هذي أفكار طبيعيه لكن هنا يجي دور الانسان نفسه ويتحمك بافكاره ويسيرها للطريق الصحيح،،
بأول سنتين زواج كنت ابكي كل يوم واندب حظي واتمنى اني ما تزوجت،،
كنت أحس ان الزواج حرمني من ملذات الحياة بشتى أنواعها،،
لكني لما فهمت الانماط سنتين وانا أقرأ فيهم واطبق واخطأ واصيب،،
كانت وما زالت عندي قناعه ان في أمل طالما اني اتنفس وعيوني تشوف النور في أمل،،
نزلت بأفكاري الغربية لارض الواقع
كان الكل يسخر من بعض أفكاري ويستهزأ بها حتى قبل الزواج،،
تحديتهم بداخلي وحققت شيئا من الي ضحكوا به علي،،
صرت اشفق عليهم لانهم محلك سر واحتاجوا لي،،وهم ما دارين عاي الي يدور ف بالي
اصعب شي اني كنت اعاني من الكبت والحرمان من الطلعات وانا روحي فيه مثل الطفل الي يحب لعبه ومتعلق فيها وطول المحل وهو يبكي ويصارخ والابو يرفض بدون سبب مقنع بالنسبه للطفل!!
لو هذا الطفل كان لسانه حلووو؟؟ومن الاطفال المحاورين ؟
يقعد يقول لابوه بابا انا شفت لعبه حلووه مرره واعرفك انك راح تشتريها لي وراح تعجبك لما تشوفها بابا اللعبه تعمل كذا وكذا هههه
وانا راح العب بيها بالحوش انا وانت،،وانت راح تركبها لي صح؟
وبهذي الطريقه الاب راح يقتنع ويشتريها للطفل!!
كذلك الطلعات!!
وغيرها من متع الحياة الي يعتبرها الشوشو كلام فاضي،،،خخخ
لذلك حبيباتي لازم شوي ننزل لارض الواقع وبنفس الوقت ما نتخلى عن احلامنا ونسايس الناس لحتى نوصل للي نبغيه ،،
عناد الغربيين متعب خصوصا مع الي فيهم شماليه لكن احس انكم اكثر قدرة على الابداع لانكم تنجزون بسرعه اكبر من الجنوبيين لذلك انتوا اكثر قدرة على الانجاز والابداع في أحلك الظروف،،
