|[ دردشة مصورات ،، يرحب باستفساراتكن و أسئلتكن }~

[[ معجبة بـأبي ]]

مرحبا بج عزيزتي نفيله ..

بس قبل ما ابدا ..

هذي هي كيمرتج ؟

..

اما عن خاصية العزل ،، فهي مو مره ضبطت ..

تعرفين ليش ؟

لأن اذا كنتِ تبغين تاخذين مثل هاللقطة بـ عزل ممتاز لازم تكون عندج كيمرة احترافية و احياناً تتطلب بعض العدسات ..

و تقدرين تضبطينها بشكل أفضل إذا كانت المسافة بين الجسم اللي تبغين تصورينه و الأشياء اللي خلفه بعيدة تقريبا ..

بس بعطيج مثال على تصوير الكيمرات الإحترافيه أو الكيمرات الشبه احترافيه .. و هذي الصورة من تصوير ربيعتيه

لو تلاحظين فيها ان الفوكس [ مركز الصورة ] واااضح أما الأشياء اللي ورا بدت تصير ضبابيه ..



​

 

[نفيلة]

حلوة الصورة الخاصية فيها مرة واضحة

ايش تقصدي بهذه هي كاميرتي ؟
الصورة الي حطيتها من تصوير كاميرتي و المعلومات و الاسم لكاميرتي كمان

في الانتظار

 

[[ معجبة بـأبي ]]

لا قصدي صورة الكيمرة اللي انا حطيتها ،، هذي هي نفسها كيمرتج ؟

 

[نفيلة]

حبوبة مافي صورة لكاميرة في بس صورة لخاصية العزل

 

[[ معجبة بـأبي ]]

والحين ظاهرة ؟

 

[نفيلة]

لا غير ظاهرة

 

[[ معجبة بـأبي ]]

امم ،

اوكي في شي حذال اسم الكيمرة فيه نفس هالأرقام >> Casio Exilim EX-Z750 ..؟

 

[نفيلة]

هذه هي

 

[[ معجبة بـأبي ]]

مرحبا نفيلة

​

طبعاً الميقا بيكسل في الكامير 7.41
​

Resolution 7.41 Megapixel

​

و فالبداية بنتكلم عن الشاشة من الداخل ..
​

شاشة الـ LCD حجمها 2.6 انج .. و هي الشاشة اللي تقدرين تشوفين منها الصورة قبل و بعد التصوير
​

​

سرعة الغالق في الكيمرة جيد .. و هو من 50جزء من الثانية و 800 جزء من الثانية .. و عادة الكيمرات يفضل يكون فيها سرعة الغالق من 50 إلى 1200 كـ مستوى جيد جداً
​

و في مثال على سرعة الغالق في وضع 800 جزء من الثانية .. في هذي الصورة
​

​

و الماكرو في الكيمرة ممتاز بحيث انج اذا صورتي في وضعية الماكرو ممكن تطلع لج الصور جي >>
​

​

​

​

​

مقاسات الصور فيها متعددة وهي ..
Image Quality 640 x 480 • 3072 x 2048 • 2560 x 1920 • 2048 x 1536 • 1600 x 1200 • 3072 x 2304 • 3072 x 1728

​

تقدرين تستخدمين فيها تصوير الفديو .. بـ صيغة VGA و QVGA
​

Video Resolutions 320 x 240 (QVGA) • 640 x 480 (VGA) • 512 x 384
​

​

عندج الخيارات في الآيزو ( حساسية الصورة ) من 50 - 800 و يفضل استخدام الرقم 100 في أغلب الحالات الطبيعية ..

​

ISO Speeds 50 • 100 • 200 • 400 • 800
​

​

المؤقت في الكاميرا بامكانج توقتيه من ثانيتين إلى 10 ثواني ..


و كيمرتج شي منها 3 ألوان غير الفضي مثل ما نشوفها في الصورة

​

​

و السموحة ع التأخير الغالية



​

 

[saraj010]

السلام عليكم ورحمه الله وبركاته
انا ابي اعمل مركز تصوير نسائي واسئلتي هي اولا كم ممكن يكلفني هذا المشروع؟وما هي انواع الكمرات ال ممكن استخدمها في مشروع كهذا؟يعني باختصار عوزه اعمل مثل دراسه الجدوى عن هذا المشروع من الالف الى الياء؟
وشكرا جزيلا لكم.

 

[نفيلة]

معجبة مشكورة و الله عذبناك معانا


بس للاسف هذه ما هي كاميرتي عند الشاشة ما هذا هو شكلها الا اذا كان صدر منها اصدارين بنفس الجودة بس باختلاف الشكل

جزاك الله خير

 

[[ معجبة بـأبي ]]

السلام عليكم ورحمه الله وبركاته
انا ابي اعمل مركز تصوير نسائي واسئلتي هي اولا كم ممكن يكلفني هذا المشروع؟وما هي انواع الكمرات ال ممكن استخدمها في مشروع كهذا؟يعني باختصار عوزه اعمل مثل دراسه الجدوى عن هذا المشروع من الالف الى الياء؟
وشكرا جزيلا لكم.

وعليكم السلام و رحمة الله ،،

حياج الله حبيبتي في قسم التصوير

و بصراحة هني ممكن نعطيج معلومات عن الكيمرات بس المشاريع و دراسة الجدوى ممكن تسألين فيه الأخوات في قسم " مملكة سيدات الأعمال والمشاريع والأفكار الإستثمارية " ..

