مهاانور
Well-known member
- إنضم
- 2020/04/29
- المشاركات
- 299
سلام عليكم اخواتي نبات المحلب في منكم كثير مابعرف استخدامو نحن في بلدنا نستخدمو للجسم نسحن المحلب ونضعه في وعاء محكم القفل واستخدامو في اي وقت من اليوم ينظف الجسم ويذيل الجلد الميت وريحتو طيبة كتير وبتفضل مدة اطول خاصة في الملابس ممكن وانتي عايزة تاخدي شور في الحمام تاخدي معك في إناء مقدار يناسب جسمك وتعملي عجنة وتعرك يبيهاجسمك مقشر عام وبعدين تستحمي عادي والريحة بتكون طيبة في الحمام ممكن تكبي فيهو شويه من دهن العود ولا صندلية وكمان المرة الواضعة او المرضع حلو كتير بطير ريحة الحليب والطفل مابتضايق وبنستخدمو كمان للرجل باليل وقت النوم تجيبي العجنة بتاعتك وعشان الفرش مايتوسخ اي ملاءة ما محتاجه ليها خصصيها لمسح المحلب اعملي للرجل مساج علي ظهره ورجليه ويده صدقيني بكون ممتن ليك جدا لأنك ريحتي من تعب العمل والتشنج ممكن كمان يساوي ليك العايزاه نحن ما بنستغني عنو ابدا انا بشوف في وصفات كتير بتضيفو في الاكل بس نحن للجسم والشعر الموضوع كبير ومفصل لو عايزين الوصفات ممكن اكتبهم ليكم بس بالله جربوها والله مفيدة حتي للاسترخاء ونضافة الجسم بترك ليكم صورة من المحلب عشان اسهل عليكم معرفتو
