(((((((((( الهدآيا في فترة الملكه )))))))))))
لازم كل وحدهـ منّا تحط في بالها عدّة امور ..
العريس في هذه الفتره .. مهما كانت حالته الماديه كويسه .. عندهـ التزامات ومسؤوليات ملقاة على عاتقه بحكم انتقاله من مرحلة العزوبيه والدجّه الى مرحلة الزواج وبناء اسره سعيده من البدايه
يعني خلي في بالك ان عندهـ :
ايجار شقه
تأثيث شقه
مهر
الاغلبيه يشترون سيارات جديده بهالفتره
فواتير الجوال <<<< حطوا بالكم زين :33:
مصاريف السفر في شهر العسل
تكاليف الزواج .. من طقاقه وقاعه وعشا و...... الخ
الشبكه ومشتقاتها من هدية ام العروس الى دهن العود والعطور و.....الخ
:8: مساكين العرسان
يعني بالعربي >>>>>>>كل واحد وامكانياته ولا تكلفون ازواجكم فوق طاقاتهم
وهي اسمها هدّيه يعني تجي من نفسه بدون طلب وبدووووون حتى تلميح
=============================================
الحين عرفنا الظروف والضغوطات اللي يمر فيها العريس ..
نجي لردة فعلك اذا جابلك هديه : {هذا ان جاب }:31:
ماتفرحين فرح شديد عشان مايقول ( ماشافت نعمه )
وماتكون ردة فعلك باردهـ عشان ماعاد يجيبلك هدايا ويقول ( ماتفرق معاها واصلا ماتهمها هديتي )
كوني وسط .. يعني ابتسمي .. وطالعي في الهديه .. استأذني منه تفتحينها قدّامه .. واذا شفتيها وضحي انبهارك ( على خفيف ) حتى لو ماعجبتك وكان ذوووقه لحجي وبايخ .. بالعكس امدحي ذوقه اكثر من مدحك للهديه .. ومافي مانع تقولين ( اصلا انا عارفه انك ذووووق من يوم اخترتني ) << كنوع من المزح .. وكـ توضيح لثقتك بنفسك ههههآآي .. ومافي مانع اذا كنتوا تمونون على بعض تعطينه بوسه :5:
وكل بعد فتره اذكري الهديه .. يعني مثلا اذا كانت عطر .. قولي انا حاطه منّه الحين وانجنوا بنات عمي عليه .. واذا كان ساعه قولي انا لابستها الحين .. وكل شوي اشوف الساعه .. مو عشان ابي اعرف الوقت .. بس ابي اتذكرك ^_^ ...... وهكذا من اساليب الترفيع والترقيص خخخخ :22:
وانتبهي انتبهي تسألينه عن سعرها .. فيه بعض البنات ينشبووون لازواجهم والا ابي اعرف قيمتي عنده .. يختي فيه شي اسمه أسواق .. اذا فيك دودهـ روحي وسعّري الهديه وشوفي ..
ودايم اعطي انطباع لزوجك انك تستاهلين الهديه ومو اي هديه .. الهدايا الثمينه بعد .. لأنك اذا كنتي واثقه من هذا الشي راح ينعكس عليه هالشي ويصير يحس انك تستاهلين اغلى الهدايا ( لا تستخسرين على نفسك شي )
* ملاحظه مهمه : قلة الهدايا لا يعني انه الرجال مايحبك .. او مايهتم فيك ومو ضارب لك حساب .. لكن كل واحد وقدراته الماليه .. وكل واحد وذوقه وطريقته بالتعبير .. واهم شي في بداية العلاقه .. لاتحسسينه انك خلاااااااااااااااص خقيتي عليه ويصير حاطك في جيبه !!
دايم قولي له انا مااقدر احب الشخص الا لما اعجب بشخصيته .. خليه يطاااامر عشان يكسب حبك وقلبك ويغرقك بالهدايا <<<< امحق !! يغرقك مره وحده ههههههآآآي
======================================
نصيحه مهمه وحطيها حلقه بإذنك .... لا تقارنوووون ازواجكم بأزواج غيركم
يعني مثلا تشوفين خطيب بنت خالتك مغرقها بالهدايا وتنقهرين ويمكن توصل انك تفكرين بالانفصال ( وربي قريت موضوع بالمنتدى .. ان وحده تقول من كثر ماضمن حبي له ماعاد يجيب لي هدايا .. انا افكر بالانفصال !!!!!!! ) :30: ويييين؟ تنفصل عشان هدايا ؟
انتبهوا يابنات .. والله الرجال يختلفون في التعبير عن حبهم .. والهديه عمرها ماكانت مقياس للحب .. وممكن تتملكون وتتزوجون وانتي ماشفتي منه غير هديه او هديتين !!
اهم شي الاخلاق ويكون يحبك من قلب ويحترمك :32:
=====================================
الحين النقطه اللي نبي كلنا نتنااقش فيها ..
وهي
7
7
7
هل فكرتي تهدين عريسك :22:؟ او تفاجئينه بكيكه ( مثلا بمناسبة يوم ميلادهـ ) وتكتبين عليها اسمه واسمك ؟ انا مااقصد تحتفلون بعيد الميلاد .. انا احب اسميه ذكرى الميلاد .. بس حلو انك تقولين له كل عام وانت بخير ع الاقل .. وتقديمن له كيكه مكتوب عليها اي عباره
وحلو انك تهدينه بدون مناسبه بعد.. او بمناسبة اول زياره لك مثلا
هدايا الزوج :
ممكن تكون
عطور .. زيوت عطريه .. ساعه .. قلم فخم ( بحدود الالف اذا تقدرين ) .. مسبحه فخمه .. ممكن تعرفين مقاسه وتشترين له جنزات وتيشرتات على ذوقك ..جوّال .. وممكن اذا كان رومانسي تهدينه ورد جوري احمر بعدد سنوات عمرهـ .. يعني اذا كان عمره 28 تهدينه 28 وردهـ ...... وغيرها من الافكار
فيه بنات يقولون هو المفروض يهديني وانا مو لازم اهديه :30: وش رايكم بهالتفكير ؟
وودي نعرف كل وحده وش اهدت خطيبها عشان نستفيد وناخذ افكار حلوه
وودي نناقش الموضوع وكل وحده تسدح مالديها اذا ماعليكم امر ..:20:
