الطلاق أم الخلع ؟

م

منيرة الصغيرة

New member
إنضم
2019/02/01
المشاركات
14
السلام عليكم ورحمة الله وبركاته
كتبت موضوعي قبل فترة واليوم اتمنى منكم تساعدوني

زوجي طلب مني اني اطلب الخلع منه وانا ابغي اطلب الطلاق وما ابغى اتنازل عن حقوقي وحقوق اطفالي وانا في قمة الحيرة بعدما قالي مابطلقج واذا ماتبيني اطلبي الخلع وغيره ماعندي ..

ممكن تفهموني اكثر فيما يخص هالامور
اعذروني لاني محتاجة افهم في امور الطلاق كاملة ولاني ما ابغى حقي وحق اطفالي يضيع ..

يمكن تقولون تافهة او شي بس والله ماعندي بعد الله غيركم ..
وشكرا لكل من تتفهمني ..
 
لا حول ولا قوه الا بالله هو متمسك بك ام يريد التنصل من الأعباء الماليه؟
 
قصتي باختصار اني تزوجت رجل خدعت فيه سكير وعنده علاقات محرمة يعاملني بالضرب والاهانه خمس سنوات وانا صابرة على هذا الوضع غير خدمة اهله في البيت وابوه حاول يتحرش بي وهو سكران وانا قلت لزوجي وطلبت منه انه يقول لاهله اني بتوقف عن خدمتهم وبنسكن في سكن خاص لكنه وقف ضدي وقال لأهله ان ابوه تحرش بي معناها انه ماعندي شرف واخلاق واهله وقفو ضدي حرموني من الاكل لأني سويت فتنهه في بيتهم وبينهم وفي البداية طلبو منه يطلقني عشان يرتاح وبعدين غيرو رايهم وقالوله اصلحو فيما بينكم ولا تطلقون الطلاق صعب ومر و طلبو مني الصبر وطلب السماح من عمي .. انا رفضت اتسامح لانه هو رافض بعد وقالي اللي تبين تسوينه سويه ولا تهميني لا انتي ولا اهلي وهو مطنش كل شي يبات بره البيت كالعادة ولا يعطيني مصروف وكأني مطلقة الحين كملت ظ£ شهور على هذا الحال. واليوم طلب مني الخلع بدل الطلاق.
 
تذكرتك حبيبتي طالما متمسكه بحقوقك الافضل التعامل مع محامي امين واعرضي عليه الأمر منذ البدايه
 
كان الله في عونك وفرج الله همك
اعرضي مشكلتك على محامي مايقدر يفيدك اي احد الا رجل القانون ولا تعملي اي شي الا بعد استشارته
 
منيرة الصغيرة قال:
السلام عليكم ورحمة الله وبركاته
كتبت موضوعي قبل فترة واليوم اتمنى منكم تساعدوني

زوجي طلب مني اني اطلب الخلع منه وانا ابغي اطلب الطلاق وما ابغى اتنازل عن حقوقي وحقوق اطفالي وانا في قمة الحيرة بعدما قالي مابطلقج واذا ماتبيني اطلبي الخلع وغيره ماعندي ..

ممكن تفهموني اكثر فيما يخص هالامور
اعذروني لاني محتاجة افهم في امور الطلاق كاملة ولاني ما ابغى حقي وحق اطفالي يضيع ..

يمكن تقولون تافهة او شي بس والله ماعندي بعد الله غيركم ..
وشكرا لكل من تتفهمني ..
أنقر للتوسيع...



منيرة حبيبتي اذكر انك استخرتي كذا مرة في موضوع طلاقك ولَم يتم .. لعل الخير في عدم طلاقك
حبيبتي قرار مثل الانفصال قرار مصيري يغير اقدارك انت وأبنائك .. وحسب ما اذكر فالمعطيات الراهنة ليست في صالحك .. ثم ان للطلاق تبعات تستنزف قدرة تحملك خاصة اذا كانت ظروفك عند اهلك ضدك
حبيبتي اذا كانت لديك خطة وتعليمات للتعامل مع مشاكلك مع زوجك فمن الجيد ان تتبعي تلك الخطة .. صحيح ما تمرين به ليس سهل ابدا ويتحدى قدرتك على الاستمرار .. بل ويهدد الصحة النفسية لك ولأبنائك لكن امتحان مثل الطلاق امتحان صعب جدا على جميع الاصعدة
اعيدي الاستخارة وفكري جيدا في نتائج طلاقك .. واذا كان هناك أمل لإصلاح زوجك ففكري في خطة تستقلين فيها ببيتك الخاص بعيدا عن اهل زوجك .. ثم اعملي على دعم زوجك وجعله زوجا ناجحا فخورا برجولته
تعرفي لطالما فكرت ان لكل مشكلة حل بإذن الله .. فمهما ساءت الامور فهناك بصيص امل للخروج للنور وإصلاح كل شيئ .. كل ما نحتاجه هو وعي وخطة محكمة ولعل دورة ناعمة : استراتيجية التعامل مع الزوج الخائن أجمل مثال على وجود بصيص الأمل
استخيري واستفتي قلبك وحدسك في موضوع طلب الخلع
الله ينور بصيرتك لما فيه خير لك حبيبتي
 
