معلومات اللمسة الحنونة
- إنضم
- 18 فبراير 2007
- المشاركات
- 15
- مستوى التفاعل
- 0
- النقاط
- 0
رد: ¨•.•`¤¦¤( ₪ كيف تكسبي حب زوجك ... الدرس الثاني ₪ )¤¦¤`•.•`¨
كلام درر :clap: :clap: و مشكووورة
كلام درر :clap: :clap: و مشكووورة
ماشاء الله عليج إختي اميره الورد---
معلومات وااااااايد مهمه---
هذا الكتاب من ارقى الكتب إلي تتكلم عن العلاقات ولو إن الترجمه خلته صعب الفهم شويه----
من رايي الريال لازم يسوي كل شي فالحياة حتى تربيت العيال ---
لكن بإدارتج---
مثلا حتى لو هو ما عنده وقت يشتري اغراض البيت--- يلسي معاه خليه يكتبهم علشان يعرفهم----
أنا دايما اسوي روحي مشغوله فالمطبخ مثلا واناديه يكتب القائمه--- وهو يبدأ يسأل شو هذا وشوهذاك--- لانه مثل واااااااااااااايد من الرياييل مايحب يروح السوق ----
وساعات استغل ايام الإجازه واخليه يروح بروحه--- طبعا وقت الصبح ما فينا بعد يحصله حد يعجبه والمشتريات تصير عاده----هاهاهاها
طبعا مايروح لين مايطلع روحي ---- وكل شوي يتصل فيني هذى شو؟؟؟ --- وهذاك ويين؟؟--- انا اتعب واقول لو اروح معاه احسن---
لكن لا خليه يعرف مشتريات البيت---وانا اروج يوم الاشياء الوايد مهمه---
والله خواتي يوم يرجع يكون مستانس -- ويراوويني الاشياء وطبعا انا ما ازعله لو ما عرف شي ---- وامدحه لانه ساعدني--- طبعا هذا ما كان بسرعه ---لالالا بعد سنوات من الرفض ---
شي ثاني مايقدر يدرس اليهال --- مب مشكله --- مره ثانيه كوني انتي المدير --- وخليه يعتقد ان هو الكل فالكل في تدريسهم---
مثل لو عندهم حفظ قرأن خليه هو يساعدج---
انا مثلا --- ادرس بروحي لين ما تطلع روحي---- لكن يوم يجي البيت ويرتاح مثلا اقوله شوف فلان كيف شاطر حل هذا الواجب وهذاك--- واييب له كل الواجبات يشوفهم بوجود ولده---
وأخليه يوقع مثلا على الدروس-- حتى لو المدلرسه مب طالبه---- افتح مثلا كتاب الرياضيات على أخر درس محلول واقوله وقع واكتب ملاحظه---
لانه يابنات هو بعد مشغول فالدوام-- والمسؤوليات--- فإنتي حسسيه بأن هو يسوي كل شي لكن خليج انتي المايستروا -- ---
لاني مثلا من الحريم إلي احب اسوي كل شي بنفسي--- لذا حسيت انه شوي شوي قام يعطيني كل شي اسويه بروحي --
وهو حتى مايسأل --- وشوي شوي ---بدأت اخليه يتدخل ---- لين الحين هو يعتقد انه لو سافر --- ياحليلي بتعب من المسؤوليه---
سامحوني طولت عليكم----
موقع نسوة : هي شبكه عربيه تهتم بكل ما يخص المرآه وحياتها اليوميه يعمل منذ سنوات لمساعدة والمساهمه في انجاح كافة الامور الحياتيه للمرآه العربيه