين جاي تطلب مني افكر!!!
مستحيل انا ان قلت اكرهك فهي شويه عليك
لمَا تمسّكتَ بدنوْ موقفكَ معِي
وأصرّيتَ على أن تتدحرَج كرة ثلجكَ مِن أعلَى قمّة فِي عيني بإتجَاه الأسفَل ،
لمَا تعمّدتَ أن ت**رنِي إلى الحَد الذّي يخجلنِي الآن من مواجهَة كبريائي ،
لا يهم الآن .. إِن كَان يهمّكَ أَن أغفِر لَكَ ،
إذهَب بإتّجَاه رِيح الغِيَاب
.........................ولا تعُد مهمَا حدث .!
قال : طيب بس سامحيني
قلت : الله لايسامحك لادنيا ولاآخره ..
وطلعت من المجلس ..ماابغى ابكي قدامه ولاابغى ابين اني حزينه على فرقااه
طلعت وكان قدامي ابوي كان متأثر بكل الاحداث اللي صارت لي وبان في وجهه كان مهموووم
ناظرني ودمعت عينه قال :سامحيني يابنتي ماعرفت اعطيك اللي يثمنك
رحت قربت منه حبيته على راسه قلت :
افاااا يابوي تبكي وانا رغم كل ماصار اضحك واهز القاع من تحتي
لاااا يابوي لاياتاج راسي انت مالك ذنب
تكفى لاااشوف دمعتك يبه مكتوب لي من قبل انولد ان بيصير لي كذا وكفايه طلعت بــ احلى اثنين
ريان وراكان وكفايه اني غفرت له اكثر من مره وكان هو مصر في كل مره يخسرني يبه يكفيني انك انت ابوي
ماني حزينه عليه ماني تعبانه من فراقه ..شوفني رفعت راسه وابتسمت له
باسني على جبيني قال: الله يكملك بعقلك يابنتي ..صدق اني عرفت اربي
طلقني ..عششت حياتي كان يجي ياخذهم كل خميس يمشيهم ويرجعهم
بديت اعيش بدوا اولادي يكبرون بدت ترجع لي ضحكتي ..
مره كنت طالعه انا وعيالي واخوي نتمشى ..ويوم رجعت وصلنا عند البيت ..
اول مافتحت السيارة ونزلت ..كان عند بيتنا وجه اعرفه زين ..
ناظرني خالد : قال مهااا هذا محمد
يوم نزلت جات عيني فعينه ..
كنت متنقبه وقفت غصب عني حسيت خطواتي ثقيله حسيت الكون بكبره مايوسعني
خطواتي لباب بيتنا كانت ثقيله كنت اسمعه يكلم اخوي خالد يقول :
تكفى بس خلها تسامحني ماني متوفق بحياتي ..زوجتي حملت مره وجانا طفل معاق ماطول ومات
وحملت بعدها مرتين واجهضت والسبب مو معروف تكفى خلها تسامحني ماني متوفق ..ابيها ابي ارجع مها
دخلت بيتنا وبس قفلت باب الحوش وجلست وابكي ...أيش عندك لي تقوله ؟| جايني وعينك خجوله !!
جاي تطلب مني أسامح ؟! وإنسى كل شي بسهوله
بعد ماقلبي **رته .. تو بس جيت وذكرته
وجاي تسقي الورده .. لما مات وارتاح بذبوله
|أيش عندك لي تقوله ؟| جايني وعينك خجوله !!
.. بأي ماضي جاي تحكي ! وبأي دمع اليوم تبكي ؟
يعني هو المظلوم ساكت!! وأبتدى الظالم بيشكي ؟
يعني تحسبها دموعك >> بس تكفيني لرجوعك !!
تحسب انك باقي تقدر ؟! .. ترجع لقلبي وتطوله
|أيش عندك لي تقوله ؟| جايني وعينك خجوله !!
اللي يشوفك وانت واقف.. ونظرتك كلها حسايف
لا ماشافك وانت قاسي ؟!؟ زي ماأناا كنت شايف
ماني متشمت في حالك .. روح يكفي ماجرالك، ؟
روح واندم طول عمرك,,, بعرض هالعالم وطوله
جاني اخوي .. وقبل يتكلم .. قلت : الله لايسامحه ليش راجع اش يبغى
انا كل مانسيت جاي يرجع ليه مايرتاح هو الين اموت يعني
قال: مهااا انتي الطيبه تقولين كذاا ؟
قلت : ماعادني طيبه الله لايوفقه لابالدنيا ولابالاخره
دخلت ..وشايله جرووح بقلبي مارجعت حيت الا لما شفته ..
مرت الايام والشهور بعد سنتين ..كنا جالسين بالحوش نتقهوى انا واهلي ..
وشوي الا الجرس يدق ..قام ابوي ..راح يشوف ورجع وهو يحمل نونو بايده ..وشنطه
كلنا طالعنا فيه مستغربين ... بس هو ماكان يناظر الا فيني
نزلت عيني ف الارض ..
قال ابوي : مها تربيــــــن مها . وت**بين اجر؟؟؟؟
طالعت فأبوي كمل : قال مها ربك غفور رحيم وهالطفله مالها ذنب
مها محمد يقول مابلاقي حد يحب بنتي ولايربيها مثل مها
نزلت دموعي غصب وكل ماقرب مني ابوي عشان يعطيني البنت احس قلبي يسرع بدقته
كانت صغيرره البنت حيل مسكتها ويدي ترجف ..
قال ابوي : ربك يامها ينصر الواحد وهو يشوف لاتتشمتين فحال زوجك زوجته ماتت بعز شبابها بعد ماولدت جاها نزيف حاد وماتت بعد ولادتها بيومين ومابقى له احد
الدنيا دارت فيه وطعنته مثل ماطعنك
والله يامها انه يبكي يقول ياعم تكفى خل مها تسامحني ظلمتها وربي عاقبني
.. قولي الحمدلله على كل حال ..
.....
*ميعاد راحت بخيرها وشرها واسأل الله ان يغفر لها ويرحمها
*محمد ندمان وبيعيش طول عمره ندمان
*مها عايشه حياتها ومبسوطه بأحلى ثلاثه تربيهم
(ريان وراكان ومها )
*سبحان الله بعد ماكان زوجها مصر يسمي ميعاد دارت الدنيا والظروف
وسمى مها بزوجته الاولى شفتوا ربي كيف نصرها