للأسف المعطيات التي امامي تجبرني انفصل ..
ضرب واهانه وسب وايضا قذف في شرفي وتشكيك بأنني ادخل رجال في غرفة نومي وفي منزل اهله .. كيف يعقل هذا ؟ انا بروحي ماني مصدقة انه هذا كله تحملته كل هالسنين اللي راحت وانا ماعندي طاقة اتحمل اكثر بصراحه تعبت وماعاد يهمني ابدا وبالنسبة للاستخارة ما لقيت شي يعني يخليني امشي في طريقي واللي هو طلب الطلاق ولكن والله سبحانه البارحه بس دعيت الله يجعلي من بعد كل هذي المشاكل بس شي واحد يخليني اعرف شسوي ..
فتحت يوتيوب بغيت ادور فيديو يخفف عني للشيخ وسيم يوسف .. او للدكتور طارق الحبيب .. لقيت فيديو قدامي اسمه عز نفسك .. وتوالت بعدها عدة فيديوهات تتكلم عن نفس الموضوع ..

انا تعبت خواتي انا انثى ومحتاجة زوجي يحبني ويغرقني عواطف ويحن علي ويحفظلي كرامتي ويحفظلي حقوقي قبل اي حد ثاني ويعرف حدوده مع الله ويخاف فيني الله يراعي مشاعري يحترمني يعاشرني بالمعروف نفس ما ربنا قال .. ضاع الكثير من حياتي لكني صغيرة عمري ظ¢ظ¥ سنة اقدر اتغير ادرس اشتغل اي شي اصير طباخه ماهره اصير احسن ام في الدنيا ليش الحقد والكره يدور علي في حياتي وفي قلبه وقلوب اهله علي والله خدمتهم بعيوني واهملت نفسي واهلي وعباداتي ومرضي وتعبي وعيالي وزوجي بعد عشان يرتاحون هم ويخف علي الضغط من طرفهم واذا رجع زوجي من دوامه يبدأون يعاملوني باهانه وسب لاني مع زوجي لاني سويتله لاني عطيته وماسويتلهم والحين يوم صارت هاذي المشكلة بعد كرهوني بالمرة وخاصة زوجي اللي كلام بس اكيد دام هي قالت كذا يعني سوت كذا ويمكن سوت كذا وهذا الكلام خلاه يحس اني انسانه عديمة الفايدة نكرة لاوجود لها حقيرة وحقودة وكل الصفات الشينه فيني .. بصراحة انوي الطلاق حتى وان ما استعديت له وان ما بغيته وكرهته خوفا على عيالي وماهو خوفا على سمعتي او تفسي ان هم قررو يفضحوني او يتكلمون علي او غيرها كله ربنا يجازيهم ويرجع لهم وربي كم مرة اثبتلي هذا الشي واخذلي كثير حقوق اللي ظلمت فيها
كثير ماطلت خواتي كثير صبرت مافي عندي صبر والله خلص ولا ابغي استمر بحياة بهذا الشكل
اعذروني قصتي مؤلمة جدا واعذروني على الفضفضة وكلامي مومرتب
 
رهف 88 قال:
منيرة حبيبتي اذكر انك استخرتي كذا مرة في موضوع طلاقك ولَم يتم .. لعل الخير في عدم طلاقك
حبيبتي قرار مثل الانفصال قرار مصيري يغير اقدارك انت وأبنائك .. وحسب ما اذكر فالمعطيات الراهنة ليست في صالحك .. ثم ان للطلاق تبعات تستنزف قدرة تحملك خاصة اذا كانت ظروفك عند اهلك ضدك
حبيبتي اذا كانت لديك خطة وتعليمات للتعامل مع مشاكلك مع زوجك فمن الجيد ان تتبعي تلك الخطة .. صحيح ما تمرين به ليس سهل ابدا ويتحدى قدرتك على الاستمرار .. بل ويهدد الصحة النفسية لك ولأبنائك لكن امتحان مثل الطلاق امتحان صعب جدا على جميع الاصعدة
اعيدي الاستخارة وفكري جيدا في نتائج طلاقك .. واذا كان هناك أمل لإصلاح زوجك ففكري في خطة تستقلين فيها ببيتك الخاص بعيدا عن اهل زوجك .. ثم اعملي على دعم زوجك وجعله زوجا ناجحا فخورا برجولته
تعرفي لطالما فكرت ان لكل مشكلة حل بإذن الله .. فمهما ساءت الامور فهناك بصيص امل للخروج للنور وإصلاح كل شيئ .. كل ما نحتاجه هو وعي وخطة محكمة ولعل دورة ناعمة : استراتيجية التعامل مع الزوج الخائن أجمل مثال على وجود بصيص الأمل
استخيري واستفتي قلبك وحدسك في موضوع طلب الخلع
الله ينور بصيرتك لما فيه خير لك حبيبتي
أنقر للتوسيع...