و انتِ كتبتِ موضوع من كم يوم و نقلته لج لقسم سيدات الأعمال .. لأنهن أهل الخبرة في المشاريع و البزنس ^^

و هذا موضوعج حبيبتي

http://blqees.com/vb/showthread.php?t=52706

أما بخصوص الكيمرات فلازم تاخذين كيمرات ذات دقة و جودة عالية من الشركات الكبيرة مثل كانون و نايكون و باناسونيك وغيرها من الشركات .. و الكيمرات ذات الجودة العالية عادة تكون قيمتها اكثر من 10 آلاف و أكثر و تحتاجين بعد لعدسات عشان تعدل الصور و تطلعهن بطريقة أحلى ,, و أقل شي لازم تحطين فـ بالج انج تاخذين كيمرتين على الأقل ..

أما باقي الأشياء لازم تحسبين حسابها بعد مثل تكلفة ايجار المحل اللي بتأجريه و رخصة المحل .... إلخ .. و هالأمور بيساعدوج فيها الخوات في قسم سيدات الأعمال

الله يوفقج عزيزتي


​

 

[[ معجبة بـأبي ]]

معجبة مشكورة و الله عذبناك معانا


بس للاسف هذه ما هي كاميرتي عند الشاشة ما هذا هو شكلها الا اذا كان صدر منها اصدارين بنفس الجودة بس باختلاف الشكل

جزاك الله خير

يؤ ، مو كيمرتك :crazy:

اسمحيلي حبيبتي ، بس هذا اللي لقيته ..

و إن شا الله اذا لقيت شي جديد بحطه لك ^^

السموحة ع القصور



​

 

[متألقة دائما]

لكل من تجد في نفسها الخبرة ... تدخل ضروري

أرجومساعدتي في تصغير الصور
بالنسبة لية عندي معرفة بسيطة في الفوتوشوب وقدرت أسوي توقيعي هذا
وحاولت عن طريق الفوتوشوب
أني أصغر الصور ماقدرت
الصور اللي عندي من تصويري الخاص
ونوع كاميرتي ديجيتال سوني
واليوم حاولت أنزل موضوع فية هذة الصور
وطلعت مرة كبيرة جدا جدا جدا
فياليت اللي تعرف تساعدني بطريقة سهلة ومفهومة
وبالنسب للتنزيل الصور مافية طريق أسرع من مراكز التحميل وتنزل مجموعة كبيرة من الصور مرة وحدة

 

[[ معجبة بـأبي ]]

أرجومساعدتي في تصغير الصور
بالنسبة لية عندي معرفة بسيطة في الفوتوشوب وقدرت أسوي توقيعي هذا
وحاولت عن طريق الفوتوشوب
أني أصغر الصور ماقدرت
الصور اللي عندي من تصويري الخاص
ونوع كاميرتي ديجيتال سوني
واليوم حاولت أنزل موضوع فية هذة الصور
وطلعت مرة كبيرة جدا جدا جدا
فياليت اللي تعرف تساعدني بطريقة سهلة ومفهومة
وبالنسب للتنزيل الصور مافية طريق أسرع من مراكز التحميل وتنزل مجموعة كبيرة من الصور مرة وحدة

طريقة تصغير الصورة من الفوتو شوب سهله جداً ..


أول شي تفتحين الصورة ،،

و بعدين تروحين للقائمة Image بعدها اختاري Image size
بعدين بتطلع لك نافذة فيها الـ width و هي العرض و تحتها heigth وهي الطول و
على يمينهم مربعين للأرقام ، و اذا كانت وحده القياس المستخدمة هي البيكسل فـ بيناسبه عرض 700 أو 500 و الطول بيتغير اوتوماتيك ..

بانتظار إبداعاتج حبيبتي





​

 

[متألقة دائما]

طريقة تصغير الصورة من الفوتو شوب سهله جداً .. ​

أول شي تفتحين الصورة ،، ​

و بعدين تروحين للقائمة Image بعدها اختاري Image size
بعدين بتطلع لك نافذة فيها الـ width و هي العرض و تحتها heigth وهي الطول و
على يمينهم مربعين للأرقام ، و اذا كانت وحده القياس المستخدمة هي البيكسل فـ بيناسبه عرض 700 أو 500 و الطول بيتغير اوتوماتيك .. ​

بانتظار إبداعاتج حبيبتي ​

​

الله يسعدكي ادري اني راح اطفشك معاية
انا سويت كل الي قلتي علية
المشكلة اني لما اروح احمل الصور علشان انزلها يقولي حجم الملف اكبر من المسموح فية
ماني عارفة ايش اسوي

 

[متألقة دائما]

أبشركي زبطت معاية
وأن شاالله أحاول أنزل الصور
وشكرا يامعجبة

 

[[ معجبة بـأبي ]]

حياج الله حبيبتي

و افا عليج متواجدين للمساعدة ^^

و بانتظار إبداعاتج

 

[ستيتا]

طيب ستي
ايش نوع الكميرا الي تستخدميها
بحكم الخبرا
انا عندي كانون دجتل عاديه اتعلم عليها
بس ابغى كميرا احترافيه
حتى لو اشتريها بعد فتره
اعشق التصوري مرررررره في كل مكان اصور :nosweat:​

 

[[ معجبة بـأبي ]]

انا كاميرتي ديجيتال عادية بس فيها بعض المواصفات اللي ما تحصليها في كل الكاميرات ،

كاميرتي SAMSUNG L700 ..

و اما عن الكاميرات الاحترافية فـ عادة يجي سعر الكاميرا الإحترافية فوق الـ 5000 ..

و من الكاميرات اللي تقودك لـ طريق الاحترافية كانون 400D .. هذي طريق الاحتراف و ممتازة بس مو احترافية بيرفكت، يجيك سعرها 3900 أو 3800 على حسب المكان اللي تشترين منه الكاميرا

و حياكِ الله حبيبتي