اختي انتي قلتي كلام والله يداوي جرح اللي تعاني من رجل يخونها فقط رجل يصلح حاله انا اعاني من رجل جابلي المرض وحطه في مهبلي عندي مرض اسمه داء المشعرات تعرفينه؟ اقرأي عنه او اسألي عنه وتعالجت كثييييير ولازلت تخرج رائحه فاسدة من مهبلي والافرازات اللي ماتتوقف ابدا بس خاطري تتوقف يوم وفي حملي اخذ ابرة مضاد حيوي عشان الجنين مايصيبه اي ضرر .. واليوم توقفت عن الجماع وكرهته بعدما حطمني وخاصه في اهم شي في جسمي انا اتكلم لج عن رجل يعاشر من الدبر و يرجع لي يقولي الحلال احسن يطلعنا نغير جوي ساعه ويقلب فجأة يزعل ويعصب ويدور حجة ويردنا البيت ويطلع ويرجعلي سكران او اليوم الثاني واذا سكران ضربني ولا كسر كل شي في غرفتي ولا صرخ في وجه عيالي واحد عمره ظ£ سنوات والثاني عمره سنة رجل يطالب بحقوقه من احترام وتقدير وشكر ومدح وهدايا ووو بس اذا انا طلبت منه شوي بس ارتاح وانام لو في حضنه ظ،ظ  دقايق بس لاني منهكة من شغل البيت قالي ريحتج ولبسج وشكلج وشعرج مع اني لو اسوي هذا كله جملة في نظر الكل وانا البس شي حلو وكل يوم شي جديد ولبست ولا مالبست مايبين في عينه ابدا غير انتي سويتي انتي ماتحترميني انتي غبية انتي حيوانه انتي عبيطة انتي ماتفهمين .. انا اللي سويت نفسي غبية وطيبة وما افهم عشان استمر معاه واحافظ على الاسرة هاذي وتحملت اعيش مع شبه رجل هذي العيشة وتنازلت عشان عيالي وعشان الله يعوضني خير ويرزقني بالاحسن وكلام جداتنا وامهاتنا اللي صبرو وتحملو ولين ربي اخذ امانتهم ..

انا خلص صبري والله قال لا تحملنا مالا طاقة لنا به وانا مالي طاقة خلصت وان الطلاق تحدي وصعب ومؤلم بخوض فيه لاني والله مريت باللي اصعب وامر من الطلاق وانا متزوجة وعلى ذمته ولا يوم حسسني اني متزوجة.. والله انا مستغربة كيف كنت اقول اني يمكن اظلم نفسي ظلمت نفسي وانا صابرة وياه ومتحملة وظلمت نفسي وانا ساكتة عن حقوقي وهو يعطيها لغيري .. لدرجه انه يعيش لحظات الحب والرومنسية ويبخلها علي والغريب انه كأي حيوان انا عطيتك عطيني انا اشتريت لج اشتريلي انا طلعتج المول او السينما يله عطيني ورديلي الجميل واشكريني ولو كان في امر اسجد للزوج كان خلاني ططول اليوم ساجدة له واعبده وان راح يجي دور اهله
بس يعني ابغي اسأل كيف الرجل يعطيني مصروف ويطالبني فيه وكيف يعطيني اياه كل ظ£ شهور مرة بحجة ظروفه وهو يسهر يوميا ويسكر ويرتاح وكيف هو يحبني ويسوي كل هذا ويحرمني من كل شي وفي داخله يحبني وشاريني ويهتم فيني ؟ اعتقد هاذي واحبات كل زوج ياهذ لزوجته وعياله لبس نحنا بس مرة فالسنة ومن واجبات كل زوج يصرف على عياله وزوجته شهريا ومصروف ثابته مايطالب فيه او ياخذه بعدما يعطيها او يقولها عطيتج وعطيتج صح؟ وكل زوج يجيب اكل للبيت واللي ينقص الزوجة والعيال ولو ماقدر ماقلت شي وسكت ولا زعلت وتكلمت ولا اخذت بخاطري والله ماني عارفة شو اقول وشو اخلي بس مستغربة بعد هذا كله يقولي طالبي بالخلع واتنازلي عن حقوقج احسن لاني طلاق مابطلقج .. ويبيني اتمسك فيه مثل اول واترجاه انه الا هالكلمة ولاتجرحني بهالكلام وخلاص بتحمل ذل واهانة وضرب وسب وشتم لي ولاهلي واتحمل اجوف ولدي يقولي ماما بابا ليش يضربج ويطبطب علي ويحضني وينجرح في داخله كل يوم واصير خدومة واقعد فالبيت وامرض اكثر واتعب اكثر والحين عندي ضغط افضل يجيلي السكري وراه وغيرها لين ينصلح حال زوجي ويهديه ربي ويتوب وانته يا رجل تلعب وتطلع وتسهر وتغير جوك وتروح الجيم وتروح السينما وتتحوط في سيارتك مع الشقرة والحمره وانتي حرام تروحين الصالون لانه ماعندي فلوس ؟ وحرام تحفين وحرام تتحنين وحرام تسوين مكياج وحرام لبسين لي لبس مثير وحرام وحرام .. واتحمل هذا كله بس عشانك وعشان عيالي ولين الله يفرج همك ونسكن بره ونستقر.. ويقولي انا ما اثق فيج للاسف وماقدر افكر نسكن برا انتي ماعندج شرف انتي عاهرة انتي حقيرة ونذلة انتي مو متربية .. وعشان كل هذا ماتستحقين بيت؟؟؟ بس فهموني ليش مجبورة اتحمل ؟ ليش اصبر ؟ وليش الطلاق صغب ؟ دام هذا كله يصعب على الكافر ..
 
حبيبتي لستي مجبورة تتحملي كل هذا العذاب .. الطلاق رحمة في كثير حالات
الله يعوضك خيرا من زوجك الحالي .. عموما كما قالت ام سارة باستطاعتك استشارة محامي في موضوع الخلع .. واذا لا تستطيعين الخروج فابحثي في النت عن رقم محامية واسأليها عن وضعك
الله يكتب لك اللي فيه الخير
اتسائل وين اهلك عن كل مشاكلك هذه
 
بصراحه انا استغرب من شيء واااحد،، يستفزني،،،؛

لييه صبرتي كل هالمده؟؟!!!

لييه النساء عندهم ان الحياه تكون بالزواج فقط وانه اذا ماصارت الحياه الزوجيه سعيده يعني الحياه كلها راح تكون تعيسه وبلا قيمه؟؟!!

متى نتطور ونتحرر بالتفكير؟!!

البنت تقول لكم ان ابو زوجها حاول يتحرش فيها؟!!!! يعني زنا؟؟!

من يضمن بالمستقبل ان اخو زوجها يحاول يغتصبها او ابو زوجها يحاول مره ثانيه وتحمل منه؟؟!

وقتها من راح يرحمها او ينقذها؟ زوجها؟ او الناس؟! او اهلها؟!

الكل راح يوقف ضدها والكل راح يوجه لها الاتهامات لانها امرأه والمغلوب على امرها؟!

البنت تقول لكم انه خاين وعنده علاقات محرمه و نقل لها مرض جنسي وتقولون لها اصبري عليه؟!

من يضمن لكم انه بكره ماينقل لها الايدز والعياذ بالله؟!

لما تكون المشكله سوء فهم وقتها راح نقول ان الطلاق ابغض الحلال عند الله،، لكن هذا الموضوع تعدى الحدووووووود

واضح ان زوجها مايبغاها والدليل انه قال لها تطلب الخلع عشان تتنازل عن حقوقها،،

مافكر بربه ولا باولاده همه بس يخلص من المصاريف اللي اصلا مايعطيها مصروف لكنه خايف ينجبر يعطيها بعد الطلاق،، وش تتوقعون منه؟!

طيب ليش خايفه من موضوع الطلاق!؟

انتي بتعرفي ياحلوووه ان القانون كله ضده لانه سكير وزاني ولو يعرفون عنه المحكمه او الشرطه حكمه راح يكون القتل رجما

وراح يطلقونه منك غصبا عنه وراح تاخذي الحضانه الاطفال منه غصبا عنه لانه اثبت للمحكمه انه غير صالح للتربيه،،

انتي محتاجه شهود فقط،؛؛

المفروض هو اللي يخاف مو انتي

لكن واضح انه يعرف انك جاهله بهالامور او مستسلمه،،

عزيزتي،، الحياه جنه خضراء لاتحرمي نفسك منها وثقي انك الجانب الاقوى بالموضوع، اتكلي على الله وقوي قلبك وشوفي لك محامي وانتي الرابحه باذن الله،،

وراك حياه ثانيه غير تماما عن اللي راح تعيشينها لاتدفنين نفسك،، النفس غاليه عزيزتي،،

ربي بيحاسبك يوم القيامه على ظلمك لنفسك لان ربي عطاك الدعاء والقران والتوكل عليه ومااستخدمتيهم،،



 
يجب تسجيل الدخول أو التسجيل كي تتمكن من الرد هنا.
عودة
أعلى أسفل